палата – Kurir.mk

Во неа биле политичари од цел свет: Оваа палата привлекува голем број туристи (ФОТО)

Катерина Бојаџиева — Fri, 10 Dec 2021 12:25:11 +0000

Палатата „Меј-Линг“ на врвот на ридот Сијаохонг во источен Нанјинг во Кина привлекува голем број туристи… Станува збор за куќа на поранешниот кинескиот генерал и државен претседател, Чанг Кај-Шекај и неговата сопруга Сунг Меј-Линг, по која зданието го добило името. Куќата има два ката и околу 2.000 квадратни метри. Изградена е меѓу 1931 и 1934 година, во класичен кинески стил со двокрилен покрив со зелени ќерамиди. Чанг Кај-Шекај и неговата сопруга тука биле домаќини на политичари од целиот свет. Кога се иселиле од неа, по 1949 година, палатата била напуштена со години. По повеќе десетлетија, во 2013 година, имотот бил целосно реновиран, поради големиот интерес на туристите. На тоа се должи и изгледот на палатата од птичја перспектива. Имено, од воздух таа сега изгледа како џиновски смарагден приврзок за ѓердан. Тоа се, всушност, дрвјата и зеленилото покрај улицата што води до дворецот.

Пронајдена голема палата на Маите кај Канкун

Ивона Петрова — Fri, 27 Dec 2019 09:55:27 +0000

Археолозите пронашле голема палата која ја користеле Маите пред повеќе од 1.000 години во стариот град Кулуба, во близина на денешното модерно летувалиште Канкун во источно Мексико. Националниот институт за антропологија и историја соопшти дека остатоците кои се високи шест метри, 55 метри долги и 15 метри широки, укажуваат дека палатата била создадена во два долги периоди меѓу 600 и 1.050 година, јавува Ројтерс. Цивилизацијата Маи на врвот е меѓу 200 и 900 година и опфаќала големо подрачје на денешно јужно Мексико, Гватемала, Белизе и Хондурас. Покрај палатата, археолозите истражуваат уште некои наоѓалишта меѓу кои олтар и остатоци од две станбени градби.

ВЕЛИЧЕНСТВЕНА УБАВИНА: Вака изгледа палатата во која се сретнаа Путин и Трамп (ФОТО+ВИДЕО)

Матеја Петровски — Mon, 16 Jul 2018 17:20:41 +0000

Американскиот и рускиот претседател, Доналд Трамп и Владимир Путин, денеска се сретнаа во една од најубавите претседателски резиденции на светот. Претседателскиот самит се одржа во т.н. Жолта куќа. Оваа претседателска палата е од 19-от век и има поглед на Балтичкото море во Хелсинки, во која порано се сретнувале претседателите на тие земји, соопштија официјалните лица од Финска. Како што се наведува ова е една од официјалните резиденции на финскиот претседател и се наоѓа во близина на близина на плоштадот Маркет. Путин и Трамп досега се сретнаа два пати, на маргините на меѓународните собири, а средбата во Хелсинки беше прв официјален состанок на двајцата светски лидери. На истото место во 1990 година се средба американскиот претседател Џорџ Х.В. Буш и претседателот на СССР Михаил Горбачов.