палење – Kurir.mk

Во Шведска одобрен собир на кој ќе се запалат Библија и Тора

Тале Кристо — Fri, 14 Jul 2023 15:40:21 +0000

Шведската полиција денеска одобри собир на кој три лица планираат да запалат по еден примерок од Библијата и Тората пред израелската Амбасада во Стокхолм, а Израел веднаш ја осуди одлуката. Во барањето испратено до полицијата, организаторот наведува дека сака да ги запали овие верски книги како одговор на палењето на Куранот организирано во јуни пред џамија во Стокхолм, што ги налути муслиманите ширум светот. Собирот треба да се одржи утре меѓу 13:00 и 14:00 часот по локално време. Полицијата наведе дека не издала одобрение за официјално барање за палење верски книги, туку одобрила јавен собир на кој ќе се изрази „одредено мислење“. - Таа разлика е важна, додаде Карина Скагерлинд, портпаролка на полицијата во Стокхолм. Собирот, сепак, предизвика остри критики од страна на Израел и еврејските организации. - Го осудив палењето на Куранот, кој е свет за муслиманите ширум светот, а денес душата ме боли од помислата дека истата судбина ја чека и еврејската Библија, вечната книга на еврејскиот народ“, реагираше израелскиот претседател Исак Херцог. Јаков Хагоел, претседател на Светската ционистичка организација, оцени дека издавањето ваква полициска дозвола не е „слобода на говор, туку антисемитизам“. На 28 јуни, Ирачанец кој избегал во Шведска запали неколку страници од Куранот пред главната џамија во Стокхолм на Курбан Бајрам, празник што го слават муслиманите ширум светот. Настанот предизвика низа реакции во муслиманскиот свет, а Советот за човекови права на ОН во средата донесе резолуција со која го осудува палењето на Куранот и изразувањето на верска омраза. Сепак, некои земји, главно западни земји, се спротивставија на донесувањето на закони за богохулење, но јасно ги осудија таквите постапки.

ВИДЕО: Татко пред своето дете запали Библија испечатена со благослов на г.г. Стефан

Ристе Здравков — Mon, 09 Jan 2023 08:37:53 +0000

Лица кои се претставуваат како верници на Македонската православна црква – Охридска архиепископија (МПЦ-ОА), од Преспанско-пелагониската епархија повикале на палење на Библиите за деца, објави „Религија.мк“. Библиите за млади, иако се од протестантски автор и се финансирани оид протестантска мисија, имаат благослов од Архиепископот на МПЦ-ОА, г.г. Стефан.

Најстарите членови на СДСМ од Јагуновце си ги палат членските книшки (ВИДЕО)

Магдалена Андонова — Thu, 30 Sep 2021 18:21:33 +0000

На социјалната мрежа Фејсбук се споделува вирално видео на кое се гледа како постари членови на СДСМ од општината Јегуновце си ги палат своите членски книшки поради незадоволството кое го имаат кон актуелниот градоначалник. Од снимката може да видиме како лицето кое си ја пали својата членска книшка вели дека е цели 30 години член на СДСМ и дека поради тоа што е „многу задоволен“ го прави ова.

- Најстарите членови на сдс од Општина Јегуновце огорчени од актуелниот градоначалник од сдс и од политиките на заев ги горат членските книшки! Иде Дунав, стои во Фејсбук објавата.

Членови на СДСМ во Радовиш на протест: Незадоволни од новиот кандидат за градоначалник си ги запалија членските книшки

Магдалена Андонова — Wed, 01 Sep 2021 13:56:46 +0000

Членови на СДСМ од Радовиш, приврзаници на актуелниот градоначалник Герасим Конзулов, вчера излегоа на протест поради незадоволството од изборот на новиот кандидат за градоначалник Коле Чаракчиев кој вчера беше најавен од партијата. Како што пренесува локалната телевизија „Кобра“, на протестот било запалено партиското знаме а се палеа и членски книшки. Видеото може да го погледнете ТУКА.

МОРБИДЕН НАСТАН ЈА ТРЕСЕ РУСИЈА: Го натерала 8-годишниот син да пие бензин па го запалила – сето ова го гледала неговата сестра!

Магдалена Андонова — Thu, 18 Mar 2021 12:44:25 +0000

Полицијата во Русија ја уапси Анастасија Баулина (31) под сомнение дека го убила нејзиниот осумгодишен син. Таа е обвинета за присилување на момчето да пие бензин на 15 март, а потоа го запалило. Детето починало во болницата во Курск од повредите. Според медиумите, Анастасија го запалила својот син Андреј затоа што му се налутила бидејќи му кажал на неговиот очув дека нејзиниот љубовник доаѓал во куќата. Прво се скарала со својот син, а потоа го извадила во дворот, каде што насилно му ја отворила устата и му полила бензин низ грлото. После тоа, таа го запалила детето. - Плачеше додека го принудуваше да проголта бензин - сведочеше постарата сестра на Андреј, Наташа (12). Девојчето започнало да вреска и да бега, а очувот на малото момче набргу влетал во дворот и започнал да го гасне огнот, повикувајќи помош. Момчето починало по два дена во болница од повредите. - Ја видов на автобуската станица. Се расправаше со сопругот, а децата ги изнесе надвор - изјавила за медиумите сосетката Нина Четверикова. Доколку биде осудена, на Анастасија и се заканува 20 години затвор. Во исто време, започна друга истрага, која треба да утврди зошто малиот Андреј, кој веќе еднаш бил одземен од неговата мајка, повторно бил вратен во семејната куќа.

7.000 евра казна за главниот обвинет за палењето на бугарското знаме во Вевчани – другите двајца по 5.000 евра

Магдалена Андонова — Tue, 16 Mar 2021 14:48:37 +0000

Основното јавно обвинителство Струга, по спроведена претходна постапка, поднесе Предлог за издавање казнен налог за три лица за кривично дело – Повреда на угледот на странска држава од член 181 од Кривичниот законик. Обвинетите, на 14 јануари, за време на самоиницијативниот собир на граѓани по повод верскиот празник Св.Василиј во Вевчани, со намера за исмејување јавно го изложиле на подбив знамето на Република Бугарија. Еден од нив го запалил знамето, а останатите двајца го кревале и замавнувале со запаленото и подгореното знаме. Јавниот обвинител на Основниот суд во Струга му предложи на првообвинетиот да му изрече парична казна од 100 дневни глоби со поединечна вредност на дневната глоба од 70 евра во денарска противвредност, додека за останатите двајца обвинети се предложени парични казни од по 100 дневни глоби од по 50 евра во денарска противвредност.

Струшкото ОЈО оформи предмет за запаленото бугарско знаме на карневалот во Вевчани

Тале Кристо — Fri, 15 Jan 2021 14:13:37 +0000

Основното јавно обвинителство Струга оформи предмет по допрен глас во врска со написите во одредени медиуми дека за време на одржувањето на Вевчанскиот карневал било запалено знаме на Република Бугарија. Како што соопшти ЈОРМ, предметот е оформен со цел да се испита постоење на кривично дело „повреда на угледот на странска држава“ од член 181 од Кривичниот законик. – Притоа, надлежен јавен обвинител издаде наредби до СВР Струга со цел утврдување на идентитетот на сторителот, како и идентификација на други присутни на настанот. Во исто време, по наредба на јавен обвинител ќе бидат обезбедени евентуалните снимки од камери на кои е регистриран инцидентот, а ќе бидат преземени и други дејствија за расчистување на кривично – правниот настан, се наведува во соопштението. По палењето на бугарското знаме на карневалот во Вевчани, Софија упати вербален демарш, за што информираше бугарската министерката за надворешни работи, Екатерина Захариева. Осуда за чинот изразија и шефот на државата Стево Пендаровски и нашето МНР, а МВР информира дека работи на целосно расчистување на случајот со палењето на бугарското знаме во Вевчани што се случи вчера на последниот ден од карневалот.

Белгија протера петмина Данци заради планови за палење на Куранот

Тале Кристо — Fri, 13 Nov 2020 07:55:25 +0000

Белгија протера на една година петмина дански крајно десничарски активисти поради нивните планови за палење на Куранот во муслиманскиот дел од Брисел. Државниот секретар за азил, Сами Махди, ова го нарече „сериозна закана за јавниот ред“, пренесува Би-Би-Си. Според нивната страница на Фејсбук, петмината биле соработници на данскиот крајно десничарски политичар Расмус Палудан. Палудан во средата беше протеран од Франција откако на 30 октомври на Фејсбук напиша дека му соопштил на францускиот конзулат во Копенхаген дека на 11 ноември ќе го запали Куранот пред Триумфалната капија во Париз. Во изјавата не се споменува Палудан, но се вели дека „неодамна беше уапсен друг маж во Франција од истата причина“. Приврзаниците на Палудан во август во јужниот шведски град Малме, исто така, го запалија Куранот, предизвикувајќи насилни протести и судири со полицијата.

Вооружени и маскирани лица го запалиле грчкото знаме во Албанија

Магдалена Андонова — Wed, 02 Sep 2020 08:05:42 +0000

Во албанското приморско гратче Ксамил синоќа е запалено грчкото знаме, јави дописничката на МИА. Во видеозаписот објавен на социјалните мрежи а го преземаат и медиумите се гледаат три лица кои се вооружени, маскирани и облечени во војничка униформа, како го палат грчкото а го развејуваат албанското знаме. На објавата уште пишува „Порака за Грците од југот на Албанија. Морето е наше“ (Ксамил). Вандалскиот чин се случува во време на дебата околу морската граница меѓу двете земји, по најавата дека Грција се проширува во Јонско Море за 12 милји. Полицијата почнала истрага за настанот.

Кој го пали светлото, а кој автомобилите? Ќе отвори ли Рускоска истрага против нарачателите?!

Тале Кристо — Sun, 05 Jul 2020 14:06:24 +0000

Мафија владее со Република Македонија. Вчерашните аудио материјали тоа го потврдуваат. Вчера бевме сведоци и ние и целата јавност како член на подземјето Горан Димовски од Битола викан Тушникот, човек најверојатно со сомнително минато, а не академско, кажува јасно и гласно дека добил зелено светло директно од Вице Заев, брат на Зоран Заев кој беше премиер на државата и претседател во моментов на СДСМ, да запали автомобил на некој кој не е член на СДСМ, само и само да го потисне и да му упати порака со закана и не само него, ами ќе ги потиснел и сите други кои што не биле за СДСМ ‘ вака ВМРО-ДПМНЕ денеска ја оцени вчерашната бомба на која можеше да се слушне како со амин на Заеви, пишува Република.мк. Од 2017 година навака јавноста често слушаше за запалени возила кои никогаш не се откри кој е сторителот. Во аудио бомбата се слушаат два гласа за кои се тврди дека се на Стојче Чифлигароски, сопственик на СВ Инвест, фирма која се доведуваше во корелација со семејството Заеви и една од добитниците на тендерите во Рек Битола и блиска до Вице Заев и извесен Горан Димовски од Битола викан Тушникот и во која Тушникот се фали дека добил зелено светло од Рашо кој најверојатно е Радиша Бојовиќ зет на Зоран Заев, а ќе оствари средба со братот на Зоран, Вице Заев за да се запали автомобил на човек од Битола затоа што тој бил од ВМРО-ДПМНЕ. Во следниот текст се дел од возилата кои гореа во последните неколку години. Повеќе прочитајте на Република