Минов: Двојазичност каде што има нула Албанци не значи унапредување на правата на Албанците бидејќи таму нема Албанци

Ивона Петрова — Tue, 20 Mar 2018 08:18:49 +0000

Ваков закон каков што се донесе на целата на територија во сите органи на сите нивоа, каде што има нула Албанци како што се Кавадарци, Тиквешијата или источна Македонија, тоа не е унапредување на правата на употребата на мајчин јазик на Албанците бидејќи таму нема Албанци, изјави пратеникот Панче Минов од ГРОМ во „Топ Тема“ на Телма Телевизија. Минов потенцираше дека никогаш правата и слободите на Албанците не биле загрозени од страна на Македонците и дека ниту неговата партија ГРОМ ниту коалицијата „За подобра Македонија“ не се против унапредување и усовршување на употребата и остварување на албанскиот мајчин јазик. - Многу е битно да се потенцира дека текстот на тие права и слободи на Албанците односно албанската заедница кои што живеат во Република Македонија по уставната формулација како категорија од страна на мнозинската национална заедница Македонците ни во еден дел, ако сакате и во партијата во која што припаѓам ГРОМ и коалицијата во која што припаѓам „За подобра Македонија“ и во пратеничката група и во огромен дел на граѓанство не се против унапредување и усовршување на употребата и остварување на албанскиот мајчин јазик, вели Минов. Во врска со тоа што е уставно во законот, а што не е, тој истакна дека дел од неуставноста на овој закон е тоа што со просто мнозинство од 61 пратеник се донесуваат измени на закони кои регулираат проблематика системски карактер и се носат со двотретинско мнозинство. - Овој закон нема да ја доживее имплементацијата на спроведување во праксата затоа што не одговара на вистинските интереси и на Македонци, а и на Албанците, бидејќи на Албанците многу други работи им се поважни, нагласи Панче Минов.

панче минов – Kurir.mk

Минов: Двојазичност каде што има нула Албанци не значи унапредување на правата на Албанците бидејќи таму нема Албанци