Панче Тошковски – Kurir.mk

Тошковски: Народот нема доверба во власта, бидејќи од ден во ден се повеќе лаже, велеа дека сме почнале преговори уште пред 4 години, а сега не убедуваат да смениме Устав

Ристе Здравков — Tue, 04 Jul 2023 07:32:16 +0000

„Власта пред четири години кажа дека сме почнале со преговори со Европската Унија, за сега да не убедува дека треба да смениме Устав, за да почнеме преговори. Затоа народот нема многу верба во оваа власт бидејќи власта континуирано од ден на ден лаже, не ја кажува вистината, ја манипулира јавноста и се труди да го дефокусира македонскиот народ од се освен од оние теми кои се од интерес за нив“, изјави претседателот на Комисијата за правни прашања на ВМРО-ДПМНЕ Панче Тошковски во гостување во емисијата „Заспиј ако можеш“ на Телевизија Алфа. Тој додаде дека луѓе кои не ја сакаат државата не може ниту да ја менаџираат. Тошковски посочи дека луѓето што ја менаџираат државата не работат, не се професионални, не ја сакаат државата и затоа сме на ова дереџе на кое што сме. „За да дојдеме до нормални вредности и да направиме разлика на што е добро и лошо треба да се вратиме на нашата традиција од нашите предци и да ги вградиме во делот на професионалност, нови идеи и пред се да си ја сакаме и вратиме на државата Република Македонија, што ни овозможила да функционираме“, кажа Тошковски. Тој е дециден дека основната теорија на луѓето кои денеска се власт во Република Македонија е да чекаат да дојде некој од некаде и да ја просветли Македонија.

Тошковски: Не само ВМРО-ДПМНЕ, туку и значајни претставници на меѓународна заедница констатираат дека власта е криминална и корумпирана, а судството политизирано

Ристе Здравков — Wed, 28 Jun 2023 08:42:55 +0000

Владеење на право и правна држава ги нема и секој граѓанин чувствува правна несигурност и затоа луѓето сакаат да си одат од тука, рече адвокатот Панче Тошковски, претседател на Комисијата за прави прашања на ВМРО-ДПМНЕ говорејќи на денешната трибина во рамки на акцијата Пораки од реалниот живот - Ова е Македонија за сите, а насловена Криминал и корупција. Тошковски посочи дека последниве недели се дополнително интересни затоа што освен што ВМРО-ДПМНЕ како партија што зборуваше за непочитување на принципите на владеење на правото сега за истото говорат и претставници на меѓународната заедница. „Оттука значи дека ова не е перцепција само на ВМРО-ДПМНЕ, туку и огромен дел од меѓународната заедница или и таа констатира дека она што ние сме го збореле и тоа како е така“, рече Тошковски. Адвокатот се осврна на примерите или на случаите во кои претставници на меѓународната зборуваат за корупција и криминал. „Прво холандскиот амбасадор рече нелегитимно тело, а мислеше на Судскиот совет, а сите знаме каков циркус настана таму. Тој кажа и дека ќе се повлечат сите проекти кои финансираат обуки и јакнење на судството. Тоа е фрапантна изјава, а власта не реагираше. Сега гледаме излегува австрискиот амбасадор и бара помош, јавноста да го сврти вниманието за предмет каде 4.5 милиони евра австриска компанија не може да наплати, и обвинува нотари, обвинители, судот извршители, затоа што компанијата од каде треба да се наплати побарувањето била сопственост на братучетка на екс премиер, Зоран Заев. Пентагон вели дека фокусот треба да е владеење на право и правна држава, имаме црни листи на САД“, посочи Тошковски. И заклучокот е дека ВМРО-ДПМНЕ не е најгласен, вели тој, туку оној на кој се крстат овие од власта, а тоа е меѓународниот фактор. „Артан Груби во меѓувреме обвинува медиуми за извртување на јавноста за лажење. Единствен начин каде било кој може да отвори вакво прашање се медиумите и така е зошто не ни остана ниту еден друг институт. Многумина пак кои сакаат јавно да зборуваат за непостапување трпат последици, јавни обвинители кои проговорија добија дисциплински постапки или секој кој ќе ја критикува власта сноси последици“, заклучи Тошковски.

Тошковски: Дамева без разлика каква и да била, сменета е на дивјачки и незаконски начин

Катерина Бојаџиева — Thu, 27 Apr 2023 19:37:57 +0000

Смената на веќе претходната претседателка на Судскиот совет, Весна Дамева без разлика каква и да била е сменета на дивјачки, незаконски и спротивен начин од она што го предвидува законот, Деловникот за работа на Судскиот совет. Постапката е спроведена без правен основ, рече адвокат Панче Тошковски од ВМРО-ДПМНЕ на вечерашната дебата „24 анализа“ што се емитува на телевизија 24. Според него се крие во јавноста вистинската причина за разрешување на Дамева и се вели дека тоа е затоа што го криела писмото од американската амбасадорка. „Како не им е срам да кажуваат вакво нешто. Што мислат дека ние нафта пиеме, како злоупотребуваат име на амбасадор во насока на затскривање на вистинската причина за разрешување на Дамева. Претходната претседателка на Судскиот совет која беше пред Дамева, Павлина Црвенковска даде оставка поради влијание од политичко-бизнис елита, оваа заминува вака на овој крајно незаконски начин. Дали ова значи дека сме го допреле дното, дали има поголемо дно од ова“, посочи Тошковски. Адвокатот Тошковски посочи дека ова што се случи во Судскиот совет, разрешувањето на Дамева кое беше вчера на 26 април, претходниот ден беше најавено на еден портал. „Порталот од нивни блиски извори добиле информација дека пет членови веќе се договориле да биде разрешен претседателот на Судскиот совет и се договориле дека причината за разрешувањето е тоа што претседателот сакал да стави на дневен ред точка за разрешување на судијата кој држел одреден предмет девет месеци во фиока во Апелацискиот суд. Исто така пишуваше и дека недостасуваат двајца членови од Судскиот совет кои се во фаза на обработка, на дел од нив се делува дипломатски, а на дел со културни закани по семејствата, така стоеше во порталот. Наредниот ден имаме седница на Судскиот совет и се случува разрешувањето. И таа се разреши со незаконито мнозинство“, укажа Тошковски. Тошковски го праша Мирослав Вујиќ, исто така адвокат, кој е дел од тимот на СДСМ, кој беше дел од дебатата на телевизија 24, кога ќе дојде она што го ветуваа „нема правда, нема мир“. „Велевте нема правда, нема мир, ова што се случува сега што е. Кога ќе дојде тоа вашето нема правда, нема мир“, рече Тошковски.

Тошковски: Сите предложени кандидати за Уставни судии од страна на ВМРО-ДПМНЕ се професионалци во својата работа

Ивана Ефремовски — Sat, 24 Sep 2022 08:03:21 +0000

„Од власта не можат да сфатат дека во ВМРО-ДПМНЕ има демократски капацитет, има доволно критична маса која што може да даде предлог еден, два, три и така натака, меѓутоа сите оние предлози кои што ги предложи ВМРО-ДПМНЕ за Уставен судија во најмала рака се пет пати поквалитетни од сите заедно тројцата кои што ги предложи како кандидати СДСМ“, истакна Панче Тошковски, правник и претседател на правната комисија на ВМРО-ДПМНЕ во вчерашното гостување во емисијата „Вечерното шоу на Богдан Илиевски“ на Алфа телевизија. Тошковски додаде дека предлозите на ВМРО-ДПМНЕ за Уставни судии не се поврзани со партијата. „Факт е дека професорот Саво Климовски не е дел од ВМРО-ДПМНЕ ниту пак бил дел од ВМРО-ДПМНЕ. Факт е ниту Вишиот обвинител Тодор Витларов, ниту пак Војо Димоски се дел од политичката структура“, појасни Тошковски. Тој посочи дека факт е дека сите предложени кандидати за Уставни судии од страна на ВМРО-ДПМНЕ се професионалци во својата работа, а тоа власта не може да го оспори. Вели дека токму предлозите на ВМРО-ДПМНЕ за Уставни судии заслужуваат најмногу да бидат дел од Уставниот суд. „Факт е неспорен земајќи ја во предвид Кацарска, земајќи ја в предвид претседателката на Судскиот совет, земајќи ги в предвид буквално сите оние во најголем дел околу 95% функционерите кои што се ставени во овој мандат истите се наградени за одредена послушност која што ја извршиле спрема оваа власт. Не може некој судија кој што пред шест месеци се констатира дека постапува неуставно да го избереш за претседател на Уставен суд. Кај го има тоа“, запраша Тошковски. Тој дури рече дека сите оние кои што не се послушници на власта се казнети. „Уставен суд е многу добар пример за наградени послушници, според власта кој слуша ќе заврши како Уставен судија, а кој не ги слуша желбата на власта ќе добие кривична пријава. Власта пораката што ја упатува особено на младите е ако слушате без оглед на вашите квалитети и ако се потчинувате, и ако продавате национални интереси, ако затворате луѓе во притвор без законски основи, ако постапувате во целост како што ќе ви каже власта тогаш добивате награда. А, ако критикувате или пак не слушате тогаш добивате казна“, нагласи Тошковски.

Тошковски: Во вештачењата на Управата за јавни приходи не постои долг за кој се терети фирмата Алфа Скоп

Магдалена Андонова — Fri, 04 Mar 2022 18:11:51 +0000

Адвокатот Панче Тошковски во гостување на емисијата Што не јасно на ТВ Алфа, вели дека верува дека има технички пропуст од страна на Управата за јавни приходи во однос на обвинувањата дека мајката фирма на Алфа, Алфа Скоп за даночно затајување, посочувајќи дека од вештачењата кои што тие го направиле не постои таков долг за кој се терети. - Јас морам да кажам за наводен долг, бидејќи вештаците се тие кои што треба да го утврдат дали е така или не е така, согласно вештачењето кое што ние го имаме односно нашето вешто лице тврди дека таков долг не постои, е донесено решение кое што за одредена сума Алфа Скоп е задолжена да исплати на име на даночен долг, при што оваа сума како долг произлегува од дејствија кои што се сторени заклучно со 2013 односно 2014 година. И во однос на таквите решенија и во однос на таквиот долг кој што е констатиран од УЈП и во рамки на управна постапка е донесена конечна и правосилна пресуда, отпочната е кривична постапка која што се води исклучиво против правното лице по обвинителен предлог од страна на ОЈО, каде што во рамки на оваа постапка имаме две контрадикторни вештачења, вели Тошковски. - Моментално сме во фаза да судот очекува да биде доставено до него супер вештачењето кое што ќе треба да ги расветли нејаснотиите и контрадикторностите од страна на двете вештачења, едното кое што го изработи ОЈО, другото кое што беше изработено по наше бара и се надеваме, односно ние сме убедени дека во таа постапка ќе ја докажеме невиноста на Алфа Скоп, додаде тој. Тошковски смета дека судот ќе ги прифати доказите што ќе ги достават и ќе донесат ослободителна пресуда, бидејќи како што рече тој не може да му се суди на сегашниот управител за дејствија за кое тој тогаш не бил на позиција и не бил во можност да ги направи. - И на крајот сме убедени дека судот од доказите кои што ќе бидат изведени ќе се увери во нашата невиност и ќе донесе ослободителна пресуда во однос на Алфа Скоп, затоа што е сторена техничка грешка во начинот на пресметка на долгот кој што наводно постои спрема државата, истакна Тшоковски - Во делот на денешниот управител на Алфа Скоп, дејствијата кои што се преземени и за кои се води оваа кривична постапка се за дејствија до 2014 година кои што биле преземени, едноставно кажано сегашниот управител не бил на таа позиција. Не можел да стори нешто бидејќи не бил на позиција за да го стори. Сакам да верувам во правна држава и правен систем, за кое денеска се поретко го гледаме и сакам да верувам дека УЈП ова го има сторено како техничка грешка, не посветувајќи внимание на тоа кој бил управител во кој временски период, но едноставно не возможно е некој да има вина пред да се роди. Ако сегашниот управител станал управител во 2016та година, не возможно е да одговара за 2013 година, рече адвокат Тошковски.

Тошковски: За случајот Шпански скали се закажуваат по пет рочишта во месецот, а за Рашковски едвај едно, тоа е селективноста и нееднаквоста

Дарко Андоновски — Fri, 04 Mar 2022 18:08:15 +0000

Во шпански скали конкретно без никакво вештачењето дека е сторен еден денар штета на буџет на Република Македонија или било кого луѓето беа ставено четири месеци во притвор, вели адвокатот Панче Тошковски, во гостување во емисијата Што не е јасно на телевизија Алфа. Тошковски нагласи дека најголем проблем е селективната правда, бидејќи за едни се постапува на еден начин, за други на друг начин, додавајќи дека во случајот Шпански скали судот за два дена донесе решение за притвор на обвинетите, а се закажуваат по четири до пет рошишта во месецот, додека пак во случајот за поранешниот генерален секретар Драги Рашковски се закажува едно судско рочиште во месецот. -Во експресен интервал временски во рок од два дена со пуштање на кривична пријава од страна на министерството за внатрешни работи, јавен обвинител изготвува предлог за отворање на кривична постапка, го доставува до судот. Судот ја започнува кривичната постапка и носи решение за притвор. Значи за два дена. Пазете колку експресно функционира правосудниот систем во државата, односно едноставно кажано кога некој има некаков си интерес судот постапува за два дена и луѓето ги става во притвор, а притоа нема никакво економска вештачење, истакна Тошковски. Во шпански скали во притвор не се терористи, не станува збор за некои кривични дела кои што може да се повторат, или да загрозат безбедност, може да има негативно влијание врз јавниот интерес од енормни размери. Значи тука станува збор за нотар, за државни службеници кои што се професионалци и кои што работеле во министерство, но и сите тие биле под рамки на некое функционирање кое што претходно било окарактеризирано како режим и заради тоа тие два дена се во притвор, додаде тој. -И сега во овие предмети темпото на работење во еден месец имаме четири до пет рочишта, а во предмети каде што нема таков притисок или нема таква потреба за да се заврши најбрзо што може како што е за Рашковски, се закажува едно рочиште во месец дена, едно рочиште на месец ипол. Проблем е нееднаквоста, бидејќи за едни се постапува на еден начин, за други се постапува на друг начин. Ужасен проблем е нееднаквоста. И за жал судот не ги штити правата на обвинетите во рамки на постапките кои што се спроведуваат еднакво за сите, потенцираше Тошковски.

Тошковски: Мицкоски заедно со ВМРО-ДПМНЕ ќе стори се што е во можност да се има една нормална држава во која што ќе има владеење на правото, еднаквост во рамките на целокупното општествено работење

Дарко Андоновски — Sun, 12 Dec 2021 17:06:56 +0000

„Исполнети се сите критериуми согласно статутарните одредби и има повеќе од 2/3 од делегатите кои што се присутни во рамки на овој Конгрес, така да очекувам дека за кратко време ќе заврши гласањето и очекувам силна поддршка на сегашниот претседател проф. д-р. Христијан Мицкоски за избор на старо нов претседател на ВМРО-ДПМНЕ“, истакна Панче Тошковски од ВМРО-ДПМНЕ во вестите на МРТ. Тошковски додаде дека силната верба и љубов во Македонија е она кое што го отсликува претседателот Христијан Мицкоски, досега, но и понатака исто така ќе остане. Мицкоски заедно со ВМРО-ДПМНЕ ќе стори се што е во можност да се има една нормална држава во која што пред се првин младите кои што и те како се отселуваат во последно време ќе останат овдека, да граѓаните имаат држава во која што ќе има владеење на правото, држава во која што ќе се овозможи еднаквост во рамките на целокупното општествено работење како во економијата така и во рамки на сите сфери кои што го опфаќаат општественото битување во рамки на Република Македонија. „Христијан Мицкоски и те како покажа дека може да биде лидер кој што ќе обединува. Христијан Мицкоски и те како покажа може да биде лидер кој што може да создаде единство во партијата. Христијан Мицкоски во последните четири години покажа дека е оној кој што ги оствари целите заедно со партијата од аспект на нејзино обединување“, укажа Тошковски. Тошковски посочи дека тој е силно убеден дека Христијан Мицкоски во наредните четири години, за многу брзо ќе седне на премиерското столче и конечно ќе овозможи во оваа држава да се зборува за нормални работи, да се зборува за економски напредок, да се зборува за правда, да се зборува за сето она кое што го заслужуваат граѓаните на Република Македонија.

Тошковски: Тужбеното барање на Русковска е неосновано

Магдалена Андонова — Wed, 23 Sep 2020 13:49:26 +0000

Денес се одржа подготвително рочиште во кое што шефот на Јавното обвинителство за организиран криминал и на корупција, обвинителката Вилма Русковска во својство на тужител по поднесена тужба против ВМРО-ДПМНЕ како политичка партија и Коалицијата „За обнова на Македонија“, Игор Јанушев како овластен претставник на Коалицијата и г. Христијан Мицкоски како претседател на политичката партија ВМРО-ДПМНЕ, на кое што беа презентирани дел од доказите од страна на тужителката, изјави денес адвокатот Панче Тошковски. -При што морам да потенцирам две работи кои што се битни за нас. Првата работа поради која што цениме дека тужбеното барање во целост е неосновано, е заштитата на членот 10 од Европската Конвенција за човекови права, слободи и права, односно потребата од почитување на правото за слободно изразување на мислата. Особено на критичката мисла која што е насочена кон работењето на државните органи и на власта во Република Македонија. Се поставува прашање што е побитно? Дали јавниот интерес, дали потребата граѓаните да бидат информирани, потребата на граѓаните на Република Македонија да можат да постават одредени прашања во саркастични и провокативна форма?, прашува тој. -И воедно заштитата на членот 10, или заштитата на приватната репутација на еден јавен функционер која што патем е платена од пари на граѓаните на Република Македонија, извршувајќи ја функцијата како што ја извршува обвинителката за организиран криминал, заклучи Тошковски.

ЦК на ВМРО-ДПМНЕ: Статутарни измени со кои се ограничува мандатот на претседателот на партијата

Ристе Здравков — Tue, 21 Jul 2020 20:35:46 +0000

ЦК на ВМРО ДПМНЕ на вечерашната седница донел две крупни одлуки, соопшти на прес – конференцијата, соопшти Панче Тошков, претседател на статутарната комисија на ВМРО-ДПМНЕ. Првата одлука била донесена едногласно и со неа се овластува лидерот на партијата да води преговори за формирање на владеачко мнозинство. Втората одлука е за повеќе статутарни промени со кои се придонесува за демократизација на партијата. Со овие промени се ограничува мандатот на претседателите на партијата на 4 години, со право на реизбор уште два пати, но под услов третиот пат да биде избран со гласовите на 2/3 -тини од членовите на партиските органи и тела. ВМРО-ДПМНЕ ја укинува и функцијата почесен претседател и отсега ниту Груевски ниту Георгиевски ја немаат таа функција.

Тошковски: Повеќе од половината донесени уредби немаат врска со Ковид-19

Дарко Андоновски — Sat, 25 Apr 2020 11:44:06 +0000

Адвокатот Панче Тошковски преку статус на Фејсбук прашува дали СДСМ со неуставниот обид за свикување на самораспуштено Собрание всушност сака да ги одложи изборите? -Дали СДСМ со неуставниот обид за свикување на самораспуштено Собрание всушност сака да ги одложи изборите? Колку е уставен и законит обидот за повторно активирање на Собранието, навистина мислам дека е досадно да се напоменува секојдневно, особено кога скоро сите експерти од областа ќе го истакнат истото повеќепати. Факт е дека повеќе од половината донесени уредби со законска сила од страна на Владата во оваа вонредна состојба немаат никаква врска со COVID-19, туку еве на пример со исплата на заостанати плати на вработени во непостоечка институција (СЈО) и вака на прв поглед можеби држи тезата дека СДСМ сака овие незаконски одлуки да проба да ги помине уште сега и дека токму заради тоа сакале да го воскреснат самораспуштеното Собрание. Но сепак мое мислење е дека зајакот не лежи баш во оваа дупка туку е скриен во некоја другаи тоа малку подлабоко! Интересни се тезите кои СДСМ пробува да ги наметне како чаршиски муабети дека тие сакаат брзи избори, затоа што економските мерки на Владата за време на вонредната состојба биле одлични, Филипче бил топ, а рејтингот нивни бил врв. Е сега сите многу добро знаеме каков ефект имаат економските мерки, колку Филипче е топ ( и покрај тоа што морам да признаам дека човекот го бива за портпарол, смирен, сталожен, без посебна гестикулација со раце или фацијална експресија кога лаже, тоа нема збор), а пак за рејтингот на СДСМ навистина не сакам да губам време воопшто. Можеби грешам ќе каже времето но навистина ми нема никаква логика да се воскреснува собранискиот состав кој и ги нанесе најголемите штети во историјата на мајка Македонија (со чесни исклучоци на пратениците кои не се продадоа или пак не потклекнаа на рекет уцени и закани) Ова е само обид да се прикаже под превезот на јакнење на демократските капацитети на едно општество со враќање на пратениците во Собранието, дека СДСМ е партија која и мисли добро на Македонија и ги враќа назад пратениците во Собрание. Но тоа се пратеници кои самите го вратиле мандатот на граѓаните и немаат никаков легитимитет да бараат да се вратат. Жално е и по 29 години постоење на СДСМ да не сфатат дека легитимитетот се црпи од народот а не од политичарите!, стои во неговиот пост на Фејсбук. https://www.facebook.com/pance.toskovski/posts/10219915926681642