Панчо Минов – Kurir.mk

Пратеничката група на ВМРО-ДПМНЕ остварија средба со пратениците на БЕСА и пратеникот Панчо Минов

Магдалена Андонова — Wed, 02 Feb 2022 15:16:56 +0000

Би сакал да информирам дека денес како Пратеничка група на ВМРО-ДПМНЕ остваривме средба со пратениците од Пратеничката група на БЕСА и остваривме средба со пратеникот Панчо Минов кој што е потписник на предложениот закон за една изборна единица. Со колегите пратеници од БЕСА сме на заеднички став дека треба да има измени во изборниот модел со тоа што разликите се во бројот на изборни единици, изјави денеска за медиумите пратеникот Антонијо Милошоски. Тој истака дека ВМРО-ДПМНЕ смета дека би било подобро да биде една изборна единица додека ставот на БЕСА е дека три изборни единици. - Со пратеникот Панчо Минов имаме заеднички став околу тоа дека една изборна единица би била успешен и репрезентативен модел за целата држава и за граѓаните со тоа што би се разговарало за изборниот праг кој што во моментов не е утврде, но главната заложба на сите средби е предложениот закон за измени во изборниот модел кој што во моментов се чува во фиоката на спикерот Талат Џафери да излезе и да почне со собраниска процедура и да имаме јавна дебата за истиот закон. Предложените закони не треба да се кријат, треба да се дискутираат, а мнозинството пратеници ќе си одлучат кој закон смета дека е поволен и граѓаните ги претставува на најдобар можен начин во законодавниот дом, појасни Милошоски.

СДСМ и Панчо Минов се ,,црна чума” за лозарите!

Тале Кристо — Sat, 13 Feb 2021 13:14:24 +0000

Регионалното здружение Тиквешки лозаро овоштари на прес конференција реагираа поради лагите кои им ги пласираат од владата поради ниската откупна цена на грозјето, неисплатените субвенции уште од пред три години, измамата со откупеното грозје за вински дестилат а сега преработено во вино од некои винарии, катастрофалното менаџирање со водостопанското претпријатие кое не може да им достави вода на земјоделците, како и стратегијата за откуп и цената за реколтата 2021 година. Со владата требаше да разговараме денес, меѓутоа по којзнае кој пат избегаа од средба со лозарите и истите ги оставаат во неизвесност за тековната производна година. Лозарите реагираат што и СДСМ за три години смени тројца министри за земјоделство кои биле непознавачи на приликите на целокупното земјоделие во државата.

ВИДЕО: Минов заборави што му е свето, па се најде на пратеничката листа на СДСМ

Ивона Петрова — Tue, 10 Mar 2020 11:13:19 +0000

И светоста не е веќе толку света кога се работи за позицијата на пратеничките листи. Некогашниот пратеник на ВМРО-ДПМНЕ, Панчо Минов и силен противник на политиките на Зоран Заев очигледно заборави дека за сегашниот негов лидер велеше дека не го бива. Минов си најде место на пратеничките листи кои вчера ги објави СДСМ. Тој се наоѓа на петото место во четвртата изборна единица која ја предводи токму Заев. Минов стана дел од пратеничката листа на партијата предводена од, како што велеше тој, човек кој го навредувам народот и кој политички пропаднал. Минов говореше и дека се бори и залага за националните интереси што е неговата светост, односно Република Македонија. -Заев не го бива бе. Јас не му се давам нему, а не со Груевски да се мери држава да води. Кичма ќе виткам, знае ли тој дека кавадарчани се револуционерен народ. Бива ли тоа во Кавадарци да се зборува двојазично? Ние дијалектот не го менуваме, не јазик двојазичен. Кој не гласал за него бил грд човек. Гледа ли тој убаво? Кавадарчани и тиквешани се убав свет и згора на тоа ќе се согласел да се прошири рамковниот договор, како за Муртино да разговара. Ептен пропадна политички, ептен ја претера. Ние сме само за заштита на националните интереси, за нашата светост, а тоа е државата Република Македонија, велеше Минов пред голем број граѓани на митингот на ВМРО-ДПМНЕ во Кавадарци во изборната кампања во 2016 година. Тој гласаше за уставните измени за промена на името и ја напушти пратеничката група на ВМРО-ДПМНЕ.

Синот на пратеникот Минов вработен во Собрание непосредно пред гласањето за ЗЈО: Се повторува уценувачкото сценарио од уставните измени

Ивана Ефремовски — Sun, 09 Feb 2020 14:26:23 +0000

Синот на Панчо Минов вработен во буџетска канцеларија во Собранието, непосредно пред гласањето за усвојување на Законот за јавно обвинителство, дознава Република. За ваквата информација од Република побарале потврда од пратеникот Минов. -Да, вработен е преку фондација. Мојот син нели треба да се вработи некаде, рекол Минов, негодувајќи што, како што кажа, му поставувале приватни прашања. Не се знае дали е дел од пакет понудата за да гласа за законот за обвинителство. Минов одбегна да каже од кога неговиот син го добил работното место. -Вработен е, ајде чао, рече Минов. Дали се повторува приказната од уставните измени со кои беше сменето уставното име, кога беа буквално купени пратеници за да се протурка ваквото решение. Не се знае дали вработувањето на синот на Минов е дел од пакет понудата за да гласа за законот за обвинителство, но фрла сомнеж дека се подготвува истото сценарио. Не е спорно што синот на Минов се вработил. Спорно е што се вработил во Собрание, а според информациите, непосредно пред гласњето. Уште поспорно ќе биде доколку се Минов гласа За за законот за ЈО што сака насила да се донесе. Република вчера објави дека повеќе политички партии брифираат дека притисоците врз пратениците и трговијата со гласовите се случува само десетина часа откако лидерот на СДСМ Зоран Заев изјави дека до раните утрински часови правел консултации за да обезбеди 80 пратеници за усвојување на новиот закон за Јавно Обвинителство. Слично како и кога се гласаа уставните измени, во игра се и ветувања за милионски суми за пратеници кои ќе го дадат својот глас за новиот закон за ЈО. Во случај да одбијат, за дел од пратениците во игра се и закани дека може да одговараат за тешки кривични дела. Вакво нешто слично се случуваше кога се гласаше промената на уставното име на државата. Во трговијата се вклучени и други бенефиции како вработувања за блиски луѓе на тие што ќе гласаат, но и ветувања за добивање тендери за фирми блиски на пратениците. Извор: Република

Минов до Николовски: До каде е постапката на обештетувањето на земјоделците од тиквешијата?

Катерина Бојаџиева — Thu, 31 May 2018 11:11:41 +0000

Пратеникот Панчо Минов на денешната седница на Собранието изрази незадоволство во однос на процентот на исплата на штетите кои се наменети за земјоделците- лозари во тиквешкиот период. Штетите од мрзнење на земјоделските производи во тиквешието во 2016 година изнесувал 60% додека утврдената штета изнесувала само 10%. Минов го праша министерот Љупчо Николовски до каде е постапката за исплата на штетите, па макар и од 10%. -До каде е постапката на обработка на податоците, каква одлука се очекува да министерството предложи до Владата за процентот за обештетувањето и до кој рок ќе им биде исплатено на земјоделците лозари кои чекаат од 2016 година? , праша Минов и истакна дека исплаќањето на сретства на утврдената штета им е од големо значење на земјоделците и затоа тој се залага да овие сретства што побргу им бидат исплатени на земјоделците- лозари. Второто прашање до министерот Николоски беше- кога ќе се овори подрачна единица на министерството за земјоделие во Росомон кое беше и ветување на премиерот Заев? Минов даде иницијатива да се погледнат искуствата од спроведувањето на ИПАРД програмата во соседните држави каде што ефектите се многу големи и да се разгледа неопходноста од соодветна реорганизација на агенцијата со нејзино доближување до земјоделските региони како што е тиквешијата. -Искуствата од спроведувањето во ИПАРД програмата во соседните држави, на пример Србија имаме наместо централизирана агенција за финансиска поддршка на земјоделието и руралниот развој, имаме многу регионални подрачни единици на оваа агенција републичка за поддршка на земјоделиието и руралниот развој. Ефектите се многу големи од аспект на тоа да се доближе до земјоделецот она што значи изготвување на проектна документација и апликации, покрај за инвестирање, така и по однос на постојните постапки кои се врзани со конкурирање за таканаречени директни плаќања. Јас инсистирам воведувам како дополнително прашање една иницијатива да во рамките на министерството и потоа во влада да се разгледа неопходноста од соодветна реорганизација на агенцијата со нејзино доближување до земјоделските региони како што е и земјоделскиот регион Тиквеш, истакна Минов.