панда – Kurir.mk

Единствените две панди во Велика Британија се враќаат во Кина по повеќе од 10 години неуспешни обиди за размножување

Ивона Петрова — Thu, 05 Jan 2023 11:19:57 +0000

По повеќе од 10 години неуспешни обиди за размножување, единствената двојка панди на британска почва оваа година ќе биде вратена во Кина без потомство, соопшти денеска зоолошката градина во Единбург. Кралското зоолошко друштво во Шкотска планира да им подари „џиновска“ проштална свеченост на мажјакот Јанг Ганг и женката Тјан Тјан пред нивното поаѓање. – Тие беа неверојатно популарни меѓу посетителите. Тие помогнаа да се поврзат милиони луѓе со природата и да се соберат пари за зачувување на овие животни, изјави извршниот директор на Зоолошкото друштво Дејвид Филд. Пандите пристигнаа во Единбург во декември 2011 година. По неколку неуспешни обиди за парење, Тјан Тјан беше вештачки оплодена во 2013 и 2014 година, но и тоа заврши без успех. Јанг Ганг беше кастриран во 2018 година поради рак на тестисите. Репродукцијата на пандите е особено тешка зад решетки. Женките се плодни само 24 до 36 часа на пролет, според Меѓународната организација за заштита на пандите. Во дивината, пандите живеат во југозападна Кина. Има околу 1.860 од нив во дивината, а околу 600 во кафези ширум светот.

Катар ќе добие две панди од Кина пред СП во фудбал

Ивона Петрова — Tue, 27 Sep 2022 07:50:43 +0000

Кина најави дека на Катар ќе му подари две џиновски панди по повод Светското првенство во фудбал што ќе се одржи во оваа средноисточна земја од 20 ноември до 18 декември. Пандите по име Сухаил и Сораја ќе пристигнат во Катар во октомври, непосредно пред почетокот на турнирот. Сухаил е арапското име на една од најсветлите ѕвезди што може да се видат во Персискиот Залив, а Сораја е назив за соѕвездието Плејади. – Ова е подарок од 1,4 милијарди на Кинезите по повод Светското првенство во Катар и сигурно ќе стане нов симбол на кинеско-катарското пријателство, изјави кинескиот амбасадор во Доха, Жоу Џијан. Кина, најнаселената земја на планетава, не се пласираше на Светското првенство, но кинески компании учествуваа во изградбата на објектите за ова натпреварување.

Пандата Ершун роди близнаци во кинеска зоолошка градина

Тале Кристо — Tue, 09 Aug 2022 16:08:18 +0000

Џиновска панда по име Ершун роди близнаци во зоолошка градина во југозападната кинеска општина Чонгкинг. Од Зоолошката истакнаа дека малите панди се добро. Во март, 15-годишната Ершун природно се спари со панда мажјак во Кинескиот центар за зачувување и истражување џиновски панди во соседната провинција Сечуан. Како што информира ЗОО, кога се родија на 22 јули, малите панди беа тешки 132 грама, односно 91 грам. Сега достигнаа тежина до 420 грама, односно 257 грама. Ершун вторпат раѓа близнаци. Таа е родена во август 2007 година, а претходно живеела во канадските зоолошки градини во Торонто и во Калгари. Зоолошката градина во Чонгкинг започна со одгледување џиновски панди во 60-тите години од минатиот век и сега таму има 21 панда.

Најстарата панда угина на својот роденден

Ивана Ефремовски — Fri, 08 Jul 2022 06:50:22 +0000

Шуан Шуан, најстарата панда во Мексико, почина во зоолошката градина „Чапултепек“ во Мексико Сити, точно на својот 35-ти роденден. Властите не ја соопштија причината за смртта на животното. Инаку, просечниот живот на една панда во дивината трае околу 15 години. Шуан Шуан се родила 1987 година и беше една од пандите што живееле најдолго вон Кина – нивното природно живеалиште. (МИА)

Неодоливо: Ова бебе панда ќе ве освои (ВИДЕО)

Ивана Ефремовски — Sat, 03 Oct 2020 20:05:01 +0000

Националната зоолошка градина и конзервациски биолошки институт „Смитсонијан“ неодамна објави неодоливо видео од едномесечната панда што го имаше својот прв ветеринарен преглед. Видеото беше споделено на официјалниот твитер-профил на зоолошката и привлече многу интернет-корисници. Младенчето беше родено на 21 август од 22-годишната панда Меи Ксијанг.

🎥🐼 Last Friday, Sept. 25, our giant panda cub had a brief exam. Keepers say it is strong, healthy and growing nicely into the signature panda 'plump.' ❤️ #PandaStory #PandaCubdates pic.twitter.com/uAkUXcEA4F
— National Zoo (@NationalZoo) September 28, 2020

Долговечна машка панда од зоолошка градина во Јапонија наполни 38 години

Магдалена Андонова — Mon, 14 Sep 2020 09:48:34 +0000

Мажјак џиновска панда, кој се смета за најстариот примерок на овој животински вид во светот, кој во заточеништво по природен пат оствари потомство, наполни 38 години во јапонската зоолошка градина каде што живее. Неговата возраст во „човечки живот“ би значела дека тој има над 80 години. Мажјакот по име Ејмеј во зоолошката градина во јапонската префектура Вакајама пристигна од Пекинг во 1994 година и оттогаш тој доби 15 потомци, од кои 11 беа префрлени во Кина, домот на џиновските панди. Ејмеј за подарок добил ледена торта и украси изработени од 28 стебленца од бамбус, што треба да симболизира здрав и долг живот. (MИА)

ФОТО+ВИДЕО: Најстарата панда во зоолошките градини го прослави 38-от роденден

Ивона Петрова — Tue, 18 Aug 2020 06:18:17 +0000

Најстарата згрижена панда во светот, која живее во Зоолошката градина во мегалополисот Чонгчинг, Кина, вчера наполни 38 години. По тој повод е направена голема прослава, со огромна овошна торта, каква што таа обожава. Синсинг е најстарата џиновска панда денес, која се чува во зоолошка градина во светот. Има 38 години, што е еднакво на нешто повеќе од 100 човечки години. Според медиумите, таа се чувствува одлично. Таа е најстара во семејство на 137 панди, а нејзините потомци се наоѓаат во над 20 земји низ целиот свет. Претставниците на Зоолошката градина во Чонгчинг велат дека пандата е во одлично здравје и тежи 98 килограми. За неа се грижат двајца вработени кои постојано го следат нејзиното здравје. Животното било донесено во Зоолошката кога имало една година. Го има посетено и Калгари, Канада.

Бидете брзи: Пронајдете го кучето меѓу пандите за 10 секунди

Ивона Петрова — Fri, 25 Oct 2019 09:49:23 +0000

Доколку ви се допаѓаат разните загатки и интересни тестови, во продолжение ќе најдете уште една од нив. Овој пат потребно е да пронајдете куче меѓу пандите на сликата. Она што ја отежнува потрагата е фактот дека и кучето на себе ги има истите бои како и пандата. Погледнете убаво и брзо реагирајте, пронајдете го кучето за помалку од 10 секунди. Решението може да го погледнете на сликата подолу.

Највозрасната панда на светот Синсин наполни 37 години или 100 човечки (ФОТО)

Предраг Кукиќ — Sun, 25 Aug 2019 14:31:43 +0000

Во градот Чунцин на 23 август е одржана посебна свеченост по повод роденденот на Синсин, пандата која наполни 37 години, што е еквивалент на човечки 100. Бабата панда доби растителна торта и својот роденден го прослави во зоолошката градина во друштво на стотина свои фанови. Пандата Синсин е родена во 1982 година и е најстара во светот, меѓу оние кои се чуваат во зоолошки градини. Таа го предводи матријархатот на огромно семејство од 137 панди. Нејзини деца се распрснати по целиот свет во повеќе од 20 држави и региони. Според вработените во зоолошката во Чунцин, пандата Синсин се наоѓа во добра физичка состојба, иако од време на време има проблеми со зголемен крвен притисок. Синсин тежи 98 килограми и секој ден јаде по 30 киклограми бамбуси, еден килограм јаболки и фуражни растенија.

Редок вид црвена панда побегна од зоолошка

Ивана Ефремовски — Mon, 28 Jan 2019 19:45:27 +0000

Вработените во зоолошката градина во Белфаст, Северна Ирска, забележале дека недостига црвена панда, а полицијата изјавила дека, најверојатно, ужива во природните знаменитости на местото Гленгормли, пишува Би-би-си. Полицијата ги повика жителите да бидат внимателни зашто може да наидат на овој загрозен вид, кој е само малку поголем од домашна мачка. Црвените панди се ноќни животни и обично живеат во шумовити предели. Не се агресивни животни, но може да бидат опасни ако се најдат во тесно и ако треба да се бранат.