Голови на Пандев и Барди во денешните дуели од Серија А и Ла Лига

Тале Кристо — Sun, 12 Jul 2020 18:09:32 +0000

Македонските фудбалски репрезентативци, Горан Пандев и Енис Барди се запишаа во листата на стрелците за своите екипи на денешните средби од италијанската Серија А и шпанската Ла Лига. Пандев одигра 74 минути за Џенова и го постигна првиот гол во триумфот над Спал (2:0) и негов деветти во тековната сезона. Оваа победа за Џенова е многу важна во борбата за опстанок. Џенова по 32 натпревара има 30 бода и е едно место над линијата од опасната зона, но конкурентите за опстанок, допрва треба да ги одиграат своите дуели од оваа рунда. За разлика од тимот на Пандев, екипата на Леванте за која игра Барди, загуби со 1:2 од Атлетико Билбао, но нивниот опстанок во најквалитетното шпанско фудбалско првенство не е доведен во прашање.

ВИДЕО: Пандев стрелец во ремито на Џенова и Удинезе

Тале Кристо — Sun, 05 Jul 2020 20:11:43 +0000

Во дуелот на екипите од Серија А во кои настапуваат македонски репрезентативци, Удинезе и Џенова одиграа нерешено 2:2. Првиот гол за гостите го постигна капитенот на македонската фудбалска репрезентација Горан Пандев за во тој момент намалување на водството на домаќините на 2:1.

Тој во игра влезе од клупата за резерви во 59. минута и по само 22 минути поминати на теренот се запиша во листата на стрелците. За Пандев ова беше осми гол сезонава во Италија. Во домашниот тим стартер беше Илија Несторовски кој одигра 58 минути и беше заменет. По 30 кола, Удинезе има 32 бода на 15 место и засега е на сигурна дистанца од зоната на испаѓање, додека Џенова со 27 бода е 17, со само два бода над линијата од опасната зона.

пандев – Kurir.mk

Голови на Пандев и Барди во денешните дуели од Серија А и Ла Лига

ВИДЕО: Пандев стрелец во ремито на Џенова и Удинезе