панди јани – Kurir.mk

Панди Јани ги повика граѓаните слободно да го дадат својот глас на локалните избори во Албанија

Ивана Ефремовски — Thu, 13 Apr 2023 18:59:37 +0000

Кандидатот за градоначалник на единствената македонска општина во Албанија Пустец, Панди Јани обвини дека актуелната локална власт започнала да врши притисок врз општинската администрација и ги повика граѓаните да не плашат и слободно да го дадат својот глас. - Локалните власти исплашени од поразот што им следува на 14 мај, започнаа да вршат притисок врз општинската администрација. Ги повикувам сите вработени во општинската администрација и општински претпријатија да не подлегнуваат на никаков притисок затоа што по 14 мај следуваат промени и целосно ослободување на општината од сите партиски стеги, напиша Јани на Фејсбук. Тој порача „не подлегнувајте на притисоци затоа што општината е на сите граѓани и не е приватна сопственост на градоначалникот или на кој било друг“. Општината, посочува, им припаѓа на граѓаните, а граѓаните го избираат градоначалникот за да им служи и да им ги олеснува проблемите, а „не како во случајот, исплашени од поразот посегнаа да вршат притисок врз вработените во администрацијата“. - Почитувани мои сограѓани, промени се случија насекаде на Балканот. Во Македонија, Косово, Црна Гора, Бугарија и други држави, па следуваат промени на локално ниво и во Албанија, општина Пустец по 14-ти мај ќе добие нов градоначалник. Ветувам и се обврзувам дека чесно и со љубов ќе ја вршам функцијата, а од Мала Преспа конечно да направиме модерна општина, порача тој. Панди Јани е кандидат на Партијата на слободата на поранешниот албански претседател Илир Мета, која ја предводи изборната коалиција „Заедно победуваме“. Тој е противкандидат на актуелниот градоначалник Пали Колефски, кој е кандидат на владејачката Социјалистичка партија поддржан од Македонска алијанса за европска интеграција, МАЕИ.

Двајца Македонци кандидати за градоначалник на општина Пустец, партијата на Македонците пред згаснување

Дарко Андоновски — Sun, 02 Apr 2023 10:55:54 +0000

Триесет и едногодишниот Панди Јани е кандидат за градоначалник на општина Пусец, Мала Преспа. Доцна вечерва тој ја објави кандидатурата како предлог на Партијата на слободата на поранешниот албански претседател Илир Мета, која е дел од изборната коалиција " Заедно победуваме". -Почитувани браќа и сестри Македонци. Ми претставува особена чест и задоволство да ве информирам дека и официјално сум кандидат за градоначалник на општина Пустец на обединетата опозиција. Дозволете најпрвин за мојот избор и поддршка да се заблагодарам на мојата матична партија-Партија на слободата како и на целата обединета опозиција, пишува Јани. Искрена благодарност изразува и до сите негови „поддржувачи, членови и симпатизери на каузата за подобар живот во Албанија“. - Велат дека иднината им припаѓа на младите, а јас токму како млад имам јасна визија за општина Пустец. Ветувам дека општина Пустец по мојата победа ќе добие нов лик и ќе стане подобро место за живеење, се со цел да создадеме нешто добро и убаво за младите и идните поколенија, посочува Јани Панди. Најавува дека во периодот кој што следи, ќе има официјална промоција на пакет програмата со сите проекти кои ќе бидат реализирани во текот на неговиот мандат како градоначалник на општината. - Ветувам, чиста и модерна ОПШТИНА ПУСТЕЦ, која ќе биде вистински туристички центар... Со почит, стои во објавата. Панди Јани е против кандидат на актуелниот градоначалник Пали Колефски од редовите на Социјалистичката партија на Еди Рама. Според сведочењата на членови на македонската партија, наводно истата и е пред згаснување бидејќи како што велат се распаднало членството. Според информациите од терен, МАЕИ не успеала на состави ниту советничка листа, односно раководството на партијата не успеало да сочини листа од 15 членови колку што и го сочинуваат советот на општината.

Панди Јани со честитка до Мицкоски за големата победа на ВМРО-ДПМНЕ на локалните избори

Тале Кристо — Mon, 01 Nov 2021 10:23:17 +0000

Претседателот на огранокот на Социјалистичкото движење во Пустец, Панди Јани му ја честиташе големата победа на претседателот на ВМРО-ДПМНЕ Христијан МИцкоски на локалните избори. -Македонија победи, граѓаните се обединија и избраа промени... Честитки до лидерот на ВМРО-ДПМНЕ Христијан Мицкоски за големата победа, а на новоизбраните градоначалници им посакувам успешна работа! Да живее Република Македонија!, вели Јани во својата честитка упатена до претседателот на ВМРО-ДПМНЕ Христијан Мицкоски.

„Ги повикувам сите Македонци од Мала Преспа и сите граѓани во Македонија да ги поддржат кандидатите за градоначалници на ВМРО-ДПМНЕ“

Катерина Бојаџиева — Mon, 11 Oct 2021 10:21:58 +0000

Македонскиот кандидат за пратеник во албанското Собрание од редовите на Социјалистичкото движење и истовремено претседател на огранокот во Пустец, Панди Јани ги повикува сите Македонци и воопшто сите граѓани во Македонија на претстојните локални избори да гласаат за кандидати на ВМРО-ДПМНЕ и Коалицијата. -Ги повикувам сите Македонци од Мала Преспа со право на глас во Република Македонија, како и сите граѓани во Македонија на локалните избори закажани на 17-ти октомври да ги поддржат кандидатите за градоначалник на ВМРО-ДПМНЕ, како и независните кандидати кои што се поддржани од истата партија. На Македонија и се неопходни промени како никогаш досега. Во изминатиов период сведоци бевме на безброј понижувања и омаловажувања од страна на актуелната власт, па тргнувајќи од таа причина на 17-ти октомври, сите, масовно да ја дадеме поддршката на кандидатите на ВМРО-ДПМНЕ и да се избориме за подобра иднина на сите луѓе. Интегрален текст од Претседателот на Социјалистичкото движење на огранокот во Пустец, Панди Јани.

Мицкоски ги повикува Македонците од Албанија да гласаат за македонскиот кандидат за пратеник Панди Јани

Тале Кристо — Thu, 22 Apr 2021 07:47:28 +0000

Во Албанија во недела се одржуваат парламентарни избори. На изборите, Македонците што живеат во Албанија имаат можност да одлучат за својата иднина. Ги повикувам масовно да излезат на гласање и да направат избор за подобра иднина, за економски просперитет и почитување на националните права на Македонците, пишува лидерот на ВМРО-ДПМНЕ Христијан Мицкоски на својата Фејсбук страница. -Браќа и сестри Македонци, на овие избори, партијата ЛСИ на Моника Круеманди за изборната единица во регионот Корча на својата листа го има Панди Јани од Пустец како кандидат за пратеник. Убеден сум дека Панди Јани, кој е млад и перспективен политичар со добра иднина, најдобро ќе ги застапува интересите на Македонците во Албанија. Панди Јани е одличен избор за сите Македонци, бидејќи партијата ЛСИ со својата програма, но и со делата што ги покажа во минатото за македонската заедница е најдобриот избор. ЛСИ и нејзините први луѓе секогаш се залагале за Македонците, затоа ги повикувам на овие избори да гласаат за ЛСИ во изборната единица во регионот на Корча!, повикува Мицкоски. За подобра иднина и плодна соработка меѓу Македонија и Албанија, вели Мицкоски во својата објава