панел дискусија – Kurir.mk

ВО ЖИВО: Панел дискусија на тема „Алармантните состојби во македонската дипломатија“

Катерина Бојаџиева — Sun, 26 Mar 2023 09:36:08 +0000

Денеска (26.03.2023) во 12:00 часот во просториите на Центар за комуникации на ВМРО-ДПМНЕ, во Палата др. Христо Татарчев (Плоштад ВМРО бр. 1), ќе се одржи панел дискусија на тема „Алармантните состојби во македонската дипломатија“, на која свое обраќање ќе имаат: Антонијо Милошоски, пратеник и поранешен министер за надворешни работи Зоран Дабиќ, амбасадор и претседател на Македонски дипломатски синдикат Марјан Ѓорчев, амбасадор Модератор: доц.д-р Викторија Трајков кариерен дипломат и стратешки соработник за меѓународна соработка на претседателот на ВМРО-ДПМНЕ, Христијан Мицкоски.

Следете ВО ЖИВО дискусија на тема: Што наследија општините?

Ивана Ефремовски — Sun, 13 Feb 2022 09:59:44 +0000

Во насока на транспарентноста и отвореноста кон граѓаните ВМРО-ДПМНЕ денес ќе одржи целодневен настан во објектот на Македонската Филхармонија кој ќе финишира со отчет за првите 100 дена од управувањето на општините од страна на градоначалниците на ВМРО-ДПМНЕ. Слоганот под кој ќе се одржи настанот е “ПРОМЕНИ ШТО НОСАТ ИДНИНА”-100 дена градоначалници на ВМРО-ДПМНЕ. На настанот ќе биде презентирано она што е сработено во изминатиот период од 100 дена. Свое обраќање на настанот во 17:00 часот ќе има претседателот на ВМРО-ДПМНЕ, Христијан Мицкоски. На овој говор ќе претходат три одделни панел дискусии на три различни теми. Во 11:30 часот во малата сала на Македонска Филхармонија ќе има дискусија на тема: ШТО НАСЛЕДИЈА ОПШТИНИТЕ. Учесници: Гордана Димитриевска Кочоска, Маја Кадиевска Војновиќ, Гоце Димовски, Миле Лефков. Модератор: Марија Митева. Овој настан можете да го следите во живо на Фејсбук страницата на ВМРО-ДПМНЕ.

Митева: Во СДСМ не само што феноменот политичка одговорност не постои, туку и моралната одговорност стана чин на прифаќање и неприфаќање

Магдалена Андонова — Sat, 25 Dec 2021 12:49:33 +0000

Портпаролката на ВМРО-ДПМНЕ, Марија Митева зборувајќи околу кадрите кои ги нуди СДСМ и начинот на кој се избираат истите, рече дека кога кандидатите за локалните избори ги презентираа како „најдоброто“ веројатно мислеле дека се најдобри наследници на претходните функционери на СДСМ. - Своите кандидати ги презентираа како „најдоброто“, веројатно мислеа дека се најдобрите наследници на претходните функционери на СДСМ, а во кампањата помеѓу двата круга за локалните избори зборуваа за прогрес кој повторно заврши во кругот на семејството и на онаа олигархија која што тие сакаат да ја надградуваат, рече Митева. Што се однесува на феноменот политичка одговорност, Митева рече дека тоа во редовите на СДСМ не само што не постои, туку и моралната одговорност стана чин на прифаќање и неприфаќање и чин за кој треба да се разговара. - Феноменот политичка одговорност практично и да не постои во редовите на СДСМ, но уште по поразително е што и моралната одговорност стана чин на прифаќање или неприфаќање, стана чин за кој треба да се разговара и стана чин којшто буквално никој од СДСМ не ни помислува да го употреби. Се сеќавате на онаа траорна несреќа во тетовската болница каде за три минути 14 луѓе ги загубија своите животи за на крајот од своето владеење Венко Филипче да даде изјава дека жали што не го изградил клиничкиот центар кој што благодарение на пратениците на ВМРО-ДПМНЕ и на жестоката борба во Собранието успеавме да спречиме уште еден огромен криминал кој што беше на повидок наместо да жали за животите којшто ги загубија граѓаните во тетовската болница, потенцираше Митева. Таа додаде дека од трите кризи во кои во моментот се наоѓа Македонија најтраорно и најболно е она што се случуваше во здравството кога во најтешките моменти за граѓаните власта се обидуваше да земе провизии за вакцините. - Ако зборуваме дека во моментот во Македонија имаме три кризи, здравствената која што трае две години и за која што немаме никаков напредок, напротив, можам да кажам дека секојдневно одиме чекор и чекор наназад, тука е и економската криза, но тука е и енергетската криза. Јас би рекла дека економската и енергетската криза можеби ќе ги подобриме или ќе се обидеме да ги закрепнеме само доколку имаме добри, здрави луѓе коишто ќе можат да работат на тоа. За мене најтраорно и најболно е она што се случуваше во здравството особено ако се присетиме дека во едни вакви моменти власта се обидуваше на цена на животите на граѓаните да земе провизии за вакцините додека колони на граѓани одеа во соседна Србија да се вакцинираат, додаде Митева. Таа истакна дека и покрај заминувањето на Заев, заевизмот во СДСМ и понатаму ќе продолжи, како што рече таа, неговиот пиун, а од друга страна ВМРО-ДПМНЕ минатата недела имаше сосема различен концепт на дискусија каде што го понуди новиот договор и заедничкиот патриотизам. - Додека денеска ги анализираме состојбите во СДСМ и тоа што тие го оставија и го направија на Македонија, ние претходната недела имавме сосема различен концепт на дискусија каде што го понудивме новиот договор и заедничкиот патриотизам што е комплетна спротивност на сѐ ова што досега го има во СДСМ и кој што веруваме дека ќе продолжи со пиунот на Заев од кој ќе се задржи заевизмот без разлика дали станува збор за исти луѓе, за иста политика, матрицата е она која што ќе се задржи, заклучи Митева.

Панова: Ковачевски и новата гарнитура што треба да ја замени оваа во заминување не можат да понудат ништо повеќе од гол популизам

Магдалена Андонова — Sat, 25 Dec 2021 12:39:30 +0000

Пратеничката од редовите на ВМРО-ДПМНЕ Ели Панова, на денешната панел-дискусија насловена „Исти луѓе – исти вредности” зборуваше за начинот на функционирање на новата постава на власт која треба да го замени Зоран Заев а е избрана лично од него и рече дека не може да понуди ништо друго освен гол популизам. Таа рече дека ништо не може да се промени затоа што овој систем, кога СДСМ е на власт, ги јаде своите деца. Нив не им е битно кој во одреден момент е на одредена функција се додека ги заврши задачите за кои е поставен. И дали тој истиот има свои видувања, свои визии, концепти или стратегија воопшто не е битно. Ние секојдневно функционираме во едно Собрание во кое што верувајте дека и за пратениците не е едноставно да предлагаат закони кои знаат дека имаат суштински проблеми, знаат дека овие закони нема да донесат ништо добро за граѓаните на Република Македонија, а на крајот од денот истите тие луѓе ќе треба да се вратат во своите места и повторно да разговараат со граѓаните кои живеат во сиромаштија. - Јас не верувам дека ќе се промени системот поради тоа што ние стигнавме до тоа дереџе да претходниот владетел одлучи кој да биде нов премиер без притоа да видиме каква стратегија има, визија, дали воопшто има и стигнавме до тоа да со некоја диплома од Харвард дали ја имало или не, треба да одлучува кој ќе биде на одредена позиција која е во клучен момент, во кризна состојба, рече Панова. Панова продолжи за судството во Република Македонија и кажа дека на разгледувањето на извештаите кои секојдневно доаѓаат до нив се со задоцнет рок од дури две години и тоа воопшто не допира до нив ниту пак има врска со напредокот кој постојано го зборуваат. - Ако знаете како избираат судии, јавни обвинители или судии во Врховен суд, Уставен итн, ќе сфатите дека ветувања со кои што дојдоа СДСМ на власт не се ништо друго освен гол популизам. Реформите кои ги ветуваа во секоја област едноставно не можат да бидат остварени со истите луѓе внатре во системот и институциите. Граѓаните на Република Македонија зависат од функционирањето на институциите. Ако се промени власта, ако се промени составот и доколку не направиме реформи дали внатре во Собранието, дали во функционирањето на судската власт а да не зборам нели во функционирањето на извршната власт – тогаш ние не сме направиле ништо и напредокот за кој сите зборуваат е ништо повеќе од гол популизам, кажа Панова.

„4 години Заев, 4 години украден живот- ДОСТА Е“: Ова се неуспесите на власта во секоја област

Катерина Бојаџиева — Wed, 02 Jun 2021 20:23:55 +0000

„Четири години власт на Заев, четири години украден живот. ДОСТА Е“ е насловот на панел дискусијата која се одржа во просториите на Центар за комуникации на ВМРО-ДПМНЕ. На трибината беше дадена детална анализа за неуспесите во секоја област. Говорници на трибината беа: Гордана Димитриеска Кочоска, член на ИК на ВМРО-ДПМНЕ Трајко Славески, член на ИК на ВМРО-ДПМНЕ Весна Јаневска од Комисија за образование и наука Синиша Ивановски од Комисија за инфраструктура, урбанизам и транспорт Цветан Трипуновски од Комисија за земјоделство, шумарство и водостопанство Кирил Лазов од Комисија за здравство Борко Ристовски од Комисија за спорт Зоран Љутков од Комисија за култура Татјана Ристова Димова од Комисија за труд и социјална политика, демографија и родови прашања. Ова се дел од нивните излагања на панел дискусијата. Ристовски: Со проектот спортски денар финансиски ќе се стабилизира спортот, а за време на владата на СДСМ во спортот се продуцираа само коруптивни скандали Проектот спортски денар само ќе го дополниме. Еден денар од нафтени деривати оди во посебен фонд од 13 до 15 милиони евра и тој ќе се користи за промоција на млади таленти, за одржување на постоечка спортска инфраструктура, како и за нова спортска инфраструктура, рече Борко Ристовски од Комисијата за спорт, на панел дискусијата во организација на ВМРО-ДПМНЕ насловена како „4 години Заев, 4 години украден живот, доста е“. Според него треба да се обрне внимание да се направат самоодржливи проекти. „Сега сме сведоци дека пропаѓаат објекти и никој не ги одржува. Наша идеја е или да има минимален трошок за општината или државата, односно да одвојуваат мал процент. Спортските објекти се потребни бидејќи ова е општество во кое семејствата не може да си дозволат две деца да пратат да тренираат некој спорт, тоа со просечната плата не оди. Тоа е сериозна сума за едно семејство дури и ако чини тренингот илјада денари месечно, а имаат две деца“, рече Ристовски. Ристовски се осврна и на директното мешање на политиката во спортот, како и корупциските скандали во кои се вклучени луѓе предложени од СДСМ. „Се оди до таму да се влијае играчи да не бидат во репрезентација, тоа е мешање директно на политиката во спортот, инвестиции оваа влада предводена од СДСМ не направи. Се покажа дека лицата инволвирани во спортот дека се само дел од коруптивни скандали, дополнително ќе се направи ревизија за секо основано сомневање за корупција во спортот“, заклучи Ристовски. Љутков: За време на ковид кризата власта не одвои ни секунда за да им помогне на уметниците и културните работници СДСМ за време на ковид кризата не одвои ни секунда да им помогне на уметниците и културните работници, иако доколку се изработеа протоколи не само што ќе функционираше културата, туку и ќе им се помогнеше на граѓаните во овие тешки моменти да им се крене културно националниот дух, изјави Зоран Љутков, претседател на Комисија за култура на ВМРО-ДПМНЕ на панел дискусијата во организација на ВМРО - ДПМНЕ, а насловена како „4 години Заев, 4 години украден живот, доста е“. - Додека земјите од Европа и соседството направија строги протоколи и ги отворија кината и театрите за да се крене националниот дух и има културно возвишување во една ваква тешка ситуација. Бидејќи поради актуелната ситуација со ковид кризата не можеа да се исполнат програмите на националните институции, министерката требаше средствата од програмските активности да ги префли и да најде модел и да им се помогне на уметниците, потенцираше Љутков. Тој додаде дека толку има негрижа од власта за уметниците и културните работници што не се работи на јакнење на капацитетите, туку на губење на работни позиции кои се од стратешко значење, како и дека освен распад на националните институции ништо друго не се случува. - Потребна е поголема автономност и слобода, но сега власта фузира некомпетентни кадри. Ако министерството за култура е мајка на сите институции од културата, може да се рече дека мајката не се грижи за своите деца бидејќи има распад на сите национални институции, нагласи Љутков. Ивановски: Додека во регионот има ултра модерни возови, со СДСМ на власт македонските возови секој ден се палат и ги продаваат Македонски железници На денешната панел дискусија насловена „Четири години Заев, четири години украден живот. Доста е!“, Синиша Ивановски, претседател на Комисија за инфраструктура, урбанизам и транспорт посочи дека Македонија поради неспособноста на власта остана слепо црево во регионот. „Овие четири години во регионот имаме сериозни поврзувања автопатски и железнички. Моментално додека ние разговараме за запалени возови и за скапите луксузни возила на директорите на железници и инфраструктура од Белград до Будимпешта ако се стигало за осум часа сега со ултра брзи возови ќе стигнуваме за три часа“, истакна Ивановски. Ивановски додаде дека додека во Македонија власта говори за стари возови од 50-тина години за кои што не се способни да ги држат барем колку толку во некаква кондиција на движење, а во регионот државите имаат современи возови со кои стигнуваат за неполн час на секоја дестинација. Македонија со СДСМ остана слепо црево во регионот. „По четири години на власт, Бељаковце – Крива Паланка – Куманово е целосно застанато со изградба, компанијата од Германија односно изведувачот што ја изведуваше оваа траса го напушти теренот и сега остануваме без изведувач, остануваме со горе доле започнати работи, проектот трае години и години“, појасни Ивановски. Ивановски посочи дека возовите последни кои што се набавени се од времето кога Владата ја предводеше ВМРО-ДПМНЕ, од тогаш оваа власт на Заев не набави ништо за да се обнови железничкиот парк. „Имаме два запалени возови во последните дваесетина дена, и се погласни се шпекулации дека СДСМ да ги продаде Македонските железници“, рече Ивановски. Ристовски: Ваучерите во спортот се најголема можност за корупција на власта На денешната панел дискусија организирана од ВМРО-ДПМНЕ на тема „Четири години власт на Заев, четири години украден живот“ во однос спортот говореше Борко Ристовски кој што истакна дека ваучерите во спортот се најголема можност за корупција од страна на власта. „На сите нивоа корупцијата цвета, ваучерот е наменет и е направен исклучиво за корупција и исклучиво да се дава на клубови и поединци кои што се под нивна контрола нивни пријатели нивни сопартијци најтрагично е што се искористуваат и имиња на клубови на пример имаат фиктивни клубови кои што воопшто немаат членови, како и на пример има клуб во кој што нема полнолетни членови а ваучерите по закон не можат да се доделат на клубови кои што немаат полнолетни членови, значи во самиот старт се коси со законот. Ваучерот е доста паметно смислена алатка од каде што може да се извлекуваат пари и едноставно спортот, спортистите, федерациите, репрезентациите да бидат оние најпогодените“ нагласи Ристовски. Ристовски истакна дека итно е неопходен нов закон за спорт. „Ние веќе спремаме нов закон за спорт кој што реално, овој ваучерски систем во првиот момент ќе го отстрани да функционира се до имплементирањето и донесувањето на новиот закон, меѓутоа генерално новиот закон за спорт треба, да, на компаниите кои што сакаат да вложат во спортот им даде едно даночно олеснување. Треба да најдеме вистинско решение кое ќе биде вистинско олеснување и помош и за спортот и за оние стопанственици кои што сакаат наместо да го платат својот данок во државата да бидат ослободени и да инвестираат во спортот. Втора мерка е да се најде финансиска институција сега има во Агенцијата за млади и спорт финансиски институции, инспекција која што треба да ги контролира сите овие работи меѓутоа сме сведоци дека таа е минимизирана. Ние ќе се залагаме за отчетност за чесност и парите да отидат на вистинските места“ додаде Ристовски. Љутков: Културата за СДСМ е политички пазар и задоволување на потребите на невладините и активистите од „Шарената револуција“ Културата е згасната во сите дејности, но во секое владеење на СДСМ, културата никогаш не била нивен приоритет и секогаш била предмет на коалициски пазар. Тоа може да го видите и по тоа што во изминативе 4 години сменија 4 министри за култура и секој министер е осуден на неуспех, вели Зоран Љутков, претседател на Комисија за култура на ВМРО-ДПМНЕ на панел дискусијата во организација на ВМРО - ДПМНЕ, а насловена како „4 години Заев, 4 години украден живот, доста е“. Љутков нагласи дека единствено што гледа СДСМ е како да ги задоволи потребите на невладините и активистите на „Шарената револуција“. - Донесоа национална стратегија која не успеаја да ја реализираат, па се вадеа дека треба да се донесе нов закон кој има само една цел, а тоа е да се исполнат желбите на луѓето од „Шарената револуција“ и дел невладини кои го пишувале Законот, што едно со друго нема допирни точки, изјави Љутков. Љутков истакна дека власта толку не работи на полето на културата што во овие 4 години тие не можат и да ги одржуваат објектите, не можат да го одржуваат ни она што ВМРО- ДПМНЕ го изгради или да ги завршеше тие кои беа започнати да се прават, туку ги оставија да тонат и да ги гази времето. - Не можат да донесат никаква реформа и немаат капацитет и затоа во културата сме сведоци на бројни скандали како во Агенција за филм, со филмскиот фонд, театар Комедија, Музеј Битола, театарот во Тетово како и најновиот проблем со директорот во Струмица. Нема никаде инвестиции ниту во аудиовизуелни добра, ниту во творештвото, нема ниту во заштита на културно наследство иако имаа најава дека ќе направат голем бум, но има пад, потенцира Љутков. Димитриеска Кочоска: Владата не прави ништо за сузбивање на сивата економија, лидери сме во Европа со највисока стапка од 38% од БДП Членот на извршниот комитет на ВМРО-ДПМНЕ, Гордана Димитриеска Кочоска на денешната панел дискусија насловена „4 години Заев, 4 години украден живот. Доста е!“, зборувајќи за тоа како Владата се справува со сивата економија рече дека и покрај тоа што ова беше една од целите во „Планот за живот“ во пракса не е направено ништо во овој правец, а тоа го покажуваат и приходите од ДДВ во буџетот кои во континуитет се намалуваат. „Една од целите на оној „План за живот“ исто така беше и сузбивање на сивата економија, меѓутоа ние може да видиме дека сивата економија кај нас е некаде 38% од БДП и да кажеме дека сме и лидери во Европа и на Балканот со највисока стапка на сива економија во однос на БДП. Притоа, ако пак го погледнете тој план за живот ќе видете дека еден од механизмите за борба со сивата економија е воведувањето на проектот „Мој ДДВ“ или скенирањето на оние фискални сметки коишто требаше на некој начин да донесат дополнително зголемување на приходите од ДДВ, меѓутоа ако ги погледнеме повторно податоците, односно ДДВ-то како процент од БДП ќе забележиме дека тие од година во година се намалуваат, па така да кажеме во 2017 година биле 7,74% од БДП за во 2020 да се 7,06% од БДП што јасно кажува дека ниту проектот „Мој ДДВ“ вродил со некакви резултати, ниту пак имаме борба со сива економија“ истакна Димитриеска Кочоска. Таа како друг сегмент кој не функционира во оваа насока ја спомна и фискалната стратегија која беше донесена кон крајот на 2020 која според нејзе е контрадикторна. „Дека Владата воопшто не размислува за сивата економија јасно е и од фискалната стратегија која ја донесоа некаде пред крајот на 2020 година која што е за периодот од 2021 до 2023 но со изгледи до 2025, значи се даваат податоци за 2025 каде што за 2021 година ќе видите дека вкупните приходи како процент од БДП им се предвидени на 30,1% за следната 2022 да се намалат на 29,7%, потоа да одат 29,6%, 29,5% итн. што повторно јасно кажува, овој процент треба да расте. Вие кога имате висок процент на сива економија и велите дека ќе се борите со сивата економија, а притоа процентот на приходи како процент од БДП се намалува, што е контрадикторно. Ова јасно покажува дека Владата нема никаква желба за борба со сива економија“, потенцираше Димитриеска Кочоска. Како доказ за тоа дека ништо не се прави за сузбивање на сивата го спомна и последниот Извештај на Светска Банка во кој нема баш пофални зборови за Македонија и е наведено дека дури 55% од фирмите во земјава се борат со неформални компании кои се основани и работат на црно. „И уште еден податок меродавен да кажам и овој е податок кој што го извади Светска банка сега во последниот извештај, односно пролетните прогнози за 2021 година каде што се земени шесте земји од Западен Балкан каде што да кажеме за Македонија баш и нема така пофални зборови ако внимателно го прочитате извештајот. Една од работите што таму е наведена е дека втора пречка за водење на бизнис во Република Македонија покрај првата која што е политичка нестабилност, втората вели е дека 55% од фирмите во Македонија, а тоа е највисок, 55% од фирмите во Македонија се борат со неформални компании. Значи, компании кои што се основани и работат на црно. тоа е податок чинам беше на 36-та страна во извештајот на Светска Банка и секој еден може да го погледне и да види дека ние повторни и на Балканот сме најлоши од сите“, заврши Димитриеска Кочоска. Ристова-Димова: Пензионерите од Владата на СДСМ наместо подобрување на стандардот, добија трошки, а поради неорганизирање на градинките, децата останаа дома Татјана Ристова-Димова од Комисијата за труд и социјална политика на панел дискусијата во организација на ВМРО - ДПМНЕ насловена како „4 години Заев, 4 години украден живот, доста е“ се осврна на негрижата за пензионерите, како и негрижа за најмладите за децата. Говорејќи за пензионерите, таа се осврна на нивниот стандард. „СДСМ гласно говореше дека ќе го подобри стандардот, а пензионерите добија зголемување на пензијата од 184 денари или 134 денари за најниската пензија, значи не можат да купат ниту килограм овошје плус. За каква инклузија и кохезија зборуваме“, додаде Ристова-Димова Дополнително според неа, ништо не е направено ниту на планот на остварување на правото на туѓа нега. „Направија законски измени, и го искомплицираа системот. На чекање се околу 11 илјади предмети. Тоа се судбини на некои луѓе, а власта си поигрува“, рече Ристова- Димова. Според неа и во делот на детска заштита, нивно згрижување во градинките не се направи ништо. „Едноставно освен проблеми родителите не добија ништо. Истите се зголемија и поради корона кризата. И наместо дополнителен ангажман за градинките и згрижување на децата продуцираа проблеми“, заклучи Ристова-Димова. Ивановски: Во првите три години ВМРО-ДПМНЕ автопатот Кичево – Охрид го заврши за околу 50-тина проценти, а за четири години од СДСМ има само 10-тина проценти прогрес Синиша Ивановски претседател на Комисија за инфраструктура, урбанизам и транспорт на панел дискусијата насловена „Четири години Заев, четири години украден живот. Доста е!“ посочи дека СДСМ не ги изгради ветените 600 километри автопат и експресни патишта, и исто така нема ни трага ниту од 550 километри магистрални и регионални патишта. „Во 2016-та година онаа популарна програма „За живот“ која што се викаше на СДСМ, беше доста симпатична на почеток на секој граѓанин и таму се ветуваа неверојатни изградба на 600 километри автопати и експресни патишта, 550 километри магистрални и регионални патишта, дури и околу 1.000 километри регионални патишта. Дека манипулираа со бројките се увиде со тоа што не се изградија за четири години“, нагласи Ивановски. Ивановски додаде дека за четири години власт СДСМ не успеа да проектира ниту еден пат, а да не се говори за ветените километри патишта што ги ветуваа во предизборието. „За пример дека сето ова што го вети СДСМ е неверојатно да се проектира, е и примерот со автопатот Гостивар – Кичево, кој што за пошироката јавност не е многу популарен, поради тоа што не се ни извадува. Тој е ветен автопат од страната на СДСМ, меѓутоа ние како ВМРО-ДПМНЕ почнавме да го проектираме некаде во 2016-тата година, тој автопат е поделен на три делници. Првата делница е од Кичево до Букојчани, втората делница е од Букојчани до Горна Гановица и Горна Гановица до Гостивар каде што 2016-та година до сега само тој дел што започна ВМРО-ДПМНЕ да го проектира, тој дел е завршен. Значи додека се на власт не успеаја ништо да проектираат, а не да се изградат километрите на патишта што ги ветија“, истакна Ивановски. Ивановски посочи дека нула километри автопати потекнуваат од СДСМ. „Кичево – Охрид автопатот е многу често говорен, и има многу негативни реакции. Власта ја зголеми вредноста на чинење на овој автопат, и го пролонгира рокот на градење. Министрите на СДСМ веќе не ги бројат бројот на анексите, меѓутоа да кажам од прилично околу 400 милиони евра проектирање за овој автопат од 57 километри стигнуваме до 800 милиони евра“, рече Ивановски. Ивановски укажа дека во првите три години ВМРО-ДПМНЕ автопатот Кичево – Охрид го заврши за околу 50-тина проценти, а за четири години од СДСМ има само 10-тина проценти прогрес. Ристова-Димова: Наместо решенија за граѓаните со социјални ризици, Владата продуцираше дополнителни проблеми Татјана Ристова-Димова од Комисијата за труд и социјална политика на панел дискусијата во организација на ВМРО - ДПМНЕ насловена како „4 години Заев, 4 години украден живот, доста е“ се осврна на погрешните реформи во системот на социјална заштита, нееднаквите политики на социјална инклузија. „Сега требаше да се зборува за социјална инклузија, за проекти, за една реформа на системот на социјална заштита, за детска заштита, за стандард на пензионерите. Но, нема ниту еден проект од оваа област. Ништо не е постигнато“, рече Ристова Димова. Според неа од реформи нема ни буква „р“, а од проекти има само „ќе“. „Активните мерки треба да се насочени кон граѓанинот, а треба да се креирани и по мерка на граѓаните, за разлика од тоа добивме законско решение кое наместо кохезија направи сегрегација. Дополнително на тоа влијаеше и корона кризата. Наместо решенија се направија низа лавиринти за до дојде граѓанинот до целта ако воопшто дојде. Нема развој на услугите за лицата на кои им се потребни истите, а се од социјалната заштита. Се потроши кредит од Светска банка за да дојдеме до она што значи вооедначен пристап и соодветна услуга и затворање на ризикот и излегување од системот на социјална заштита“, кажа Ристова-Димова. Со оваа Владата, заклучи Ристова Димова, граѓаните кои имаа потреба од решавање на нивните проблеми само се продлабочија истите. „Наместо решенија за социјалните проблеми и излегување на луѓето одс ситемот на социјална заштита, надлежните и заглавија граѓаните. Наместо решенија им направија проблеми“, кажа Ристова-Димова. Димитриеска Кочоска: Планот за живот на Заев, ни донесе дупло поголемо иселување на младите лица од Македонија Цитирајќи делови од „Планот за живот“ во Македонија, кој беше предизборна програма на Социјалдемократскиот сојуз за изборите од 2016 година, во која Заев од македонските граѓани да го поддржат со цел на младите да им овозможи да градат живот во држава, нешто својата егзистенција да ја бараат по белиот свет, членот на Извршниот комитет на ВМРО-ДПМНЕ, Гордана Димитриеска Кочоска на панел дискусијата во организација на партијата, насловена „4 години Заев, 4 години украден живот, доста е“, истакна дека официјалните бројки говорат дека за периодот откако Зоран Заев е на власт бројот на иселени млади лица е многу зголемен. „Ако ги погледнеме официјалните бројки кои ги вади Државниот завод за статистика и Еуростат, ќе забележиме дека периодот 2006-2016 година, просечно годишно од Македонија се иселувале некаде околу пет илјади млади лица. Периодот од 2017 до 2019 година од Република Македонија, просечно се иселуваат десет илјади млади лица, што покажува дека овој живот ни донесе дупло поголемо иселување на младите лица од Македонија“, истакна Димитриеска Кочоска. Таа истакна дека по однос на сиромаштијата, според податоците од последните години, под владеење на СДСМ, кои ги вади Еуростат и ДЗС ќе видиме дека стапката на сиромаштија воопшто не се намалува односно дека таа се зголемува, што не беше случај кога ВМРО-ДПМНЕ беше на власт, кога имавме намалување на стапката на сиромаштија во државата. „Ако ја погледнеме стапката на сиромаштија кај вработените, ќе видиме дека таа стапка место да се намалува, таа стагнира што јасно укажува дека овие, таканаречени нови вработени добиваат плата која што е многу мала и која ги влече во сиромаштија, при што одвај врзуваат крај со крај“, потенцираше Димитриеска Кочоска. Таа се осврна и на обврските на државните и јавните претпријатија кон приватниот сектор, која што беше од целите во таканаречениот „План за живот“ на СДСМ, за навремено сервисирање на обврските на државата кон приватниот сектор, при што додава дека, ако ги погледнеме податоците во буџетот, заклучно со месец април 2021 година и ги споредиме со 2020 година ќе видиме дека повратот на ДДВ-то е помал, што повеќе од јасно укажува дека не се прави поврат да ДДВ, односно парите не се враќаат навреме кај фирмите. „Во однос на обврските на државата, односно јавните претпријатија и акционерските друштва во државна сопственост ги имаат кон приватниот сектор, заклучно со месец март обврските кон приватниот сектор се 135 милиони евра, тој износ на крајот од годината заклучно декември 2020 година бил 120 милиони евра. Што значи дека само за три месеци дополнително имаме 15 милиони евра повеќе обврски кон приватниот сектор. А еден од главните должници се Електрани на Македонија“, рече Димитриеска Кочоска која додаде дека ЕЛЕМ нема сервисирано околу шест милиони обврски кон приватниот сектор иако за време кога ВМРО-ДПМНЕ си одеше од власт и тогашниот директор, Христијан Мицкоски им оставиле нула обврски кон приватниот сектор. Тоа значи, истакна Димитриеска Кочоска, дека Владата не ги сервисира редовно обврските кон приватниот сектор и ако тоа го правела во овој период на економска криза, стопанството полесно ќе ја пребродеше и загубите и последиците ќе беа помали. Трипуновски: Власта на Зоран Заев ги заборави системите за наводнување и го распродаде државното земјоделско земјиште На денешната панел дискусија организирана од ВМРО-ДПМНЕ на тема „Четири години власт на Заев, четири години украден живот“ во однос на земјоделието говореше Цветан Трипуновски кој што истакна дека владата на Зоран Заев системите за наводнување во земјоделието тотално ги заборави и прави класична распродажба на државното земјиште. „Ниту навремена исплата на субвенции ниту загарантиран пласман и откуп на земјоделските производи ниту поголем девизен прилив за Македонија. Владата предводена од СДСМ донесе погубни политики за Македонија. Водата како битен ресурс требаше да има особен акцент. За потсетување СДСМ во предизборието ветуваше инвестиции од десетици милиони евра. на годишно ниво за изградба и обнова на постоечките системи за наводнување. Денеска сме сведоци дека во овие четири години приоритет за АД Водостопанство и владата предводена од Зоран Заев приоритет се набавка за нови возила за ова акционерско друштво но не и изградба и санација на постоечките системи за наводнување. Се доведоа во ситуација да не можат плата на вработените да им исплатат во акционерското друштво. Менаџерскиот тим кој го предводи АД Водостопанство не успеа ниту да набави резервни делови а не пак да инвестираат. ВМРО-ДПМНЕ вети и стои на тоа дека ќе инвестираме 20 милиони на годишно ниво во наредните 10 години“ истакна Трипуновски. Трипуновски додаде и дека власта предводена од Зоран Заев се обидува да ја распродаде Македонија и државното земјоделско земјиште. „СДСМ се обидува да ја распродаде Македонија. Ова законско решение има многу скриени елементи кој што јавноста треба да ги знае планираат во првите три години со годишните програми кој што сакаат да ги донесат да продадат 50 000 најквалитетно земјоделско земјиште. Накратко кажано ќе останеме и без квалитетна почва и без средства“ нагласи Трипуновски. Трипуновски: Владата на Зоран Заев ги заборави земјоделците и ги остави без откуп со ниски цени и неисплатени субвенции На денешната панел дискусија организирана од ВМРО-ДПМНЕ на тема „Четири години власт на Заев, четири години украден живот“ во однос на земјоделието говореше Цветан Трипуновски кој што истакна дека земјоделието е тотално уништено од владата на Зоран Заев а земјоделците се оставени сами на себе. „Македонските земјоделци поминуваат низ голгота во овие четири години. Само еден од проектите кој што го ветуваше СДСМ во предизборието е дека ќе формира гарантен фонд за заштита на македонското земјоделско производство и дека во тешки моменти ќе интервенира државата со спасување на земјоделскиот род. Тој фонд за почеток мислам дека требаше да биде околу 6 милиони евра меѓутоа тоа остана само на 94 страна од програмата на СДСМ а во реалноста никогаш не се спроведе. За потсетување овие четири години немаше земјоделски производ кој што не заврши на буниште или по македонските улици во знак на револт против владата на СДСМ. Практично земјоделците беа оставени сами на себе да се снаоѓаат како знаат и умеат“ нагласи Трипуновски. Трипуновски истакна и дека има ненавремена исплата на субвенциите. „Во делот на субвенционирањето ветуваа дека ќе имаат неселективен пристап во делот на исплатата. ВМРО-ДПМНЕ во своето време на владеење воведе календар на субвенции односно тоа значи дека секоја категорија македонски земјоделец ќе знае кога и во кој период ќе ја добие својата субвенција загарантирано. СДСМ во овие четири години не само што не го почитува календарот туку има и многу заостанати обврски. Моментално имаме заостанати обврски од претходни години преки 1,5 милијарда денари од претходни години кои што се неисплатени субвенции“ рече Трипуновски. Трипуновски додаде и дека владата предводена од Зоран Заев ги заборави тутунарите и ги остави без откуп и со ниска откупна цена. „Владата на СДСМ ветуваше дека ќе биде партнер на земјоделците но гледаме дека од тоа остана само партнерство во четири очи на илинденска број 2 и министерството за земјоделство. Најголемата земјоделска категорија во Македонија во регистарот имаме околу 30 илјади семејства кои што обработуваат и ја работат културата тутун кога ќе го помножите тоа со четири члено семејство доаѓаме до бројка дека околу 120 000 семејства очекуваат приход и прехрана на нивните семејства од оваа култура. Треба јавноста да знае дека владата на СДСМ донесе 7 годишна стратегија за тутунопроизводство каде што внатре се десеткуваат површините од година во година. На крај треба да се сведе што во Пелагонија и Прилепскиот регион наместо тутун земјоделците да одгледуваат сусам. Сведоци сме дека наместо повеќе полиња со жито и прехрана на нивните семејства ние гледаме дека имаме повеќе полиња односно плантажи со марихуана. Тоа се приоритетите на оваа влада“ истакна Трипуновски. Јаневска: Царовска не нуди дигитализација, туку само дигитални учебници кои ќе предизвикаат дискриминација кај децата, училиштата се распаѓаат нека почне прво нив да ги средува Дигитализацијата светски тренд и е потребна, но ова што го нудат МОН и Царовска не е дигитализација туку само дигитални учебници. Новиот Закон тоа го нуди, односно вели дека печатени книги ќе има само од прво до трето одделение, а се понатаму печатени книги нема. Сите книги треба да бидат електронски, односно дигитални, изјави Весна Јаневска претседателка на Комисија за образование и наука на ВМРО-ДПМНЕ, на панел дискусијата во организација на ВМРО - ДПМНЕ, а насловена како „4 години Заев, 4 години украден живот, доста е“. Јаневска потенцира дека ваквата идеја ќе предизвика нарушување на детски права и дискриминација. - Децата кои немаат дигитални уреди ќе треба да добијат копија, и тоа нема да биде дигитален учебник за тие деца оти ќе ги нема дигиталните содржини. Ние имаме училишта каде децата немаат услови за престој, а наставниците пристојни услови за работа. Не само што немаат паметни табли и дигитални уреди туку немаат услови за одржување на хигиена. Тие немаат ни пристојни тоалети, училиштата се руинирани, клупи се распаѓаат, нагласи Јаневска. Таа истакна дека власта прво треба да се посвети да ги подобри условите во училиштата и истите да ги дигитализира, а потоа да се размислува за дигитални учебници. Како споредба ВМРО-ДПМНЕ изгради 74 нови училишта, реновираше 400, изгради 51 спортска сала. Ако направиме споредба тоа е 8 до 10 пати повеќе. Страшно е што проектите кои ги направи претходната влада оваа влада не може да ги одржува и ги остава да се распаѓаат, рече Јаневска. Славески: За четири години од Заев добивме рекорден раст на јавен долг и катастрофална реализација на капитални инвестиции Трајко Славевски, член на ИК на ВМРО-ДПМНЕ денес на панел дискусијата насловена „Четири години Заев, четири години украден живот. Доста е!“ рече дека ваков рапиден раст на јавниот долг не се случил ни во време за кризата во 2008 и 2009 година, како денес во време кога Зоран Заев е премиер. И без пандемијата јавниот долг ќе раснеше бидејќи концепцијата за развој на економија на СДСМ не се темели на создавање на вредност и умножување на богатството туку на распределба. А, со тоа власта ја зголеми сиромаштијата во државата. „Оправдувањето кое што сега се наоѓа за рапидниот раст на јавниот долг што не е досега случено во таков краток временски период во Република Македонија не се случи ни за време на кризата од 2008 и 2009 година. Не сме забележале таков период од осамостојувањето, за таков краток временски период да се зголеми толку драстично јавниот долг“, рече Славески. Славески додаде дека црвената линија на јавниот долг е премината. „И покрај најавите бомбастични сега за не знам колку беа 3.8 милијарди јавни инвестиции, а другите приватни за да дојдеме до цифрата над 8 милијарди кои што ги лансираше Заев, Владата предводена од СДСМ во изминативе четири години не направи ништо за подготовка за реализација на капитални инвестиции“, нагласи Славески. Славески посочи дека треба капацитетите на сите буџетски корисници да се зајакнат, а тоа е пропуштено. Поради тоа Македонија има катастрофално ниво на реализација на капитални инвестиции. „Апсорпциската моќ на економијата доколку продолжи оваа Влада во иднина во наредните година две, нема да можеме да очекуваме некое значително поместување во реализација на капиталните инвестиции“, појасни Славески. Славески рече дека во наредните неколку години со СДСМ на власт стандардот ќе опаѓа. Лазов: Планираниот клинички центар во Србија е ист како оној во Македонија, разликата е што овој ветуван од Заев и Филипче е 4 пати поскап Владата предводена од СДСМ ги лаже граѓаните дека ќе изгради нов клинички центар во Скопје. Владата подготови само физибилити студија од 30 страни, нема никаков проект, ама затоа планира тоа да чини повеќе од половина милијарда евра, рече доктор Кирил Лазов од Комисијата за здравство на панел дискусијата во организација на ВМРО - ДПМНЕ насловена како „4 години Заев, 4 години украден живот, доста е“. Доктор Лазов укажа дека во Белград се гради клинички центар со исти перформанси и истиот чини 125 милиони евра, а во Македонија нема проект за нов клинички, ама има цена повисока од над половина милијарда евра. „За клиничкиот што го нудат Заев и Филипче нема проект, ама има цена, а во цената не се вклучени геомеханички испитувања на земјиштето, водовод, канализација, пристапни патишта, што значи ќе биде и поскап. Има само физибилити студијата која очигледно им е само покритие за пљачка. Најкорумпираната Влада во Европа предводена од Заев и министерот за здравство Филипче сакаат да направат само нов криминал сега со наводна градба на нов клинички центар’, рече Лазов. Како е можно за клинички со исти перформаси во Србија да се трошат 125 милиони евра, а кај нас да има 4 пати повисока цена, праша Лазов. „За разлика од кај нас, во Србија клинички центар се гради за 4 пати помала сума во вредност од 125 милиони евра. А според карактеристиките станува збор за ист клинички центар. Единтвената разликата е во тоа што тој во Белград се прави за четири пати помала сума и со детален проект, а во Македонија ист таков би чинел четири пати повеќе или повеќе од половинина милијарда евра и со физбилити студија од само 30 страни, без никаков проект“, рече Лазов. Очигледно е додаде, доктор Лазов, дека во Македонија интересот е само за провизии и ставање пари во џеб. Јаневска: Реформата на Царовска има цел да променат учебниците како што ќе побара Бугарија и да се потрошат 21,5 милиони евра Во реформата на Царовска за образование се крие политичка агенда со две цели. Првата е вметнување на резултатите од преговорите со Бугарија во образовниот процес и детали од Договорот од Преспа и втората цел е наоѓање на начин за трошење на 21,5 милиони евра кредит од Светска банка, вели Весна Јаневска претседателка на Комисија за образование и наука на ВМРО-ДПМНЕ, на панел дискусијата во организација на ВМРО - ДПМНЕ, а насловена како „4 години Заев, 4 години украден живот, доста е“. Јаневска потенцира дека реформа немаше да биде проблем ако имаше надеж дека реформата ќе понуди нешто подобро во образованието, но тука станува збор за политичката агенда која е наметната и затскриено ја вметнуваат во процесот на образованието и која ќе предизвика тектонски движење ви процесот на образование и силни турбуленции кај наставниците. Таа вели дека сериозен е сомнежот дека не станува збор за обмислена реформа која ќе доведе до подобрување на образовниот систем, туку се турка политиката на власта со цел да се покаже успешност. - Проблемот е во Законот каде што се вели дека еднаш годишно ќе се правата промени на учебниците до 30%. Промени еднаш годишно по математика, физика нема потреба да се прават, ниту по хемија, а промените се очекуваат во историја, географија и македонски јазик, односно она што допрва претстои да се решава во политичкиот дијалог помеѓу две држави. Тоа не е наука, истакна Јаневска. Славески: Од ветените 5% БДП секоја година добивме 0.7% за четири години, и промашен даночен систем што ја зголеми сиромаштијата На денешната панел дискусија „Четири години Заев, четири години украден живот. Доста е!“ организирана од ВМРО-ДПМНЕ, свое обраќање имаше и Трајко Славески, член на ИК на ВМРО-ДПМНЕ кој говореше за лошите политики на власта кои имаа катастрофални последици врз македонската економија. „Нема ништо лошо во спроведување на проекти, дури и програми, но ако тие се во согласност со вашите идеолошки определби, ако се тргнува од најчесни намери. Намерите на СДСМ не беа чесни, во смисла на тоа што нивните претставници уште кога беа во опозиција критикуваа дека наводно со воведување на рамниот данок, кој што ние го воведовме се зголемила нееднаквоста во Република Македонија. Напротив според податоците на Светска Банка објавени во нивни публикации, нееднаквоста во распределбата на доходот во Република Македонија мерена според т.н. БДП коефициент се намали од 43% во 2007 година на 34% за 2015 година. Тоа е сосема спротивен тек на настаните“, истакна Славески. Славески посочи дека СДСМ во период кога беше опозиција велеше дека со рамен данок се зголемила сиромаштијата. Напротив стапката на сиромаштијата во истиот период значи 2007 – 2015 според Светска Банка е намалена за 5-6 процентни поени. „Чуди тоа што сепак се охрабрија, кога видоа дека се соочија тие со катастрофални резултати со губење на приходи од воведување на висока стапка на данокот на личен доход, за плати над 90.000 денари, отстапија, што е редок случај во светската практика, имено во текот на само од 9 месеци режим на оданочување така радикално да се промени. Но, како што слушам деновиве сепак не се откажаа од таа идеја која што разработуваа повеќе години, со навестување дека ќе го воведуваат пак данокот. Тие дури и препорачаа зголемување на даноците“, рече Славески. Славески додаде дека срамота е во период на криза власта да зголемува даноци на граѓаните, кога граѓаните се без работа, со намалени плати или воопшто немаат земено плата. Славески потсети дека власта ветуваше раст од БДП 5% секоја година но резултираше со просечен раст од 0.7% за четири години. „Податоците за БДП ги имаме за четирите години, заклучно со 2020-та година. И имаме негативна стапка на раст. Стапката на раст од ветените 5% годишно е само 0.7%. Ако се остварија ветените 5% раст на БДП тоа ќе значеше зголемување на животниот стандард. Но ние имаме само загуба. Причината за ова е што Владата предводена од СДСМ и ДУИ на чело со Заев немаше јасен план, немаше модерен пристап како да ја подржи македонската економија од самиот старт, нема современи развојни политики, и од тука без одреден концепт кој што треба партиите да го подготвуваат кога се во опозиција сето е само губење на време и маркетинг“, појасни Славески. Лазов: Владата предводена од СДСМ катастрофално се справува со корона кризата и има нула реализација на ветени проекти Состојбата со справување со ковид пандемијата е катастрофална, оттука и последиците се катастрофални. Има повеќе од пет илјади починати како последица на комликации од корона, рече доктор Кирил Лазов од Комисијата за здравство на панел дискусијата во организација на ВМРО - ДПМНЕ, а насловена како „4 години Заев, 4 години украден живот, доста е“. Оттука, илуистрираше Лазов, според „Ворлдометар“ по број на починати на милион жители Македонија е на високо 4 место, а според американскиот институт „Хелт дата“ е на шесто место. Дополнително, американскиот институт, изрази сомнеж за точноста на бројките за починати кои ги презентираат надлежните или дека има два пати повеќе починати. И не само што не се справи со корона кризата, владата предводена од СДСМ не реализираше ништо од ветеното во програмата. „Ветуваа современ и функционален клинички центар во Скопје. По 4 години направија единствено една физибилити студија од 30 страници во која е одредена единствено цената од повеќе од половина милијарда евра. Нема проект, во цената не се вклучени геомеханички испитувања на земјиштето, водовод, канализација, пристапни патишта. Или физибилити студијата им е само покритие за пљачка. Или во Белград се гради клинички со исти перформанси и чини 125 милиони евра во Македонија над 500 милиони, евра или 400 илјади Филипче и Заев ги планираат за во џеб“, рече Лазов Дoктор Лазов се осврна и на останатите нереализирани проекти. „Велеа ќе започнат изградба на клинички центар во Битола. Апсолутна нула, нема план, нема проект, нема локација, нема ништо. На матичните им ветуваа зголемување на капитации од 55 на 90 денари, на стоматолозите од 40 на 70 денари. Им дадоа само трошки или покачување од 8 денари, или на матичните 63 денари, а на стоматолозите 48 денари, значи далеку од ветините 90 за матични и далеку од ветените 70 денари за стоматолози“, рече Лазов.

Пендаровски, Борко Ристовски и Џон Битов денеска присуствуваа на панел дискусија „Лидерството во политиката“

Магдалена Андонова — Wed, 19 May 2021 17:11:09 +0000

Денес се одржа панел дискусија "Лидерството во политиката, бизнисот и спортот" на кои беа присутни Претседателот на Р. Македонија, Стево Пендаровски, претседателот на Републичката комисија за спорт при ВМРО-ДПМНЕ, Борко Ристовски и познатиот канадски бизнисмен и спортист, Џон Битов, стои во Фејсбук објавата на Комисија за спорт на ВМРО-ДПМНЕ. - Оваа дискусија е дел од обуката "Проект ЛИДЕР", на која се дискутираше за различни стилови на лидерство, лидерството во спортот и неговиот понатамошен развој. Претседателот на Комисија за спорт при ВМРО-ДПМНЕ, Борко Ристовски се задржа на ставот дека спортот е најважното оружје за едно општество да има природен развој и здрави идни генерации, па затоа ние ќе мора да бидеме тие кои ќе дадеме се од себе спортот да е највисоко рангиран во Република Македонија, се вели во Фејсбук објавата.

Панел дискусија по повод Светскиот ден за борба против рак

Дарко Андоновски — Mon, 04 Feb 2019 06:47:08 +0000

Здружението за борба против рак „Борка – за секој нов ден“ денеска организира панел дискусија во рамки на одбележувањето на 4 февруари, Светски ден за борба против рак. На панел дискусијата, како што е најавено, ќе се обратат претседателот на „Борка“, Биба Додева, министерот за здравство Венко Филипче, како и директорите на клиниките за хематологија, радиотерапија и онкологија и за детски болести, Ирина Пановска-Ставридис, Нино Васев и Катерина Ставриќ. Ќе присуствуваат и здравствените работници, претставници од релевантните институции, од други невладини организации и пациенти заболени од рак. Од Здружението посочија дека на панел дискусијата ќе стане збор за ракот со посебен акцент на превенцијата, раната детекција, третманот и терапијата, состојбата во Македонија, и за следните чекори – имплементирање на Национален регистар за рак и на Националната стратегија за контрола на ракот.

Со панел дискусија УМС го прослави Светскиот ден на студентите

Ристе Здравков — Sat, 17 Nov 2018 18:31:36 +0000

Денеска Унијата на млади сили на ВМРО-ДПМНЕ со панел дискусија го прослави Светскиот ден на студентите. На панел дискусијата присуствува претседателот на ВМРО-ДПМНЕ, Христијан Мицкоски, Иванка Василевска член на Извршниот комитет на ВМРО-ДПМНЕ и Јован Јаулески в.д. претседател на Унијата на млади сили на ВМРО-ДПМНЕ. На панел дискусијата се разговараше за проблемите и предизвиците со кои се соочуваат македонските студенти, како и предлог решенија кои во иднина ќе ја подобрат положбата на македонскиот студент.

Професорката и член на Извршниот комитет на ВМРО-ДПМНЕ, Иванка Василевска во своето обраќање пред Унијата на млади сили на ВМРО-ДПМНЕ посочи дека погромот кој што се случува денес во целиот државно политички систем се чувствува и во високо образовните установи, а македонскиот студент денес е понесреќен од оној кој што студирал дури и од времето кога условите за студирање биле многу полоши од денес.

- Денес сме соочени со погромот кој што се случува воопшто во целиот државно политички систем на Република Македонија, а истиот го чувствуваме и силно не притиска и во делот на високо школските установи. Зошто македонскиот студент денес е понесреќен од оној пред 10-тина години или пред 20 кога јас бев студент и кога навистина беше нејасно дали Македонија навистина ќе продолжи, дали ќе успееме, дали ќе имаме можности кога немаше интернет, кога немаше толку можности да се патува и да се разменуваат искуства. Кога беше навистина привилегија и чест да се добие стипендија, да се добие некој студентски престој да се оди на некој семинар.

Таа изрази огромна благодарност до партијата ВМРО-ДПМНЕ поради искуствата и знаењата кои ги стекнала како член на партијата учествувајќи на настани организирани од партијата и другите партнерски институции, напоменувајќи ја Фондацијата „Кондрад Аденауер“.

Претседателот на ВМРО-ДПМНЕ, Христијан Мицкоски кој доаѓа од професорската фела го посочи иселувањето на младите од Македонија како еден од најголемите проблеми на државата, а вината за тоа ја пронајде кај неспособноста на власта.

Мицкоски порача дека силата е во младите кои претставуваат моторот на едно општество, но сега за жал студентите ја губат слободата, а нивниот глас не се слуша.

- Студентите се движечката сила на едно општество, моторот на промените, иновативноста, цутот на секое општество. Најдобар синоним за младиот човек е слободата, кога ја има, тогаш тие поместуваат граници, создаваат и креираат критериуми, вредности, а кога ја нема, тие се искрата од која почнуваат промените. Денес за жал нашата земја го живее можеби најцрното време. Студентите ја губат слободата, и некој ќе праша како е тоа можно, можно е кога тие имаат празен стомак, стипендии кои доцнат и не се зголемуваат, услови за сместување кои не се подобруваат, наставна програма која не се реформира, стандарди кои го пробиваат дното, глас на млади кој не се слуша, вели Мицкоски.

Претседателот на ВМРО-ДПМНЕ истакна дека ниту еден универзитет во Македонија не се наоѓа на Шангајската листа на најдобрите илјада универзитети во Македонија, а студентите кога ќе завршат со своите студии не можат да најдат работа. Токму поради ова Мицкоски посочи дека е потребно целосно преобразување и ново поглавје во односот кон студентите и младите.

В.д Претседателот на Унијата на млади сили, Јован Јаулески најави нова стратегија за млади која набрзо ќе биде презентирана во јавноста во која ќе има идеи и проекти кои ќе понудат алтернатива на безнадежноста во Македонија.

- Сакам да истакнам дека во наредниот период Унијата на млади сили работи на стратегија за млади која ќе биде презентирана во јавноста и исто така идеи и решенија од младите луѓе со кои што се изготвуваат проекти кои што со експертскиот тим на ВМРО-ДПМНЕ кога ќе биде време ќе бидат презентирани пред македонската јавност, се со цел како млади луѓе како авангарда кои треба да ја донесат промената во Република Македонија, да понудиме алтернатива за ова безнадежност, заклучи Јаулески.

Во Велес панел дискусија за заштита на животната средина и подобрување на земјоделството

Матеја Петровски — Sat, 01 Sep 2018 07:20:10 +0000

Делегацијата на ЕУ во Македонија синоќа во Велес ја одржа првата од најавените повеќе панел дискусии со граѓаните низ градовите во земјава. Амбасадорот на ЕУ Семуел Жбогар пред присутните појасни дека ги организираат овие панел дискусии со две причини, а првата е да разговараат со граѓаните во врска со ЕУ. - Втората причина мислам дека е поважна бидејќи ние како ЕУ сакаме да ве сослушаме вас како граѓани на Македонија, вашите коментари и полемики, вашите прашања во врска со состојбите во вашите општини и што е тоа што вас ве засега. Имајќи во предвид дека ние како ЕУ обрнуваме огромно внимание на животната средина и свесни сме за тоа, токму заради како главна тема на расправа во Велес одбравме тоа да биде животната средина. Ние како ЕУ сме свесни дека тоа е многу актуелно прашање од големо значење на Општина Велес, потенцира Жбогар. Само кога сте обединети сте посилни, потенцира Жбогар одговарајќи на прашањето што прави ЕУ за своите членки односно граѓани. - Можете да направите далеку повеќе отколку кога сте сами. Сега кога во светот има немирни води и бури и во такви времиња е подобро да се биде на крузер отколку на мал брод или чамец и кога сте дел од едно големо семејство тогаш сте посилни и позаштитени отколку кога сте сами со себе, потенцира амбасадорот Жбогар. Тој додаде дека токму вредностите на ЕУ и помогнаа нејзиниот глас да биде слушнат ширум светот. Во врска со прашањето за менаџирање на сметот во Општина Велес, тој потсети дека во 1991 година и Словенија и Македонија ги имале истите стартни позиции и дека тогаш не било прашањето дали треба да се почне со рециклирање на сметот. - Тоа што го прави ЕУ, е да ги форсира земјите членки да можат барем 50 отсто од сметот да го рециклираат и тоа до 2020 година треба да го постигнат земјите членки на ЕУ. Сакам да ве информира дека Словенија веќе има постигнато 60 проценти на рециклирање на смет, и таа е речиси најчиста земја. ЕУ не ги помага земјите членки само со директиви, туку и со фондови со финансиски средства за оваа цел да може да биде постигната, нагласи Жбогар. Модераторот Убавка Јаневска го информира амбасадорот Жбогар за еколошките проблеми на Велес, а кои преку анкета ги посочиле граѓаните на од овој град. Тоа се црниот рид од згура со тешки метали на Топилницата која 15 години не работи, Варницата во Превалец, а која со бела прашина ги труе граѓаните на велешките населби Тунел и Керамидна. Граѓаните го посочиле и проблемот со градското ѓубриште кое секое лето гори и од кое со токсични и канцерогени материи се нарушува здравјето на граѓаните, заради што е потребно изградба на стандардна регионална депонија. Потоа за големиот број на свињарски фарми во некои од велешките и приградските населби, за потребата да се стават во функција двете мерни станици за состојбите на воздухот во градот, за пречистителна станица на водите во реката Тополка од која преку ХС „Лисиче“ се снабдува со вода за оиење граѓаните на Велес и уште неколку населби, како и за потребата од изградба на пречистителна станица на Вардар. Велешани во анкета посочиле и за проблемот со несоодветното сообраќајно решение во градот, за нерешената атмосферска канализација, како и за многу други проблеми. Во врска со проблемите во земјоделието, проф д-р Злате Арсов од Земјоделскиот факултет во Скопје побара од Делегацијата на ЕУ во земјава да изнајде средства за доизградба на ХС „Лисиче“ во делот за наводнување на жедните земјоделски површини во велешкиот регион. Воедно зпелираше за помош и за окрупнување на земјоделското земјиште на ситните земјоделци во земјава. Еколозите од ЕД „Вила Зора“ побараа да се прочисти загадената со тешки метали почва на земјоделските и јавни површини во градот. Воедно земјоделците побараа и повеќе трактори. На тоа амбасадорот Жбогар посочи дека досега од ЕУ фондовите доделиле средства за набавка на 585 нови трактори, а дека тој сега дознал дека во земјава има 20 илјади трактори. Во контелст на тоа предложи здружување на земјоделците и со еден трактор да се користат повеќе земјоделци. Воедно земјоделците се пожалија на големата и тешка процедура на ИПАРД програмата за добивање на трактори, за системите за наводнување и друга неопходна опрема и механизација за унапредување на земјоделството. Амбасадорот Жбогар внимателно ги сослуша сите проблеми на граѓаните на Велес и вети дека ќе разговара со надлежните за подобро спроведување на законите кои постојат. Тој им предложи сите тие да се здружат, зошто само така здружени ќе бидат посилни за решавање на нивните проблеми, а за некои од нивните проблеми ќе се обиде тие да добијат финансиски средства од ЕУ фондовите. Следната панел дискусија Делегацијата на ЕУ во земјава ја најави за 4 септември во Прилеп. (Миа)

Панел-дискусија за декриминализација на канабисот

Матеја Петровски — Sat, 30 Jun 2018 06:53:07 +0000

Поттикнување дебата за потребата од декриминализација на употребата на канабис во Република Македонија е целта на панел-дискусијата што денеска ќе се одржи во Скопје во организација на Здружението Млади европски федералисти – Македонија (ЏЕФ Македонија) во соработка со Здружението за канабис и зелени политики - БИЛКА. Панел - дискусијата е насловена „Декриминализација сега!“, а .според организаторите, говорници се пратеничките на ДОМ и на ЛДП, Маја Морачанин и Јулиана Николова, Дамјан Божиновски од Левица, Наташа Бошкова претставник од ХОПС и Коалиција Маргини и Јанаки Митровски адвокат и член на БИЛКА. На форумот што ќе се одржи во Кино Култура, се поканети и претставници на граѓански организации, новинари, засегнати граѓани, претставници од дипломатскиот кор во Македонија и претставници од институциите. (Миа)