Паневропска комисија – Kurir.mk

ЕК прифати граѓанска иницијатива за заштита од 5Г мрежата

Дарко Андоновски — Thu, 07 Oct 2021 14:09:51 +0000

Европската комисија ја регистрираше граѓанската иницијатива за подобра заштита против можни штетни последици од 5Г мрежата во ЕУ, јави дописничката на МИА од Брисел. Иницијативата наречена “Стоп за 5Г, останете конектирани, но заштитени“ доби зелено светло од Европската комисија откако беше оценето дека ги исполнува сите критериуми, иако тоа не значи дека Комисијата се согласува со содржината на барањата на граѓанската иницијатива. Петицијата поднесена од групи граѓани во ЕУ бара од Европската комисија подобра проценка и законодавство против можни штетни радијации кои би произлегле од инфраструктурата потребна за 5Г мрежата врз луѓето и врз животната средина. Граѓаните бараат и посилна заштита против кибер криминалот и можноста за крадење на личните податоци на интернет корисниците преку оваа мрежа. Европската Комисија не се произнесе за содржината на петицијата и допрва ќе ја анализира. Со прифаќањето на оваа иницијатива организаторите сега имаат една година да соберат еден милион потписи од најмалку седум земји членки на ЕУ за Европската Комисија да реагира и детаљно да ги анализира барањата. Доколку се соберат потребните потписи, Европската комисија може да одбие да делува по барањата на граѓаните, но тие имаат право да побараат од Комисијата да ја аргументира својата одлука.

ЕК: „Спутник V“ не е дел од ЕУ стратегијата за вакцинирање

Дарко Андоновски — Thu, 04 Mar 2021 13:18:51 +0000

Портпаролот на Европска Комисија, Ерик Мамер денеска изјави дека тоа што руската вакцина против Ковид-19, „Спутник V“ би можела да добие одобрување од Европската агенција за лекови (ЕМА) не значи дека треба да биде вклучена на листата на вакцини опфатени со ЕУ стратегијата за вакцинација. Тој додаде дека постои јасна разлика помеѓу одобрување за употреба на вакцината во ЕУ и ЕУ стратегијата за вакцинација, преку која заеднички се нарачуваат вакцини за сите 27 земји-членки на Унијата. – Стратегијата на ЕУ за вакцинација се развива и се применува во соработка со ЕК и со земјите-членки. Тие можат да одлучат да ја интегрираат новата вакцина во постоечкото портфолио, но во моментот не се разговара за тоа, истакна Мамер. ЕК соопшти и дека во име на ЕУ веќе склучила договори за набавка на доволно вакцини (2,6 милијарди дози од шест компании), со што би се реализирала целта – да се вакцинираат 70 проценти од Европејците до крајот на летото. Во Брисел истакнуваат дека при одобрување на вакцините не се раководат од геополитиката, туку со проценка на квалитетот, ефикасноста и безбедноста на вакцините. Европската агенција за лекови (ЕМА) денеска соопшти дека почна со испитување на вакцината против Ковид-19 „Спутник V“, а руските власти соопштија дека се подготвени до јуни да обезбедат 50 милиони дози вакцини за граѓаните на Европска Унија.

Прв состанок на Паневропската комисија формирана поради Ковид-19

Ивона Петрова — Wed, 26 Aug 2020 05:43:11 +0000

Првиот состанок на Паневропската комисија за здравство и одржлив развој, свикана како одговор на кризата со Ковид-19, ќе се одржи денеска за да го означи почетокот на својата работа, соопшти Регионалната канцеларија на Светската здравствена организација (СЗО) за Европа. Регионалната канцеларија на СЗО за Европа ја свика оваа комисија за да ги преиспита политичките приоритети за време на пандемијата на коронавирусот. Како што се наведува во соопштението, станува збор за високо позиционирано независно тело, формирано за да ги прегледа доказите и да се извлечат пораки на регионално ниво од тековната пандемија, како и да се донесат политички препораки во врска со здравствената и социјалната заштита. По идентификувањето и разгледувањето на релевантните докази, Паневропската комисија за здравство и одржлив развој ќе даде препораки за тоа како да се реформираат политиките за предвидување, спречување и одговор на слични глобални или регионални закани во иднина. На онлајн брифингот на Регионалната канцеларија на СЗО за Европа, новинарите утре ќе бидат информирани за состанокот на регионалниот директор на СЗО за Европа, Ханс Клуге, претседателот на комисијата Марио Монти и научниот координатор на комисијата Елиас Мосаилос.

Утре прв состанок на Паневропската комисија формирана поради Ковид-19

Тале Кристо — Tue, 25 Aug 2020 13:34:21 +0000

Првиот состанок на Паневропската комисија за здравство и одржлив развој, свикана како одговор на кризата со Ковид-19, ќе се одржи утре за да го означи почетокот на својата работа, соопшти Регионалната канцеларија на Светската здравствена организација (СЗО) за Европа. Регионалната канцеларија на СЗО за Европа ја свика оваа комисија за да ги преиспита политичките приоритети за време на пандемијата на коронавирусот. Како што се наведува во соопштението, станува збор за високо позиционирано независно тело, формирано за да ги прегледа доказите и да се извлечат пораки на регионално ниво од тековната пандемија, како и да се донесат политички препораки во врска со здравствената и социјалната заштита. По идентификувањето и разгледувањето на релевантните докази, Паневропската комисија за здравство и одржлив развој ќе даде препораки за тоа како да се реформираат политиките за предвидување, спречување и одговор на слични глобални или регионални закани во иднина. На онлајн брифингот на Регионалната канцеларија на СЗО за Европа, новинарите ќе бидат информирани во четврток за состанокот на регионалниот директор на СЗО за Европа, Ханс Клуге, претседателот на комисијата Марио Монти и научниот координатор на комисијата Елиас Мосаилос.