ПАОК – Kurir.mk

Хаосот не стивнува по убиството на навивачот на АЕК, УЕФА го предупреди ПАОК

Ивона Петрова — Mon, 14 Aug 2023 19:13:29 +0000

Фудбалскиот клуб ПАОК би можел да биде исфрлен од Европа доколку натпреварот против Хајдук во квалификациите за Конференциската лига биде одбележан со инциденти. Како што пренесуваат медиумите од Грција, УЕФА наводно испратила предупредувачко писмо на адреса на тимот од Солун. Наводно, ПАОК е под „надзор“, а доколку дојде до нов навивачки конфликт во светло на хаосот што настана пред квалификацискиот натпревар од Лигата на шампионите меѓу Динамо Загреб и АЕК Атина, кога загина еден навивач на грчкиот тим, можно е протерување на овој клуб од плејофот за пласман во Конференциската лига, доколку тоа се случи. Првиот натпревар во Сплит заврши без голови, 0:0. Исто така, УЕФА потсети дека ПАОК веќе е казнет со затворање на стадионот, а дека е и финансиски санкциониран со 60.000 евра.

Јошко Миленкоски останува тренер на ПАОК

Бошко Тасиќ — Fri, 09 Jun 2023 06:26:35 +0000

Селекторот на македонската машка одбојкарска репрезентација, Јошко Миленкоски, и следната сезона ќе биде тренер на ПАОК, откако тој продолжи со работа во грчкиот клуб, со кој го освои тамошниот Куп и играше во финалето на првенството, информира Одбојкарската федерација на Македонија (ОФМ). Претходно, Миленкоски предводеше седум клуба, а со четири од нив оствари пласман на завршниот турнир во Купот на Европската одбојкарска конфедерација (ЦЕВ). Најтрофејниот македонски тренер беше селектор на репрезентацијата на Турција и ја предводеше до 11-то место на Европското првенство (ЕП) во 2017 година, па претстојниот континентален собир на кој коорганизатор е и Македонија, ќе биде негов втор настан од таков ранг.

ФОТО: Врие полиција на „Рекорд“

Ивона Петрова — Sat, 15 Oct 2022 16:33:20 +0000

Поради пријава за нарушен ред и мир од навивачка група има зголемено полициско присуство на прометната сообраќајница во центарот на Скопје позната по локалот „Рекорд“. Од МВР за МИА посочуваат дека се утврдуваат деталите за што точно се работи, а кога ќе имаат повеќе информации ќе ги соопштат на јавноста. Неофицијално, се работи на навивачи на ПАОК кои биле во група од педесетина и нападнале момче облечено во дрес на Вардар, а потоа украле неколку предмети од продавничките околу Триумфалната капија.

Јошко Миленкоски е нов тренер на ПАОК

Бошко Тасиќ — Mon, 04 Jul 2022 19:56:12 +0000

Поранешниот македонски селектор на одбојкарската репрезентација, Јошко Миленкоски ќе седне на кормилото на грчката екипа ПАОК. Миленковски на почетокот на годината седна на кормилото на Црна Гора, а претходно како селектор има работено со составите на Македонија и Турција. Стратегот во богатата кариера предводеше и голем број тимови, меѓу кои се Работнички, Нико Доага, Борец, Финикас Сирос, како и уште неколку екипи.

Миленкоски во Македонија освои 28 трофеи од кои 15 беа во првенството со Работнички, додека останатите 13 му се во Купот, каде што беше најдобар 12 пати со Работнички и еднаш со Борец.

ПАОК остана без седум бодови, титулата на дофат на Олимпијакос

Тале Кристо — Thu, 05 Mar 2020 17:22:07 +0000

ПАОК е казнет со одземање на седум бодови, како и Ксанти, бидејќи бизнисменот Иван Савидис бил сопственик на двата клуба. Одлуката ја донесе Фудбалскиот сојуз на Грција со што ПАОК практично останува без шампионска титула, до која многу блиску е Олимпијакос. Клубот од Солун има право на жалба која доколку биде отфрлена, речиси сигурно ќе значи дека Олимпијакос ќе биде нов првак во гркото фудбалско првенство со оглед на 12 бода предност што би ги имал по новонастанатата ситуација.

Навивачите на солунски ПАОК: Македонија е една и е овде (ФОТО)

Предраг Кукиќ — Wed, 07 Aug 2019 08:08:21 +0000

Плакат со натпис на англиски јазик „Македонија е една и единствена и е овде“ (Macedonia is one and only and it’s here) поставија навивачите на ПАОК за време на вчерашниот фудбалски натпревар со холандски Ајакс во квалификациите за Лигата на шампиони. Паното со слоганот, на трибината на стадионот „Тумба“ во Солун беше поставено пред почетокот на натпреварот и остана таму сѐ до крајот. Станува збор за истото пано кое навивачите на солунскиот фудбалски клуб и во минатото го поставуваа на трибината кога беа домаќини, како за време на натпреварите со европски екипи, така и за време на оние од домашното првенство.

Скандал во Солун: Тешка провокација за сите Македонци на вечерашниот натпревар меѓу ПАОК и Челзи (ВИДЕО)

Матеја Петровски — Thu, 20 Sep 2018 17:43:07 +0000

Фановите на ПАОК повторно со тешка провокација до сите Македонци, велејќи дека Македонија е единствена и е во Грција. Денеска солунски ПАОК ја отвори групната фаза од Лигата на Европа, на домашен терен против англискиот гигант Челзи, а тие овој меч го искористија за испраќање провокација до Македонците. -Македонија една и единствена и таа е тука, се вели во транспарентот на Тумба стадионот. Инаку, бидејќи овде станува збор за политичка провокација, клубот од Солун најверојатно го очекува казна од УЕФА, бидејќи од европската куќа на фудбалот е строго забрането мешањето на спортот и политиката. Погледнете го видеото:

ПАОК пред казна од УЕФА: Напад на новинари, употреба на ласери, политички банер

Дарко Андоновски — Thu, 09 Aug 2018 07:00:02 +0000

Навивачите на грчкиот тим ПАОК за време на синоќешниот дуел во Солун против Спартак Москва, предизвикаа неколку инциденти кои многу веројатно нивниот тим ќе го чинат санкции од УЕФА. Натпреварот беше од третото коло во квалификациите за Лигата на шампионите и заврши со победа на ПАОК од 3:2. Првиот инцидент се случи кога руските новинари кои дојдоа да информираат за овој меч, беа нападнати на стадионот на влезот во прес-ложата. Потоа за време на мечот се користеа ласери за попречување на гостинските фудбалери, а на една трибина беше истакнат и транспарент со порака дека Македонија е само грчка. Се очекува за сите овие прекршоци ПАОК да биде пријавен кај Дисциплинската комисија при Европската фудбалска федерација.

Навивачите на ПАОК со тешка провокација за Македонците: Македонија е една и единствена и таа е овде

Матеја Петровски — Wed, 08 Aug 2018 18:37:05 +0000

Навивачите на солунски ПАОК уште една испратија тешка провокација до сите Македонци, со транспарент на трибините тие порачаа дека Македонија е една и била во Грција. -Македонија е една и единствена и таа е овде, пишуваше на транспарентот на навивачите на клубот од Солун. Инаку, ПАОК во моментов го игра натпреварот против Спартак Москва во третото квалификациско коло од Лигата на шампионите, каде во моментов имаат предност од 3:2, иако имаа и негатива од 0:2.

ХАОС ВО АТИНА: Полицијата едвај спаси жива глава (ВИДЕО)

Катерина Бојаџиева — Sat, 12 May 2018 20:42:09 +0000

Во Грција денеска се играше финалето на грчкиот куп помеѓу ПАОК и АЕК, но натпреварот остана во втор план поради немилите настани низ улиците на Атина. Грчкото фудалско првенство беше прекинато поради инциденти на натпреварот помеѓу двата тима, кога газдата на ПАОК, Иван Савидис влезе на теренот со пиштол, со кој му се закануваше на судијата поради поништен гол за неговиот тим во 90-та минута. Па така, ПАОК остана без титула, бидејќи таа замина во рацете на АЕК. Поради ова, револтираните навивачи на ПАОК предизвикаа хаос низ улиците на Атина, а полицијата ја гаѓаа со пиротехника и молотови коктели. Грчките медиуми пренесоа видео на кое што се гледа како еден навивач фрла огнена топка директно на полицаец, кој се спаси благодарение на униформата. На полицаецот му се запалија чизмите и пантолоните, но за среќа брзо успеа да ги изгаси.