паоло дибала – Kurir.mk

Паоло Дибала го напушти теренот со солзи во очите

Бошко Тасиќ — Mon, 09 Oct 2023 03:59:41 +0000

Португалскиот стратег Жозе Мурињо ги замолкна шпекулациите за негово заминување од Рома по победата која ја оствари неговиот тим на гостувањето во Калјари, кое сепак не беше целосно добро за клубот од италијанската престолнина. Пауло имаше еден жесток судир со противнички фудбалер и веднаш алармираше со своите болни гримаси, а загрижувачка изјава по натпреварот даде и искусниот Мурињо. Дибала го напушти теренот со солзи во очите, па бидејќи се работи за повреда на коленото, првите импресии не се воопшто оптимистички. – Јас ги слушам моите играчи. Пауло не е оптимист за повредата и затоа и јас не сум оптимист. Мора да почекаме неколку дена додека да бидат направени резултати, но јас верувам на искуството кое го имаат моите фудбалери. Тој добро си го познава телото, Пауло не е оптимист, па не можам да бидам и јас. Медицинските лица се огласуваат само откако ќе бидат направени сите тестови, – изјави Мурињо.

Пауло Дибала го пропушта Мундијалот во Катар

Бошко Тасиќ — Tue, 11 Oct 2022 07:17:31 +0000

Тежината на повредата на Пауло Дибала ќе одреди колку ќе биде отсутен од терените ќе се знае по утрешните тестови. Рома се надева дека тој ќе се опорави за 25-30 дена, но за ваков тим на повреди се отсуствува меѓу четири и осум недели. Тоа би значело дека Дибала ќе ги пропушти сите натпревари за Рома до Светското првенство, а ќе се трка со времето за настап на Мундијалот во Катар. До Светското првенство, Рома има уште девет натпревари во сите натпреварувања.По утрешните тестови ќе биде појасно за колку тешка повреда се работи и дали Дибала ќе го пропушти Мундијалот.

Нови детали за договорот меѓу Рома и Дибала, откупната клаузула не е голем проблем за „Волчицата„

Ристе Здравков — Fri, 22 Jul 2022 09:00:00 +0000

Рома заврши голема работа. Римјаните го ангажираа Паоло Дибала како слободен агент. Победи во трката со Интер, Милан и Наполи за неговиот потпис и го врза со договор на три години. На површина излегоа нови детали од соработката помеѓу Аргентинецот и клубот од Вечниот град. Првата е дека нема опција за продолжување на соработката меѓу двете страни за уште една сезона. Според првите информации Дибала би требало да заработи 4.500.000 евра фиксно во Рим. Пишуваше дека може да добие уште 1.500.000 како бонус. Џанлука Ди Марсио пренесува дека загарантираниот дел од платата на аргентинскиот репрезентативец ќе биде нешто помал – 4.200.000 евра. „Волчицата“ ќе треба да плати и провизија во износ од 4.000.000 евра или 10 отсто од договорот. Сепак, ќе се плаќа на рати за времетраењето на престојот на Дибала на Олимпико. Доколку Аргентинецот го напушти клубот пред третата сезона, Рома нема да мора да плаќа дел од провизијата за таа година. Излезна клаузула од „само“ 20.000.000 евра беше основниот услов на поранешниот играч на Јувентус и неговите претставници во преговорите. Од тоа не се откажаа ниту во разговорите со другите заинтересирани страни. Исто така, нема ограничувања и клаузулата важи за сите тимови. Исто така, доколку некој клуб одлучи да ја активира, процент од фиксното обештетување ќе заврши на сметката на Дибала. Важно е да се напомене дека рацете на Рома не се целосно врзани. Дури и некој да испрати понуда од 20.000.000 евра за услугите на Пол Дибала, раководството на клубот од Олимпико ќе може да го блокира неговото заминување со покачување на неговата плата или продолжување на договорот.

Дибала официјално стана играч на Рома

Ристе Здравков — Wed, 20 Jul 2022 12:04:28 +0000

Паоло Дибала (28) официјално стана играч на Рома. Аргентинецот потпиша тригодишен договор со римскиот тим и денеска клубот официјално го претстави како свој нов играч. Фотографијата која сите ја чекавте“, порачаа од Рома со фотографија на Дибала во дресот на Вучица. Тие претходно додадоа: „Клубот е почестен што може да го потврди потписот на напаѓач од светска класа“. Дибала во Рома нема да ја носи „десетката“, туку го избра бројот 21. Аргентинскиот фудбалер претходните седум години го носеше дресот на Јувентус. Тој ја напушти старата дама на крајот на сезоната откако му истече договорот. Покрај Јувентус, играше и за Палермо и аргентинскиот Институто.

La foto che stavate aspettando pic.twitter.com/lYYMEODs3m
— AS Roma (@OfficialASRoma) July 20, 2022

Рим на нозе: Дибала доаѓа во Рома?

Ристе Здравков — Mon, 18 Jul 2022 06:10:53 +0000

Италијанската престолнина Рим е на нозе, зашто ептен близу е Рома да добие страшно засилување во аргентинската ѕвезда Пауло Дибала, кој од летово е слободен фудбалер после заминувањето од Јувентус. Како што објави „Скај Спорт“, Рома на Дибала му понудила тригодишен договор и шест милиони евра сосе бонуси кои се лесно остварливи по сезона, а Жозе Мурињо и легендарниот Франческо Тоти со последните разговор сериозно влијаеле „гаучосот“ да прифати да ја засили „волчицата“. Контроверзниот тренер веќе имал нов разговор со Дибала за да го убеди да дојде, а Рома синоќа на менаџерите им го презентирала комплетниот проект и сега се чека на конечен одговор на „Ла Хоја“, а во клубот сите се убедени дека ќе има позитивен исход и „волчицата“ ќе добие извонредно засилување. Според аргентинскиот новинар Цесар Луис Мерло, Аргентинецот начелно постигнал усмен договор, за кого италијанските медиуми пред два месеци објавуваа дека атмосферата на „Олимпико“ го воодушевувала и дека сериозно размислувал дали во Рома да ја продолжи кариерата.

🚨Paulo Dybala llegó a un acuerdo de palabra para jugar en La Roma.
*️⃣ Su agente y el club ya intercambian borradores para que, luego de los exámenes médicos, firme hasta 2025.
*️⃣José Mourinho y Totti, fueron claves para su decisión. Hace 40 días que insisten para ficharlo. pic.twitter.com/cY2mzRm9Fc
— César Luis Merlo (@CLMerlo) July 17, 2022

Дибала му сврти грб на Интер и замина во Рома за да биде најплатен

Ристе Здравков — Thu, 14 Jul 2022 15:33:09 +0000

Аргентинскиот фудбалер Пауло Дибала останува во Италија по разделбата со Јувентус и ќе го носи дресот на Рома, пишуваат италијанските медиуми. 28-годишниот напаѓач си замина од Торино како слободен, а се споменуваше дека најсериозен кандидат за неговиот потпис е Интер. Двете страни преговараа, се разговараше и за платата, но откако дојде Ромелу Лукаку работите драстично се променија. Пауло Дибала така седна на маса со Рома. „Волчицата“ за да го добие офанзивецот ќе направи исклучок и ќе го направи најплатен играч во моменталниот состав со годишни примања од шест милиони евра. Рома пред да го добие Дибала ќе мора да го продаде Никола Заниоло кој има повеќе понуди.

Дибала во Интер и официјално ќе биде објавено

Бошко Тасиќ — Tue, 24 May 2022 06:42:50 +0000

Фудбалерот на Јувентус Пауло Дибала, е се поблиску до трансфер во Интер како слободен агент, објавија медиумите во Италија. Според „Кориере дела Сера“, Интер нема многу да одолговлекува и ќе го објави ангажманот на играчот во наредните десет дена, со оглед дека сезоната е завршена и Дибала го одигра последниот меч за „бјанконерите“. Двете страни начелно се договорија за тригодишен договор со плата од 7 милиони евра, а договорот би можел да биде продолжен за уште една дополнителна сезона.

Дибала го избра новиот клуб

Ристе Здравков — Wed, 04 May 2022 08:15:29 +0000

Италијанските медиуми пренесуваат дека Пауло Дибала одлучил кариерата да ја продолжи во Интер. Како што е познато Дибала го напушта Јувентус на крајот на сезоната како слободен агент, откако двете страни одлучија да ги прекинат преговорите за продолжување на договорот. Иако имаше неколку понуди, Дибала сепак се одлучил да се пресели во директниот ривал и е блиску до договор со Интер. Бепе Марота, кој е бивш директор на Јувентус, ја искористил ситуацијата и започнал преговори со агентот на Дибала. Аргентинецот му дал предност на Интер бидејќи сака да остане во Италија, а „нероаѕурите“ понудиле 6 милиони евра по сезона плус бонуси.

Дибала сепак ќе остане во Јувентус

Бошко Тасиќ — Wed, 16 Feb 2022 21:47:53 +0000

Паоло Дибала е пред останување во Торино. Според „Тутоспорт“ наскоро ќе бидат објавени деталите од новиот договор на офанзивецот, кој наводно веќе се согласил на новата соработка. Исходот од преговорите со Јувентус, со нетрпение го чекаа од Манчестер Сити и од Интер. Меѓутоа Дибала ја отфрлил можноста да отиде во лутиот ривал на Јувентус во Милано, а исто така се чини залудни се надежите и на Сити. И натаму трае сагата околу новиот договор на Дибала, за кој се шпекулира веќе долго време. Но, се чини дека многу брзо ќе биде официјализирано дека Дибала ќе остане дел од Јувентус и во следните четири години.

Јувентус: Дибала не се продава!

Ивана Ефремовски — Thu, 10 Jan 2019 16:32:32 +0000

Јувентус ги одбиле сите понуди за трансфер на напаѓачот Паоло Дибала, соопшти „Тутоспорт“. Во канцелариите на торинскиот гигант пристигнале барања за Аргентинецот од неколку клубови, меѓу кои ПСЖ, Баерн Минхен и Манчестер Сити, но сите тие не ги задоволуваат финансиските барања на шампионот на Италија. Јувентус нема намера да се раздели со Дибала за сума помала од 100 милиони евра, се вели уште во информацијата. Дваесет и пет-годишниот напаѓач игра за „Старата Дама“ од 2015 година и за овој период освои седум трофеи – три Скудета, три Купа и еден Суперкуп на Италија. (МИА)