паоло малдини – Kurir.mk

Анчелоти: Милан без Малдини е осуден на пропаст

Бошко Тасиќ — Fri, 09 Jun 2023 06:01:33 +0000

Тренерот на Реал Мадрид Карло Анчелоти жестоко ја искритикува одлуката новиот сопственик да го избрка од клубот легендарниот Паоло Малдини. Паоло Малдини ја имаше улогата на технички директор во Милан и беше најзаслужен што тимот се врати на победничките патеки. „Тоа што му се случи на Малдини покажува недостаток на историска култура и покажување непочит кон традицијата на Милан. Вистина е дека историјата не носи победи, но историјата те учи како да победувате. Клубовите кои ги ставаат бизнис целите пред спортскиот успех се осудени на пропаст“, вели Анчелоти.

Милан го отпушти легендарниот Паоло Малдини

Бошко Тасиќ — Wed, 07 Jun 2023 04:51:33 +0000

Милан и официјално потврдија дека Паоло Малдини си заминува од позицијата на директор во клубот, откако според италијанските медиуми ја загубил битката за контрола и за одлучување за насоката во која ќе се движи клубот, добивајќи отказ од американскиот сопственик Џери Кардинале. Малдини, како и неговиот татко Чезаре Малдини, е легенда на „росонерите“, поминувајќи ја својата блескава кариера во клубот, пред во 2018 година да биде убеден да се врати во клубот како директор. Позицијата на неговиот помошник и близок пријател Фредерик „Рики“ Масара исто така е неизвесна. Според италијанските медиуми проблемот настанал во понеделникот, кога имало состанок на кој се дискутирало за стратегијата и планирањето за нова сезона, по што веднаш почнаа шпекулциите дека односите на Малдини со газдата Кардинале станале неодржливи. „Спортиталија“ тврди дека главната тема биле засилувањата на клубот, кои Малдини јавно ги бараше, но и иднината на тренерот Стефано Пиоли, кој ја имал целата поддршка на Кардинале, но не и на Малдини. Ова е необична завршница, бидејќи токму Малдини и тогашниот соработник Звонимир Бобан му дадоа поддршка на Пиоли по плановите за негов отказ и носење на Ралф Рангник.

Фудбалерите на Милан се бесни поради отказот на Малдини

Ристе Здравков — Tue, 06 Jun 2023 07:42:23 +0000

Паоло Малдини повеќе не е спортски директор на Милан, објавија бројни италијански медиуми. Состанокот помеѓу Малдини, Даниеле Масаро и сопственикот на клубот Гери Кардинале била тензична, поради што газдата решил да ги отпушти Малдини и Масаро. Италијанските медиуми тврдат дека фудбалерите на Милан не го прифатиле добро отказот на Малдини. Се пишува дека останале во шок и дека се бесни поради ваквата одлука на сопственикот Кардинале. Најдобриот играч на Милан, Рафаел Леао, на социјалните мрежи, објави емотикон кој размислува, токму во моментот кога се појави веста дека Малдини го напушта клубот. Малдини го убеди Леао да остане во клубот и да потпише нов договор. По неговата реакција се поставува прашањето дали сега тој сака да остане во клубот.

🤔
— Rafael Leão (@RafaeLeao7) June 5, 2023

Свој револт го изразија и Сандро Тонали и Тео Ернандез кои сметаат дека Малдини е дел од клупската историја и дека не треба да биде испратен на ваков начин.

Милан ги отпушти директорите Малдини и Масара

Тале Кристо — Tue, 06 Jun 2023 06:49:00 +0000

Паоло Малдини се повлече од функцијата технички директор на Милан. Со него заминува и спортскиот директор Фредерик Масара. Новинарот Џанлука Ди Марцио објави дека сопственикот на клубот, Џери Кардинале ги известил менаџерите дека не се вклопуваат во плановите на организацијата и затоа се ослободени од нивните должности. Ова им било соопштено на синоќешната средба. Според „Calciomercato“, одлуката се должи на комплицираните односи меѓу Малдини и Масара од една страна и Кардинале од друга страна. Паоло и сопственикот имаа сериозни несогласувања околу трансфер буџетот. Италијанските медиуми забележуваат дека Малдини барал поголема автономија и зголемени трошоци за нови играчи, додека сопственикот сака да се продолжи во согласност со сегашниот бизнис модел. Исто така тој им замерил на директорите за скапиот трансфер на Шарл де Кетеларе кој не ги оправдал очекувањата. Милан сезоната во Серија А ја заврши на 4.место не успевајќи да го одбрани шампионскиот трофеј.

Успесите на Милан се заслужни на еден човек

Бошко Тасиќ — Thu, 27 Oct 2022 05:29:01 +0000

Иван Газидис е дел од раководството на Милан кое успеа да го врати клубот на врвот во Серија А и придонесе за комплетирање на проектот кој донесе подобри финансиски резултати и скудето минатата сезона. Иако се очекува тој да замине по истекувањето на договорот во декември, Газидис уште еднаш зборувал за ситуацијата во Милан, а според него клучот за одличните трансфери и резултати е Паоло Малдини.

– Улогата на Малдини во Милан е клучна.Тој лично зборува со фудбалерите, сака да ги слушни нивните ставови и размислувања и начинот на кој може да ги мотивира. Прво зборува со нивните агенти, а потоа заедно со Масара зборуваат директно со фудблерите. Вистински пример е Тео Ернандес кој пристигна токму поради односот на Малдини, – вели Газидис.

– Имаше фудбалери кои многу го чинеа клубот, на пример договорот на Бонучи. Сакавме да го задржиме Донарума, но не по секоја цена, не можевме да си ја дозволиме платата што ја бараше. Целта ни беше да трошиме ефикасно и ефективно, – вели еден од директорите на „росонерите“

Раководството на Милан во потрага по ново засилување, во среда финални преговори

Ристе Здравков — Wed, 20 Jul 2022 12:11:37 +0000

Раководството на Милан очигледно доста паметно работи на трансфер пазарот и наоѓа фудбалери кои нема да ги чинат многу, а им носта дополнителен квалитет во тимот. Таков ќе биде случајот и со играчот на Клуб Бриж, Чарлс Де Кетелаере кој веќе извесен период се поврзува со трансфер меѓу „росонерите“. 21 годишниот фудбалер одигра одлично минатата сезона во дресот на Клуб Бриж и со своите партии го привлече вниманието на поголемите екипи. Според Фабрицио Романо веќе е постигнат договор со играчот за неговите лични примања, а утре ќе треба да биде „испеглан“ и договорот помеѓу двата клуба. Се верува дека Милан за Де Кетелаере кој е нвоопечен белгиски репрезентативец ќе плати сума од околу 30 милиони евра.

Малдини застана во одбрана на Донарума

Бошко Тасиќ — Mon, 03 May 2021 06:18:24 +0000

Италијанскиот фудбалски клуб Милан вчера оствари важна победа над Беневенто во италијанскиот фудбалски шампионат, но пред истата, имало доста тензична сцена пред „Сан Сиро“, во која во фокусот се нашле тифозите на клубот и првиот голман на тимот Џанлуиџи Донарума. Донарума ги одолговлекува преговорите за нов договор со Милан, а вчера дошло до навистина непријатна сцена откако се симнал од автобусот. Како што информира „Кориере дела Сера“, клубот го натерал Донарума да оди на средба со лутите навивачи, кои пак успеале да го расплакаат голманот, откако му поралаче воопшто да не застанува на голот доколку не потпише нов договор до дерби мечот со Јувентус кој е на програмата наредниот викенд. Весникот информира дека Џиџио останал навистина потресен од оваа средба и со солзи во очите го напуштил краткиот состанок со фановите, по што денеска се јави и директорот Малдини кој откри дека сите операции за продолжување на договорите се стопирани до крајот на сезоната. – Сакам да нагласам дека никој што не е дел внатре од клубот, не може да одлучува кој ќе игра и кој ќе го продолжи договорот. Одлуките се носат според она што се случува на теренот, одлуките на тренерот и клубот. Од овој момент, сите преговори за нови договори се стопирани до крајот на сезоната. Сакаме тимот да остане фокусиран на случувањата на теренот, а не на некои преговори, – изјави Малдини.

Малдини: Кога Милан повикува, играчите од целиот свет почнуваат да сонуваат, ние сме еден од трите најуспешни клубови во светот

Дарко Андоновски — Thu, 11 Mar 2021 14:03:51 +0000

Техничкиот директор на Милан, Паоло Малдини го сподели своето мислење за моменталната состојба на клубот. – Морам да кажам дека сега најдовме рамнотежа. Милан ја намали просечната возраст на своите играчи, тие се најмладиот тим во Италија, еден од најмладите во Европа. Патеката е поставена. Ова бараше да се биде внимателен да не се купуваат играчи само затоа што тие беа млади. Треба да имате поискусни играчи кои ќе ги водат младите. Ова се основите. Милан не успеа да влезе во Лигата на шампионите веќе осум години, но кога Милан се јавува, играчите ширум светот почнуваат да сонуваат за тоа. Се разбира, гледаме кон иднината, но минатото мора да се почитува, важно е, истакна Малдини. Кога си Милан и ти повикуваш играч…. Ние сме еден од трите најуспешни клубови во светот. Ние секогаш мора да го имаме ова предвид, потенцира Малдини. По 26 кола во Серија А, тимот на Милан е втор на табелата со 56 бода, шест помалку од лидерот Интер.

Роналдо го помина Малдини по број на натпревари во евро-куповите

Ивона Петрова — Wed, 27 Nov 2019 07:57:59 +0000

Напаѓачот на Јувентус, Кристијано Роналдо се искачи на второто место по бројот на одиграни натпревари во историјата на европските натпреварувања. Неговиот тим синоќа го совлада Атлетико Мадрид со 1:0 во дуел од Лигата на шампионите. Португалскиот фудбалер има 175 натпревари на европските клупски натпреварувања. Според овој индикатор, тој го помина легендарниот играч на Милан, Паоло Малдини која застана на 174. Пред Роналдо, на оваа листа се наоѓа само Икер Касиљас, поранешниот голман на Реал и Порто кој 188 пати има настапувано во евро-куповите.