Претседателот на Милан: Целта е Лигата на шампионите, а не Скудетото

Ристе Здравков — Fri, 14 Sep 2018 12:02:13 +0000

Претседателот на Милан Паоло Скарони призна дека освојувањето на Скудетото не претставува до толку приоритет за клубот, колку неговото враќање во Лигата на шампионите. „Росонерите“ се најуспешниот италијански клуб во Европа со седум трофеи од ЛШ, како и две Купа на УЕФА (претходникот на Лига Европа) и 5 Суперкупови на УЕФА. Екипата сепак не играла во Лигата на шампионите од 2014 година наваму, кога беше елиминирана од Атлетико Мадрид во четвртфиналето. - Што научив за моите 2 месеци на чело на Милан? Дека ни претстои да совладаме две планини: едната е да изградиме профитабилен тим, а другата - да ги доведеме во ред финансиите на клубот. Тие се искачуваат паралелно, бидејќи едното зависи од другото. Спортската страна е најважна. Сметам дека во оваа насока правиме гигантски чекори, откако ги вративме дома Паоло Малдини и Леонардо. Тие се компетентни и квалитативни луѓе, а над се, тие се миланисти, прокоментира Скарони за „Кориере дела сера“. Тој додаде дека нивното присуство донеле доверба во клубот и тоа се докажало со повеќето продадени сезонски билети. - Сепак, вистината се гледа на теренот. Нашиот тим изгледа млад и силен и се надеваме дека резултатите ќе дојдат. Сега балансот ни е солиден и ги задоволува барањата на УЕФА. Третиот голем проблем останува - ние треба да го зголемиме приходот, смета шефот на гигантот од Апенините. Скарони додава дека целта сезонава е пласман во Лигата на шампионите, бидејќи таму е местото на Милан. - Јас сум приврзаник на идејата дека во зависност од начинот на кој фудбалот еволуира, „Скудетото“ стана помалку важно. Би било подобро Милан да игра во Лигата на шампионите и да игра добро таму, изјави Скарони и додаде дека „Елиот Менаџмент“ ќе биде на чело на тимот од 3 до 5 години.

ПРОМЕНИ ВО МИЛАН: Близок пријател на Берлускони застана на чело на клубот

Курир — Sat, 21 Jul 2018 12:34:46 +0000

„Елиот менаџмент“ денеска го постави Паоло Скарони за нов привремен претседател на клубот, како и членови на управата кои ќе бидат во клубот до 2020. година. Откако Елиот го конфискуваше Милан бидејќи Ли Јонгхонг не го врати долгот, фондот денеска именуваше свои луѓе во бордот на директори. Ли Јонгхонг, контроверзниот бизнисмен од Кина, е разрешен од функцијата претседател, а „клоца“ добија и останатите директори од Кина: Дејвид Хан Ли, Лу Бо и Ксу Реншуо. Отказ доби и генералниот извршен директор Марко Фасоне. Нов претседател на Милан ќе биде Паоло Скарони, а новиот борд на директори ќе го сочинуваат: Марко Патуано, Франк Тули, Џорџо Фурлани, Стефано Кочирио, Салваторе Черкионе, Алфредо Грака и Џанлука Д'Aванцо. Најголема промена претставува отказот на Марко Фасоне и Масимилијано Мирабели, а тоа не е големо изненадување бидејќи нивните засилувања не се покажаа најдобро во минатата сезона. Инвестицискиот фонд не беше задоволен со нивната работа и поради тоа решија да ја прекинат соработката, а на „Сан Сиро“ ќе видиме нови лица, како што е Леонардо, против кого навивачите протестираа. Новиот претседател Скарони во италијанската јавност важи за добар пријател и деловен партнер на Силвио Берлускони.

паоло скарони – Kurir.mk

Претседателот на Милан: Целта е Лигата на шампионите, а не Скудетото

ПРОМЕНИ ВО МИЛАН: Близок пријател на Берлускони застана на чело на клубот