папа франциско – Kurir.mk

Папата Франциско излезе од болница

Ивона Петрова — Fri, 16 Jun 2023 18:17:26 +0000

Папата Франциско утрово беше пуштен од болница, девет дена по операцијата на абдоминална хернија. Франциско (86) ја напушти римската болница Гемели во инвалидска количка, мавтајќи им на новинарите и добронамерниците на главниот влез додека го водеа до неговиот автомобил. „Папата е добро“. Тој е во подобра форма отколку порано“, изјави Серхио Алфиери, главниот хирург кој го оперираше Франциско на 7 јуни, за новинарите пред болницата по заминувањето на папата. Алфиери рече дека папата е доволно добро за да може да патува.

Зеленски се очекува да се сретне со папата в сабота

Тале Кристо — Thu, 11 May 2023 19:25:56 +0000

Украинскиот претседател Володимир Зеленски се очекува в сабота во Ватикан да се сретне со папата Франциско, соопштија денеска дипломатски извори за западни медиуми. Планираното патување, кое не е официјално објавено, би се реализирало само две недели откако поглаварот на Римокатоличката црква изјави дека учествува во мировна мисија за ставање крај на конфликтот меѓу Русија и Украина. Папата не даде детали за иницијативата. Во моментов нема коментар од украинска страна за евентуалната посета. Италијански дипломатски извор потврди дека Зеленски би можел да дојде во Рим викендов и да се сретне со премиерката Џорџа Мелони.

Папата во Унгарија ја повика Европа да се обедини за да се стави крај на војната на нејзино тло

Катерина Бојаџиева — Fri, 28 Apr 2023 17:47:52 +0000

Папата Франциско денеска ја осуди „адолесцентната воинственост“ која ја врати војната на територијата на Европа и рече дека континентот мора да го обнови духот на мирно единство за да се спротивстави на војната што Русија ја води против Украина. Папата Франциско ја истакна својата визија за иднината на Европа на почетокот на неговата тридневна посета на Унгарија. Тој побара од Европската унија да одобри безбедни и легални патишта за влез на мигрантите на нејзина територија, а унгарската влада да не ја прави Европа „заложник“ на популистичките барања. Франциско потсети на идеалите кои беа основа за создавање на Унијата и изрази жалење што тие идеали се заменети со подемот на национализмот и „адолесцентната милитантност“. „Се чини дека сме сведоци на тажниот самрак на тој хорски сон за мир и дека солистите на војната имаат предност“, рече римокатоличкиот поглавар. Тој додаде: „На овој историски крстопат, Европа е клучна... Таа е повикана да ја преземе својата вистинска улога, а тоа е да ги обедини отуѓените и да им посака добредојде на другите народи и да одбие кого било да го смета за вечен непријател“.

Папата Франциско го осуди нападот врз станбената зграда во Дњепар

Ивона Петрова — Wed, 18 Jan 2023 12:46:37 +0000

Папата Франциско денеска го осуди рускиот ракетен напад врз станбена зграда при што загинаа 45 лица, меѓу кои две деца, во источниот украински град Днепар. Тој нападот го нарече потресен и повторно упати апел за мир. – Минатата сабота, уште еден ракетен напад предизвика многу цивилни жртви, вклучително и деца. Ја споделувам потресната болка на членовите на семејството. Видеата и извештаите за оваа трагична епизода се силен апел до сите луѓе со совест. Човек не може да остане рамнодушен, посочи папата Франциско. Украина соопшти дека станбената зграда била погодена со руски проектил Кх-22. Кремљ објави дека ниту една станбена зграда не била цел на ракетните напади на 14 јануари.

Папата Франциско: Војната во Украина е неоправдан, бесмислен масакр

Тале Кристо — Sun, 20 Mar 2022 12:59:54 +0000

Папата Франциско денеска ја нарече војната во Украина неоправдан, бесмислен масакр и побара од лидерите да биде прекинататаа неприфатлива војна. „За жал, насилната агресија против Украина не стивнува“, нагласи папата на десетици илјади луѓе собрани на плоштадот Свети Петар за време на неделната молитва. Тој потенцира дека тоа е бесмислен масакр во кој секојдневно се повторуваат убиства и злосторства. „Нема оправдување за ова“, рече папата Франциско, кој повторно не ја наведе Русија како агресор. Тој, исто така, ги повика сите актери во меѓународната заедница да работат на прекин на војната.

Папата „лајкнувал“ фотографии од разголена с*кси Бразилка на Инстаграм (ФОТО)

Магдалена Андонова — Tue, 17 Nov 2020 08:44:02 +0000

На папата Франциско му се допаѓаат фотографиите од бразилскиот модел Наталија Гарибото (27). Меѓутоа, кој и да го води профилот на Инстаграм на поглаварот на Римокатоличката црква, изгледа повеќе нема да биде на таа позиција, затоа што од профилот на папата Франциско „лајкува“ секси фотографии од 27-годишната секси моделка. Медиумите во Италија пренесуваат дека задолжениот да го води неговиот налог на Инстаграм, по скандалот повеќе нема да ја извршува оваа работа. Папата Франциско „ја лајкувал“ фотографијата на Наталија на која таа позира во школска униформа. „Барем ќе одам и во рајот“, се пошегувала Наталија, објавувајќи на своите профили на социјалните мрежи. Налогот на првиот човек на Ватикан го следат повеќе од 7 милиони луѓе, па сосема беше јасно дека некој ќе забележи што се случува на Инстаграм.

At least I'm going to heaven https://t.co/w3nMYWVR6T
— Natalia Garibotto (@NataaGataa) November 13, 2020

View this post on Instagram

A post shared by ɴᴀᴛᴀ ɢᴀᴛᴀ (@nataagataa)

Папата Франциско со својата неочекувана изјава ги замисли луѓето

Магдалена Андонова — Wed, 02 Sep 2020 13:51:11 +0000

Папата Франциско рече нешто што многу луѓе замисли. Имено, тој вели дека е подобро да се биде атеист отколку да се оди во црква, а да се критикуваат и мразат другите. -Колку пати гледаме луѓе кои секоја недела ја поминуваат во црква, а живеат да мразат и да зборуваат лошо за другите, рече папата Франциско. Потоа додаде дека во тој случај е подобро воопшто да не се оди во црква: -Биди атеист. Ако сепак одиш во црква, биди син, брат, стани пример за другите. Френсис се осврна и на Евангелието по Матеј, кое зборува за лицемери кои се молат луѓето да ги забележат. -Многу верници веруваат дека молитвата е само брборење. Тие зборуваат со Бога како папагали. Но, тоа не е така. Запомнете: треба да се молите со срце, додаде тој. Дали се согласувате?

Папата Франциск до политичарите: Грижете се за својата земја, а не за сопствената партија

Дарко Андоновски — Mon, 20 Apr 2020 11:26:01 +0000

Папата Франциско во денешната миса ги повика политичарите заеднички да се борат против кризата предизвикана од новиот коронавирус. – Се молиме за политичките партии од различни земји во време на пандемија заеднички да се залагаат за благосостојба на земјата, а не за благосостојба на сопствената партија, истакна папата Франциск. Во последните шест недели, од избивање на епидемијата во Италија, приватните утрински миси на папата Франциско се пренесуваат во живо на телевизија. На мисата присуствуваа само неколкумина блиски соработници на поглаварот на Римокатоличката црква.

Папа Франциско: Ниту едно насилство не може да биде верски оправдано

Предраг Кукиќ — Mon, 04 Feb 2019 19:38:19 +0000

Поглаварот на Римокатоличката црква, папата Франциско денеска во Абу Даби оцени дека ниту едно насилство не може да биде оправдно со верски причини. – Ниту едно насилство не може да биде верски оправдано. Братството меѓу луѓето бара од сите нас, претставниците на религиите, да ја забраниме секоја нијанса на одобрување на зборот војна, изјави папата во обраќање пред учесниците на собирот Меѓународен верски дијалог, што се одржа во Абу Даби. Папата порача дека војната е синоним за сиромаштија и суровост, додавајќи дека како резултат на воени конфликти четири земји во регионот на Блискиот Исток – Јемен, Сирија, Ирак и Либија, се соочуваат со штетни последици. Пред стотината претставници на различни верски заеници учесници на собирот, понтифот се заложи за верски слободи и еднакви права на сите жители на Блискиот Исток. Папата Франциско порача и дека никој не смее да биде принудуван на некоја религиозна пракса, додавајќи дека затоа од сите слободи најмногу ја сака верската слобода. Учеството на поглаварот на Католичката црква на форумот е во рамки на неговата историска посета на Обединетите Арапски Емирати, што претставува прв престој на еден папа во оваа земја во Персискиот Залив.

Папа Франциско: Европските лидери да не се препукуваат околу мигрантите

Предраг Кукиќ — Sun, 06 Jan 2019 12:45:59 +0000

Папата Франциско денеска ги повика европските лидери да прекинат со препукувањата во врска со судбината на 49 мигранти „заглавени“ на два хуманитарни спасувачки брода во Средоземно море. – Искрено ги повикувам европските лидери да покажат конкретна солидарност кон тие луѓе, рече Папата на плоштадот пред десетина илјади луѓе. Потпретседателите на италијанската Влада, Луиџи ди Мајо и Матео Салвини излегоа со спротивставени ставови во врска со судбината на мигрантите, кои се „заглавени“ на море. Лидерот на италијанското Движење пет ѕвезди, Ди Мајо инсистира Малта да им дозволи на мигрантите да пристигнат до нејзиниот брег, а Италија да прими десет жени и нивните деца, додека неговиот коалициски партнер и лидер на Северна лига, Матео Салвини порача дека Италија нема да прифати ниту еден мигрант. На бродот „Си-воч 3“ (Sea-Watch 3) се наоѓаат 32 мигранти, кои на 22 декември беа спасени во близина на либиското крајбрежје, а неколку дена подоцна приватен брод спаси уште 17 мигранти на југ од Средоземно море. Малта не дозволува мигрантите да пристигнат на нејзиниот брег и тврди дека тие се спасени надвор од областа за спасување, која не е под нејзина надлежност.