папагал – Kurir.mk

ВИДЕО: Папагал му ја украде слушалката на новинар при пренос во живо, известувал за кражби

Ивона Петрова — Sat, 05 Nov 2022 15:38:38 +0000

За време на директен пренос во Чиле, папагал му ја украде слушалката на новинарот кој претходно му застана на рамото. Би-Би-Си објави дека Николас Крум, станал жртва на кражба додека во вестите известувал за кражби во регионот. При вклучувањето во живо, Крум му дал знак на снимателот да го зумира папагалот токму во моментот кога му ја краде слушалката од уво.

Папагал му го спаси животот на својот сопственик: Избувнал пожар, а тој…

Ивана Ефремовски — Wed, 04 Nov 2020 10:06:12 +0000

Австралиец тврди дека успеал да го преживее пожарот што избувнал во неговиот дом, само затоа што навреме бил разбуден од неговиот папагал. Како што јави „Скај њуз“, папагалот Ерик го повикал својот сопственик по име пред да се вклучат детекторите за чад. Антон Нгујен спиел во својата двокатна куќа во Бризбејн кога таа се запалила. Како што вели, неговото милениче го разбудило кога почувствувало чад во куќата. Потоа, тој го зел папагалот и погледна кон задниот дел од куќата. Кога видел дека е зафатен од пламен, веднаш истрчал надвор. Кога пристигнале пожарникарите, пожарот веќе ја зафатил целата куќа. Пожарот е изгаснат за еден час, а во акцијата учествувале четири противпожарни екипи. Причините за пожарот сè уште не се познати, а истрагата е во тек. Антон Нгујен живее сам. Тој не е повреден во немилиот настан.

Папагали отстранети од зоолошка градина: Многу ги пцуеле посетителите

Ивана Ефремовски — Thu, 01 Oct 2020 07:07:29 +0000

Пет папагали од видот „Африканско сиво“ се верува дека си биле „лошо влијание“ и се разделени откако почнале да пцујат по посетителите. Од зоолошката градина „Линколншир“ сметаат дека папагалите меѓусебно се научиле да пцујат. Папагалите Били, Елси, Ерик, Џејд и Тајсон се придружиле на колонијата од 200 папагали во август, но наскоро тие започнале да се учат на пцуење. „Ние сме навикнати папагалите да пцујат, но никогаш досега немавме видено како тоа го прават пет папагали истовремено. Поголемиот дел од папагалите набрзо стануваат тивки, но овие пет папагали не престануваа со зборење“, истакнал директорот на Зоолошката, Стив Николс. Набрзо по формирањето на оваа „улична банда“, папагалите биле разделени во различни делови на зоолошката, за да не си влијаат негативно. Директорот на Зоолошката нагласил дека досега не стигнала жалба за папагалите, но тие биле разделени поради најмладите посетители. Од зоолошката се надеваат дека во поинакво друштво папагалите ќе комуницираат со звуци препознатливи за расата „Африканско сиво“. „Посетителите сметаат дека оваа појава е возбудлива и смешна, досега не сме имале жалби. Кога еден папагал ќе ве „отера“, тоа носи насмевки на лицата, што е реткост во една ваква тешка година“, соопштил директорот Николс. Зоолошката градина „Линколншир“ е живеалиште и на папагалот Чико, кој се најде во многу медиуми откако во септември се прослави со неговата способност да пее поп песни, меѓу кои и „If i were boy“ на Бијонсе.

ВИДЕО: Овој папагал има вистински талент, нема да верувате што може да направи

Тале Кристо — Thu, 09 Jul 2020 07:41:07 +0000

Сопственикот на едно папагалче од Австралија е вистински среќник поради неговата снаодливост. Ова папагалче има способност да отклучува брави со клунот, а лесно отвора работи кои се заклучени. Од тогаш газдата почнал да става чорапи на кваките, за да не може вештиот папагал да ги отвори. Покрај тоа, папагалот е доста упорен, прецизен и постојано се обидува да крене работи кои тежат двојно повеќе него. На љубопитноста и нема крај, не само кај луѓето туку и кај животните.

Слушнале повици за помош од куќата на соседите, па викнале полиција: Кога виделе кој вреска, се шокирале (ВИДЕО)

Ивана Ефремовски — Mon, 13 Jan 2020 15:01:47 +0000

Членови од загрижено семејство од Флорида (САД) повикале полиција, бидејќи слушнале врескање од соседната куќа. Полицијата дошла и пред гаражата затекнала 40-годишен маж по име Џејсон, како ја поправа колата. Кога слушнал зошто е дојдена полицијата, исчезнал за минута. „Одам да ви ја донесам личноста која прави галама“, рекол тој. Кога се вратил, во рацете го држел Рамбо, папагалот кој го чува уште од детство. Американецот своето милениче го научил да вели: „Помош! Пуштете ме надвор“ кога бил мал, со намера да ги изнервира родителите. Покрај тоа, Рамбо има нежен глас, па звучел како жена затворена дома која моли за помош. За среќа, никој не е уапсен.

ФОТО: Оваа птица повеќе не постои во светот

Ивана Ефремовски — Mon, 17 Sep 2018 07:51:01 +0000

Сината ара, вид на папагал познат низ целиот свет, откако анимираната верзија стана главен карактер на цртаниот филм „Рио“, повеќе не постои во дивината. Иако и во споменатиот цртан филм папагалот Блу беше посветен на обидот за спасување на својот вид, со истражување е утврдено дека таквите птици кои потекнуваат од Бразил повеќе не постојат во дивината. Сините ари се една од осумте видови папагали, од кои половина од Бразил, за кои „БрдфЛајф Интернешенл“ потврди дека се изумрени или наведуваат дека се сомневаат за нивно истребување. Исчезнувањето на површините со шуми е наведено како главен виновник за исчезнувањето. Во соопштението е нагласено и дека прв пат се случило изумирањата на копно да се премесуваат и на островите. -Деведесет отсто од истребувањата на птиците во скоро време беше во доменот на видовите кои живеат на острови. Сепак, нашите резултати потврдуваат дека бројот на изумрените се шири низ сите континенти, а при губење на природните живеалишта и деградација поради неодржливоста на земјоделството и сечата на дрвата. Во цртаниот филм „Рио“ од 2011. година, главниот јунак Блу израснал во заробеништво, но од Минесота со својот сопственик патува во Бразила за да ја зголеми бројноста на својот вид со женката Џул, последниот папагал во дивината. Како се испоставило, филмот пристигнал до малите екрани со задоцнување од 11 години затоа што Џуј најверојатно страдала во 2011-та година. Според извештајот, уште околу 60 до 80 примероци од тој вид папагали живеат во заробеништво.

ВИДЕО: Слатко папагалче кое „злобно“ се смее ќе ве расположи за добра ноќ

Ивана Ефремовски — Fri, 09 Feb 2018 21:11:47 +0000

Познато е дека папагалите го имитираат однесувањето на луѓето. Тие можат да зборуваат, пеат, да имитираат човечки гласови, па дури и да се смеат. Ова преслатко папагалче се смее секогаш кога неговиот сопственик ќе дувне во него. Тоа самото по себе е необично, но уште позабавно е неговото смеење кое звучи како злобно, а всушност е слатко. Погледнете го следново видео кое несомнено ќе ви го разубави крајот на денот.