Заев го убедувал и Папандреу дека предлог-законот за ЈО е добар

Љупчо Цветаноски — Mon, 10 Feb 2020 13:37:51 +0000

Претседателот на СДСМ Зоран Заев денеска се сретнал со Јоргос Папандреу, претседател на Социјалистичката Интернационала и поранешен премиер на Република Грција, соопштија од неговиот кабинет. На средбата било разговарано за повеќе актуелни теми, спроведувањето на Договорот од Преспа, евроинтеграциите, како и за процесот на реформите, известија од екс Бихаќка. Осврнувајќи се на процесот на реформи, Заев истакнал дека СДСМ преку инситуциите што ги предводи биле силно мотивирани на реформите кои биле важни за европската интеграција, но и за самата држава и незините граѓани. – Посветени сме на реализација на суштински реформи кои се во интерес на граѓаните. Последна потврда за тоа е договорот за Законот за јавно обвинителство. Законот е добар пример преку кој ќе покажеме дека имаме капацитет, дека сме подготвени да носиме битни одлуки. Законот за јавно обвинителство е потребен за да се расчистат целосно сите отворени предмети за сторен криминал и висока корупција, му посочил Заев на Папандреу. Во соопштението преполно со пофални зборови за себе и партијата и честа употреба на името на државата со наметнатата придавка, Кабинетот на Заев не соопштува дали Јоргос Папандреу го одобрил и пофалил овој предлог-закон, кој македонската експертска јавност го оцени како контроверзен и скроен по мерка на лидерот на СДСМ.

Димитров – Папандреу: Министерот не кажа дали му се пожалил за таблата во Труд и социјала

Љупчо Цветаноски — Mon, 10 Feb 2020 11:31:48 +0000

Министерот за надворешни работи, Никола Димитров, се сретна со поранешниот грчки премиер и актуелен претседател на Социјалистичката интернационала, Јоргос Папандреу. Во соопштението од кабинетот на Димитров се вели дека било потенцирано наводното историско значење на Договорот од Преспа со кој се потврдувале заложбите за градење добрососедство, инклузивна соработка и конструктивни меѓусебни односи. Кабинетот, сепак, не соопштува, дали на денешната средба во Скопје министерот му се пожалил и на Папандеу за таблата со Република Македонија во министерството за труд и социјална политика на Рашела Мизрахи. Можеби и затоа, толкуваат познавачите Димитров постојано на средбата, во повеќе наврати ја користел придавката на државата која и онака често ја користи, а не случајно се споменува и во соопштението од неговиот кабинет. -Република С. Макеоднија е вистински посветена на конструктивен дијалог со грчката влада во градењето меѓусебно партнерство засновано врз пријателство и заеднички интерес за просперитетен регион во кој граѓаните на двете држави би сакале да живеат. Договорот има значително позитивно влијание врз билатералните и регионалните случувања во однос на зголемена економија, стабилност и просперитет. Неговото понатамошно спроведување се смета за голем чекор во нормализацијата на билатералните односи што ќе им овозможи на двете држави да го искористат целиот потенцијал на политичката и економската соработка, рече Димитров на средбата. Инаку, посетата на Папандреу на Македонија е во рамките на неговата турнеја во земјите од Западен Балкан, со цел поддршка и зајакнување на евроинтегративниот процес на земјите од регионот.

Папандреу – Kurir.mk

Заев го убедувал и Папандреу дека предлог-законот за ЈО е добар

Димитров – Папандреу: Министерот не кажа дали му се пожалил за таблата во Труд и социјала