папок – Kurir.mk

Многумина не посветуваат доволно внимание на овој дел од телото: Нехигиената ТАМУ може да донесе проблеми

Ивана Ефремовски — Mon, 05 Dec 2022 15:08:24 +0000

Дали ви се случило за момент да почувствувате непријатен мирис за кој не сте сигурни од каде доаѓа? Можно е тој мирис да доаѓа токму од вашиот папок. Многумина не посветуваат доволно внимание на овој дел од телото, а би требало. Бактериите од пот, мртвите клетки од кожата или нечистотијата може да се наталожат во папокот и да предизвикаат не само непријатен мирис, туку и инфекција. Доколку не водите сметка за хигиената на овој дел од телото, можно е да се јави црвенило, јадеж и оток, кој во некои случаи мора да се лекува со антибиотици. Најдобриот начин за сето тоа да се одбегне, е редовно, односно секојдневно да го миете папокот и да се погрижите да не дојде до задржување на водата внатре во него. Кандидата, габичка која често се јавува под пазувите, на тестисите или во папокот, доведува до црвенило на кожата. Доколку не се третира, може да се развие во нешто посериозно, па тогаш се јавуваат пликови исполнети со течност или гној. Во инфицираниот папок може да се појават дури и цисти исполнети со гној.

Совети за нега на папокот на бебето, еве што никако не треба да правите

Ивона Петрова — Tue, 15 Jun 2021 09:24:42 +0000

о врска со негата на папокот на бебето, многу педијатри повеќе не ја препорачуваат практиката тој да се чисти со алкохол, бидејќи тоа може да го одолжи заздравувањето. Но, папочето мора да се чисти. Следат неколку стручни совети за тоа… Пред сѐ, мијте ги рацете пред да го допрете папокот на бебето. Тој треба да се чисти барем еднаш на ден (а може и почесто). Користете стапче за уши натопено во изладена претходно зовриена вода. Исушете го местото со ново, суво стапче. Не користете памучна волна. Папокот не треба да се покрива. Лепете ги пелените така што да не го допираат папокот. Треба постојано да се внимава дали има знаци на инфекција. Што не треба да се прави? Како што лекарите нагласуваат, особено е важно никогаш да не се обидувате да го откинете јазолот. Тоа треба да падне природно и само од себе. Не ставајте масло, лосиони, или пудра во прав на или околу папокот. Јазолот паѓа во периодот од првата до третата недела, но тој процес може и да потрае, што е сосем нормално. Може да се појави мало крварење, но и тоа е нормално, ако е малку. Медицинска помош се бара доколку: папокот е екстремно црвен, односно се појавило воспаление; ако има оток; папокот крвари и не се смирува; се појавил непријатен мирис; се забележува дека тоа место е болно за бебето; и ако малечкото има треска.

Ќе се изненадите колку е прецизно: Што говори обликот на папокот за вас

Дарко Андоновски — Thu, 26 Jul 2018 15:14:01 +0000

Иако не постојат научни докази што го поврзуваат обликот на папокот со вашата личност, постојат теории кои тврдат дека можат да бидат поврзани. Изненадувачки, нели? Да погледнеме што вели обликот на папокот за вас. Испакнат: Имате силна личност и го сакате вниманието, се упорни и искрени во односите Голем и длабок: Вие сте дарежлива личност, природен лидер, па често сте на менаџерски позиции, и многу паметни. Плиток и мал: Вие сте претпазлив, таинствен и скептичен човек. Долг и издолжен надолу: Вие сте интелигентни, паметни и иновативни. Овален облик: Ако имате ваков папок, вие сте премногу емотивни, нетрпеливи и љубопитни. Вовлечен: Вие сте внимателни, искрени , но и многу храбри.