Папуа Нова Гвинеја – Kurir.mk

УЖАСНИ СЦЕНИ ПО ЗЕМЈОТРЕСОТ – земјата буквално се распука на два дела по потресот од рекордни 7,6 степени (ФОТО+ВИДЕО)

Дарко Андоновски — Mon, 12 Sep 2022 06:14:25 +0000

Најмалку три лица загинаа во силен земјотрес со јачина од 7,6 степени што ја погоди Папуа Нова Гвинеја. Според локалните власти, земјотресот се случи вчера, има многу повредени, а оштетена е и инфраструктурата. Три лица загинаа во лизгање на земјиште во градот Вау. Директорот на Центарот за катастрофи во провинцијата Мороб, Чарли Масанж, изјави дека се уништени здравствени установи, домови и патишта и додаде дека може да биде потребно извесно време за да се процени штетата. Тој истакна и дека на тој дел од островот нема многу граѓани и високи згради во близина на епицентарот и поради тоа е избегната катастрофа со оглед на тоа што земјотресот бил многу силен. Шокантни се и сликите кои покажуваат дека земјата буквално се отворила од силниот потрес.

Три жртви во земјотрес со јачина од 7,6 степени во Папуа Нова Гвинеја

Дарко Андоновски — Sun, 11 Sep 2022 08:14:46 +0000

Најмалку три лица загинаа во силен земјотрес со јачина од 7,6 степени што ја погоди Папуа Нова Гвинеја. Според локалните власти, земјотресот се случил утрово, има повредени, а оштетена е и инфраструктурата. Три лица загинаа во лизгање на земјиште во градот Вау. Директорот на Центарот за катастрофи во провинцијата Мороб, Чарли Масанж, изјави дека се уништени здравствени установи, домови и патишта и додаде дека може да биде потребно извесно време за да се процени штетата. Тој истакна и дека на тој дел од островот нема многу граѓани и високи згради во близина на епицентарот и поради тоа е избегната катастрофа со оглед на тоа што земјотресот бил многу силен.

Силен земјотрес регистриран на Папуа Нова Гвинеја

Дарко Андоновски — Thu, 08 Oct 2020 09:40:41 +0000

Земјотрес со интензитет од 6,3 степени според Рихтеровата скала денеска ја погоди Папуа Нова Гвинеја, соопшти Американскиот сеизмолошки завод. Епицентарот на земјотресот бил на 38 километри североисточно од градот Каинату, на длабочина од 103,5 километри. Нема информации за евентуални жртви и причинета материјална штета, а не е издадено ниту предупредување за појава на цунами.

Силен земјотрес ја погоди Папуа Нова Гвинеја

Ивона Петрова — Fri, 17 Jul 2020 06:26:49 +0000

Земјотрес со интензитет од 7,3 степени според Рихтерова скала ја погоди денеска Папуа Нова Гвинеја, соопшти американскиот Геолошки институт. Засега нема информации за евентуални жртви и причинета материјална штета. Епицентарот на потресот се наоѓал на 18 километри југоисточно од местото Вау, на длабочина од 85,2 километра под површината на земјата. Папуа Нова Гвинеја се наоѓа во тихоокеанскиот „Огнен прстен“, формиран од ланец на сеизмички активни области и вулкани, вклучувајќи и подводни, протегајќи се на повеќе од 40.000 километри.

Евакуирани 15.000 луѓе поради ерупција на вулкан во Папуа Нова Гвинеја

Дарко Андоновски — Sun, 30 Jun 2019 12:57:00 +0000

Поради ерупција на вулкан во Папуа Нова Гвинеја, 15.000 луѓе се евакуирани, соопштија денеска хуманитарните служби. Како што пренесуваат светските агенции, дошло до ерупција на вулканот Улавун на островот Манам и засега нема податоци за евентуални повредени. Меѓутоа, од ерупцијата се уништени куќи, плантажи и извори на вода, поради што локалното население остана без храна и вода. Поради големи облаци од пепел, во прекин се и летовите на регионалните линии.

Силен земјотрес во Папуа Нова Гвинеја, издадена тревога за цунами

Дарко Андоновски — Tue, 14 May 2019 14:46:50 +0000

Силен земјотрес со јачина од 7,5 степени по Рихтеровата скала ја погоди Папуа Нова Гвинеја, по што е издадена тревога за опасност од цунами за земјата и соседните Соломонски Острови. Епицентарот на земјотресот е регистриран на 45 километри североисточно од Кокопо, главниот град на папуанскиот остров Источна Нова Британија, на релативно мала длабочина од 10 километри, соопшти Американскиот геолошки институт. Плитките земјотреси имаат тенденција да предизвикаат повеќе штета на површината на Земјата, но соред Американскиот институт проценетата штета и евентуални повреди ќе бидат ниски поради ретко населената популација. Во земјотресот, со истиот интензитет, кој минатата година го погоди централниот дел на земјата, загинаа 125 лица, а над 35 илјади останаа без покрив над главата.

Папуа Нова Гвинеја: Полицајци и војници кршеа прозорци, врати и мебел поради неисплатен бонус

Предраг Кукиќ — Tue, 20 Nov 2018 12:25:40 +0000

Полицајци и војници денеска упаднаа во Парламентот на Папуа Нова Гвинеја, во знак на протест поради неисплатените бонуси за нивната работа за време на Самитот на Организацијата за Азиско-пацифичка економска соработка (АПЕК), одржан изминатиот викенд. Како што јави австралиската телевизија Еј-Би-Си, тие го блокираа патот што води до зградата на Парламентот во главниот град на Папуа Нова Гвинеја, Порт Морсби. Полицајците и војниците се незадоволни бидејќи не им е исплатена ветената дополнителна заработка за време на меѓународната средба. Како знак на револт тие кршеа прозорци, врати и мебел. Неколку пратеници изјавија дека се затвориле во своите канцеларии. На меѓународната средба, што се одржа на 17 и 18 ноември, учествуваа шефовите на држави или влади на Австралија, Брунеи, Виетнам, Индонезија, Канада, Кина, Малезија, Мексико, Нов Зеланд, Папуа Нова Гвинеја, Перу, Русија, Сингапур, САД, Тајланд, Филипини, Чиле, Јужна Кореја и Јапонија, како и претставници на раководствата на Хонг Конг и Тајван.

Полицајци и војници упаднаа во Парламентот на Папуа Нова Гвинеја незадоволни од неисплатени бонуси

Ристе Здравков — Tue, 20 Nov 2018 10:18:49 +0000

Папуа Нова Гвинеја: Се активира вулкан, 2.000 евакуирани

Ристе Здравков — Sat, 25 Aug 2018 08:06:54 +0000

Вулкан се активира на островот Манам, во Папуа Нова Гвинеја, поради што денеска околу 2.000 луѓе беа евакуирани, соопшти Националниот центар за вонредни состојби. Вулканот на островот Манам е еден од најактивните во таа област, а на островот живеат околу 9.000 луѓе. Досега нема извештаи за повредени. - Три села се најдоа на патот на лавата, па жителите беа евакуирани, рече директорот на Центарот за вонредни ситуации, Мартин Моуз. Над вулканот, се издигна столб од чад и пепел, висок 15 километри.

Тлото не мирува: Нов силен земјотрес ја тресе Папуа Нова Гвинеја

Ивона Петрова — Fri, 30 Mar 2018 06:09:02 +0000

Земјотрес со интензитет од 6,9 степени според Рихтеровата скала е регистриран во близина на јужниот брег на островот Нова Британија во Папуа Нова Гвинеја, соопшти Американскиот геофизички институт. Според институтот, потресот бил на мала длабочина под морското дно, со епицентар на 162 километри југозападно од градот Рабаул. Пацифиццкиот центар за следење на цунами издаде предупредување дека областа во круг од 300 километри од епицентарот, може да ја погоди голем бран. Нема информации за повредени лица или причинета материјална штета при земјотресот. Папуа Нова Гвинеја, една од најсиромашните земји во светот, се уште се опоравува од земјотресот со интензитет од 7,5 степени што се случи на 26 февруари, кога загинаа најмалку 100 луѓе.