парада – Kurir.mk

Египет се подготвува за поворката на фараоните: Мумиите утре ќе бидат пренесени во златни кочии

Магдалена Андонова — Fri, 02 Apr 2021 08:55:21 +0000

Мумифицираните остатоци на 22 антички египетски кралеви и кралици ќе бидат пренесени во поворка низ улиците на Каиро во сабота до нивното ново почивалиште - Националниот музеј на египетска цивилизација. Остатоците од 18 кралеви и четири кралици ќе бидат подредени по возраст, на одделни платформи украсени во антички египетски стил во поворка наречена „Златна парада на фараоните“. Остатоците се преместуваат од Египетскиот музеј во центарот на Каиро, каде што престојувале со децении, во Националниот музеј на египетска цивилизација, отворен во 2017 година на југот на градот и ќе бидат сместени во „малку помодерни излози“, рече Салима Икрам, професор по египетологија на универзитетот во Каиро., Пренесува порталот Индекс. Фараоните и кралиците ќе патуваат во златни кочии, секоја во своја, и секоја кочија ќе има амортизери за безбедно преминување на 40-минутното патување низ Каиро. Поворката ќе започне во 18 часот по локално време во сабота и ќе има голема безбедност.

Во Москва се одржа воена парада по повод 75-годишнина од крајот на Втората светска војна

Магдалена Андонова — Wed, 24 Jun 2020 11:20:34 +0000

И покрај пандемијата на новиот коронавирус, во Москва денеска се одржа голема воена парада со која се одбележа 75-годишнината од крајот на Втората светска војна во Европа. Собирот првично требаше да се одржи за Денот на победата на Русија, на 9 мај, но беше откажан во април поради големиот број на заразени лица со Ковид-19. На парадата учествуваа повеќе од 13.000 војници, со неколку десетици странски делегации од Кина, Индија, Србија и Монголија, учествуваа и 75 авиони и повеќе од 200 воени возила. – Наши драги странски гости, другари војници и морнари, другари команданти, генерали и адмирали, ви честитам на 75-годишнината од победата во Големата патриотска војна, изјави рускиот претседател Владимир Путин. – Тоа беше невиден триумф на моќ, додаде Путин во своето обраќање. Светската здравствена организација неколку дена пред парадата, ја предупреди Москва дека масовните собири претставуваат ризик за „зголемено ширење“ на новиот коронавирус. Црвениот плоштад беше преполн со луѓе, а на телевизиските снимки се забележуваа луѓе кои не носат заштитни маски. Советскиот сојуз имаше десетици милиони жртви во Втората светска војна, најмногу од сите сојузнички сили, а победата над Германија останува важен извор на гордост за Русите. (МИА)

Слонови подивеа на прослава во Шри Ланка, 17 луѓе повредени (ВОЗНЕМИРУВАЧКО ВИДЕО)

Ивана Ефремовски — Tue, 10 Sep 2019 11:51:45 +0000

Најмалку седумнаесет лица се повредени откако два слона подивеле на традиционална годишна прослава во Шри Ланка и почнале да трчаат низ насобраните луѓе, пренесува Би-би-си. Слоновите биле дел од будистичка поворка која во саботата минувала низ градот Коте, кога одеднаш се вознемириле и почнале диво да трчаат низ толпата. Сè уште не е утврдено што точно ги исплашило животните и зошто тие одеднаш почнале така да се однесуваат.

Војници на АРМ во Софија на парадата по повод Денот на бугарската војска

Ивона Петрова — Sun, 06 May 2018 07:05:44 +0000

Еден ешалон од четвртиот механизиран пешадиски баталјон, од првата механизирана пешадиска бригада на Армијата на Република Македонија денеска во Софија ќе учествува на парадата по повод Денот на бугарските вооружени сили. На парадата во Софија, ќе присуствува и висока воена делегација на АРМ предводена од началникот на ГШ на АРМ, генерал-потполковник Методија Величковски. Учеството на единица од АРМ на парадата е врз основа на прифатената покана за учество, од страна на претседателот на Република Бугарија, Румен Радев, за време на неговата официјална посета на Република Македонија во февруари годинава, соопшти Генералштабот на АРМ.