параглајдер – Kurir.mk

Параглајдеристка загубила контрола и паднала во Крушево

Катерина Бојаџиева — Sat, 19 Aug 2023 18:42:58 +0000

На 18.08.2023 во 14.30 часот во Полициската станица Крушево било пријавено дека во атарот на с.Бироно, крушевско, П.Х.Б.(39) од Полска, управувајќи параглајдер изгубила контрола и паднала. Таа била пренесена во приватна болница во Скопје за укажување лекарска помош. Увид бил извршен.

Параглајдерист повреден во Крушево – итно пренесен во болницата во Прилеп

Дарко Андоновски — Sat, 17 Jul 2021 14:25:42 +0000

На 16.07.2021 во 16.08 часот во СВР Битола било пријавено дека во Клиничка болница Битола за укажување на лекарска помош бил донесен со телесни повреди А.М.(41) од Швајцарија, со престој во Крушево, кој паднал со параглајдер на место викано „Рибник“, во атар на с.Новоселани, прилепско.

ДЕТАЛИ: Неколкумина повредени по слетувањето на параглајдерист на натпреварот Франција-Германија

Ивона Петрова — Wed, 16 Jun 2021 06:59:51 +0000

Пред почетокот на натпреварот на Европското првенство помеѓу репрезентациите на Франција и Германија во Минхен, параглајдерист слета на теренот. Активист на меѓународното еколошко здружение „Гринпис“ прелета по долниот степен на трибината и потоа слета на тревникот. Според „Вашингтон пост“, по неговото неуспешно слетување, дел од остатоците на монтираниот фотоапарат „пајак“ ги повредиле гледачите на трибините, за што морале да побараат лекарска помош. Параглајдеристот носеше транспарент: „Откажете се од нафтата. Зелен мир”. Активистот веднаш беше уапсен.

OMG!!! Zum Glück ist nichts passiert… Schockstarre… pic.twitter.com/FYcZQFilT9
— Florian Plettenberg (@Plettigoal) June 15, 2021

Параглајдерска несреќа во Македонија: Тешко повредена Русинка

Катерина Бојаџиева — Fri, 11 Jun 2021 15:52:20 +0000

Во СВР Битола вчера било пријавено дека во атарот на с.Трновци, при спуштање со параглајдер, Н.С.(62) од Русија се здобила со тешки телесни повреди, констатирани во Клиничка болница Битола.

Старец паднал со параглајдер и останал жив и здрав (ВИДЕО)

Ивана Ефремовски — Tue, 17 Nov 2020 09:28:35 +0000

91-годишен Австралиец преживеал несреќа со параглајдер и поминал со само неколку гребнатини и модринки после пад во океанот. Овој параглајдерист во неделата навечер од океанот бил извлечен од страна на жителите од местото Варивуд, северно од Сиднеј. Брзата помош која била повикана на местото на настанот го прегледала мажот и утврдила дека има само неколку гребнатини и модринки. Името на искусниот авантурист не било објавено, но медиумите објавиле фотографии на кои се гледа како тој оди преку карпите со помош на спасувачите, а левата нога му е во завои.

Едни му викаат дека е “цар“, други го нарекоа “глупак“: Со параглајдер лета над морето, седнат на кревет! (ВИДЕО)

Ивана Ефремовски — Wed, 08 Jul 2020 21:52:43 +0000

Параглајдинг инструкторот Хасан Кавал од Турција реши да лета во удобноста на неговиот двосед, а за целосно искуство додаде и телевизор. Кавал ги закачи двоседот и ТВ на параглајдерот, а целото патување го снимал со камера. Снимањето на овој необичен лет стана хит на Интернет. По полетувањето, Хасан се навали на каучот пред телевизорот и не носеше безбедносниот ремен. Тој ги соблече чевлите, ги облече папучите и се опушти да ужива во чипсот додека леташе неколку стотици метри над морето. Откако слета безбедно на земја, Хасан рече дека уживал во летот. „Никогаш не сум се чувствувал толку опуштено“, рече тој. Луѓето во коментарите се поделени, додека некои му се восхитуваат на овој потег, други сметаат дека воопшто не е паметен.

Параглајдеристи изгубиле контрола и паднаа на Галичица

Ивана Ефремовски — Tue, 09 Jul 2019 15:21:43 +0000

Параглајдеристи од Украина од засега непознати причини, изгубиле контрола додека летале над Галичица и паднале на падините на планината, во близина на Mакедонско-албанската граница, дознава OhridNews. Инцидентот се случил околу 15 часот, по што веднаш биле алармирани Националниот парк и екипата за спасување на планина и непристапни терени на Црвениот крст – Охрид, кои се упатиле на местото на настанот и трагаат по параглајдеристите. -Како што дознаваме, со GPS било утврдено дека параглајдеритите паднале 650 метри на албанска територија. Македонската гранична полиција веднаш стапила во контакт со колегите од Албанија заради координација околу спасувачката мисија која е во тек. Според првичните информации еден од параглајдеристите се здобил со тешки телесни повреди, а другиот со полесни. Неофицијално дознаваме дека украинските параглајдеристи, биле туристи кои самоиницијативно, без соодветна логистика се упатиле во опасна авантура, дотолку повеќе што временските услови за летање со параглајдер не биле добри, поради неповолен и силен ветер, на што биле предупредени од искусни македонски летачи, кои од тие причини ги откажале своите летови и се симнале од Галичица. Истрагата која ќе уследи ќе треба да утврди дали тие имале дозвола за летање и дали биле искусни летачи, пишува порталот.

Го живее вториот живот: На параглајдерист при пад му се заби гранка во рамото, а кога ќе видите како реагираше ќе се онесвестите (ФОТО)

Дарко Андоновски — Sun, 16 Sep 2018 08:39:44 +0000

Триесет и шест годишниот пилот Иван Красуски од Белорусија преживеа вистинска драма откако гранка му се заби во рамото при уривање на неговиот параглајдер, пишува Miror. Иако тој преживеал вистински пекол во болницата се шегувал со докторите и имал време да се фотографира со нив. Тој на болничкиот кревет се фотографирал со насмевка на лицето како ништо да не се случило додека докторите и пациентите останале во шок.

Трагедија денеска во Крушево: Загина параглајдерист, уште еден е тешко повреден

Матеја Петровски — Fri, 17 Aug 2018 17:03:08 +0000

Еден параглајдерист починал, а друг се здобил со тешки телесни повреди откако двајцата паднале кај Мечкин Камен во Крушево, соопштуваат од МВР. Трагичниот настан се случил околу 12:40 часот кај Мечкин Камен. Тешкоповреднеиот парглајдерист е пренесен на лекување во Прилеп. Според Наталија Спирова, началник на секторот за односи со јавност во МВР, други детали за трагичниот настан не се познати. Полицијата направи увид на местото на несреќата.