Параглајдерист – Kurir.mk

Тешко повреден параглајдерист од Полска, се удрил во карпа во прилепско

Ивона Петрова — Tue, 24 Oct 2023 14:15:51 +0000

На 23.10.2023 во 19,05 часот во Полициска станица Прилеп е пријавено дека во близина на манастирот „Трeскавец“ во прилепско, при удар во карпа се повредил параглајдерист Р.Г.Т.(44) од Р.Полска, информира МВР. На параглајдеристот од страна на лекар од Итна медицинска помош Прилеп му биле констатирани тешки телесни повреди, по што е пренесен во болницата „Систина“- Скопје за понатамошно лекување.

Познат идентитетот на параглајдеристот кој тешко се повреди во Македонија, барал да се лекува во приватна клиника

Ивана Ефремовски — Wed, 02 Aug 2023 17:43:56 +0000

Денеска (02.08.2023) во 17:50 часот полициски службеници од Хеликоптерската единица за полициски намени, Алпинистичкиот тим и животоспасители од Одделот за специјални полициски операции - САЕ Тигар, заедно со граничната полиција од РЦ Запад успешно ја завршија спасувачката акција на планината Галичица, откако во попладневните часови беше пријавено дека холандски државјанин се здобил со тешки телесни повреди при спуштање со параглајдер на падините на Галичица од македонската страна на планината. Имено, Алпинистичкиот тим на САЕ Тигар во 17.00 часот со хеликоптер пристигна на местото на несреќата, го фиксира и го презеде повредениот холандски државјанин Л.Г.Ј.(35), кој претходно беше имобилизиран од екипа на Планинарската спасувачка служба на Црвен крст Охрид и во 17.15 со хеликоптерот од Хеликоптерската единица за полициски намени, која е дел од Одделот за воздухопловни операции на МВР, стартуваше со транспорт кон Скопје. Во 17:50 часот тимот од МВР со повредениот слета на хелиодромот во Комплекс клиники и во координација со лекарите од клиниките, лицето во придружба на животоспасител од САЕ Тигар, на негово барање, во 18.10 часот е префрлено во приватна медицинска установа за укажување на лекарска помош.

Тешко е повреден: Холандскиот параглајдерист доби помош на Галичица (ФОТО)

Ивана Ефремовски — Wed, 02 Aug 2023 16:08:11 +0000

Центарот за управување со креизи (ЦУК) соопшти дека холандскиот параглајдерист е имобилизиран од спасувачките екипи и веќе со хеликоптер се транспортира за Скопје по што ќе го преземе медицински тим. Според ЦУК, параглајдеристот има сериозни повреди на р'бетот. -Спасувачите од планинарската спасувачка служба од Црвениот Крст - Охрид пристигнаа на падините на Галичица на местото на кое падна холандскиот параглајдерист. Поради сериозните повреди на р'бетот параглајдеристот е имобилизиран со вакуум душек и шанцова кравата, а со помош на полициските специјалци од Тигрите е сместија во хеликоптер на МВР. Хеликоптерот е на пат за Скопје каде повредениот турист ќе го презеде медицински тим, информира ЦУК.

Спасувачка мисија на ЦУК: Холандски параглајдерист падна во Македонија, повреден чека помош

Ивана Ефремовски — Wed, 02 Aug 2023 14:37:26 +0000

Центарот за управување со кризи организира спасувачка мисија на Галичица. Според информациите кои ги добивме од ЦУК, таму паднал холандски параглајдерист и повреден ја чека помошта. Најверојатно има скршен рбет.

Параглајдерист од САД падна во Љубаништа, итно е пренесен во болница

Ивана Ефремовски — Wed, 31 Jul 2019 12:37:39 +0000

На 30.07.2019 во 15:34 часот во СВР Охрид било пријавено дека во с.Љубаништа, охридско паднал параглајдерист. Од страна на полициски службеници од СВР Охрид излезено е на местото на настанот и констатирано е дека во 15,20 часот при слетување на плажата со параглајдер Д.J.Р.(57) од САД, паднал на патничко моторно возило марка„Мицибуши“ со скопски регистарски ознаки. Д.Ј.Р. со возило на итна медицинска помош е пренесен во болницата „Св.Еразмо“. Се превземаат мерки за расчистување на случајот.

Битолчанец се повредил при пад со параглајдер

Катерина Бојаџиева — Mon, 08 Oct 2018 08:21:44 +0000

Битолчанецот С.М. (47), кој летал со параглајдер, вчера се повредил откако паднал во близина на село Острилци, крушевско. Полицијата соопшти дека вчера околу 15:50 часот во Полициска станица Крушево од Клинички центар Битола било пријавено дека кај нив бил донесен повреден С.М. (47) од Битола кој по укажаната лекарска помош бил пренесен во болницата „Свети Еразмо“ во Охрид. Од извршениот разговор со С.М. е констатирано дека со повредите се здобил истиот ден во Крушево каде полетал со параглајдер и паднал во близина на село Острилци, крушевско.

Параглајдерист падна на Галичица, итно префрлен во болница со тешки повреди

Катерина Бојаџиева — Thu, 09 Aug 2018 09:21:23 +0000

Вчера во 14,50 часот во СВР Охрид, од вработени во Националниот парк „Галичица“, пријавено е дека на планината Галичица, кај месноста „Баба“, паднало лице со параглајдер. Екипа на униформирани полициски службеници од СВР Охрид, веднаш е упатена на посоченото место и известена е планинарската служба за спасување како и Итната медицинска помош. На местото бикано „Баба“, во контактибилна состојба е затекнато лицето О.В. ( 37) од Киев- Украина, кој претходно летал со параглајдер по што, од засега неутврдени причини, изгубил висина и паднал. Тој, е пренесен во болницата Св.Еразмо каде се констатирани тешки телесни повреди по што е задржан на понатамошно лекување. По овласување на Јавен обвинител, Зоран увид на местото на настанот извршија екипи на СВР Охрид.

Параглајдерист пронајден починат во гевгелиско

Ивона Петрова — Tue, 10 Apr 2018 08:07:27 +0000

Четириесет и седум годишниот М.Ќ. од гевгелиското село Мрзенци вчера околу 15 чаот бил пронајден почина над селото Сермин, во близина на манастирот „Свети Илија“, информираат од МВР. Имено, на М.Ќ., кој бил член на Клуб за екстремни спортови, по неговото успешно слетување со параглајдер, му се слошило и по кратко време истиот починал, велат од МВР. Од страна на лекар од Итната медицинска помош била констатирана смрт. Увид на местото на настанот извршиле Јавен обвинител и увидна екипа од Полициска станица Гевгелија. По Наредба на Јавен обвинител телото на починатиот било предадено за обдукција.