Парагвај – Kurir.mk

Заедничка кандидатура на четири земји за организација на СП во фудбал

Бошко Тасиќ — Wed, 08 Feb 2023 05:39:01 +0000

Аргентина, Чиле, Парагвај и Уругвај во вторникот официјално поднесоа заедничка кандидатура за домаќинство на Светското првенство во 2030 година, барајќи турнирот да се врати „таму каде што е роден фудбалот“, 100 години по одржувањето на првото Светско првенство во Монтевидео. За време на церемонијата во Аргентинската фудбалска асоцијација (АФА), на официјалните лица од четирите земји им се придружи Алехандро Домингез, претседател на Јужноамериканската фудбалска конфедерација (КОНМЕБОЛ), кој рече дека се надева оти ФИФА може да покаже „гест на почит“ кон регионот ќе и дозволи да биде домаќин на турнирот. „Светското првенство во 2030 година не е само уште едно Светско првенство, тоа заслужува да се слави, со јубилеј по повод 100 години“, рече Домингез. „Ние веруваме дека ФИФА има обврска да го почитува споменот на оние кои дојдоа пред нас и веруваа во големината и го направија првото светско првенство“. Претседателот на АФА, Клаудио Тапија додаде: „Како светски шампиони, го започнуваме овој проект кој е сон на сите Јужноамериканци. Не само за стогодишнината од првото издание, туку и поради страста со која го живееме фудбалот“.

Најголемата заплена на кокаин во историјата на Парагвај – 3,4 тони: Рекордна количина секоја година

Магдалена Андонова — Wed, 28 Jul 2021 20:20:06 +0000

Парагвајската полиција заплени над 3,4 тони кокаин во близина на главниот град Асунсион денес, а дрогата била скриена во магацин за шеќер. Ова е најголемата заплена на дрога во историјата на Парагвај, додаде полицијата, пренесува Танјуг. Директорот на полицијата Луис Аријас пред новинарите изјави дека кокаинот бил пронајден во предградието Фернандо де ла Мора, а шверцерите се подготвувале да го истоварат со пратка шеќер, објави Ројтерс. - Станува збор за повеќе од 3.400 килограми кокаин. Ова е заедничка акција на единицата за наркотици и обвинителството, траеше скоро еден месец - рече Ариас, додавајќи дека не е познато каде требало да биде испратен кокаинот. Претходно, најголемата заплена на кокаин во Парагвај се случи во октомври 2020 година, кога полицијата откри 2.900 килограми дрога.

Купот на Америка може да биде откажан, преместен во САД, или даден на Чиле и Парагвај

Тале Кристо — Mon, 31 May 2021 10:18:59 +0000

Стана познато каде може да се одржи Купот на Америка 2021 година, кој започнува за 13 дена. Се разгледуваат неколку опции. Првата е да се даде турнирот на Чиле и Парагвај. Оваа опција изгледа подобро бидејќи Чиле има добра состојба со коронавирус и вакцинацијата напредува добро. Сепак, во Парагвај ситуацијата сега е слична на Аргентина, на која и беше одземена организацијата на натпреварувањето токму поради Ковид. Друга опција е да се премести турнирот во Северна Америка, поточно во САД. Јужноамериканската фудбалска конфедерација (КОНМЕБОЛ) првично сакаше да биде домаќин на турнирот во Јужна Америка, па на почетокот дури и не ја разгледуваше оваа можност. Иако Јужна Америка останува приоритет, сепак се разгледува и можност САД да се домаќини. Постои можност и за откажување на турнирот, втор пат по ред. Купот на Америка не се одржа ниту во 2020 година. Првично, заеднички домаќини на престижното фудбалско натпреварување требаше да бидат Колумбија и Аргентина, но Колумбија беше повлечена поради политичката ситуација во земјата, а Аргентина – поради медицинската.

Во Парагвај сменети три министри поради насилните протести

Тале Кристо — Sun, 07 Mar 2021 11:10:34 +0000

Претседателот на Парагвај, Марио Абдо Бенитез смени три министри поради насилните протести, што се избија поради начинот на кој Владата се справува со пандемијата во Ковид-19. Сменети се министерот за образование, за женски права и цивилни работи, додека министерот за здравство во петокот поднесе оставка. Здравствените работници во Парагвај тврдат дека болниците немаат лекови и опрема за лекување на пациентите инфицирани со Ковид-19. Опозициските партии бараат од Бенитез да поднесе оставка и да распише нови избори, а десничарската Влада ја обвинуваат за корупција. Во Парагвај со 7,2 милиони жители досега се регистрирани 165.000 инфицирани во Ковид-19 и околу 3.200 смртни случаи, а вакцинирани се само 0,1 отсто од населението. Pолицијата во петокот употреби солзавец и гумени куршуми против демонстрантите, при што се повредени околу 20 луѓе.

Легендарниот голман- голгетер Чилаверт влезе во трка за претседател на Парагвај

Дарко Андоновски — Fri, 25 Dec 2020 10:17:07 +0000

Хозе Луис Чилаверт, еден од најдобрите светски голмани од крајот на минатиот век, објави кандидатура за претседателските избори во Парагвај. „Горд сум што сум Парагваец. Чила за претседател“, гласи слоганот со кој Чилаверт ќе ја бара поддршката од парагвајскиот народ за изборите закажани за 2023 година. Прочуен по своите одбрани, но и головите што ги постигнуваше од слободни удари, Чилаверт не е единствениот фудбалер, кој по завршување на кариерата се вклучува во политиката. Најдобриот африкански фудбалер на сите времиња Жорж Веа во 2018 година беше избран за претседател на Либерија, екс играчот на Милан, Каза Каладѕе е градоначалник на Тбилиси, додека Ромарио беше член на бразилскиот парламент.

ФОТО: Рекордна заплена на кокаин во Парагвај, пронајдени 2,3 тони дрога вредна 500 милиони долари

Ивона Петрова — Thu, 22 Oct 2020 05:54:55 +0000

Полиција во Парагвај заплени рекордни 2,3 тони кокаин кој бил скриен во пратка со јаглен заменета за Израел. Количината на пронајдениот кокаин има улична вредност од 500 милиони долари, а се работи за досега најголема заплена во Парагвај. Кокаинот бил пронајден во приватно пристаниште. Би-Би-Си јавува дека уапсени се и две лица, од кои едниот е поранешен директор на државна телевизија. Кокаинот бил спакуван во пакети, а пронајден е во еден од вкупно шест контејнери од кои пет дополнително треба да бидат пребарани. Министерот за внатрешни работи истакнал дека конечната количина на запленетиот кокаин би можела да биде поголема од три тони. Дојавата за кокаинот стигала од Белгија.

Во Парагвај запленет кокаин вреден 500 милиони долари

Магдалена Андонова — Wed, 21 Oct 2020 14:27:38 +0000

Парагвајската полиција во пристаништето Терпорт откри и заплени околу 2,3 тони кокаин на брод што пловел кон Израел. Дрогата вредна околу 500 милиони долари била скриена во шест контејнери до јаглен. Уапсени се две лица, од кои едниот е поранешен директор на парагвајската државна телевизија. Тоа е најголемо количество на кокаин откриен во Парагвај. (MИА)

ФОТО: Легендарниот Роналдињо уапсен во Парагвај

Ивона Петрова — Thu, 05 Mar 2020 07:59:04 +0000

Поранешниот бразилски репрезентативец Роналдињо беше уапсен во Парагвај со неговиот брат Роберто, кој му беше агент за време на активната кариера. Двајцата се приведени за користење лажни пасоши, според кои се идентификувале како Парагвајци. На 39-годишниот поранешен легендарен играч не му е дозволено да го напушти Бразил и неговиот меѓународен пасош беше одземен во јули годинава. заради неплатена казна за еколошки криминал.

A suíte onde Ronaldinho Gaúcho está hospedado com seu irmão Assis foi revistada no Paraguai. As autoridades locais confirmam os supostos documentos falsos encontrados. As investigações estão em curso, ambos estão sob custódia e irão depor nas próximas horas #FutGloboCBN pic.twitter.com/S78jDqPuCc
— Renan Moura (@renanmouraglobo) March 5, 2020

Според публикацијата во „Ла Насион“, цитирана од „Гол“, тој и неговиот брат биле на одмор во „Resort Yacht & Golf Club Paraguayo“ и нивното апсење се случило во средата. Деновиве се очекуваат повеќе детали, но засега е познато дека поранешниот играч на Барселона и Милан билна Парагвај на покана на сопственикот на казиното, Нелсон Белоти.

A suíte onde Ronaldinho Gaúcho está hospedado com seu irmão Assis foi revistada no Paraguai. As autoridades locais confirmam os supostos documentos falsos encontrados. As investigações estão em curso, ambos estão sob custódia e irão depor nas próximas horas #FutGloboCBN pic.twitter.com/S78jDqPuCc
— Renan Moura (@renanmouraglobo) March 5, 2020

Роналдињо е Светски шампион за 2002 година со Бразил и освојувач на „Златната топка“ во 2005 година. Фудбалерот ја прекина својата кариера во 2015 година. Интересно, и покрај неговата забрана за патување, Роналдињо беше избран за амбасадор за туризам во Бразил.

Милиони луѓе без струја во Аргентина, Уругвај, Парагвај и Бразил

Дарко Андоновски — Sun, 16 Jun 2019 14:46:09 +0000

Во Јужна Америка денеска се случи масовен прекин на снабдување со електрична енергија, поради што милиони луѓе ширум Аргентина, Уругвај, Парагвај и јужниот дел на Бразил останаа без струја. Енергетската компанија „Едесур Аргентина“ преку Твитер соопшти дека дошло до масовен прекин на снабдувањето во меѓусебно поврзаниот електричен систем.

Парагвај ја пресели Амбасадата во Ерусалим

Ивона Петрова — Tue, 22 May 2018 06:39:56 +0000

Парагвај ја отвори својата нова Амбасада во Ерусалим, следејќи го потегот на САД и на Гватемала. Романија, Чешка и Хондурас соопштија дека,исто така, ја разгледуваат можноста да го сторат истото. На влезот во Ерусалим беа поставени знамиња на Парагвај, а потегот го поздрави израелскиот премиер Бенјамин Нетанјаху, кој рече дека тоа е „голем ден за Израел, за Парагвај и за пријателство меѓу двете земји". За време на отворањето на американската амбасада во Ерусалим минатиот понеделник, дојде до судир во кој израелските сили убија речиси 60 Палестинци. МИА