Параолимписки игри – Kurir.mk

Олимпијадата во Лос Анџелес ќе чини 6,9 милијарди долари

Ивана Ефремовски — Fri, 17 Sep 2021 14:22:28 +0000

Организацијата на Летните олимписки и параолимписки игри, чии домаќин во 2028 година ќе биде Лос Анџелес, ќе чини 6,9 милијарди долари, најави денеска извршната директорка на Организацискиот комитет Кети Картер.

-ОИ и ПОИ ќе бидат финансиски здрави и ќе остават трајно влијание на градот домаќин, -изјави Картер. -Пред сè, ние ќе бидеме домаќини на Игри, кои ќе се одржат во предвидениот термин и во рамки на предвидениот буџет, додаде Картер, наведувајќи оти Игрите ќе користат широк спектар на постоечки спортски објекти, а потрошувачката ќе се надомести со приходи од спонзорства, продажба на влезници и други извори. (МИА)

Денеска започнуваат Параолимписките игри во Токио

Дарко Андоновски — Tue, 24 Aug 2021 07:29:39 +0000

Јапонскиот цар Нарухито денеска официјално ќе ги отвори Параолимписките игрите, но поради мерките против коронавирусот повеќето од 68.000 места на стадионот ќе бидат празни. На годинашните Игри ќе учествуваат 4.400 спортисти од 162 тимови, меѓу кои и еден што претставува бегалци. Спортистите ќе се натпреваруваат во 22 спортови, а за прв пат се појавуваат бадминтон и теквондо. Игрите ќе траат до 5 септември и се одржуваат во позадина на напливот на случаи на ковид-19 во Токио. Случаите таму се зголемија за четири или пет пати од отворањето на Олимпијадата пред еден месец. Параолимписките спортисти ќе ги следат истите правила како и олимписките спортисти, вклучувајќи секојдневно тестирање, задолжително носење маски и ограничувања на нивното движење. Речиси сите настани ќе се одржат без гледачи. Шефот на Меѓународниот параолимписки комитет Ендрју Парсонс на 23 август рече дека забраната за гледачите е „вистинска одлука“. „Мојата порака е вклучете го телевизорот и уживајте во што е можно повеќе параолимписки игри“, рече тој.

Авганистанското знаме ќе се вее на Параолимписките игри во „знак на солидарност“

Тале Кристо — Mon, 23 Aug 2021 16:14:21 +0000

Иако на Параолимписките игри во Токио нема да има претставници од Авганистан, знамето на оваа држава ќе биде присутно на свеченото отворање во „знак на солидарност“ со спортистите на кои им е оневозможен настап на манифестацијата во Јапонија. Авганистан на Параолимписките игри требаше да настапи со двајца спортисти, кои не можат да допатуваат во Токио, бидејќи новата талибанска власт во Авганистан ги укина сите комерцијални летови. – Одлучивме да го вклучиме авганистанското знаме на свеченото отворање во знак на солидарност, а го замоливме претставникот на Високиот комесар за бегалци на Обединетите нации да биде знаменосецот, изјави претседателот на Меѓународниот параолимписки комитет Ендрју Парсонс.

Земји од Пацификот се откажаа од Параолимписките игри поради ковид ограничувањата

Катерина Бојаџиева — Mon, 23 Aug 2021 14:11:12 +0000

Поради патните ограничувања поврзани со пандемијата на коронавирус четири пацифички островски држави го откажаа настапот на Параолимписките игри, што утре треба официјално да започнат во Токио. Меѓународниот параолимписки комитет (IPC) објави денеска дека Самоа, Кирибати, Тонга и Вануату нема да настапат на Игрите. Веста доаѓа неколку денови откако од Игрите во Токио се повлече и Авганистан по преземањето на власта во државата од страна на талибанците. – Имаме неколку нации од пацифичките oстрови, кои нема да можат да допатуваат, изјави портпаролот на IPC, Крег Спенс. – Причината за нивното откажување е што мораат да патуваат од своите држави преку Австралија, каде во моментов на сила се строги правила, додаде Спенс.