парфем – Kurir.mk

За сите Риби: 10 парфеми кои ќе му се допаднат на најнежниот хороскопски знак

Ивона Петрова — Sun, 05 Mar 2023 21:34:25 +0000

Вашиот хороскопски знак влијае и кој парфем ќе ви се допадне. Кога станува збор за емотивните, емпатични, нежни и романтични Риби, ништо не ги надминува водените, освежувачки мириси. Совршено одговараат на нивната нежна природа и ја имаат таа нежна мекост. Рибите ги привлекуваат мириси кои не се премногу силни со оглед на тоа дека се чувствителни. Она што најмногу ги опушта е одењето на море, па ќе го ценат секој парфем што барем во нивниот ум ќе се пресели на брегот. Ова се 10 парфеми кои би им се допаднале на Рибите. Giorgio Armani Acqua di Gioia Maison Francis Kurkdjian Paris Aqua Celestia Cologne Forte Eau de Parfum Le Labo Baie 19 Eau de Parfum Davidoff Cool Water Woman Kenzo L'Eau Kenzo Issey Miyake L'eau d'Issey Calvin Klein CK One Thierry Mugler Womanity Byredo Gypsy Water Guerlain Aqua Allegoria Herba Fresca

Како парфемот да ви трае цел ден, еве неколку трикови

Ивона Петрова — Fri, 02 Dec 2022 12:42:35 +0000

Најсигурна опција за продолжување на ефектот на мирисот е да ставите мини верзија од омилениот парфем во вашата козметичка чанта. Кога тоа не е можно, едноставните правила ќе ви помогнат да го задржите парфемот на вашата кожа во текот на целиот ден. Пред сè, погрижете се за безбедноста на самата арома. Не ги чувајте парфемите во бањата, каде што има висока влажност и чести температурни разлики, како и на место каде директно паѓа сончевата светлина. Идеалната опција е темно, студено место, а одлична опција е полица, во фиока или на ноќна масичка. Времетраењето на мирисот се одредува според концентрацијата на парфемните екстракти во него и е во просек 4-6 часа. Честа грешка е нанесување парфем во последен момент - што исто така го скратува времетраењето на мирисот. Парфемот треба да се нанесува најмалку 30 минути пред да излезете од дома, а идеално е веднаш по туширањето. Парфемот нанесен на чиста кожа е почист и посилен, а влагата која останува на кожата го „зачувува“ мирисот и му овозможува да трае до вечерта. Основата, исто така, ќе помогне да се продолжи траењето на мирисот. Навлажнувачки лосион или... обичен вазелин добро ќе ја заврши оваа работа (сигурно ќе го „поправи“ мирисот и нема да му пречи). Ставете го мирисот на вашата кожа, а не на облеката. Ефикасноста ќе се зголеми ако парфемот го ставите на познатите пулсни точки - на пример задниот дел на главата, зглобовите, внатрешната страна на лактите, вдлабнатини меѓу градите, вдлабнатини под колената) . Топлината што ја испуштаат пулсните зони ќе му помогне на парфемот да трае подолго. Ослободете се од навиката да ги триете местата каде сте нанеле парфем (најчесто тоа се случува со зглобовите). Од остри допири, горните ноти на мирисот се „кршат“, а беспомошните долни ноти испаруваат за половина час. Ако навистина сакате, со нежни допири избришете ги местата каде сте нанеле парфем или тоалетна вода, но подобро да не правите ништо.

ФОТО: Француски производител на алкохол од сега нуди и луксузен парфем, ќе чини 5.000 долари

Ивона Петрова — Wed, 02 Nov 2022 06:34:51 +0000

Француски Rèmy Cointreau, еден од легендарните производители на алкохолни пијалoци, го најави својот влез на пазарот на парфеми. Луксузните мириси сега се нова производствена гранка на компанијата чии приходи се околу 5 милијарди долари годишно. Името на креацијата на парфемот ќе биде Maison Psyche, а цената за парфем е повисока од 5.000 долари. -Овој потег е логичен и стратешки за компанијата. Многумина веќе го нарачуваат овој парфем, ќе го продаваме директно на потрошувачите, на однапред објавена локација во Париз, истакна извршниот директор Ерик Валат. Парфемот, ко-креиран од главниот подрумар на Rèmy Cointreau и главниот парфимер на групата Firmenich, ќе се прави во дабови буриња во истиот регион каде што компанијата го произведува својот коњак од 3.000 долари по шише. Секако, се е во стилот на алкохолни пијалоци, но и луксуз. Парфемот ќе биде во кристални шишиња украсени со злато и дијаманти во ограничено и нумерирано издание. Секое шише ќе има свој единствен број.

КОЈ Е ВСУШНОСТ РОКОТ НА ТРАЕЊЕ НА ПАРФЕМИТЕ: Можете ли омилениот минатогодишен парфем да го носите и оваа есен?

Ристе Здравков — Wed, 14 Sep 2022 13:31:02 +0000

Есента е често време кога преминуваме од полесни мириси кон потешки. Ако сакавте повторно да посегнете по омилениот минатогодишен мирис, кој во последните неколку месеци беше запоставен на полицата, сигурно сте се запрашале – каков е рокот на траење на парфемот? Парфемите обично можат да траат многу подолго од другите козметички производи, а нивната издржливост зависи од повеќе фактори. Дали рокот на траење на парфемот може да истече? Во зависност од тоа колку често и интензивно нанесуваме парфем, едно шише од овие скапи ароми може да ни трае многу долго, но колку и да се трудите да бидете економични со скапоцените капки, мора да знаете – да, парфемите имаат и рок на траење. Откако ќе се отвори парфемот, со текот на времето ќе му истече рокот на траење, но добро е да се знае дека отворениот парфем може да издржи во просек околу 2 години. Неговиот рок на траење не зависи само од неговото производство туку и од тоа каде го чуваме. За да може парфемот да трае што подолго, важно е да го чувате на темно и свежо место, подалеку од сонце и топлина, бидејќи во спротивно побрзо ќе испари или ќе оксидира. „Цитрусите, овошните и зелените ноти и пачули се најчувствителни на оксидација“, тврди парфимерот Huclier. Најдобар начин да провериме дали парфемот го поминал рокот е да го испрскаме на парче хартија и на тој начин да провериме дали чувствуваме некаква промена во ‘нотата’, но и бојата – ако изгледа потемно или жолтеникаво, најверојатно оксидирал. Колку долго може да издржи неотворено шише парфем? Нема дефинирани правила: неотворено шише парфем може да трае со години, во зависност од самиот парфем, како и начинот на складирање. Секој козметички производ има свој официјален рок на траење, кој можете да го проверите на веб-страницата користејќи го серискиот број испечатен на секој производ. Како да го продолжите рокот на траење на парфемот? Кислородот, светлината и топлината се непријатели на парфемите, па затоа треба да ги чуваме подалеку од прозорци и извори на топлина, а идеално е во фрижидер. Некои парфеми траат подолго Некои парфеми и ароми имаат подолг животен век: зачините, дрвените ноти и ванилата имаат тенденција да траат подолго. Исто така, парфемите со побогата основа се поотпорни на оксидација, па имаат подолг рок на траење. Што ќе се случи ако парфемот го користиме по истекот на рокот? Најчесто – ништо, освен што можеме да забележиме дека мириса поинаку. Многу ретко може да се случи луѓето да имаат реакција на кожата поради оксидирани состојки.

Дали ги разликувате ознаките на парфемите, еве што значат

Ивона Петрова — Sun, 24 Jul 2022 20:22:43 +0000

Секоја шише парфем содржи одредена концентрација мирис. Не е исто дали бирате парфем или тоалетна вода. Во принцип, тоалетните води имаат помала концентрација, најслаб мирис и постојаност, но пак се со подостапна цена. Парфемите се најдолготрајни, со висока концентрација, но и цената им е висока. Еве што значат ознаките на шишињата парфем: Eau de Cologne: Концентрација — 2%—4%, трае околу 2 часа Eau de Toilette: Концентрација — 5%—15%, трае до 4 часа Eau de Parfum: Концентрација — 15%—20%, трае до 5–6 часа Parfum: Концентрација — 20%—30%, трае до 10 часа

Како да го изберете совршениот парфем, совет од експертите на Шанел

Ивона Петрова — Sat, 23 Jul 2022 18:50:21 +0000

Откријте ја својата мирисна нота, доколку не знаете како најдобро да го направите тоа прочитајте ги советите на експерите. Како да изберете совршен парфем за вас? Откријте ги своите ноти Мирисот би требало да биде што поедноставен. Почнете со основното, изберете парфем кој го сакате. Идентификувајте ги омилените мирисни ноти. Обрнете внимание на она што ги одговара. Кога ќе пронајдете исти или слични мириси кои ги одговараат тоа е мирисот кој природно ви одговара. И веќе сте завршиле најголем дел од работата. Тестирајте на кожата Следниот чекор е да одите во парфимерија. Изберете мириси кои ви се допаѓаат и тестирајте ги на кожата. Парфемот реагира поинаку на секоја кожа. Потрудете се кожата да ви биде што почиста и без нанесени креми и лосиони Како да изберете совршен парфем - тип на мирис Откако сте одредиле кој парфем најдобро одговара на вашата кожа, време е да одлучите дали сакате помала или поголема концентрација на мирис. Парфемите често се интензивни и долготрајни, додека тоалетните води се поблаги и не траат цел ден. Изборот е ваш. Место за нанесување парфем Парфемот најчесто се нанесува на натоплите делови од кожата (зглоб, меѓу гради, зад вратот и кај ушите). Кога температурата на телото расте, така и аромата се интензивира. Доколку сакате повеќе да се чувствува мирисот на косата или облеката, тогаш изберете нежни формули. Совршен парфем за секое годишно време За време на пролетта и летото советот е да користите лесни тонови, додека наесен и во зима дозволени се потешки и поинтензивни мириси. Преку ден се советува да се користат нежни варијанти, додека навечер може да користите поинтензивни мириси. Дополнителни правила -При посета на парфимерија не би требало да пробате повеќе од четири парфеми -Парфемите најпрво пробајте ги на хартиија. Доколку ви се допадне пробајте го на своја кожа. -Кога пробувате парфем тоа нека биде над дланката, отприлика на местото каде мерите пулс. -Почекајте неколку минути пред да мириснете.

НАЈПРОДАВАН: Парфем рекламиран од Џони Деп заработува милиони на ден

Катерина Бојаџиева — Thu, 26 May 2022 06:44:11 +0000

Филмската кариера на познатиот глумец Џони Деп можеби трпи последици од судските процеси и обвинувањата на неговата поранешна сопруга Амбер Хард, но во светот на парфемите, приказната е сосема поинаква… Шишенце парфем „Саваж“ на „Диор“ се продава на секои три секунди, а заштитно лице на овој мирис е Деп. Модниот критичар Џон Помплијано на Твитер ја коментираше статијата на Мари Клари, каде што овој парфем е прогласен за „најпродаван“. – И покрај фактот што повеќето издавачи го исклучија Џони Деп, „Диор“ реши да го задржи. Зошто? Едно шише од неговиот мирис „Саваж“ се продава на секои три секунди. Со 160 долари по шише (близу 150 евра), тоа би значело заработка од над 4,5 милиони долари на ден, објасни Помплијано. Инаку, компанијата соопшти дека добила вкупно 11 поплаки од оние кои веруваат дека Деп треба да биде отстранет од рекламната кампања. Сепак, сега се чини, ситуацијата е смирена. Деп, инаку, е заштитно лице на „Саваж“ од неговата појава на пазароот во 2015 година. Во изумот на Франсоа Демаши доминираат мириси на портокал, бергамот и прашкасти и дрвенести ноти.

Ја убиваат секоја желба: Мажите конечно признаваат какви МИРИСИ не поднесуваат кај жените!

Ристе Здравков — Tue, 10 May 2022 16:27:09 +0000

Изборот на погрешен парфем може да ја уништи вечерта Правилно избраниот сензуален парфем ќе има посилен ефект кај мажите отколку секси долната облека… Но, од друга страна, погрешниот мирис ќе уништи се. Колку е важен изборот на парфем покажува и анкета во која припадниците на посилниот пол откриле кои мириси едноставно не ги поднесуваат кај жените. Старински парфеми Дали некогаш сте почувствувале парфем на постара личност што никогаш во животот не сте го имале и не би го ставиле? Токму таквите ноти припаѓаат на старинсите парфеми, а пред се мислиме на оние кои биле популарни во минатиот век. Не можат да го возбудат машкиот пол и тоа премногу ги одбива. Слатки парфеми Колку и да е една жена згодна, негувана и елегантна, таа ќе ја убие желбата кај мажот ако користи „засладени“ парфеми бидејќи наликуваат на детски слатки. Преслатките парфеми кај мажите предизвикуваат два чекори наназад и ја убиваат секоја желба за интимен однос. Ванила Кој би помислил дека мирисот на ванила им пречи? Мажите сакаат ванила, но кога се работи за колачи или сладолед. Многу жени сакаат купки и лосиони за тело со мирис на ванила, но за мажите тие се „тврди“, слатки и нималку привлечни. Тутун Ниту еден маж не сака жената да мириса на цигари. Она што е интересно е што воопшто не е важно дали се пушачи или не. Многумина од нив чувството на бакнеж го опишуваат како „допирање на пепелник“, а како што велат, тој непријатен мирис им остава впечаток на несоодветна хигиена. Унисекс парфеми Колку и да мислат дека е убав парфемот, на мажот не му се допаѓа ако жената користи ист парфем како него. Тие сакаат жената да мириса женствено, а не да ги потсетува на нивниот пријател или блиска машка личност.

Кралицата Елизабета започна сопствен бизнис – Англичаните особено ќе полудат по овој производ кој е од корист за сите

Дарко Андоновски — Mon, 14 Mar 2022 14:30:13 +0000

Британската кралица Елизабета лансираше парфем за кучиња, The Happy Hounds Dog Cologne. Парфемот е дизајниран да биде унисекс, односно за кучиња и од машки и од женски род. Во описот стои дека мирисот е инспириран од крајбрежните прошетки, а чини 10 фунти. Новиот бизнис на кралицата не е изненадување за јавноста, бидејќи Елизабета е позната како голем љубител на коњи и кучиња. Таа има неколку миленици во својата резиденција и тие патуваат секаде со неа.

Ова е најпродаваниот парфем на светот, на секои три секунди се купува по едно шише

Ивана Ефремовски — Wed, 02 Feb 2022 12:56:38 +0000

Парфемите на модната куќа „Диор“ на многумина им се омилени, а според резултатите од пазарот - еден е посебен. Имено, „Sauvage“ парфемот од Диор, стана најпродаваниот парфем на светот, вклучувајќи ги и машките и женските мириси. Создаден е во 2015-та година, со извонредната креација на Франсоа Демаши, кој тогаш создавал парфеми за Диор и се одлучил за живи и богати ноти на портокал и бергамот, како и прашкасти и дрвени ноти. Интензивниот и моќен мирис ги изненадија и ги освоија обожавателите ширум светот. „Sauvage Universe“ е поделен на четири дела, кои се разликуваат по интензитетот. Сензуалниот и мистериозен Sauvage, Sauvage Eau de Toilette, Sauvage Parfum со префинет шарм и Sauvage Elixir, софистициран и силен. Elixir е посебен по тоа што ги поместува границите на концентрацијата на парфемот во мирисот. Парфемот постигнал исклучителен успех, а нотата на свежина што ја внесува се чини дека го освои целиот свет. Станува збор за приказна за феноменот на машкиот мирис на Диор, кој за првпат во 2021-ва година успеал да ја освои титулата најпродаван парфем во светот. Досега првото место без исклучок во историјата на парфемите отсекогаш го заземале женските мириси. Неговата победничка позиција значи дека во 2021-ва година на секои три секунди се продавало по едно шише парфем Dior Sauvage. Dior Sauvage, исто така, ја отворил вратата за новата генерација на парфеми на Dior, следејќи одржлив пат.