Пари Сен-Жермен (ПСЖ) – Kurir.mk

ЗАЛОЖНИЧКА ДРАМА ВО ДОМОТ НА ГОЛМАНОТ НА ПСЖ – Донарума и неговата девојка соблечени голи, а тоа што го направиле потоа крадците е шокантно!

Дарко Андоновски — Fri, 21 Jul 2023 08:24:13 +0000

Голманот на ПСЖ, Џанлуиџи Донарума и неговата партнерка станаа плен на грабеж во нивниот стан во Париз. Европскиот шампион со тимот на Италија и неговата придружничка биле врзани од разбојниците, кои потоа зеле 500.000 евра. Француските медиуми известуваат дека биле приморани од разбојниците да се соблечат голи.

View this post on Instagram

A post shared by GIANLUIGI DONNARUMMA (@donnarumma)

Голманот на Пари Сен Жермен и неговата девојка потоа успеале да се ослободат, среде ноќ и се упатиле во луксузен хотел недалеку од нивниот дом. Персоналот на хотелот бил тој што ја алармирал полицијата.

View this post on Instagram

A post shared by GIANLUIGI DONNARUMMA (@donnarumma)

Дваесет и четиригодишниот Италијанец и неговата партнерка се испратени на лекување во болница поради претрпен шок, а започната е истрага за откривање на сторителите и нивно апсење.

Влаховиќ подготвен да ја продолжи кариерата во ПСЖ

Дарко Андоновски — Thu, 13 Jul 2023 05:57:11 +0000

Напаѓачот на Јувентус, Душан Влаховиќ сака да ја продолжи кариерата во ПСЖ, тврди новинарот Алфредо Педуља. Парижаните се подготвени да го купат играчот за 70 милиони евра. Во блиска иднина клубовите ќе разговараат за евентуален трансфер на Србинот. Влаховиќ во Јувентус е од јануари минатата година. Договорот на играчот со клубот од Торино истекува во летото 2026 година. Во сезоната 2022/23, Влаховиќ забележа 42 настапи во сите натпреварувања, постигнувајќи 14 голови и четири асистенции. Порталот „Transfermarkt“ ја проценува вредноста на играчот на 70 милиони евра.

Меси нема побарано од управата на ПСЖ да му дозволи да го покаже трофејот од Мундијалот на „Паркот на принцовите“

Дарко Андоновски — Mon, 26 Dec 2022 12:44:23 +0000

Напаѓачот на Пари Сен-Жермен, Лионел Меси не побарал од клубот да му даде можност да го покаже трофејот од Светското првенство во 2022 година на домашниот стадион на парижаните, напиша новинарот на „RMC Sport“, Артур Перо. На 22 декември се појави информација дека 35-годишниот Аргентинец сака да им го претстави пехарот од Светското првенство на француските навивачи на следниот домашен натпревар на парижаните. Беше објавено дека Меси побарал од управата на ПСЖ да го дозволи тоа, но клупските газди се исплашиле од реакцијата на навивачите. Меси со репрезентацијата на Аргентина ја победи Франција (3:3, 4:2 по пенали) во финалето на Светското првенство 2022 година и првпат во кариерата го освои овој трофеј. Првиот домашен натпревар на ПСЖ по паузата ќе го одигра на 28 декември. Тимот во 16. коло од Лига 1 ќе игра против Стразбур.

Високата плата на Меси може да биде проблем за ПСЖ при обновувањето на договорот

Дарко Андоновски — Tue, 25 Oct 2022 10:55:54 +0000

Високата плата на Лионел Меси може да биде проблем за ПСЖ при обновувањето на договорот. Според „Le Parisien“, францускиот клуб активно работи на продолжување на договорот со Аргентинецот. ПСЖ сака да ја активира опцијата за продолжување на договорот со Меси до летото 2024 година. Се разговара и за можноста за потпишување договор за уште една сезона. Луис Кампос веќе неколку недели развива опција за продолжување на соработката со Меси. Тој веќе му кажа на Лео дека ПСЖ сака да му го продолжи договорот. Клубот е задоволен од „неверојатниот професионализам“ на Аргентинецот, а претседателот на Пари Сен Жермен Насер Ал-Хелаифи ја опишува работата со играчот како „задоволство“. Главниот проблем за ПСЖ е финансискиот аспект. Клубот загуби 350 милиони евра минатата сезона, поради што Парижаните беа загрижени за платата на напаѓачот од 41 милион евра. За продолжување на договорот, страните ќе треба да најдат решение за ова прашање. Меси е подготвен да остане во ПСЖ, но се уште официјално не го известил клубот за ова. Засега приоритет му е да се подготви за Светското првенство во 2022 година. Триесет и петгодишниот напаѓач оваа сезона постигна девет гола и 10 асистенции на 15 натпревари за ПСЖ во сите натпреварувања. Меси ја предводи листата на асистенти во Лига 1.

ПСЖ дава 50+10 милиони евра за Шкрињар, Интер бара 80 милиони

Дарко Андоновски — Thu, 01 Sep 2022 11:25:30 +0000

ПСЖ се обидува да преговара со Интер за трансфер на дефанзивецот Милан Шкрињар. Според „Л’Екип“ францускиот клуб понудил 50+10 милиони евра за 27-годишниот фудбалер. Интер ја одби оваа понуда, бидејќи не сака да го продаде Шкрињар на помалку од еден ден пред затворањето на преодниот рок. Претседателот на ПСЖ, Насер Ал-Хелаифи во моментов преговара директно со претседателот на Интер, Стивен Жанг. Италијанскиот клуб може да се согласи на продажба само доколку на Милан му бидат понудени 80 милиони евра. Денеска би можела да дојде нова понуда од ПСЖ. Важноста на договорот на Шкрињар со Интер е со важност до летото 2023 година, па ПСЖ може да почека до јануари и да се договори за трансферот на дефанзивецот како слободен играч.

ПСЖ е подготвен да се раздели со Нејмар ова лето, Бразилецот не сака да го напушти Париз

Дарко Андоновски — Sat, 18 Jun 2022 15:00:01 +0000

Бразилскиот напаѓач на Пари Сен-Жермен, Нејмар, одбил да го напушти клубот, објави „Марка“. ПСЖ има намера да го растовари платниот список и е подготвен да се ослободи од неколку играчи. Нејмар со плата од околу 50 милиони евра по сезона е еден од кандидатите за трансфер. Но, играчот предупреди дека нема да го напушти клубот. Триесетгодишниот Бразилец игра за ПСЖ од 2017 година, минатата сезона за парижаните одигра 28 натпревари во сите натпреварувања, постигна 13 гола и создаде осум асистенции. Договорот на Најмар со францускиот фудбалски шампион е со важност до летото 2025 година.

Мбапе: ПСЖ ќе започне нова ера, имам уште многу да направам со клубот

Дарко Андоновски — Sun, 29 May 2022 12:26:49 +0000

Еден од најдобрите фудбалери на светот, Килијан Мбапе објасни зошто го продолжи договорот со Пари Сен-Жермен. Напаѓачот неодамна можеше да замине во Реал Мадрид како слободен играч, но потпиша нов договор со францускиот клуб до 2025 година. – Клубот планира да започне нова ера и мојата приказна не е завршена ниту тука. Имам уште нешто да направам: можам да земам трофеи, да победувам, да поставувам историски рекорди. Не е нешто безначајно. Неколку фактори влијаеле на одлуката. Секогаш велев дека сакам да бидам најдобар и сега не требаше да заминам. Веќе ја напишав мојата приказна во ПСЖ, но мислам дека може да биде уште поубава, изјави Мбапе. Во Реал Мадрид по вчерашната победа во Лигата на шампионите, јавно порачаа дека Мбапе за нив е завршена приказна и дека веќе немаат никаков интерес за фудбалерот кој ги изневери нивните очекувања.

Нејмар ќе биде ставен на продажба по налог на катарското раководство на ПСЖ

Дарко Андоновски — Mon, 23 May 2022 08:11:09 +0000

Пари Сен-Жермен планира да се раздели со напаѓачот Нејмар во летниот преоден рок, пишува „Le Parisien“. Според изданието, 30-годишниот играч ќе мора да биде ставен на продажба по директни инструкции на претставниците на Катар, кои го поседуваат тимот. Заминувањето на Бразилецот може да се поврзе и со потпишувањето на нов милионски договор со напаѓачот Килијан Мбапе. Сепак, финансиските барања на Нејмар може да го спречат ПСЖ брзо да се раздели со својата ѕвезда. Нејмар кој неделно заработува околу 580 илјади, постигна 13 гола и имаше осум асистенции на 28 натпревари во сите натпреварувања оваа сезона.

ПСЖ лани во загуба од 225 милиони евра

Дарко Андоновски — Thu, 05 May 2022 17:34:58 +0000

Пари Сен-Жермен (ПСЖ) минатата година работел со загуба од речиси 225 милиони евра, што во најголема мера се должи на кризата околу ТВ правата за француското фудбалско првенство и играњето пред празни трибини поради пандемијата предизвикана од коронавирусот. Клупскиот дефицит на парискиот гигант е повисок за 80 проценти во споредба со предминатата сезона (2019/2020), кога изнесуваше 124.2 милиони евра. Според податоците на Професионалната фудбалска лига (ПФЛ) објавени денеска, сметките на 17 од 20 француски прволигашки екипи се „во црвено“, додека во сезоната 2019/2020 со загуби работеле само десет од нив. Вкупните загуби на француските прволигашки екипи изнесуваат 646 милиони евра, а по ПСЖ најголеми загубари се Лион (107 милиони евра), Марсеј (76 милиони евра) и Бордо (67 милиони евра).

Сезар за потегот на Донарума: Не требаше да го направи, тоа се учи уште како дете (ВИДЕО)

Дарко Андоновски — Thu, 10 Mar 2022 15:15:29 +0000

Пари Сен Жермен може да жали за пропуштената шанса да се пласира во четвертфиналето на Лигата на шампионите, но фудбалот е таков и вчерашниот меч со Реал Мадрид на „Сантијаго Бернабеу“ покажа колку брзо можат да се променат работите, правецот во кој може се движи еден натпревар. Имено „светците“ имаа се во свои раце и водеа со 1-0 до 61 минута во која голманот Џанлуиџи Донарума направи потег кој скапо го плати, не се ослободи од топката на време по што падна голот за 1-1 по што енергијата сосема се промени и Реал со уште два гола дојде до триумф од 3-1 доволен за место во наредната рунда на елитното натпреварување. Од таборот на ПСЖ се жалат и сметаат дека Донарума бил фаулиран од Карим Бензема при израмнувачкиот погодок, став кој воопшто не го дели поранешниот бразилскиот репрезентативец, Жулио Сезар.

donnarumma 😹pic.twitter.com/WQqqJosCri
— Karim (@Futball_Karim) March 9, 2022

-Ова никогаш не е фаул. Донарума се сврте кон голот, не требаше тоа да го направи, тоа се учи уште како дете. Можеше дури и да постигне автогол, -рече легендата на Интер за „Примо Видео Италија“.