Пари Сен-Жермен – Kurir.mk

Донарума: Фантастично е да се игра со Мбапе

Ивона Петрова — Sun, 27 Aug 2023 12:07:20 +0000

Голманот на Пари Сен-Жермен, Џанлуиџи Донарума е уверен дека Килијан Мбапе ќе остане во ПСЖ. Италијанецот се радува што е во ист тим со еден од најдобрите фудбалери на светот. - Задоволство е да се игра со Килијан, фантастично е. Мислам дека сигурно ќе остане во ПСЖ и дека ќе играме заедно во ист тим. Да потсетиме, на почетокот на јуни Мбапе му соопшти на ПСЖ дека има намера да помине уште една сезона во клубот, но нема да го продолжи договорот. По ова, парижаните го ставија играчот на трансфер листа и го суспендираа од тренинзите со генералната група. Сепак, страните го решија конфликтот, Килијан се врати во тимот и ги продолжи преговорите за продолжување на договорот. Се шпекулира дека Мбапе по крајот на сезоната ќе премине во Реал Мадрид како слободен играч.

Ал-Хилал заинтересиран за Навас

Ивана Ефремовски — Wed, 16 Aug 2023 14:31:44 +0000

За голманот на Пари Сен-Жермен, Кејлор Навас, интерес покажува Ал-Хилал. Триесет и шестгодишниот Костариканец минатата сезона ја мина на позајмица во англискиот клуб Нотингем Форест. Во парискиот клуб Навас сега е со статус на трет голман – по Џанлуиџи Донарума и Арнау Тенас. Навас има уште една година од договорот со ПСЖ. Претходно беше објавено дека клубот е заинтересиран да го продаде, како и другите позајмени играчи. Ал-Хилал веќе го купи Нејмар од Пари Сен-Жермен ова лето и е заинтересиран за уште еден фудбалер на парижаните, Марко Верати. (МИА)

ПСЖ заинтересиран за Киеза како можна замена за Нејмар

Ивона Петрова — Tue, 15 Aug 2023 15:14:37 +0000

Пари Сен-Жермен е заинтересиран за Федерико Киеза како замена за Нејмар. Јувентус е подготвен да го продаде 25-годишниот офанзивен играч за врска и сака да добие 50-60 милиони евра за него, пишува „La Gazzetta dello Sport“. Договорот на Киеза со клубот од Торино е со важност уште две сезони. Забележано е дека играчот е разочаран од позицијата на која беше поставен од страна на тренерот Масимилијано Алегри. Можеби гледа позитивно на можноста да игра во Лигата на шампионите и на зголемувањето на платата. Претходно ПСЖ го продаде Нејмар на саудискиот клуб Ал-Хилал за 100 милиони евра.

Алкараз: Секој навивач на Реал сака Мбапе да дојде во Мадрид

Ивона Петрова — Sun, 06 Aug 2023 09:22:48 +0000

Шпанскиот тенисер и прв светски рекет Карлос Алкараз се произнесе за можниот трансфер на напаѓачот на Пари Сен-Жермен, Килијан Мбапе во Реал Мадрид. - Секој навивач на Реал сака Мбапе да биде во Мадрид. Сите сакаат да го видат во својот тим. Се надевам дека ќе ја прочитаме веста дека Мбапе се сели во Реал Мадрид, бидејќи тоа многу би ми се допаднало, го цитира Алкараз „MadridXtra“. Договорот на 24-годишниот Французин со ПСЖ истекува следното лето. Претходно беше објавено дека тој планира да се пресели во Реал Мадрид како слободен играч за една година, додека ПСЖ инсистира на продолжување на договорот или итна продажба. Во текот на вчерашниот некои медиуми во Шпанија објавија дека ПСЖ и Реал веќе се договорија и дека трансферот на Мбапе ќе го обзнанат многу скоро.

ПСЖ го отпушти Галтие

Ивана Ефремовски — Tue, 06 Jun 2023 13:08:40 +0000

Kристоф Галтие доби отказ од Пари Сен-Жермен. Парискиот клуб одлучил да ја прекине соработката со главниот тренер, пишува „Le Parisien“. Спортскиот директор на ПСЖ, Луис Кампос го информирал Галтие за оваа одлука. Галтие го презеде ПСЖ минатото лето, потпишувајќи двегодишен договор. Минатата сезона парижаните ја освоија Лига 1 по рекорден 11. пат, но испаднаа од Лигата на шампионите во осминафиналето по двата пораза од Баерн Минхен (0:1, 0:2). Покрај тоа, ПСЖ не успеа да го освои Купот на Франција, откако испадна осминафиналето во февруари од Марсеј (1:2). (МИА)

Донарума: Искрено се надевам дека ќе останам во ПСЖ долго време

Ивана Ефремовски — Sat, 27 May 2023 14:01:03 +0000

Голманот на Пари Сен-Жермен, Џанлуиџи Донарума зборуваше за својата иднина во клубот. Се чувствувам добро во Париз и многу сум горд што го претставувам ПСЖ и овој град. Искрено се надевам дека ќе останам овде долго време и ќе напишам страница во историјата на клубот, изјави Донарума за новинарот Фабрицио Романо. Оваа сезона, 24-годишниот Италијанец забележа 46 настапи во сите натпреварувања, прими 48 гола, а 14 пати ја зачува мрежата „чиста“. Договорот Донарума е со важност до летото 2026 година.

ПСЖ бесплатно ќе го пушти Меси, клубот сака да се фокусира на младите играчи

Ивана Ефремовски — Mon, 24 Apr 2023 08:47:36 +0000

Фудбалерот на Пари Сен-Жермен, Лионел Меси ова лето најверојатно ќе го напушти парискиот клуб, пренесува „Мирор“.

Според британскиот медиум, раководството на тимот не брза да го обнови договорот со Аргентинецот. Претседателот на ПСЖ, Насер Ал-Келаифи сака да се фокусира на младите играчи. Затоа, фудбалер може да стане слободен агент.

Иднината на Меси зависи од финансиските можности на Барселона, која би сакала да го врати играчот.

Договорот на напаѓачот со ПСЖ истекува во јуни оваа година. (МИА)

Донарума: Ќе направиме се за да го победиме Баерн

Ивана Ефремовски — Thu, 09 Feb 2023 06:59:12 +0000

Голманот на Пари Сен-Жермен, Џанлуиџи Донарума изрази разочарување по поразот од Марсеј со 1:2 во осминафиналето од Купот на Франција. Сепак, Италијанецот се надева на консолидирање на тимот и успешен настап против Баерн во Лигата на шампионите. - Ја знаевме силата на Марсеј и очекувавме токму таков натпревар. Тоа е многу агресивен тим кој врши притисок. Деталите се важни. Разочарани сме и лути затоа што сакавме да го освоиме овој трофеј. Добро се подготвувавме цела недела и знаевме дека Марсеј ќе игра така. Но, сепак ни беше тешко да ја задржиме топката. Тоа е една од главните работи во кои треба да се истакнувате кога се соочувате со тим кој игра вака. Во вториот дел успеавме да одиграме подобро, но не можевме да ја промениме ситуацијата. Сега треба да ги кренеме главите и да размислиме за саботниот натпревар против Монако. Секоја натпревар има своја приказна. Во моментов треба добро да се подготвиме за натпреварот против Монако и потоа да размислуваме за Баерн, но секој натпревар има своја приказна. Знаеме дека темелно ќе се подготвиме за Лигата на шампионите. Ќе направиме се за да го поминеме Баерн и да се пласираме во четвртфиналето, го цитира „Л’Екип’ Донарума. Првиот натпревар од осминафиналната пресметка меѓу ПСЖ и Баерн ќе се игра на 14 февруари во Париз. (МИА)