парична казна – Kurir.mk

Македонија парично казнета од страна на Европската ракометна федерација

Тале Кристо — Sat, 15 Jan 2022 11:22:38 +0000

Европската ракометна федерација (ЕХФ) и изрече парична казна на македонската репрезентација во износ од 2.000 евра поради прекршување на протокол поврзан со опремата за време дуелот против Словенија. ЕХФ наведе дека Ракометната федерација на Македонија (РФМ) ќе мора да палти казна поради различна боја на чорапите со кои дел од македонските репрезентативци настапија на натпреварот против Словенија (25:27) во четвртокот. Македонските ракометари вечерва од 18 часот во Дебрецин против Црна Гора го играат вториот натпревар во рамки на групата А.

Брижит Бардо осудена на 20.000 евра парична казна за јавни навреди

Тале Кристо — Fri, 05 Nov 2021 08:11:13 +0000

Поранешната актерка Брижит Бардо, која пред две години жителите на Реунион (француски остров во Индискиот Океан) – ги нарече „домородци дивјаци“, беше осудена на казна од 20.000 евра за јавна навреда, пренесоа француските медиуми. Некогашната филмска ѕвезда, која денес е посветена на борбата за заштита на животните и заколнат вегетаријанец, испрати отворено писмо до властите во Реунион во март 2019 година, каде се наведува дека „примила еден куп писма“ во кои се осудува варварството на жителите над животните. Таа притоа напишала дека жителите на Реунион биле „домородни луѓе кои ги зачувале гените на дивјаците“ споредувајќи ги со „Ѓаволскиот остров со дегенерирано население кое ги зачувало варварските традиции и корени“. Бардо подоцна се извини, оправдувајќи го својот гнев со, како што таа смета – трагичната судбина на животните на островот. Глумицата, ѕвезда на француската кинематографија во 1960-тите, се пензионираше во 1973., а потоа целосно се ѝ посвети на борбата за правата на животните. Позната е по тоа што често не бира зборови во изјавите околу општествените настани, особено односот кон животните, таа секогаш привлекува големо медиумско внимание во Франција.

ОЈО Скопје предложи парични казни за 15 лица кои не го почитувале полицискиот час – еве колкава сума треба да платат

Магдалена Андонова — Thu, 01 Apr 2021 09:02:22 +0000

Основното јавно обвинителство Скопје денеска поднесе предлози за издавање казнени налози против 15 лица кои се гонат за кривично дело – Непостапување според здравствените прописи за време на епидемија од член 206 став 1 од Кривичниот законик. Во издвоени кривично-правни настани во периодот од 10-29 март, обвинетите биле затекнати при непочитување на полицискиот час. Имено, спротивно на определената забрана за движење во периодот од 22 до 05 часот, тие без дозвола се движеле на различни локации во градот. Надлежниот јавен обвинител му предложи на Основниот кривичен суд Скопје за обвинетите да изрече парични казни од по 100 дневни глоби, при што поединечната висина на дневната глоба да биде определена на 20 евра во денарска противвредност.

Непочитувањето на полицискиот час ќе се казнува парично или со затвор

Ивона Петрова — Wed, 10 Mar 2021 09:34:17 +0000

Парична казна или затвор до една година за физички лица, а парична казна до 30 милиони денари за правни лица, предвидува Кривичниот законик за непочитување на полицискиот час што со одлука на Владата ќе трае од денеска до 22 март од 22 часот вечерта до 05 часот наутро. Непочитувањето на забраната за движење значи извршување на кривичното дело непостапување според здравствените прописи за време на епидемија. Тоа е регулирано со член 206 од Кривичниот законик. Во ставот 1, е пропишано дека секој што за време на епидемија не постапи според прописите или наредбите со кои се определуваат мерки за нејзиното сузбивање или спречување, ќе се казни со парична казна или со затвор до една година. Во ставот 2, пак, се вели дека ако делото го стори правно лице, пропишана е парична казна, која може да биде до милиони денари.

Предложени парични казни за групирање на приватна прослава во Скопје

Ивона Петрова — Mon, 25 Jan 2021 09:30:41 +0000

Јавен обвинител од Основното јавно обвинителство Скопје поднесе Предлог за издавање казнен налог против осум лица за кривично дело – Непостапување според здравствените прописи за време на епидемија согласно член 206 став 1 од Кривичниот законик. -Обвинетите, на возраст од 18 до 22 години, на 8 јануари биле затекнати на приватна прослава на улицата „Васил Ѓоргов“, во домот на една од обвинетите. На истата прослава биле затекнати и седум малолетни лица, за кои ќе се спроведе постапка согласно Законот за правда на децата. Со ова, обвинетите постапиле спротивно на прописите и наредбите со кои се определуваат мерки за спречување на ширењето на опасна заразна болест, а кои се однесуваат на забрана за одржување на прослави на отворен и затворен простор во периодот од 18.12.2020 до 21.01.2021 година, информира Обвинителството. Надлежниот јавен обвинител му предложи на Основниот кривичен суд Скопје за обвинетите полнолетни лица да изрече парични казни од по 100 дневни глоби, со поединечна вредност на дневната глоба од 20 евра.

Парична казна и уапсени во црква во Грција поради литургија со присуство на верници

Тале Кристо — Mon, 14 Dec 2020 14:20:37 +0000

Казна од 1.500 евра за црквата и 300 евра за клисарот изрекла грчката полиција по извршената контрола во црковен храм во атинско предградие, а поради одржување на литургија со присуство на верници, нешто што е забрането за време на карантинот. Полицијата ги приведе свештеникот и црковните лица, јави дописничката на МИА од Атина. За настанот, преку соопштение информираа од самата црква и велат дека интервенцијата на полицијата била по пријава „од граѓанин што нема почит кон црквата“, а казните биле бидејќи „на простор од 500 метри квадратни имало неколку лица кои дојдоа во недела да му се поклонат на Господ“. Црковните лица објаснуваат дека казната ќе ја платат од парите собрани од верниците и коментираат дека казната требало да му биде изречена на оној што пријавил, „бидејќи таков вид типови претставуваат закана за општеството, а не обичните верници“. – Она што го собравме од верниците за сиромашните, сега мора да го дадеме за парични казни. Дојде време освен верниците да се казнат и сиромашните… Дотаму стигнавме. Го повикуваме тој што ја пријави побожноста на невините верници, кои никому не му пречеа, да уплати, ако не целиот износ, барем дел од износот на сметката на Митрополијата за сиромашните, па можеби Бог ќе му прости некој грев!, пишува во соопштението од црквата. Црквите во Грција ќе останат затворени до крајот на карантинот, до 7 јануари 2021 година, со исклучок на Божиќ (25 декември) и Водици (6 јануари) кога ќе биде дозволено присуство на верници односно до девет лица во црквите и најмногу 25 во соборните храмови. Во текот на денешниот ден грчкиот премиер Кирјакос Мицотакис ќе има телефонски разговор со поглаварот на Грчката православна црква, архиепископ Јеронимос, додека пак утре, Светиот синод на ГПЦ ќе одржи состанок.

Предложена парична казна за симнување службен печат од локал во Скопје

Магдалена Андонова — Wed, 11 Nov 2020 11:55:23 +0000

Основното јавно обвинителство Скопје до Основниот кривичен суд Скопје денеска поднесе Предлог за издавање казнен налог против едно лице заради сторено кривично дело – Симнување и оштетување на службен печат или знак според член 389 став 1 од Кривичниот законик. Обвинетиот, на 2 ноември, во деловните простории на правен субјект на улица „Митрополит Теодосиј Гологанов“, симнал службен знак поставен од страна на овластено службено лице – инспектор за животна средина од Општина Центар. Знакот бил поставен заради осигурување на објектот, а врз основа на донесено Решение за забрана за вршење угостителска дејност во рок од 30 дена, откако со мерења било утврдено дека угостителскиот објект емитувал ниво на бучава над пропишаните гранични вредности. Обвинетиот го отстранил службениот знак за запечатување на локалот, влегол во објектот и продолжил со вршење на дејноста. Надлежниот јавен обвинител му предложи на Судот за обвинетото лице да изрече парична казна во висина од 100 дневни глоби, при што висината на една дневна глоба да биде определена на 50 евра во денарска противвредност.

Во самоизолација до добивање на резултат од тест, за прекршителите парична казна

Ивона Петрова — Thu, 29 Oct 2020 07:00:55 +0000

Со новиот закон кој вчера беше донесен во законодавниот дом се регулираи самоизолацијата. Истата е задолжителна при тестирање за Коронавирус COVID-19 од закажување на тестот или самото тестирање до добивање на резултатот, а самоизолацијата продолжува доколку резултатот е позитивен. За прекршителите на членот од Законот кој ја регулира самоизолација предвидена е казна од 50 евра.

Нема да верувате колку пари му должи Северина на поранешниот сопруг и зошто

Магдалена Андонова — Wed, 15 Jul 2020 15:42:23 +0000

Северина Којиќ никако да има мир, по сите несреќи во кои се најде во последно време, сега ја прекрши и судската мерка, па мора да плати казна. Имено, судот одлучил дека пеачката Северина мора да ја врати патната исправа на синот Александар на неговиот татко, Милан Поповиќ. Патната исправа е кај нејзе уште од 11 фебруари, а жалбата која ја поднела, судот и ја прогласил за неоснована, односно ја одбил. За прекршување на мерката, задржување на патна исправа, пеачката за секој ден мора да плати по 1.000 куни (околу 132 евра), односно вкупно нешто повеќе од 20.000 евра. Парите мора да му ги уплати на поранешниот сопруг Поповиќ, а тој како што пренесуваат српските медиуми, ветил дека целиот износ ќе го донира за хуманитарни цели.

Парична казна за три лица од Дебар за непостапување според здравствените прописи

Тале Кристо — Tue, 23 Jun 2020 11:29:55 +0000

Основното јавно обвинителство Дебар поднесе предлози за издавање казнени налози против три лица за сторено кривично дело „непостапување според здравствените прописи за време на епидемија“. Двајца од обвинетите, како што соопштија од Јавното обвинителство, не ја почитувале Одлуката за забрана и посебен режим на движење на територијата на државата. Тие за време на полициски час пеш се движеле низ Дебар.Третото обвинето лице спротивно на здравствение прописи, послужувало гости во угостителски објект. Надлежниот јавен обвинител доставил предлог со кој побарал на сите обвинети да им биде изречена парична казна, во висина од по 10 до 100 дневни глоби.