паркинг место – Kurir.mk

21 годишник нападнат од 51 годишен маж поради паркинг место во Аеродром – еве ги деталите

Дарко Андоновски — Sat, 19 Mar 2022 15:09:02 +0000

На 18.03.2022 во 23.10 часот во Полициска станица Аеродром М.П.(21) од с.Кучевиште, скопско пријавил дека околу 22.50 часот пред зграда на паркинг простор на подрачје на Аеродром по претходно недоразбирање околу паркинг бил физички нападнат од С.Л.(51) од Скопје. Сочинет е записник за константиран прекршок по чл.12 од ЗППЈРМ.

Обвинение за тешка телесна повреда по расправија за паркинг место

Ивана Ефремовски — Tue, 01 Mar 2022 14:23:28 +0000

Основното јавно обвинителство Гостивар поднесе Обвинителен предлог против 35-годишен жител на селото Беловиште, кој се товари за кривично дело – Тешка телесна повреда од член 131 став 1 од Кривичниот законик. Обвинетиот, на 07.08.2021 година, по претходна вербална расправија за паркинг место во Гостивар, започнал физичка пресметка со едно оштетено лице од селото Србиново, удирајќи го со телото и главата и нанесувајќи му тешка телесна повреда – скршеница.

Татко и син истепале друго лице поради паркинг место, ОЈО Гостивар поднесе обвинение против нив

Магдалена Андонова — Wed, 02 Feb 2022 10:05:42 +0000

Јавен обвинител од Основното јавно обвинителство Гостивар поднесе Обвинителен предлог против 34-годишен гостиварец и неговиот 64-годишен татко, кои се товарат за кривично дело – Насилство од член 386 став 3 во врска со став 1 и во врска со член 22 од Кривичниот законик. Грубото насилство го извршиле на 01.10.2021 година, кога телесно повредиле едно лице и во јавноста предизвикале чувство на несигурност, загрозување и страв. Оштетениот, на критичниот ден, пристигнал со автомобил пред сопствената куќа и сакал да се паркира, но паркинг местото било зафатено. Тој започнал да свири за да се тргне паркираното возило, но во тој момент излегол првиот обвинет и започнал вербална расправија на висок тон. Веднаш потоа обвинетиот физички го нападнал оштетениот, удирајќи го во пределот на главата и лицето. Пристигнал и вториот обвинет и го фатил оштетениот за двете раце, по што првиот обвинет продолжил да го удира. Оштетениот се здобил со телесни повреди – нагмечување на главата и на левата рака, како и крвни подливи на лицето.

Кумановец и Скопјанец се скарале за паркинг место во Аеродром, а потоа се степале – реагирала и полицијата

Дарко Андоновски — Tue, 14 Dec 2021 15:19:32 +0000

На 13.12.2021 во 15.04 часот во СВР Скопје било пријавено дека на паркинг на подрачјето на Аеродром, по претходно недоразбирање околу паркинг место, бил нарушен јавниот ред и мир со физичка пресметка помеѓу Ф.Д.(37) од Куманово и В.Б.(49) од Скопје. Сочинети се записници за констатиран прекршок од Законот за прекршоците против јавниот ред и мир.

Ѓорѓиевски: Ме казнија затоа што со боја обележав паркинг место за инвалиди, кое општината не го обележи цели три години

Тале Кристо — Thu, 08 Apr 2021 14:05:45 +0000

Денеска ме казнија од општината на Филип Темелковски, затоа што сум обележал со боја паркинг место за инвалиди пред самата општина, паркинг место кое општината цели 3 години не го обележи не само тука, туку никаде во општината, објави на социјалната мрежа на Фејсбук Орце Ѓорѓиевски од ВМРО-ДПМНЕ. -Знаете ли колку чини задоволството и рамноправноста на лицата со инвалидитет во Кисела Вода? Само 3.000 денари. Толку денеска ме казнија од општината на Филип Темелковски, затоа што сум обележал со боја паркинг место за инвалиди пред самата општина, паркинг место кое општината цели 3 години не го обележи не само тука, туку никаде во општината. Епа почитувани сограѓани, за да видам задоволство, насмевки, а воедно и олеснување во секојдневието на живеење на лицата со инвалидитет, не само 3.000 денари казна, туку и 30.000 денари ако треба ќе платам. Се надевам дека со париве од мојата казна ќе купат боја и ќе обележат нови паркинг места, вели во својата објава Ѓорѓиевски.

Кавадарчанец и гостиварец се тепале за паркинг, по што едниот завршил во болница

Дарко Андоновски — Sun, 28 Jun 2020 19:05:12 +0000

По кавга за паркинг место во Скопје едно лице е пренесено во Градската општа болница „Св.Наум Охридски“. Инцидентот во СВР Скопје е пријавен вчера околу 15 часот, а се случил на улицата „Тодор Чангов“ во Скопје. Во меѓусебната пресметка учествувале двајца мажи на возраст од 40 години, едниот од Гостивар, а другиот од Кавадарци. Тие кои почнале прво да се караат за место на паркинг. Кавадарчанецот со возилото се обидел да го прегази гостиварецот кој се здобил со повреда, па продолжиле да се тепаат. Во еден момент, кавадарчанецот отишол до куќата во која престојувал и се вратил со пиштол, додека повредениот избегал. Кога стигнале полицајците го затекнале кавадарчанецот со пиштолот, за кој е утврдено дека е воздушен. Тој е приведен, а повредениот е однесен во болница. По целосно документирање на случајот ќе следи соодветен поднесок.

Се степале за паркинг место, учествувала и малолетничка

Ивана Ефремовски — Sat, 29 Feb 2020 13:47:47 +0000

На 28.02.2020 во 23:30 часот било пријавено дека на бул.“Февруарски поход“ бил нарушен јавниот ред и мир со меѓусебна пресметка помеѓу С.П.(43) и нејзината малолетна ќерка од една страна и А.Б.(28) сите од Скопје. Причина за нарушениот ЈРМ било поради меѓусебно недоразбирање околу паркинг место. Сочинети записници за константиран прекршок по чл.11 од ЗППЈРМ.

ВИДЕО: Објавена снимка од тепачката на Алек Болдвин

Ивона Петрова — Mon, 05 Nov 2018 10:16:45 +0000

Во медиумите се појавија видео снимки од нападот на холивудски актер Алек Болдвин кој по инцидентот за паркинг беше приведен од полицијата. Во полициската станица Болдвин поминал два часа, а во официјалната изјава навел дека не го удрил непознатиот маж. Сепак Болдвин се товари за напад и закана, па на 26 месецов ќе мора да се јави на суд. Како што јавија светските медиуми, додека член на семејството на актерот го чувал паркинг местото, друг возач се паркирал. По расправијата, Алек Болдвин наводно го удрил другиот возач, по што тој бил пренесен во болница, каде се пожалил на главоболка.