паркирани возила – Kurir.mk

ФОТО: Невремето во Скопје откорна дрво кое оштети паркирани возила

Магдалена Андонова — Mon, 04 Jul 2022 19:32:52 +0000

Краткотрајниот пороен дожд што го зафати попледнево Скопје направи низа проблеми во градот. Големо, старо дрво попладнево падна врз паркирани автомобили во Тафталиџе. Спорд информациите, оштетени се две коли, а во инцидентот нема повредени.

ФОТО: Невреме го зафати и Тетово – силниот ветер турна дрво врз паркирани возила

Магдалена Андонова — Sat, 02 Jul 2022 15:33:17 +0000

Силниот ветер што попладнево неколку часа дуваше во Тетово скрши дрво кое падна врз неколку возила на булеварот „Благоја Тоска“ во близина на поранешната стоковна куќа „Тетовчанка“. Дрвото е паднато врз паркирани автомобили, а според првичните информации нема повредени луѓе. –По дојава во нашата служба, веднаш излеговме на терен каде утврдивме дека силниот ветар соборил дрво кое паднало врз два автомобила. За среќа, во тој момент немало никого во близината па нема повредени лица, туку е направена само материјална штета. Нашата екипа заедно со екипата на ЈКП Тетово веднаш се зафативме со отстранување на паднатото дрво за да се овозможи непречено минување на возилата по улицата, изјави Авни Амети, командир на Противпожарната единица од Тетово. Додека траеше интервенцијата за сечење и отстранување на паднатото дрво, полицијата го пренасочуваше сообраќајот на булеварот.

Внимавајте каде паркирате: За една недела отстранети 194 возила од јавните површини

Катерина Бојаџиева — Sat, 07 Mar 2020 09:24:37 +0000

Во текот на изминатата недела (28.02 - 05.03.2020 година) со специјалните возила пајак се подигнати 194 возила од јавните површини. Од вкупниот број непрописно паркирани и подигнати возила, 29 се отстранети од зонските паркиралишта, а преостанатите 165 возила по налог на сообраќајната полиција по основ на сторени прекршоци: паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице. Контролорите на зонските паркиралишта во истиот период санкционирале вкупно 311 возила, поради нерегулирано паркирање, односно за неплатена паркинг-услуга. Од нив, 29 возила се отстранети со пајак службата, поради пречекорување на дозволеното време на задржување на паркиралиштето. Градот Скопје и јавното претпријатие „Градски паркинг“ апелираат до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта. -Апелираме сите корисници на услугите за паркирање, навреме да го регулираат плаќањето за паркинг-услугата, за да не бидат санкционирани и да не им биде поставен блокатор на тркалото. Плаќањето за паркинг-услугата може да се изврши преку СМС порака или со греб картичка, велат од Град Скопје.

Внимавајте каде паркирате: За една недела отстранети 231 непрописно паркирано возило

Ивана Ефремовски — Sat, 08 Feb 2020 09:14:41 +0000

Во текот на изминатата недела со специјалните возила пајак се подигнати 231 возило од јавните површини. Од вкупниот број непрописно паркирани и подигнати возила, 42 се отстранети од зонските паркиралишта, а преостанатите 189 возила по налог на сообраќајната полиција по основ на сторени прекршоци: паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице. Контролорите на зонските паркиралишта, соопштија денеска од Град Скопје, во истиот период санкционирале вкупно 329 возила, поради нерегулирано паркирање односно за неплатена паркинг-услуга. Од нив, 42 возила се отстранети со пајак службата, поради пречекорување на дозволеното време на задржување на паркиралиштето. Градот Скопје и јавното претпријатие „Градски паркинг“ апелираат до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта. – Апелираме сите корисници на услугите за паркирање, навреме да го регулираат плаќањето за паркинг-услугата, за да не бидат санкционирани и да не им биде поставен блокатор на тркалото. Плаќањето за паркинг-услугата може да се изврши преку СМС порака или со греб картичка, стои во соопштението од Градот Скопје. (МИА)

„Пајакот што тепа не ги крева“, „Која Европа ја бараме не ми е јасно“: Вака жена се мачи да помине на пешачка патека среде Скопје (ФОТО)

Дарко Андоновски — Wed, 20 Feb 2019 10:56:17 +0000

Хаосот со паркирањето во Скопје и сообраќајната некултура е се поочигледна во главниот град. Фотографии објавени на Фејсбук групата „Ѕид на сообраќајниот срам“ предизвика револт и гнев кај пешаците, велосипедистите и возачите поради ужасната глетка среде центарот на Скопје. -Пајакот што тепа не ги крена, ебате паркинзи. -Гарант овој со бубава искачал преку сончевиот кров. -Едно не сфаќам возат скапи коли не плаќаат паркинг не само овие сите...која Европа бе жити се... страшно!, се само дел од коментарите под фотографиите.

Удирале паркирани возила во Градски парк, тројца скопјани завршија во станица

Ивона Петрова — Fri, 25 May 2018 11:59:03 +0000

Минатата ноќ полицијата привела три лица кои кај дискотека во Градски Парк се движеле и со нозе удирале по паркираните возила и истите ги оштетувале. -Полициски службеници ги забележале лицата К.П. (23), М.С. (21) и Н.В. (20), сите од Скопје, по што се упатиле кон нив за да ги спречат. Кога ги забележале полициските службеници, лицата почнале да бегаат. Полицајцитеуспеале да ги стигнат, по што лицата биле приведени во Полициската станица Карпош за понатамошна постапка, информираат од МВР. По целосно документирање на случајот, против нив ќе бидат поднесени соодветни пријави.