паркирање – Kurir.mk

За 7 часа казнети 106 лица за непрописно паркирање, 57 биле паркирани на велосипедска патека

Ивана Ефремовски — Sun, 09 Oct 2022 17:38:51 +0000

Денеска (09.10.2022) во периодот од 10:00 до 17:00 часот спроведена е засилена акциска контрола во областа на сообраќајот на територијата од општина Аеродром до општина Ѓорче Петров во Скопје за санкционирање на непрописно паркирани возила. При контролата санкционирани се 106 возачи, од кои 57 биле паркирани на велосипедска патека. -Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, велат од МВР.

Роналдо доби казна за паркирање (ФОТО)

Ристе Здравков — Thu, 04 Nov 2021 20:22:53 +0000

Правилата важат за сите на Островот, па така и за првата ѕвезда на Манчестер јунајтед, како и еден од најдобрите фудбалери во светот на најспоредната работа. Фудбалерите на Манчестер јунајтед во пресрет на големото градско дерби против Манчестер Сити кое е предвидено да се одигра во сабота со почеток од 13,30 часот, беа на заеднички ручек во познат италијански ресторан. Кристијано Роналдо ги предводеше ѕвездите на „Црвените ѓаволи“, меѓутоа тој како прва ѕвезда на клубот од „Олд Трафорд“ се соочи со мала непријатност откако се здоби со казна за паркирање.

PICTURE EXCLUSIVE: Cristiano Ronaldo leads Man United stars out on a bonding lunch... but ends up with a parking ticket! https://t.co/i2wbiCbyVd pic.twitter.com/chYDKU6odi
— MailOnline Sport (@MailSport) November 4, 2021

Поскапо паркирање во Охрид: Во центарот ќе плаќате 100 денари за час

Ивана Ефремовски — Wed, 02 Jun 2021 10:26:49 +0000

Согласно одлуката на Советот на Општина Охрид за утврдување на цени за користење на паркинг-просторот во летниот период, ЈП „Билјанини ивори“ започна со наплата на паркирањето според сезонска тарифа на јавните паркиралишта во градот. Сезонската тарифа предвидува поскапо паркирање, а цената за паркирање на јавните паркиралишта во зона А ќе изнесува 40, во зона Б – 30 денари, додека паркингот во т.н. „премиум-зона” во строгиот центар на градот чини сто денари за час. Сезонската тарифа на паркирањето трае до 1 септември.

ФОТО: На „шерифското“ паркирање на кејот на Вардар му дојде крајот

Ристе Здравков — Wed, 23 Sep 2020 12:49:35 +0000

ГОЛЕМА АКЦИЈА ЗА САНКЦИОНИРАЊЕ НЕПРОПИСНО ПАРКИРАНИ ВОЗИЛА НА КЕЈОТ „13 НОЕМВРИ“ Инспекторатот на Град Скопје денеска, од рано наутро, спроведува акција за санкционирање непрописно паркирани возила на јавната површина на кејот „13 Ноември“, на потегот од хотелот „Холидеј ин“ до плоштадот „Македонија“. На овој потег се забележани поголем број несовесни возачи кои го злоупотребиле јавниот простор за да ги паркираат своите возила, иако на оваа локација паркирањето е забрането. Затекнатите прекршители се опоменати и им е изречена глоба. Досега се изречени 21 глоба. Во законски предвидениот рок од 7 дена прекршителите ќе треба да подигнат платен налог од Инспекторатот на Град Скопје и да извршат уплата од 50 евра, во денарска противвредност, колку што изнесува глобата за овој прекршок. За овој тип прекршоци, глобата не може да биде заменета со општокорисна работа. Во денешната акција е вклучена и пајак службата која ги подига возилата чии сопственици не се затекнати на местото. Акцијата за санкционирање непрописно паркирани возила на кејот „13 Ноември“ се спроведува во соработка со Општина Центар и ќе трае континуирано, подолг временски период. Градот Скопје апелира до граѓаните своите возила да ги паркираат исклучиво на означените паркиралишта во градот, да го почитуваат комуналниот ред и поставената сигнализација и да ги чуваат јавните површини. Целта е да се одржува редот и хигиената на јавниот простор и да се стави крај на ваквите грди слики низ градот.

Драма околу паркирање на возило- бил нападнат, па успеал да избега во својот дом, а потоа следувало најнеочекуваното за него

Дарко Андоновски — Sat, 16 May 2020 13:35:14 +0000

На 15.05.2020 во 19.00 часот било пријавено во Ресен на ул.„Борис Кидрич“, Б.П. (34) од Ресен, по куса расправија околу паркирање на возило, бил физички нападнат С.К. и С.И. Б.П. успеал да избега во неговата куќа и по кусо време неколку лица почнале да ги кршат стаклата од долниот кат на куќата, упатувајќи му закани.

Се преземаат мерки за расчистување на случајот.

Вакво паркирање среде Скопје не сте виделе: Ова е и за Оскар и за Гинис (ФОТО)

Катерина Бојаџиева — Thu, 12 Dec 2019 09:57:58 +0000

„Се восхитувам на креативноста!“ - напиша наш сограѓанин споделувајќи ја оваа фотографија каде се гледа можеби најчудното, најкреативното, најопасното, нај... нај... паркирање до сега забележано на овие скопски простори. Има ли решение за некултурата, нецивилизираното и незаконското однесување кое од ден во ден се повеќе зема замав? Извор: Скопје инфо

Момче само сакало да и помогне на девојката да се паркира, но откако таа нагло дала гас настанала катастрофа (ВИДЕО)

Дарко Андоновски — Tue, 07 Aug 2018 07:13:11 +0000

Едно момче од Виетнам сакало да и помогне на една девојка полесно да се паркира, но набрзо зажалило зошто таа по грешка притиснала гас и се залепила за ѕид. Со невнимание речиси го „залепи“ со задниот крај од автомобилот до ѕидот. Како што пренесуваат медиумите, нему на помош му притрчаа минувачи, а девојката која се наоѓала зад воланот не можела да верува што направила.

Од понеделник зонско паркирање во Охрид, еве како туристите ќе може да платат

Ивона Петрова — Fri, 29 Jun 2018 12:53:24 +0000

Охриѓани и гостите од понеделник наплатата за паркинг во градот треба да ја вршат со смс пораки на телефонскиот број 144 644. Јавното претпријатие „Билјанини Извори“ соопшти дека од 2 јули почнува да се применува зонско паркирање, согласно одлуката на Советот на општина Охрид донесена на 14 јуни годинава. - Сите граѓани на Охрид, гости и посетители ги известуваме дека од понеделник ЈП „Билјанини Извори“ ќе врши наплата на паркирањето од 7 часот и 30 минути до 03 часот секој ден од неделата. Наплатата ќе се врши преку СМС систем и тоа преку следниот телефонски кориснички број 144 644, се вели во соопштението. За начинот на наплата корисиниците ќе може да се информираат од упатството поставено на инфо таблите на сите улици каде ќе се врши наплата. МИА

За брзо возење казнети 120 возачи, 251 мерка за непрописно паркирање

Ивана Ефремовски — Fri, 08 Jun 2018 07:58:15 +0000

Вкупно 120 возачи во Скопје возеле со поголема брзина од дозволената во изминатото деноноќие, покажуваат податоците од дневниот билтен на СВР Скопје. Тринаесет возачи користеле мобилен телефон додека возеле, а на црвено светло на крстосница поминале осум возачи. Двајца не застанале на пешачки премин за да им дадат предност на пешаците, еден неправилно престигнал друго возило, а двајца не дале првенство на минување на возила на крстосница. Во изминатите 24 часа на подрачјето на главниот град се случиле вкупно 11 сообраќајки од кои во две со тешки телесни повреди се здобиле четири лица, а во пет со лесни телесни повреди биле осум лица. Во четири сообраќајни незгоди е причинета материјална штета. Од сообраќај се исклучени и 14 возачи кои возеле пред да се стекнат со право за управување со моторно возило, тројца возачи почетници, како и 13 кои возеле со истечена сообраќајна дозвола и тројца чии возила биле неисправни. За непрописно паркирање изречени се 251 мерка, а со специјалното возило „пајак“ подигнати се 70 возила.

ВИДЕО: Ова урнебесно паркирање ќе ве насмее до солзи- коментарот на видеото е уште посмешен

Матеја Петровски — Fri, 25 May 2018 07:17:03 +0000

На шега многумина знаат дека жените не се многу добри возачи, а се доста лоши кога е во прашање паркирањето, нешто во што ние како медиум не се согласуваме. На социјалните мрежи се појави едно урнебесно видео од жена како се обидува да паркира автомобил, кое синхронизирано со глас на друг човек го добива својот урнебесен момент. Паркирањето за многу луѓе без разлика на полот знае да биде проблем, а за оваа жена навистина претставува голем проблем. Погледнете го ова урнебесно паркирање кое ќе ве насмее до созлзи. Видеото можете да го погледнете ТУКА.