паркови и зеленило – Kurir.mk

Вандализам во паркот „Македонија“, остра осуда од ЈП „Паркови и зеленило“

Ивана Ефремовски — Mon, 15 Aug 2022 10:19:49 +0000

Екипите на јавното претпријатие „Паркови и зеленило“ – Скопје утрово затекнаа оштетени, искршени и откорнати клупи расфрлени во зеленилото во паркот „Македонија“. Оттаму реагираат дека за жал, вакви гледки на уништена парковска опрема се сé почеста појава во градот. -Упатуваме осуда кон ваквото вандалско уништување на поставената урбана опрема низ зеленилото и апелираме истата да се чува како општо јавно добро за сите посетители, наведуваат од претпријатието.

ЈП Паркови и зеленило активно ги уредува цветните површини низ главниот град

Ристе Здравков — Thu, 24 Feb 2022 10:18:28 +0000

ЈП Паркови и зеленило активно ги уредува зелените и цветните површини низ градот, се вели во соопштението од Град Скопје. -Екипите на ЈП Паркови и зеленило интензивно работат на терен и ги уредуваат зелените и цветните површини низ градот. Во Центар се сади сезонски цветен расад од видот виола, а во вториот дел на Градскиот парк се подготвува теренот за садење нови садници. На повеќе локации низ градот се засадуваат нови квалитетни садници, односно во Центар на булеварот 11 Октомври се садат 50 садници зимзелени брзорастечки грмушки и 5 од видот туи. На 16та Македонска бригада, во општина Гази Баба, продолжува етапно хортикултурното уредување на Паркот Скулптура, додека на улица Бутелска продолжува хортикултурното уредување на јавните површини. Во реоните Центар, Ново Лисиче и на булевар Србија на цветните површини се засадува сезонски цветен расад. Дополнување на сезонско цвеќе се врши и во леите на булевар Илинден и на булевар Климент Охридски. Екипите на ЈП Паркови и зеленило на булевар Александар Македонски поставуваат систем за полевање капка по капка на ново подигнатата цветна фигура знаме на Република Македонија, истакнуваат од таму. По налог на Град Скопје екипите работат и во Рајскиот парк во Аеродром на нови објекти и реквизити, односно поставуваат видиковци, клупи, маси и корпи за отпадоци, додаваат од Град Скопје.

ЈП „Паркови и зеленило“ со акција за чистење покрај кејот на реката Вардар и во Градскиот парк

Тале Кристо — Mon, 14 Feb 2022 10:01:06 +0000

Во текот на викендот екипите на ЈП „Паркови и зеленило“ спроведоа акција за чистење на кејот на реката Вардар, како и во Градскиот парк, од отпадоците кои беа расфрлани на повеќе локации, како покрај кејот, така и на тревните површини. Исчистени се лисјата што паѓаат на пешачката патека на кејот, како и отпадот во пешачката зона покрај коритото, дел на кој секојдневно се рекреираат и спортуваат скопјани. Истата акција се спроведе и во Градскиот парк, каде што беа исчистени сите бетонски патеки за прошетка, како и тревниците кои во текот на викендот беа полни со отпад. Екипите на ЈП „Паркови и зеленило“ продолжуваат со еко акциите секаде каде што тоа ќе биде потребно и по појавување на видеото на кое се гледа како намерно се исфрла отпад на кејот на Вардар, апелираат за зачувување на животната средина и заштита на зелените појаси во сите населени места во градот Скопје.

ЈП „Паркови и зеленило“ го уредува паркот „Скулптурa” во општина Гази Баба

Ивана Ефремовски — Sun, 13 Feb 2022 11:46:13 +0000

Изминатите денови теренските екипи на ЈП „Паркови и зеленило“ извршија раззеленување на зелените појаси покрај коловозите низ градот, како и во неколку паркови во населените места низ скопските општини. На 16-та Македонска Бригада во општина Гази Баба, се отпочна со реализација на хортикултурно уредување на паркот „Скулптура” со вкупна површина од 4200м2. Ќе се изврши интервенција на целата вегетација, обнова на почвата, како и поставување на систем за полевање со што би се овозможило континуирано одржување на зеленилото. Предвиденото зеленило го сочинуваат зимзелени и листопадни садници, кои функционално и естетски одговараат на просторот на кој се прилагодени според климатските услови. Изборот на садници е направен помеѓу видови кои хортикултурно одговараат на ваков тип на уредување, со што со зимзелени садници се зазеленува појасот помеѓу патот и паркот, со што посетителите ќе бидат заштитени од бучавата предизвикана од моторните возила.

ФОТО: Паднати голем број дрвја по невремето во Скопје, еве каде да пријавите ако видите некое

Ивона Петрова — Wed, 18 Aug 2021 08:52:07 +0000

Скопје и скопско вчера беа зафатени од краткотрајно силно невреме. Од ЈП „Паркови и зеленило“ информираат дека имале 10-тина интервенции, но дека бројот на паднати дрва е многу поголем. -Од синоќешното краткотрајно невреме паднаа 10тина дрвја кои беа расчистени од нашите екипи на терен. Но за жал бројот на паднати дрвја е многу поголем. Утрово се уште примаме пријави од екипите на терен низ скопските подрачја, како и од граѓаните, велат од претпријатието. Доколку забележите паднато дрво или гранки испратете фотографија и адреса на [email protected] или директна порака на Фејсбук профилот на ЈП „Паркови и зеленило“.