паркови – Kurir.mk

15 нови локации во Градскиот парк, паркот Гази Баба, СРЦ Сарај, „Рајски парк“ и кејот на реката Вардар за урбана опрема

Тале Кристо — Mon, 25 Jul 2022 11:50:29 +0000

Советот на Град Скопје на денешната 15-та седница ја донесе Одлуката за определување локации за поставување урбана опрема подвижни објекти, апарати и други направи во Градскиот парк Скопје, паркот Гази Баба, СРЦ Сарај, „Рајски парк“ во Ново Лисиче и на кејот на реката Вардар. Со одлуката се предвидени 15 нови локации, од кои во Градскиот парк предвидени се 3 локации, во Гази Баба предвидени се 3 локации, во СРЦ Сарај 4 локации, во „Рајски парк“ во Ново Лисиче предвидени се 2 локации и на кејот на реката Вардар предвидени се 3 локации. Согласно со утврдените стандарди, станува збор за урбана опрема и поставување подвижни апарати на предложените локации, што ќе овозможи да се зголеми посетеноста на наведените локалитети.

Град Скопје ќе додели средства за сите 10 скопски општини за нови паркови и зеленило

Тале Кристо — Thu, 24 Feb 2022 14:17:42 +0000

Советот на Град Скопје на денешната седница донесе повеќе одлуки за меѓуопштинска соработка со скопските општини, информираат до Град Скопје. Со првата одлука, предвидено е Град Скопје да издвои средства за 10те скопски општини за реконструкција и хортикултурно уредување на постојните зелени парковски површини, како и садење нови садници и цвеќе. Од овие средства ќе се реализираат голем број на заеднички проекти со општините со кои ќе зголеми зеленилото во градот Скопје. Советиците на денешната седница донесоа и две одлуки за воспоставување на меѓуопштинска соработка со општината Кисела Вода, првата за изградба на атмосферска, додека втората за изградба на фекална канализација. Со првата одлука е предвидено целосно финансирање на изградбата на атмосферска канализација по дел од улиците Димо Хаџи Димов и Божидар Аџија – крак 2. Со втората одлука, Град Скопје ќе ја финансира изградбата на фекалната канализација во населбата Градинар. Општина Кисела Вода во проектот ќе учествува преку финансирање на изработка на Урбанистички и Основен проект за линиски инфраструктурни градби на дел од булеварот Борис Трајковски за фекална канализација во населба Градинар, стои во соопштението од градот.

Ристески: За 12 години во Прилеп се изградија најубавите паркови, се сеќавате на некој нов парк во градот изминативе неколку години?

Магдалена Андонова — Sat, 20 Mar 2021 14:20:30 +0000

ЗОШТО ПРИЛЕП БЕШЕ ГРАД НА УБАВИТЕ ПАРКОВИ? ➡️За 12 години се изградија и реконструираа најубавите и најсредени паркови со модерна урбана опрема, фонтани и водени површини, детски и спортски игралишта, осветлување... Секој парк доби бунар со технолошка вода за полевање, а парковите беа зелени и одржувани во текот на целата година. Да се потсетиме кои паркови беа изградени и реконструирани во претходниот период: 🔸️МОГИЛАТА НА НЕПОБЕДЕНИТЕ - „Паркот на револуцијата“ (најголемиот и најубав парк) - амблем на градот... претходно комплетно запуштен, претворен во депонија и градежен шут; 🔸️Парковските површини на централните плоштади (претходно исто така запуштени и несредени): 🔹️ „Александрија“; 🔹️ „Методија А. Ченто“; 🔹️ „Градски Саат“; 🔸️Парковските површини околу зградите на бул. „Г. Делчев“ во близина на споменик „Прилепски Бранители“ (претходно никогаш несредени); 🔸️Зелениот парковски појас на улица „5-та Прилепска бригада“- се изгради најдолгиот парк во градот, приближно 1 км. должина, кој даде нов авениски лик на улицата; 🔸️Се изгради и огромниот парк во населба „Точила“ - од ѓубриште и скелина за тутун, денес едно од најпосетуваните места во градот; 🔸️Прекрасниот парк „Кај Судот“ - од мрачно и запуштено место прерасна во вистинска оаза во центаралното градско подрачје; 🔸️Парковските површини помеѓу сите згради и средишни жардињери (зелен појас) на главната улица во населбата „Димо Наредникот“ - донесоа нов урбан лик на оваа населба зголемувајќи ја вредноста на становите на сопствениците; 🔸️Парковските површини околу зградите во населба „Точила“ и средишниот зелен појас на улица „Самоилова“ во голема мера го подобрија урбаниот лик во најголемата населба во градот; 🔸️Паркот и зелените површини околу зградите во населба „Ѓогдере“; 🔸️Парковските површини во населба „Бончејца“ (помеѓу зградите); 🔸️Зелените тротоарни површини на улица „Мирче Ацев“... ...и многу други маалски паркови и други зелени површини низ градот и училишните дворови... ✅Или вкупно, во градот за 12 години беа изградени и реконструирани вкупно 200.000 м² парковски површини или во просек 17.000 м² нови зелени површини годишно... односно за 12 години секој жител во Прилеп (70.000), добил 3 м² нова парковска површина... ⏩И за крај неколку прашања до Прилепчани: ▪️Дали парковите низ градот се одржуваат на задоволително ниво? ▪️ Каде ќе беше Прилеп ако и сегашнава Локална власт продолжеше со ова темпо на раззеленување на градот? ▪️Дали се сеќавате на некој нов парк во градот изминативе неколку години? Фејсбук статус на Марјан Ристески