Додека Пендаровски мудрува, Џафери делува, а Заев тактизира – Битката за нов врховен командант започна

Ристе Здравков — Fri, 29 Apr 2022 11:31:15 +0000

Ако целата работа биде регуларна, во 2024 година Македонија ќе има парламентарни и претседателски избори или 2 во 1. Актуелниот претседател Стево Пендаровски како стојат работите ќе сака да истрча за уште еден мандат, а според последните случувања актуелниот претседател на Собранието Талат Џафери ќе му биде еден од противниците. Нормално тука не смее да се заборави и поранешниот премиер и претседател на СДСМ, Зоран Заев, кој во моментов е притаен и само во одредени моменти се појавува во јавноста. „Pse jo“ или „Зошто да не“ беше слоганот на ДУИ на последните парламентарни избори, а се однесуваше за нивното барање за прв Албанец премиер во Македонија. Премиер до сега не добија, но затоа Артан Груби и Талат Џафери се втори луѓе во двете најмоќни институции во државата. Едниот е претседател на Собранието, а другиот како што милува да го викаат, прв вицепремиер во македонската влада. Но, да не заборавиме дека и двајцата се најблиските луѓе на Али Ахмети, само што едниот е веќе пред пензија, а другиот, помладиот, успеа да издвојува внатрепартиска победа против Бујар Османи во трката за наследник на Али Ахмети. Можат ли Албанците од едно да добијат две? Секако дека можат, се што замислиле полека го остваруваат. Побараа прв Албанец за премиер, но како тргнаа ќе добијат и прв Албанец претседател на државата. Талат Џафери е првиот Албанец министер за одбрана, првиот Албанец претседател на македонското Собрание, па оттука Pse jo да не биде и првиот Албанец претседател на Македонија, а потоа може мирно во политичка пензија. Коцките му се наместени, ПР-от му е пуштен на најјако, а со одењето во Украина, сликањето со Зеленски, нудењето на финансиска и воена помош на Украина го засенува цел државен врв во државава. Стево Пендарвоски, Димитар Ковачевски, Славјанка Петровска... може само да учат политика од Талат Џафери. Е сега Џафери има една предност пред сите овие, а тоа е дека униформата и оружјето му се добро позната работа, па така нема страв, а низ улиците на Украина прошета како вистински командант, онака гордо, а околу него имаше толку многу специјалци што за момент човек би помислил дека во Украина слетал американскиот претседател, а не Талат Џафери. Дали СДСМ може да го поддржи Талат Џафери како заеднички кандидат за претседателските избори во 2024? Секако дека и тоа е можно. СДСМ би направил се, само на следните парламентарни избори повторно да ја имаат поддршката од ДУИ, бидејќи на СДСМ им е повеќе од јасно дека на тие избори доколку настапат самостојно, ќе изгубат „како грчка“. Според сегашната ситуација, ако утре се одржат парламентарни избори СДСМ би изгубила од 3 до 5 пратеници, а доколку продолжи да ги одолговлекува таа разлика има големи шанси да се зголеми. Но, да не го заборавиме и оној „притаениот“, оној кој сега се појавува само на некакви си конференции во Турција, на конгрес на СИРИЗА во Грција и мудрува од Струмица. Наводно се пензионираше во политиката и ќе води бизнис, но како вели народот, на Заев не може да му се верува, рекол па порекол! Во Анталија беше со неговиот нов другар и екс министер за здравство Венко Филипче, а во Грција беше со видни членови на СДСМ и актуелни функционери. Зоран Заев сериозно размислува да се врати на голема врата во политиката, ни помалку ни повеќе како претседател на државата. Кој најмногу ќе изгуби од оваа битка? Ќе изгуби СДСМ. Битката за тронови ќе им го донесе можеби и најголемиот пораз во нивната историја, бидејќи ќе се најдат помеѓу три огна. ДУИ, Зоран Заев и човекот на Црвенковски, Стево Пендаровски. ДУИ ќе уценува, ако не го поддржат Талат Џафери нема да ја добијат поддршката за парламентарните избори, потоа Зоран Заев, кој се уште владее со партијата и на крај оној кој им приреди „нокаут“ на локалните избори, Бранко Црвенковски. СДСМ во целиот свој мандат покажа дека нема капацитет да владее и да носи важни одлуки. А кога тоа ќе го направи, настанува вистински хаос, а штетата ја трпат граѓаните. ПС: На следните парламентарни избори ВМРО-ДПМНЕ ќе победи, а како сега стојат работите тоа ќе се случи и на претседателските! ППС: Она за кое велевте дека е режим, го надоградивте и усовршивте, падот ќе ви биде болен, а опоравувањето долго и мачно!!! Ристе Здравков

Политика: Претседателски, парламентарни и избори за Белград во април 2022 година

Тале Кристо — Tue, 20 Jul 2021 11:44:27 +0000

Редовните претседателски и локални избори за Белград, како и вонредните парламентарни избори, во Србија ќе се одржат во април следната година, соопшти Политика. Како што јави дописникот на МИА од Белград, Политика пишува дека изборната трка ќе почне откако учесниците во меѓупартискиот дијалог со опозицијата, што е во тек, за подобрување на изборните услови „формално ќе постигнат договор“. -Неколку состаноци на Извршниот одбор на Српската напредна партија (СНС), покраинските, градските и општинските одбори на напредњаците во Ниш, Белград и Нови Сад, одбележување на годишнината на Социјалистичката партија на Србија (СПС) и тивкото престројување во редовите на целата опозиција наговестуваат динамична и активна политичка есен. Почетокот на кампањата се чувствува насекаде, па може да се добие впечаток дека граѓаните ќе излезат на гласање пред новата година, пишува Политика. Претседателот на Србија, Александар Вучиќ, претходно изјави дека претседателските и предвремените парламентарни избори ќе се одржат најдоцна на 3 април 2022 година.

парламентарни – Kurir.mk

Додека Пендаровски мудрува, Џафери делува, а Заев тактизира – Битката за нов врховен командант започна

Политика: Претседателски, парламентарни и избори за Белград во април 2022 година