парлер – Kurir.mk

Кање Вест ја купува платформата Парлер

Тале Кристо — Mon, 17 Oct 2022 11:32:54 +0000

Социјалната мрежа Парлер денеска објави дека Кање Вест се согласил да ја купи платформата, којашто се здоби со популарност меѓу американските конзервативци. „Во свет каде што конзервативните мислења се сметаат за контроверзни, мораме да се погрижиме да имаме право слободно да се изразиме“, напиша раперот во изјава на Парлер. Ова не е првпат музичарот да привлекува внимание со своите изјави, политички ставови и потези. Во една од низата контроверзни изјави, на пр., Је рече дека ропството во светот било „прашање на избор“, а познат беше и како поддржувач и обожавател на Доналд Трамп како претседател на САД. Исто така, деновиве тој ја брануваше јавноста со антисемитски изјави и пораки против движењето „Black Lives Matter“.

Гугл ја блокираше апликацијата „Парлер“

Тале Кристо — Sat, 09 Jan 2021 11:13:29 +0000

Гугл ја блокираше апликацијата „Парлер“ затоа што дозволила дистрибуција на „екстремно лоша содржина“ што може да предизвика смртоносно насилство како што беше видено на Капитол. „Свесни сме за континуираното објавување во апликацијата „Парлер“, која се обидува да поттикне континуирано насилство во САД “, соопшти Гугл. И Епл се закани дека ќе ја отстрани социјалната мрежа „Парлер“ од својата APP Store доколку наскоро не ја промени својата политика за ублажување на содржината. Парлер е социјална мрежа на која многумина кои го поддржуваат американскиот претседател Доналд Трамп се префрлија откако нивните профили на други социјални мрежи, како што е Твитер, беа суспендирани како дел од политиките за ублажување на содржината, изјави извршниот директор на Парлер, Џон Матце. Во писмо испратено до Парлер од страна на тимот за преглед на Apple App Store се наведуваат примери во кои социјалната мрежа била искористена за планирање на заминувањето на демонстрантите кон Вашингтон со оружје по упадот во зградата на американскиот Конгрес.

Епл се закани дека ќе ја отстрани социјалната мрежа „Парлер“ од својата APP Store

Тале Кристо — Sat, 09 Jan 2021 09:44:36 +0000

Епл се закани дека ќе ја отстрани социјалната мрежа „Парлер“ од својата APP Store доколку наскоро не ја промени својата политика за ублажување на содржината. Парлер е социјална мрежа на која многумина кои го поддржуваат американскиот претседател Доналд Трамп се префрлија откако нивните профили на други социјални мрежи, како што е Твитер, беа суспендирани како дел од политиките за ублажување на содржината, изјави извршниот директор на Парлер, Џон Матце. Во писмо испратено до Парлер од страна на тимот за преглед на Apple App Store се наведуваат примери во кои социјалната мрежа била искористена за планирање на заминувањето на демонстрантите кон Вашингтон со оружје по упадот во зградата на американскиот Конгрес. „Исто така, се чини дека мрежата Парлер продолжува да се користи за планирање и организирање на понатамошни незаконски и опасни активности. Социјалните мрежи не смеат да се користат за координирање на бунт, насилство…”, пишува Епл во писмото до Парлер.