партија – Kurir.mk

Објавена „бомба“ со Арсовска, се даваат пари за потпис во нејзината нова партија

Тале Кристо — Sat, 16 Sep 2023 12:39:20 +0000

На социјалните мрежи е објавена аудиоснимка, во која се слуша глас кој дава инструкции како да се добијат пари за зачленување во новата партија на скопската градоначалничка Данела Арсовска, наречена Правда:

Партијата на Грците во Албанија во изборна коалиција со Бериша

Тале Кристо — Sat, 28 Jan 2023 17:43:26 +0000

Се окрупнува опозицијата предводена од демократот Сали Бериша за локалните избори што во Албанија ќе се одржат на 14 мај, 2023 година. По договорот со Партијата на слободата на Илир Мета, за заеднички настап, Бериша постигна ваков договор и со Партијата за единство и заштита на човековите права на Вангел Дуле, инаку партија на Грците во Албанија. – Заедно одиме кон изборен триумф. Слободно дадениот глас ќе ја врати демократијата во земјата. Според договорот, Демократската партија нема свои кандидати во општините каде Партијата на нашиот сојузник Дуле веќе утврди свои кандидати, објави Бериша. Претходно Партијата на Дуле и грчкото друштво “Омонија” ги утврдија кандидатите за градоначалници во Финиќ, Дропул и Химара, во јужниот дел на земјата, населени главно со Грци. Во Финиќ кандидат ќе биде актуелниот градоначалник Леонида Кристо, во Дропул, Танас Манека, додека во Химара, Фреди Белери. Леонида Кристо, кој довербата ќе ја бара по вторпат, на минатите избори беше единствен кандидат кој освои градоначалничко место во вкупно 61 општина, останатите беа од владејачката Социјалистичка партија, бидејќи здружената опозиција ги бојкотираше истите.

Излезни анкети: Партијата „Ново единство“ на летонскиот премиер води на изборите

Тале Кристо — Sat, 01 Oct 2022 19:50:01 +0000

Десничарската партија „Ново единство“ на летонскиот премиер Кришјанис Каринш е веројатниот победник на денешните парламентарни избори, покажуваат излезните анкети. Фактот дека изборите во Летонија се одржаа во сенка на руската инвазија врз Украина, му помогна на Каринш, кој ги поддржува ЕУ и НАТО, во неговата веројатно нова победа. Доколку бидат потврдени овие резултати, тоа треба да значи дека Летонија, заедно со балтичките соседи Литванија и Естонија, останува водечкиот глас во барањето на Европската унија да заземе цврст став против Русија. Но, тоа би можело да го прошири јазот меѓу летонското мнозинство во земјата и рускојазичното малцинство околу нивното место во општеството, во услови на широко распространет национален гнев поради акциите на Москва во Украина. Главното прашање на изборите во оваа земја со 1,8 милиони жители беше војната во Украина, растот на трошоците за живот и желбата за енергетска независност од Русија.

НАЈНОВА ВЕСТ: Зијадин Села поднесе оставка од лидерската позиција во партијата

Тале Кристо — Sun, 21 Aug 2022 16:29:11 +0000

Лидерот на Алијанса за Албанците Зијадин Села попладнево на прес-конференција си даде оставка по вчерашниот неуспех на изборите за советници во Советот на Општина Тетово. На прес-конференцијата во Тетово по денешниот состанок на Претседателството на партијата, Села најави дека повеќе нема да се кандидира за претседател на партијата бидејќи, како што рече, според статутот на партијата тоа право го има само двапати. На вчерашните избори, Алијанса за Албанците не освои ниту еден мандат во Советот на Општина Тетово.

„За наша Македонија“: Црвенковски формира нова партија со Максим Димитриевски ?!

Магдалена Андонова — Fri, 12 Aug 2022 14:15:44 +0000

NEWS1.MK дознава дека при крај се процедурите за формирањето на нова партија. Името дознаваме ќе биде „За наша Македонија“. Зад партијата стои поранешниот претседател Бранко Црвенковски со сите негови структури. Нашиот извор вели дека претходно Црвенковки и лобито од Охрид, оствариле контакти и средби со политички актери,а меѓу нив и еден поранешен градоначалник на Охрид. Најверојатно лидер на партијата „За наша Македонија“ ќе биде Максим Димитриевски.

Грчката партија Движење на промена в недела одбира ново име

Ивона Петрова — Fri, 06 May 2022 12:45:15 +0000

Движење на промена или ПАСОК- Движење на промена се двете опции што ги имаат членовите на грчката партија Движење на промена за в недела да одберат ново име на партијата во пресрет на Конгресот на крајот од месецов, јави дописничката на МИА од Атина. Станува збор за партијата која од 2017 година го промени името од ПАСОК во Движење на промена, а новиот лидер Никос Андрулакис избран пред неколку месеци најави враќање на старото име. В недела ќе се одржат внатрепартиски избори за делегати на Конгресот, а паралелно членовите ќе гласаат и за ново име на партија. Првата опција е актуелното име Движење на промена со актуелниот симбол, додека пак втората опција е комбинација од старото и новото име, односно ПАСОК – Движење на промена, пропратено со симболот на ПАСОК, зелено сонце. Движење на промена е централно левичарска партија и трета политичка сила во Грција.

Партијата на Макрон се преименува во „Препород“

Магдалена Андонова — Thu, 05 May 2022 16:50:40 +0000

Партијата на францускиот претседател Емануел Макрон, Републиката во движење, го смени своето име во „Препород“, „народна партија чија задача е да биде отворена за граѓаните и пратениците од каде и да доаѓаат“, изјави денеска нејзиниот генерален секретар Станислас Гуерини. -Ние пристапивме кон радикалната реформа на Републиката во движење за да можеме да продолжиме да го шириме ова политичко движење, кое беше основано пред нешто повеќе од шест години од претседателот Емануел Макрон и кое ќе се нарекува „Преродба“, рече Гуерини. Тој ова го кажа на прес-конференција во Париз, на која присуствуваа поранешниот премиер Едуар Филип (партија Хоризонти), претседателот на националното собрание Ричард Феран (ЛРЕМ) и поранешниот министер Франсоа Бајру (Партија Модем). Сите овие партии го најавија сојузот наречен „Заедно“ во кој се приклучуваат во пресрет на парламентарните избори на 12 и 19 јуни. Емануел Макрон победи на претседателските избори на 24 април со 58,55 отсто од гласовите, но неговата битка со кандидатката на екстремната десница Марин Ле Пен (41,45 отсто) ја покажа длабоката поделеност во земјата. (МИА)

Петков добива конкуренција, поранешниот премиер Јанев формира партија

Ристе Здравков — Thu, 05 May 2022 13:43:46 +0000

Поранешниот технички премиер на Бугарија и разрешен министер за одбрана од владата на Кирил Петков, Стефан Јанев, формира нова партија на бугарската политичка сцена. Новата партија ќе го носи името Бугарски подем, а Јанев денеска свика и седница на Иницијативниот комитет на партијата. Според неговата изјава, новиот политички субјект го формира со оглед дека постои јаз помеѓу партии и општеството, а на денешната седница на Иницијативниот комитет тој побара предвремени парламентарни избори во Бугарија и изрази уверување дека партијата ќе влезе во идниот состав на бугарскиот парламент. „Денеска означуваме нов почеток, кој се надевам дека ќе биде нов почеток и за бугарската политика. Демонстрација како треба да работи секоја политичка партија. Оваа партија ќе биде блиска до народот, ќе работи за народот и ќе има близок контакт со граѓанското општество“, рече Јанев. На брифинг со новинарите тој категорично отфрлил каква било поврзаност на неговата партија со претседателот на Бугарија, Румен Радев, и порачал дека Бугарски подем е апсолутно независен партиски идентитет што ќе се бори за довербата на граѓаните. „Ако го поврзувате претседателот со создавањето на партијата, тоа значи дека асоцирате на некакви сценарија во кои претседателот сака да влијае на политичкиот процес без да сноси одговорност. Мислам дека тој тоа не го сака и нема да го направи“, рече Јанев. Јанев лани во беше на чело на двете технички влади во Бугарија што се формираа откако по два изборни циклуси во 2021 година ниту една партија не успеа да формира влада. Тој беше назначен за технички премиер токму од претседателот Радев. Откако по третите парламентарни избори во ноември лани Бугарија конечно формира политичка влада од четири коалициски партнери на чело со премиерот Кирил Петков, Јанев беше назначен за министер за одбрана. Меѓутоа на оваа функција се задржа само неколку месеци бидејќи си ја разниша позицијата со тоа што одби да ја нарече „војна“ руската инвазија врз Украина. Објаснувајќи го одбивањето да го употреби зборот „војна“, тој уште повеќе се заплетка велејќи дека го кажува истото што и рускиот претседател Владимир Путин. „Не го употребив зборот војна туку се повикав на она што го кажа Путин и се осврнав на фактот дека употребата на зборот војна мора да биде многу специфична и одговорна“, рече Јанев во емисијата „Панорама“ на БНТ. Поради ова, премиерот Петков веднаш го повика да си даде оставка од функцијата министер за одбрана, а потоа побара и разрешување. Јанев беше сменет, а на неговото разрешување се спротивстави претседателот Радев, кој рече дека не е во ред да се менува министер за одбрана во ек на воена криза во близина и дека при избор на министер мнозинството треба да се води компетентноста и способноста на личноста да го брани бугарскиот интерес.

Реакција на Кастриот Реџепи по исклучувањето од БЕСА

Тале Кристо — Fri, 12 Nov 2021 17:44:49 +0000

На својот фејзбук профил пратеникот Кастриот Реџепи, реагираше по одлуката на лидерот на Двиѓењето БЕСА, Биљал Касами, да го исклучи од партијата поради вчерашната постапка - непојавување на собраниската седница на која требаше да се гласа (не)доверба на Владата. Реџепи сподели фотографија на која пишува: „Господ да ја благослови Америка“

Бојко Борисов на праг да формира Влада: ГЕРБ утре ќе го добие мандатот

Тале Кристо — Thu, 19 Aug 2021 20:09:42 +0000

Вториот мандат за формирање влада утре ќе го предаде претседателот Румен Радев на втората по големина парламентарна група во 46. Национално собрание – ГЕРБ -СДС. Претседателската институција објави дека тоа ќе се случи во 9.30 часот. ГЕРБ-СДС веќе изјавија дека тие веднаш ќе го вратат мандатот, но сепак ќе претстават владин состав. Даниел Митов повторно ќе го прифати и ќе го врати на бугарскиот претседател. Според лидерот на ГЕРБ, Бојко Борисов, партијата ќе претстави премиер и кабинет за другите да можат да се споредат.