Партизан – Kurir.mk

Спектакл за паметење: Партизан под отворено небо ја декласира Фуенлабрада

Ристе Здравков — Thu, 14 Sep 2023 09:50:24 +0000

Белградски Партизан го претстави тимот за следната сезона и одигра пријателски натпревар против шпанска Фуенлабрада, кој убедливо го доби со резултат 93-63. „Гробарите“ и останатите навивачи беа воодушевени од изданието на своите миленици, а најголеми импресии добија новите странски засилувања, Френк Камински, Пи Џеј Доузер, Огњен Јарамаз и Матеуш Понитка. Новите аквизиции на „црно-белите“ беа во делириум од атмосферата што ја создадоа навивачите и првпат ја почуствуваа жестокоста со која српските фанови навиваат за кошаркарскиот гигант. Натпреварот се одигра под отворено небо, во паркот „Ташмајдан“, и беше вистински спектакл за сите присутни. Партизан уште на почетокот покажа дека е мотивиран и уште по првото полувреме водеше со 20 поени разлика, а на крајот резултатот беше 93-63. Кевин Пантер беше најдобар кај победничкиот тим со 14 поени, а еден помалку додаде Полјакот Камински. Тренерот Жељко Обрадовиќ беше задоволен од изданието на неговите играчи и рече дека „резултатот од овој меч е најмалку важен, затоа што е дел од подготовките за новата сезона“. Партизан одново има силен тим и годинава повторно ќе се обиде да стигне до самата завршница во Евролигата, каде лани во четвртфиналето беа спречени од актуелниот шампион, Реал Мадрид. извор: gol.mk

Ѓоковиќ до својот син: „Стефан, немој да пееш песни само за Партизан“ (ВИДЕО)

Ристе Здравков — Thu, 14 Sep 2023 08:03:59 +0000

Српскиот тренер Новак Ѓоковиќ ја освои 24. Грен слем титула во кариерата, откако со убедливи 3-0 славеше во финалето на УС Опен против Данил Медведев, а големиот успех го прослави со синот Стефан. Ноле со својот син скокаа и се радуваа на победата во Њујорк, а Стефан пееше песни од Партизан. Ѓоковиќ, кој е голем фан на Црвена Ѕвезда, мораше да реагира и побара од својот син да пее и песни од Црвена Ѕвезда. „Стефан, немој да пееш само песни за Партизан. Ајде, Ѕвезда олеее“ Видеото погледнете го ТУКА Стефан Ѓоковиќ е голем навивач на Партизан, иако неговиот татко е познат ѕвездаш.

Партизан се пофали: Надмината границата од 30.000 барања за сезонски билети

Ристе Здравков — Tue, 22 Aug 2023 10:09:20 +0000

Кошаркарскиот клуб Партизан се пофали дека е надмината бројката од 30.000 сезонски билети за новата сезона. Веќе се регистрирани 30.417 навивачи за купување на сезонски билети. Регистрацијата е предуслов за купување билети, а предност при купувањето најпрво ќе имаат сопствениците на сезонски билети од минатата сезона. Обновата на старите почнува на 28. август, а слободната продажба стартува на 13. септември. Партизан во новата сезона ќе ја брани титулата во АБА лигата, а за малку остана без Фајнлфор во Евролигата.

Ljubav je naša sve jača i jača i ona raste iz dana u dan!✊🏽🖤🤍#KKPartizan pic.twitter.com/nFQ1mRSD7G
— KK Partizan Mozzart Bet (@PartizanBC) August 22, 2023

Партизан со ново засилување од НБА-лигата

Бошко Тасиќ — Fri, 18 Aug 2023 04:04:24 +0000

Белградски Пaртизан успеа да доведе уште едно квалитетно засилување од НБА-лигата откако вечерва беше потпишан договор со Френк Камински. Станува збор за 30-годишен центар кој во 2015 беше деветти пик на НБА-драфтот, избран од тимот на Шарлот. Тој најдобрите денови во НБА ги мина токму во Шарлот, по што настапуваше и за Хјустон, Феникс и Атланта, но во последните неколку сезони значително му се намалија и минутажата и статистичките податоци. Тоа беше причина Камински летово да се реши да дојде во Европа, на маса имаше и понуда од Макаби, но по долги разговори на крајот реши да потпише договор со Партизан. „Црно-белите“ неодамна го доведоа Доузер од НБА-лигата како замена за Егзум, а Камински би требало да биде стартен центар кај тренерот Обрадовиќ, заземајќи го местото на Лесор.

Јанис Папапетру се враќа во Панатинаикос

Бошко Тасиќ — Thu, 13 Jul 2023 04:27:51 +0000

Грчкиот кошаркарски клуб Панатинаикос продолжува со трансфер-офанзивата и создава моќен тим за новата сезона во Евролигата. Официјално грчкиот тим го потврди преминот на Јанис Папапетру во „зелениот“ дел од Атина. Папапетру е втор кошаркар на Партизан кој летово преминува во Панатинаикос, по Матијас Лесор кој пред нешто помалку од еден месец се пресели во Атина. ПАО изврши силна офанзива на трансфер-пазарот, а неодамна предизвика и вистински „земјотрес“ со доведувањето на Костас Слукас.

Пантер ја одби Барселона и потпиша нов договор со Партизан!

Ристе Здравков — Thu, 29 Jun 2023 10:55:45 +0000

Најдобриот кошаркар на Партизан во изминатата сезона, Кевин Пантер беше на чекор да потпише со Барселона, меѓутоа Американецот ги одби милионите од Каталонија и потпиша нов договор со „црно-белите“. Шпанските медиуми пишуваа дека Американецот ќе заработи шест милиони евра за две сезони во Барселона, односно двојно повеќе од платата која ја добиваше во Белград, но Пантер покажа дека не е сè во парите и реши да остане во Белград. Пантер пристигна во српскиот гигант пред две години, а изминатата сезона го предводеше тимот до место меѓу најдобрите осум екипи во Евролигата, додека сезоната ја круниса со титула во АБА-лигата.

Kapiten ostaje u crno-belom dresu.#KKPartizan pic.twitter.com/KS5rpNIr9X
— KK Partizan Mozzart Bet (@PartizanBC) June 29, 2023

Партизановецот Ексум го крена пехарот, па дозна уште поубава вест – ќе стане татко!

Ристе Здравков — Fri, 23 Jun 2023 09:45:46 +0000

Партизановецот Данте Ексум, репрезентативецот на Австралија кој со Партизан стигна до првата титула во АБА-лигата по цела деценија чекање на црно-белите, вечерва дозна уште поубава вест откако го крена шампионскиот пехар – ќе стане татко. За време на големото славје на паркетот на „Штарк Арена“, каде Партизан ја доби мајсторката со вечниот ривал Ц. Звезда во финалето во регионалното натпреварување, неговата сопруга му ја откри најубавата вест со снимки од ултразвук. Нема сомнение дека денешниот ден Ексум уште повеќе ќе го памети.

ВИДЕО: Сите слават, а Обрадовиќ лут како рис му удри „воспитна“ на непоканет гостин!

Ристе Здравков — Fri, 23 Jun 2023 08:38:10 +0000

Екипата на Партизан конечно го прекина постот и по пауза од десет години одново е шампон на АБА лигата. „Црно-белите“ ја добија драмата од пет натпревари против лутиот ривал Црвена Звезда и одново се искачија на врвот во ова натпреварување. Додека цела „Штарк Арена“ беше на нозе и го славеше големиот триумф, Жељко Обрадовиќ беше бесен како рис. Еден навивач влета на паркетот и почна да се радува со остатокот од клупата на Партизан, иако натпреварот не беше завршен. Обрадовиќ го забележа тоа и му удри „воспитна“ на непоканетиот гостин и го испрати надвор од паркетот.

Željko Obradović bolado com o banco comemorando antes do fim HAHAHAHAHAHAHAHAHAHAHpic.twitter.com/YtKd4BgncJ
— Tabela de Ferro - Basquete Europeu (@TabelaDeFerro) June 22, 2023

Во моментот на најголемото славје, кога натпреварот практично е завршен и титулата обезбедена, не дозволува непрофесионално однесување. Тоа е Жељко Обрадовиќ.

Партизан испушти 18 поени предност, Реал ја доби драмата во Мадрид и оди на Ф4

Бошко Тасиќ — Thu, 11 May 2023 04:36:41 +0000

Реал Мадрид е последниот учесник на Ф4 турнирот во Евролигата откако „кралевите“ се вратија од -18 против Партизан и закажаа пресметка со Барселона. Гостите од Белград има за што да жалат откако го диктираа темпото во првото полувреме, на пауза заминаа со предност од 39-55, а на стартот од третиот период имаа и +18, но дозволија домаќините да режираат голем кам-бек. Ветераните Серхио Родригез и Серхио Љуљ стапија на сцена, популарниот Ел Чачо реализираше 13 поени во последната четвртина, а Љуљ во овој период забележа 8 поени. Кевин Пантер беше брилијантен во редовите на Партизан со 28 поени, но го промаши можеби клучниот шут за изедначување при резултат 97-94. Реал Мадрид на Ф4 турнирот ќе ги одмери силите со лутиот ривал Барселона, а вториот пар го сочинуваат екипите на Олимпијакос и Монако.

Јабуселе: Едвај чекам да дојде среда….

Бошко Тасиќ — Tue, 09 May 2023 04:27:52 +0000

Кошаркарите на Партизан во среда од 21 часот гостуваат на Реал во Мадрид во одлучувачкиот петти меч од плејофот за пласман на Фајнлфор во кошаркарската Евролига. Пред мечот се огласи и кошаркарот на Реал, Гершон Јабуселе кој е казнет со пет меча суспензија поради суровото однесување за време на инцидентот во вториот дуел во Мадрид. Тој нема да биде во можност да настапи во среда, но преку својот Инстаграм профил истакна дека едвај чека да дојде среда… „Работата завршена. Едвај ја чекам среда“ – порача Јабуселе.