партизански одреди – Kurir.mk

ФОТО: Се формира нов зелен коридор на булеварот Партизански одреди во општина Ѓорче Петров

Тале Кристо — Wed, 17 Aug 2022 09:36:51 +0000

Екипи на ЈП „Паркови и зеленило“ деновиве започнаа со хортикултурно уредување на нова зелена површина на булеварот Партизански одреди во општина Ѓорче Петров. На неуредената јавна површина на овој потег се реализираат активности за формирање нов зелен коридор на вкупна површина од 500-тини квадратни метри. Во текот на активностите на оваа локација ќе се изврши прекопување на површинскиот слој на земја, рамнење на површината и нанесување на нова квалитетна почва. На површината се поставува систем за полевање, а ќе се формира и тревник по што планирано е засадување садници, веднаш штом се создадат поволни временски услови. Градот Скопје, заедно со ЈП „Паркови и зеленило“, продолжува со активности за уредување на нови зелени површини и формирање на зелени коридори низ населените места во Скопје.

ФОТО: Тешка сообраќајка на Партизанска, екипи на Брза помош и полицијата се на терен

Магдалена Андонова — Sat, 05 Dec 2020 12:03:29 +0000

Пред некоја минута сообраќјна несреќа се случи на Партизанска, спроти Сити Мол, пишува Скопјеинфо.мк Во сообраќајката учествувале два автомобила, од кои едниот е превртен на кров. Од превртениот автомобил се извадени двајца живи патници. Екипи на МВР и Брза помош се на терен. Наскоро повеќе информации. Фото: Скопјеинфо

Се судриле две возила од кои едното било сопственост на МВР- едно лице повредено на „Партизанска“

Дарко Андоновски — Tue, 20 Oct 2020 14:25:38 +0000

Во сообраќајка помеѓу полициски возило и патничко возило повредено е едно лице во Скопје. „На 19.10.2020 во 13.15 часот било пријавено дека во Скопје, на бул.„Партизански одреди“, се случила сообраќајна несреќа помеѓу патничко возило „фиат“, со скопски регистарски ознаки, сопственост на МВР, управувано од С.Ф.(33) од Скопје и патничко возило „фолксваген“, со скопски регистарски ознаки, управувано од И.З.(38) од Скопје.“ информираат од МВР. Во незгодата С.Ф. се здобил со повреди, констатирани во Градската општа болница „Св.Наум Охридски“. Извршен бил увид на местото на незгодата од увидна екипа од СВР Скопје.

Лажна тревога за бомба на „Партизанска“, полицијата држеше дел од булеварот под блокада

Ивана Ефремовски — Thu, 17 Sep 2020 18:24:24 +0000

Поради лажна дојава за поставена бомба вечерва блокиран беше дел од булеварот „Партизански одреди“. Првично Алсат-М јави дека било пријавена направа која зуела многу силно, а бил направен и безбедносен периметар околу просторот. Сепак, полициските службеници на терен пред пазарчето Буњаковец пронашле две оставени пазарски ваги. Во овој момент ситуацијата е нормализирана, а пуштен и сообраќајот по булеварот.

Без вода дел од корисниците на булевар „Партизански одреди“

Тале Кристо — Sat, 15 Aug 2020 07:58:57 +0000

Без вода утре ќе бидат корисниците на дел од булеварот „Партизански одреди“, односно на потегот од улицата „Костурски Херои“ до „Христо Смирненски“. Како што соопшти ЈП „Водовод и канализација“-Скопје прекинатото водоснабдување ќе биде поради дефект на затворач ф-80мм на булевар „Партизански одреди“ 47, а корисниците вода ќе немаат од 8:40 часот до санирање на дефектот.

Скопјанец нападнат по верижен судир на Партизанска

Ивона Петрова — Mon, 22 Jun 2020 08:17:21 +0000

Скопјанецот А.И. (20) синоќа пријавил во полиција дека бил физички нападнат по случена сообраќајна несреќа. Од МВР информираат дека во несреќата учествувале „фиат пунто“, кое го управувал А.И., автомобил „опела астра“ со скопски регистарски ознаки управувано од Г.Г.(23) од Куманово и автомобил „масерати“ со скопски регистарски ознаки управувано од М.А.(27) од Скопје. По несреќата, скопјанецот бил нападнат пред сендвичара на „Партизански одреди“ од совозачот во „Масератито“ Г.Б.(38) од Скопје. Увид на местото на настанот извршила екипа од СВР Скопје и се преземаат мерки за расчистување на случајот.

Утре без вода делови од Чаир, Скопје Север, Бутел 2 и дел од „Партизански Одреди“

Тале Кристо — Thu, 07 May 2020 17:06:53 +0000

Заради реконструкција на водоводна мрежа со пречник 300мм и 200мм на ул. „Втора Македонска Бригада“ – Кружен тек со ул. „Кемал Сејфула“, прекинато водоснабдување утре од 08:30 часот ќе имаат корисниците на населбите „Чаир“ , „Скопје Север“ и „Бутел 2“ – рид кон населба „Железара“ во Општина Бутел. Како што соопшти РЦУК – Скопје по известување добиено од ЈП Водовод и Канализација, заради поставување водоводен приклучок со пречник 80мм на ул. „Црвена Вода“ бр.37, пак, прекинато водоснабдување ќе имаат и корисниците на дел од Бул. „Партизански Одреди“ во Општина Центар и тоа од 09:00 часот до завршување на работите.

За утре најавен прекин во водоснабдувањето

Дарко Андоновски — Wed, 20 Jun 2018 13:34:26 +0000

Oд ЈП„Водовод и канализација“ информираат дека на ден 21.06.2018 (четврток) поради изведување на водоводен приклучок од ф-80мм на бул.Партизански одреди 38,прекинато водоснабдување ќе имаат корисниците на дел од бул.Партизански одреди(зградите во близина на Неуромедика) и Црвена вода. Водоснабдувањето ќе биде прекинато од 09:00 часот до завршување.