партнерка – Kurir.mk

Приведен маж од тетовско, ја нападнал својата партнерка

Ивана Ефремовски — Sat, 26 Aug 2023 17:40:23 +0000

На 25.08.2023 во 15:15 часот во Тетово од полициски службеници е лишен од слобода Ј.Ќ.(45) од с.Мерово, тетовско затоа што според пријавеното околу 14:30 часот во Тетово физички ја нападнал неговата партнерка. По целосно документирање на случајот ќе биде поднесен соодветен поднесок.

Уапсен велешанец поради напад на поранешна вонбрачна партнерка

Тале Кристо — Wed, 07 Dec 2022 13:21:41 +0000

Полициски службеници од СВР Велес утринава, во 04:00 часот, го лишиле од слобода 28-годишниот велешанец П.Н. поради напад на поранешна партнерка. -Тој, во 01.00 часот, синоќа по полноќ не ја почитувал судска забрана за приближување до живеалиштето на неговата поранешна вонбрачна партнерка и дошол во нејзиниот дом, а по кратка расправија физички ја нападнал, информира портпаролот на СВР Велес, Ристе Самарџиев. Појаснува дека П.Н. бил приведен во полициска станица и по целосно документирање на случајот ќе следи соодветна пријава.

Црвен аларм: Знаци дека се однесувате како да сте му мајка, а не партнерка

Ристе Здравков — Wed, 20 Oct 2021 06:28:39 +0000

Во секоја врска, партнерите треба да се грижат еден за друг и да ја негуваат врската. Но, ако почнете да се однесувате кон саканата личност како да е дете, односно како да сте му мајка, а не девојка или сопруга, тоа не е добар знак. Постои тенка граница помеѓу здравата грижа за некого и претворањето во нешто што во суштина не сакате да бидете. За да бидете сигурни дека не ја преминувате таа граница, ви откриваме на што треба да обрнете внимание. Дали имате навика да ги собирате неговите работи околу станот, како што се чорапи, кошули и тренерки? Ако е така, вие влегувате во улога на мајка и го лишувате од одговорност. Ова исто така важи и за моментите кога ја расчистувате масата после јадење или ги ставате чашите за пиво во машината за миење садови по неговата седенка со другарите. Сето ова изгледа како еден куп ситници, но зошто не го прави тоа самиот? Несогласувањата ги оставате без разврска Има несогласувања во секоја врска, и тоа е сосема нормално, бидејќи секој од нас е различен. Сепак, она што е важно е нивното решение. Туркањето на проблемите „под тепих“ е она што на крајот ќе биде причина за вашето раскинување. Сетете се дека како дете не сте биле секогаш во можност да ги решите несогласувањата со вашите родители, бидејќи имало генерациски јаз. Меѓутоа, двајца возрасни би требало да можат да го надминат тоа. Постојано му кажувате што да прави Навистина е бесмислено да ѝ дадете на вашата сакана листа со задачи што треба да се заврши до крајот на денот. Тој не е дете, и парче хартија не треба да го потсетува дека треба да ги мие садовите, да фрла ѓубре или да купува храна. Ако имате навика постојано да му кажувате што треба да прави, сакале или не, вие звучите како да сте му мајка, а не партнерка. Држите сѐ во врската под ваша контрола Некои луѓе не можат да избегаат од фактот дека сакаат да држат сѐ под контрола. Меѓутоа, во врските, мора да има некои ограничувања за ова прашање. Ако сте склони да го контролирате секој чекор на вашиот партнер, затоа што не му верувате доволно, тогаш дефинитивно имате проблем. Токму поради оваа строга контрола работите ќе ви се лизнат од раце во одреден момент.

Српската премиерка и нејзината партерка неодамна добија бебе: Ана Брнабиќ прв пат јавно проговори за синот (ФОТО)

Тале Кристо — Sun, 15 Dec 2019 16:06:20 +0000

Српската премиерка Ана Брнабиќ пред неколку месеци со својата партнерка Милица добија син, а сега прв пат проговори јавно на таа тема. Имено, српската премиерка во мај оваа година гостуваше на конференцијата "World minds", каде говорела на бројни политички, но и приватни прашања кои и ги поставувал орхганизаторот и основач на истоимената организација Ролф Добели. Тогаш наводно прв пат српската премиерка проговорила за родениот син и колку ја променило тоа откако станала родител и нејзиниот поглед кон светот. -Морав да функционирам со многу малку спиење. Еднаш на својот тим им раскажав колку бев среќна кога бебето ждригна. Родителството менува многу нешта, рекла српската премиерка, пишува „Блиц.рс“.

Дали вежбањето со девојката дава подобри резултати?

Ристе Здравков — Mon, 06 Aug 2018 20:50:38 +0000

Доколку сакате да ги намалите килограмите, помошта од личен тренер е секогаш добродојдена. Но, дали вежбањето со другарите или пак девојката може позитивно да влијае на вашата линија? Во време кога скоро секој современ и активен човек има можност да ги користи фитнес справите за да го унапредува своето тело, дојдовме до следниот заклучок: полесно ќе ослабнете доколку вежбате со пријател, а уште подобро со девојката. Околку 50 милиони корисници на MyFitnessPal ширум светот секојдневно активно ги следат распоредите за вежбање и исхрана, а сето тоа се претвара во датотеки кои се користат за истражувачки цели. Она што аналитичарите го добиле како резултат е најдолготрајното истражување за здравствените навики на луѓето кои ја користат оваа апликација. Истражувањето е направено со цел да се откријат релациите помеѓу фитнес резултатите и социјалните интеракции (вежбањето со девојката и заедничкиот резултат) и начинот на кој си влијаат во губењето килограми. Биле сумирани информации од 2200 корисници на апликацијата и воочено е дека најголемиот дел од нив го преферира вежбањето со девојката/пријателот (65% сметаат дека така е позабавно, 50% од нив биле помотивирани во текот на вежбањето, а 55% рекле дека друштвото е клучен фактор за да излезат од дома и да одат во теретана). Според информациите кои се соберени во правата четвртина од 2014 година се заклучува дека луѓето кои вежбале во групи (двајца или повеќе) истрошиле 5 пати повеќе калории од луѓето кои вежбаат сами.