пасош – Kurir.mk

Системот блокиран: Ако денес успеете да закажете за пасош и лична карта термин најрано во декември или во 2024 г.

Ристе Здравков — Fri, 11 Aug 2023 11:24:09 +0000

Ако денес успеете да закажете термин за вадење лични документи со новото име на државата, тој сигурно ќе биде во декември или во јануари идната година. Но, на граѓаните не им пречи тоа што толку ќе чекаат, колку што се револтирани што не можат да добијат никого кога се јавуваат во кол-центарот на телефонскиот број 072/92-92-92, додека закажувањето преку интернет страната на МВР е комплицирано и непрегледно, пишува Плусинфо. Од МВР за порталот велат дека граѓаните чекале „5 до 12“ за да ги променат личните документи, а според нив зголемениот обем на работа е тоа што веќе со години наназад во летниот период најмногу се издаваат лични документи (лична карта, возачка дозвола и пасош). – МВР ве известува дека не постои застој во нормалното функционирање – ниту на економскиот оператор којшто за сметка на МВР го сервисира повикувачкиот центар, односно неговите 12 повикувачки линии, ниту пак во организациските единици при Одделот за граѓански работи коишто на дневна основа примаат повеќе стотици апликации од граѓани за различните видови лични документи. Факт е дека волето се зголемува обемот на барања за вадење лични документи, велат од МВР за Плусинфо. Најавата на МВР дека до февруари мора да се сменат личните документи со новото име ги револтира граѓаните. Тие оправдано негодуваат дека е неразбирливо е важечки документи да мора да се сменат и тоа да биде на нивен трошок. Ако е така, велат тие промената на документите треба да биде на сметка на државата, пишува порталот Република. Но, власта на СДСМ и ДУИ, пишува натаму Република, сигурно нема да се откаже од неколку милиони евра за промена на документите, па граѓаните деновиве го „сардисаа“ сајтот на МВР во обид да закажат термин. На телефонскиот број за закажување со часови никој не се јавува и „сите оператори се зафатени“, додека на интернет страницата на МВР најчестиот одговор што го дава е „не постои слободен термин“. – Така е за секој термин, велат граѓаните. Но, она што најмногу ги револтира граѓаните е фактот што на интернет страницата на МВР за закажување стои „Република Македонија“ а се бара да извадиме документи со „Северна“, пишува Република.

Од пасошот вадел страници, маж ќе одговара за фалсификување исправа

Ивана Ефремовски — Tue, 07 Feb 2023 17:08:14 +0000

Регионалниот центар за гранични работи Југ поднесе кривична пријава против Б.М.(45) од с.Горна Бањица, гостиварско, поради постоење основи на сомнение за сторено кривично дело „фалсификување исправа“. На 08.01.2023 на Граничен премин Богородица, при пасошка контрола, полициски службеници констатирале дека недостасуваат неколку страници во патната исправа на пријавениот.

Кои земји најлесно даваат државјанство на странци?

Ристе Здравков — Wed, 01 Feb 2023 14:27:49 +0000

Како што се менува светот, се менуваат и опциите за добивање на второ државјанство. Во овој водич ќе ги разгледаме најдобрите земји за добивање на двојно дрежавјанство во 2023 година, земајќи ги во обѕир факторите како што се едноставност на процесот, барањата за влез и можностите за патувања. Свети Кристофер и Невис Програмата за државјанство по инвестиција во Сент Кристофер и Невис е една од најпопуларните опции за оние кои бараат двојно државјанство. Програмата им овозможува на поединците да добијат државјанство на Сент Китс и Невис преку инвестирање во недвижен имот или со придонес во владиниот фонд за одржлив раст. Времето на обработка е релативно брзо, со време на обработка од околу 3-6 месеци. Како членка на Комонвелтот, второто државјанство во Сент Китс и Невис дозволува безвизно патување во над 150 земји, вклучувајќи ги Обединетото Кралство, Канада и ЕУ. Сент Китс, како што оваа земја ја нарекуваат на скратено, е една од најдобрите земји за разгледување, бидејќи е многу популарна меѓу богатите поединци и семејства. Сент Китс е прекрасна карипска островска држава позната по своите луксузни одморалишта и недопрените плажи. Таа е и една од најстабилните земји во регионот. Сент Китс има тропска клима со просечна температура од 27 степени Целзиусови. Англискиот е официјален јазик. Сент Китс и Невис е одличен избор за второ државјанство поради неговата стабилност, околината што зборува англиски и прекрасната глетка. Малта Малта е мала островска земја која се наоѓа во Средоземното Море. Позната е по сончевото време, прекрасните плажи и богатата историја. Малтешкиот и англискиот јазик се официјални јазици на Малта, но многумина зборуваат и италијански. Individual Investor Program на Малта е една од најпопуларните програми за добивање второ државјанство. Ова бара минимална инвестиција од 650.000 евра во малтешки државни обврзници или имот. Парите мора да се инвестираат во недвижен имот лоциран на Малта и не постар од 5 години. Програмата за индивидуални инвеститори на Малта исто така бара од апликантот да помине најмалку 183 дена на Малта секоја година. Откако ќе биде одобрено барањето, апликантот ќе го добие својот малтешки пасош во рок од 6 до 8 недели. Малта е одличен избор за второ државјанство поради нејзините прекрасни пејсажи, деловните можности и пријателски расположените луѓе. Програмата за индивидуални инвеститори на Малта е една од најпочитуваните и најреномирани програми во Европа. Програмата бара значителни инвестиции, но процесот е релативно брз, со време на обработка од околу 12-14 месеци. Малта е членка на ЕУ, а второто малтешко државјанство ви овозможува да патувате без визи во над 180 земји, вклучувајќи ги САД и Канада. Антигва и Барбуда Програмата за државјаство преку инвестирање во Антигва и Барбуда е една од најпристапните опции за добивање второ државјанство. Програмата бара еднократна донација во државниот Фонд за национален развој, заедно со инвестирање во недвижнини. Времето на обработка на поднесеното барање за државјанство е релативно брзо, а Антигва и Барбуда дозволува да патувате без виза во над 130 земји. Гренада Програмата за државјанство на Гренада преку инвестирање е уште една одржлива опција, со време на обработка од околу 4-6 месеци. Земјата нуди патувања без виза во над 130 земји, вклучително и Кина и Русија. Според нивниот закон, треба да направите еднократна донација во владиниот Национален фонд за трансформација, проследено со инвестирање во недвижнини. Света Луција Програмата за државјанство на Света Луција по пат на инвестирање е уште едена пристапна опција, со време на обработка од 4-6 месеци. Според програмата, треба да инвестирате во недвижнини, или да дадете допринос во државниот Национален еколошки фонд. Земјата нуди безвизни патрувања во над 130 земји, вклучително и Кина и Русија. CBI програмата на Света Луција исто така нуди можност за вклучување на лице кое го издржувате, како брачен партнер, деца или родители, што оваа земја ја прави одлична опција за семејства кои бараат друго државјанство. Португалија Португалија е европска држава која се наоѓа на Иберискиот Полуостров. Позната е по своите живописни приморски градови, медитеранската клима и пријателските луѓе. Португалскиот е официјален јазик на Шпанија. Португалската Golden Visa програма е една од најпопуларните програми за добивање дозвола за престој во Европа. Ова бара минимална инвестиција од 350.000 евра во португалски недвижен имот преку некои специфични сценарија. Парите мора да се инвестираат во недвижен имот лоциран во Португалија. Програмата Golden Visa исто така бара од апликантот да помине 7 дена во Португалија секоја година. Откако ќе биде одобрено барањето, апликантот ќе го добие својот португалски пасош во рок од 6 до 8 недели. На почетокот од 2022 година дојде до одредени промени во португалската програма, односно ограничувања во поглед на видот на инвестиција која може да се направи и која ги исполнува условите на програмата, поточно да некои од најпопуларните области за вложување во недвижнини, како Лисабон, Порто и Алгарве. Дури и со новите ограничувања, Португалија и понатаму е одличен избор за одмор и за државјанство преку инвестирање, поради својата близина до другите европски земји, медитеранската клима и пријателски расположените луѓе. Шпанија Уште една опција слична на Португалија е Шпанија, европска земја која се наоѓа на Иберискиот Полуостров. Шпанија е позната по своите зачудувачки приморски градови, медитеранската клима и пријателските и насмеани луѓе. Официјален јазик е, нормално, шпанскиот. Постојат некои услови бза добивање на шпанска дозвола за престојк. Подносителот на барањето треба да живее во Шпанија најмалку 10 години, да има чисто кривично досие и течно да зборува шпански. Тогаш тој или таа ќе може да поднесе барање за државјанство, а ќе треба и да положи тест за добивање на шпанско државјанство. Кога апликацијата ќе биде одобрена, подносителот ќе добие шпански псош во рок од 6 до 8 недели. В А Ж Н О ! Имајте на ум дека конкретниот износ за инвестирање и барањето за престој можат да варираат во зависност од програмата, важно е да проверите кај владата или кај преофесионален консултант пред да донесете било каква одлука.

Хрватите ќе бидат меѓу првите во ЕУ кои ќе можат да користат мобилен телефон како пасош

Дарко Андоновски — Mon, 12 Dec 2022 09:50:35 +0000

Хрватска и Финска, како и Холандија и Канада, добија пилот-проекти за развој на дигитални пасоши на мобилни телефони, чија крајна цел е користење на најнова технологија за олеснување на патувањето и подобрување на безбедноста на патниците, пишува денеска весникот „Јутарњи лист“. Хрватските граѓани ќе бидат меѓу првите во Европската Унија кои ќе можат да користат дигитална патна исправа во својот дигитален паричник во мобилниот телефон. Дигиталниот патен документ ќе им овозможи на граѓаните, на пример, однапред да го најават своето пристигнување во некоја земја, а со тоа да го скратат времето на минување на граничните премини колку што е можно повеќе. Проектот во Хрватска го спроведуваат Министерството за внатрешни работи и Агенцијата за комерцијална дејност (АКД), во кои објаснуваат дека се работи за обемен проект, во кој развој и бројни тестови допрва следуваат, што е причина што Европската Комисија одобри финансирање во износ од речиси 2,3 милиони евра. Хрватските граѓани го користат еПасошот од 2009 година, чија сигурност во моментов се заснова на проверка на автентичноста на личните податоци во физичка и електронска форма. Тоа значи дека дигитализираните податоци зачувани во чипот за пасош се идентични со печатените податоци во книжниот пасош. Исклучок се биометриските податоци. Како што појаснуваат во АКД, пилот-проектите што ќе ги спроведуваат Хрватска и Финска, како и Холандија и Канада, имаат за цел да имплементираат дигитална патна исправа, чија виртуелна компонента е поврзана со еПасошот, т.е. содржи делумна копија од биографските и биометриските податоци на лицето во еПасошот. Ова ќе овозможи идентификација на патниците само врз основа на виртуелната компонента на дигиталната патна исправа. За новиот дигитален пасош АКД ќе го продолжи развојот на мобилната апликација Certilia, која секој граѓанин кој има валидна лична карта со чип може да ја користи за дигитална потврда на идентитетот. За потребите на пилот-проектот, АКД ќе му овозможи на носителот на пасош да креира дигитална патна исправа во рамките на мобилната апликација Certilia, што е средство за електронска идентификација од највисоко ниво. Бидејќи Certilia ги има сите предуслови за иден дигитален паричник на ЕУ, логично е АКД да им обезбеди на нашите граѓани дигитален пасош на мобилен уред“, посочува Јуре Сертиќ, директор на АКД.

Турчин со фалсификуван пасош фатен на скопски аеродром

Ивана Ефремовски — Fri, 18 Nov 2022 15:56:46 +0000

Одделението за прекуграничен криминал, миграции, странци и реадмисија при Регионален центар за гранични работи Север - Скопје поднесе кривична пријава против А.М.Р.(20) од Република Турција, поради постоење основи на сомнение за сторено кривично дело „фалсификување исправа’’. На 11.11.2022 на Граничниот премин „Меѓународен аеродром Скопје“, пријавениот на увид приложил турска патна исправа за која било утврдено дека е фалсификувана.

ОД 1 ЈАНУАРИ: До државјанство, пасош и лична карта по електронски пат

Ивона Петрова — Wed, 17 Aug 2022 09:30:08 +0000

Од 1 јануари уверението за државјанство ќе може да се издава и во електронска форма преку Националниот портал за електронски услуги или преку квалификувана електронска препорачана достава на електронска адреса. Граѓаните ќе можат по електронски пат да поднесуваат и барања за издавање на лична карта и пасош. Министерот за внатрешни работи Оливер Спасовски на својот фејсбук профил информира дека се усвоени законските измени за целосна дигитализација на процесите со цел подобрување на искуството на граѓаните при вадење на лични документи. – Со цел подобрување на искуството на граѓаните при вадење на лични документи и спроведување на целосна дигитализација на процесите, ова раководство на МВР пристапи кон хармонизирање на законската регулатива со европското законодавство, со тоа што беа предложени законски измени коишто Собранието на Република Северна Македонија ги усвои во март годинава, а стапуваат на сила 1 јануари 2023 година, наведува Спасовски. Поднесувањето на барање за издавање на лична карта и пасош е овозможено согласно измените и дополнувањата на Законот за лична карта, Законот за патни исправи, Законот за лично име и Законот за пријавување на живеалиштето и престојувалиштето. – Во постапки определени со закон, како што е прибавување на доказ за објава во Службен Весник за загубена лична карта, истиот го прибавува МВР по службена должност преку Националната платформа за интероперабилност. МВР може да издаде решение за поништување на матичен број на граѓанин или странец како електронски документ, појаснува Спасовски во фејсбук статусот. Со цел усогласување со дигитализацијата на процесите поврзани со постапките утврдени со закон, како што наведува Спасовски, формирани се работни групи кои работат на ревидирање на законите и подзаконските акти во надлежност на МВР и тоа на Законот за безбедност на сообраќајот на патиштата, Законот за оружјето, Законот за детективската дејност, Законот за странци, Законот за полиција, Законот за меѓународна и привремена заштита, Законот за заштита од експлозивни материи, Законот за следење на комуникациите, Законот за прометот на експлозивни материи и Законот за приватно обезбедување.

Започна мобилното издавање пасоши за македонските државјани во Кина

Ивона Петрова — Wed, 27 Jul 2022 05:30:57 +0000

Министерството за надворешни работи информира дека започна проектот за мобилно издавање на патни исправи за нашите државјани во Кина. -МНР испрати мобилна екипа во нашата Амбасада во Пекинг, со што драстично се скратува постапката за издавање патни исправи и во оваа држава. Со новата опрема, времето на чекање е скратено на неколку недели, од претходните 6-9 месеци (а во прекуокеанските земји и повеќе од година дена). Проширување на проектот во Кина досега беше оневозможен со рестриктивни мерки за карантин, информираат од Министерсвото. Со ова, бројот на дипломатско-конзуларни претставништва опремени со ваква опрема се зголемува на 15. Подобрувањето на услугите за дијаспората е еден од клучните приоритети на Министерството за надворешни работи за време на овој мандат.

Рашковски бара да му се врати пасошот

Магдалена Андонова — Wed, 15 Jun 2022 17:38:55 +0000

Поранешниот генерален секретар на Владата, Драги Рашковски, побара да му се врати пасошот, што му беше одземен како мерка за да се спречи тој да замине од државата. Тој пред судијката Михаиловска даде исказ дека бара да се укинат мерките за негово присуство. Рашковски остана без пасош откако првично беше пуштен од притвор, а потоа и од домашен притвор. Одлуката ја донесе Апелацискиот суд во Скопје, кога на Рашковски исто така му беше наредено секој понеделник да се пријавува во судот, а пасошот му се одзема до пресудата со која се товари за злоупотреба на службената положба и за перење пари. Неговото барање доаѓа во пресрет на сезоната на летни одмори.

Дали знаете дека само една личност во светот нема пасош, а има посетено над 116 земји?

Дарко Андоновски — Thu, 18 Nov 2021 13:51:32 +0000

Британската кралица Елизабета Втора не поседува патна исправа, но патува без проблеми. Досега има посетено над 116 земји во светот без да користи пасош. Во скоро 70-годишното владеење на кралицата, има посетено 116 земји. Со оглед на тоа што сите британски пасоши се издаваат во нејзино има, таа исправа неа не и е потребна, доволно е само да им каже на граничарите дека таа е кралицата Елизабета Втора.

View this post on Instagram

A post shared by The Royal Family (@theroyalfamily)

Таа нема ни возачка дозвола, а познато е дека сака да вози Range Rover по своите имоти во внатрешноста. Кралицата на Обединетото Кралство вози од нејзината 18 година кога како единствен владетел на некоја држава учествувала во Втората светска војна. Управувала со камион, како член на Женската територијална служба. Обучена е да работи како автомеханичар и да вози воен камион.

View this post on Instagram

A post shared by The Royal Family (@theroyalfamily)

Овие пасоши се најмоќни на светот, еве на кое место е македонскиот пасош

Ивона Петрова — Thu, 07 Oct 2021 06:11:56 +0000

Лондонската фирма Henley&Partners, што обезбедува советување за државјанство и престој, објави ревидирана листа на „најмоќните“ пасоши во светот, на која пасошите на Јапонија и Сингапур се први и можат да патуваат во 192 земји без виза. Таканаречениот индекс Хенли се базира на податоци од Меѓународната асоцијација за воздушен сообраќај (ИАТА), која од 2006 година редовно ги следи најдобрите пасоши во светот, јави Си-Ен-Ен. Рангирањето на јачината на пасошот се мери врз основа на тоа во колку земји во светот може да се патува без виза со одреден пасош. Бидејќи при креирањето на новата листа не беа земени предвид привремените ограничувања, носителите на најмоќните пасоши – Јапонија и Сингапур, можат да патуваат без визи во 192 земји низ целиот свет. Тоа се 166 повеќе дестинации отколку што можат Авганистанците, кои се на дното на листата и кои можат да влезат само во 26 земји без виза. Кога станува збор за земјите од регионот, најдобро рангирана е Словенија, чиј пасош е на 11 место и чии граѓани можат да патуваат во 181 земја без виза. Следува Хрватска, чиј пасош е на 18 место, Србија на 39 место, Северна Македонија на 47 место, Црна Гора на 48 место, Босна и Херцеговина на 54 место. Последниот извештај на Хенли покажува дека глобалниот јаз во слободата на патување никогаш не бил поголем.