паста за заби – Kurir.mk

Секоја боја во пастата за заби има своја улога

Ивана Ефремовски — Fri, 22 Sep 2023 07:52:59 +0000

Многу луѓе ја опишуваат пастата за заби како тробојна смеса што се става на четка за заби. Изборот на бои не е случаен, т.е. производителите со причина ги полнат тубите со бел, бело-сино-црвен производ или сосем друга комбинација. Секоја боја има различни состојки со одделни ефекти врз забите. Се чини, поради некоја причина, велат познавачи, производителите на пасти за заби не се потрудиле доволно да им објаснат на потрошувачите зошто нивните пасти имаат одредена боја. Белите пасти, на пр. содржат супстанции кои го отстрануваат плакот и спречуваат појава на кариес. Црвената лента во смесата главно има активни состојки неопходни за нега на непцата, а пак, сината лента служи за освежување на здивот. Покрај тоа, сините пасти содржат и состојки со антимикробно дејство. Има и пасти со зелена, наместо сина линија. Некои истражувања, сепак, посочуваат дека во некои случаи боите немаат никаква врска со ефектите, туку тоа е рекламно-маркетиншки потег бидејќи е откриено дека луѓето купуваат повеќе пасти со три бои. (МИА)

Не ставајте капаче врз четката за заби, така ризикувате да се разболите

Ивана Ефремовски — Fri, 25 Nov 2022 15:15:14 +0000

Четките за заби најчесто ги чуваме во тоалетот, некогаш затворени во посебно орманче или пак, во чаша покрај мијалникот. Постојат пластични кутии и пластични капачиња, кои служат за да ги заштитат четките од честиците кои сакале ние или не, секако ги имаме во тоалетот и се распрскуваат од школката подалеку отколку што мислиме. Но, дали е тоа навистина правилниот начин? Всушност, вака вие не дозволувате четката да се исуши по користењето и создавате идеални услови на неа да се размножат многу поризични бактерии и спори на мувла, кои веќе со следното користење лесно ќе ги внесете во вашата уста. Тоалетите и онака се доста повлажни од другите простории во домот, а тоа не оди во прилог на чувањето на четките за заби, но и козметичките производи воопшто. Најправилно е да се што подалеку од тоалетната шолја, во посебен сад или по можност, во орманчето со огледало, каде ќе обезбедите проток на воздух за да може да се исуши. А кога патувате, внимавајте четката да е сува кога ја пакувате (или земете нова) и користете кутии со отвори низ кои ќе има каков-таков проток на воздух.

Овој рецепт ќе направи чудо од вашата насмевка

Ивана Ефремовски — Fri, 03 Dec 2021 15:12:40 +0000

Ниеден производ на ги отстранува магично дамките од кафе, цигари и газирани пијалоци од забите. Но, овој рецепт за домашна и сосема природна паста за заби ќе направи чудо за вашата насмевка. На сите им е познато дека пастите за заби кои се наоѓаат на пазарот содржат разноразни хемикалии кои секако немаат позитивен ефект на вашето здравје, особено ако се земе во предвид повеќегодишното користење на тие хемикалии. Се што ви е потребно за домашната и здрава паста е следното: прашок за пециво, кокосово масло и масло од нане (може и некое друго масло како на пример од портокал). Потребен ви е сад каде ќе ја чувате вашата паста. Подготовка: Ставете пет лажици прашок за пециво во сад, потоа ставете четири лажици кокосово масло, на крајот ставете 10 до 15 капки масло од нане и се помешајте. Прашокот за пециво ќе ги избели вашите заби, кокосовото масло ќе делува антибактериски, а маслото од нане ќе го освежи вашиот здив.

Во хотелските соби никогаш нема да добиете паста за заби- ова е причината

Дарко Андоновски — Sat, 21 Nov 2020 20:27:33 +0000

Пастата за заби иако неопходна во секојдневието, хотелите никогаш не ја нудат на гостите. Причината за ова е тоа што гостите од хотелите не ја бараат доволно често, па сопствениците со намера да заштедат што повеќе за паста за заби не сакаат да ги трошат своите парични средства. Исто така, некои хотелиери истакнуваат дека не постојат скапи и луксузни брендови на паста па поради потсвества гостите не можат да се восхитуваат на тоа. На списокот на неопходни работи, во хотели со помалку ѕвезди има сапун и шампон, додека пак во хотелите со пет ѕвезди на списокот се наоѓаат, два сапуни, шампон, фен за коса, прибор за бричење и капа за туширање, а пастата за заби спаѓа во сугестиите. Во скапите хотелски соби пасти нема затоа што таа не е доволно скапа. Во евтините хотелски соби ја нема затоа што им е прескапа. Хотелите би можеле да осигураат паста за заби, но не го прават тоа. Работите отсекогаш се такви и очигледно засекогаш ќе останат такви.

Што значат боите на пастата за заби?

Магдалена Андонова — Mon, 21 Sep 2020 20:24:40 +0000

Деталите околу пакувањето на производите, како што се круговите на ќесичките со чипсови и симболите на етикетите за козметика можат да бидат мистични за просечниот потрошувач. Со години, на Интернет кружи графика, која тврди дека го објаснува скриеното значење зад обоените ознаки назабните пасти. Иако е точно дека тие кодови на бои ги има со причина, причината е многу помалку интересна отколку што сугерираат онлајн гласините. Едно истражување тврди дека боите на рабовите на тубите со паста се поврзани со одредени видови на состојки. Зеленото означува природно, синото означува природно и медицинско, црвенотп значи природен и хемиски состав и црното означува чиста хемикалија. Како и да е , ова значење не е вистина. Ознаките на пакувањето на пастите за заби немаат никаква врска со состојките внатре – па дури и да имаа, класификациите како природни и хемиски се премногу нејасни за да значат нешто. Вистинската причина зошто боите се таму е да и помогнат на машината одговорна за пакувањето. Малите обоени правоаголници всушност им кажуваат на сензорите каде треба да се пресече или свитка тубата. Штом пастата за заби стигне до продавницата, ознаките веќе не служат за некоја цел. Ако сакате да дознаете повеќе за состојките во вашата паста за заби, тоа не е толку тешко како дешифрирање на мистериозен код. Компанијата Колгејт вели дека компаниите за орална нега не ги обележуваат своите пасти за заби со обоени квадрати за да се обидат да ги измамат потрошувачите и да ги сокријат состојките од нив. Ако сакате да знаете какви состојки има вашата паста за заби, не барајте бои. Наместо тоа, погледнете го пакувањето со сеопфатен список на состојки.

Дознајте зошто во хотелските соби никогаш нема да добиете паста за заби

Ивона Петрова — Tue, 13 Aug 2019 09:39:13 +0000

Иако хотелската понуда во однос на козметиката во изминатите години се прошири, една работа и понатаму нема да ја најдете во хотелските бањи. Пастата за заби останува главна мистерија, а новинарот Даниел Енгбер истражувал зошто таа не може да се најде во хотелската понудена козметика. Станува збор за необична комбинација - гостите во хотелот не ја бараат доволно често па сопствениците со цел да заштедат што е можно повеќе, не сакаат да прошат на паста. Во хотелските регулативи пастата се третира поинаку од сапунот и останатите козметички потреби, па и нејзината набавка е доста поскапа. Некои хотелиери истакнуваат дека не постојат скапи и луксузни брендови на пасти за заби, па така гостите по ова прашање нема да што да се восхитуваат. -Во скапите хотелски соби нема пасти за заби бидејќи тие не се доволно скапи. Во евтините соби нема бидејќи е прескапа, пишува порталот Браво кој исто така се занимавал со оваа проблематика. „Никој не знае зошто, на никого не му е гајле“ Освен тоа, пастата за заби не е клучна во категоризацијата на хотелите или апартманите. Додека за хотел со пет ѕвезди се наоѓа правилото за „два сапуни, шампон, фен за кос, прибор за шиење и капи за туширање“, пастата за заби влегува во категоријата на сугестии. -Хотелите би можеле да ни осигураат паста за заби, но тоа не го прават. Никој не знае зошто, на никого не му е гајле. Работите се такви отсекогаш и очигледно такви и ќе останат. Не добиваме паста бидејќи не ја бараме, а не ја бараме бидејќи не знаеме дали смееме, заклучува Енгбер во своето истражување.

Миењето заби ја чинеше живот: Една состојка од пастата беше кобна за ова мало девојче

Ивана Ефремовски — Wed, 24 Apr 2019 16:50:03 +0000

Денис Салдате (11) починала поради алергиска реакција која и ја предизвикала пастата за заби. Денис имала сериозна алергија на млечни производи, а користела паста по рецептот која содржала состојки кои биле кобни за неа - протеин добиен од млечни производи. Нејзините родители отсекогаш добро ги проверувале сите производи кои ги користела, но не се сетиле на пастата. Кога добила напад, на неа не и помогнало ни апче против алергија, открила нејзината мајка Моника. Таа рекла дека пастата која Денис ја користи ретко кој ја купува, а таква и ја препишал нејзиниот стоматолог.

Внимавајте со пастата за заби: Ако вашето дете става многу од неа тоа е критично и мора да реагирате веднаш

Ивана Ефремовски — Fri, 15 Feb 2019 10:29:04 +0000

Дали користите исто толку паста за заби колку и на рекламите? Дали ја нанесувате пастата врз целата четка? Ако одговорот е да, најверојатно само ја трошите пастата залудно. Но доколку вашите деца го прават тоа, предозирањето со паста може да предизвика проблеми. Ова не значи дека не треба да употребувате паста за заби. Сепак ги миеме забите за да ги отстраниме бактериите и шеќерите кои неуморно се обидуваат да ги оштетат нашите заби. Но, пастата за заби не е неопходна за оваа работа. Она што е всушност важно кај неа е флуорот. Флуорот е минерал што се наоѓа во карпите, а мало количество од него природно завршува во водата. Во некои држави се додава флуор во резервоарите за вода бидејќи е докажано дека помага при обновувањето на емајлот, побрзо отколку што бактериите ги распаѓаат забите. Кај децата со млечни заби, флуорот го зајакнува емајлот на трајните заби кои допрва треба да пораснат, на овој начин правејќи ги поотпорни на кариес. Иако повеќето луѓе имаат пристап до вода со флуор, заболекарите препорачуваат да ги „реминерализираме“ забите со повеќе флуор, па токму поради тоа тој се наоѓа и во пастите. Но сепак, едно истражување објавено на 1-ви февруари 2019-та година, од страна на Центарот за контрола и превенција на болести, покажало дека 40% од децата на возраст од 3 до 6 години користат повеќе паста отколку што препорачуваат заболекарите. Во Анкетата за национално здравје и исхрана на Центарот за контрола за прв пат биле вклучени прашања за миењето и пастите за заби. Околу 1.700 родители и старатели на деца и адолесценти кажале колку често секое од нивните деца си ги мие забите, возраста на која започнало да ги мие забите и колку паста користи секој ден. Истражувањето открило дека 80% од родителите не им ги мијат забите на децата доволно рано, а ова може да предизвика кариес во детството. Самото миење е клучно за спречување на кариесот, но голема улога има и флуорот. „Флуорот е критичен за децата бидејќи нивните заби се развиваат, а тој ги зајакнува“, изјавила доктор Џина Торнтон Еванс, авторка на истражувањето. „Особено кога се млади – односно кога имаат 6 или помалку години, тогаш нивниот рефлекс за голтање не е развиен и тие можат да ја голтнат пастата наместо да ја плукнат. Кога ќе голтнат премногу паста можат да развија состојба позата како дентална флуороза на нивните трајни заби. Па, препорачуваме родителите да ставаат паста со големина на зрно грашок на нивните четки.“ Денталната флуороза не е опасна состојба, но може да се случи кога детето консумира премногу флуорид, додека трајните заби сè уште се развиваат во непцето. Резултатот може да биде козметички – премногу флуорид не е лошо за забите. Всушност, според некои заболекари може да ги направи забите и поотпорни на расипување, но предизвикува појава на бели линии и дамки на забите. Обично оваа состојба не е многу забележлива и се случува додека се развиваат трајните заби. Но Џина нагласува дека преминувањето на дневната препорачана доза флуорид кај детето е проблем кој се појавува бидејќи родителите не почнуваат да ги учат децата на добри навики за миење уште од детството. „Сакаме родителите не само да ги надгледуваат нивните заби, туку и да ги мијат откако ќе наполнат 6 месеци, кога ќе се појави првиот заб“.