Трагедија: Тргнале на одмор по „патот на смртта“ – три девојки починаа, една го загуби бебето

Ивана Ефремовски — Fri, 28 May 2021 10:50:49 +0000

Три девојки загинаа, а нивната пријателка го изгуби бебето во страшна сообраќајна несреќа на „патот на смртта“ во Аргентина, додека славеа крај на „локдаун“ поради коронавирусот. Чаро Алварез Амадо (26), Софија Дуро (26), Флоренсија Бариос (25) и Микаела Крино Пачер (25) биле на пат кон куќата на еден пријател на плажа. Тие тргнале од нивниот роден град Ла Плата во Аргентина. -Девојките, кои се пријатели уште од основно училиште, не се виделе осум месеци и се возеле кон градот Пинамар за да уживаат во долгиот викенд, пренесува „Сан“. Софија возела Рено Клио кога дошло до судир со нејзиното семејство во друго возило. Патот на кој се случила несреќата е локално познат како „пат на смртта“ затоа што има само една коловозна лента во двата правци. Софија и Чаро, кои бил на совозачкото место, починале на самото место. Микаела била пренесена во болица исто како и Фиренца со тешки повреди, а подоцна била пренесена во друга болница. Локалните медиуми јавуваат дека Микаела, која само што наполнила 26 години додека била хоспитализирана, починала на 21 мај. Фиренца, која била во 33-та недела од бременоста, била подложена на итен царски рез, но за жал го загуби бебето. Делфина Бурландо, нивната пријателка во чија куќа одеа кога се случи страшната несреќа, се прости од нив на Инстаграм. „Ве сакам, ќе ве сакам засекогаш“, напиша таа. Засега не е познато која е причината за несреќата, а полицијата соопшти дека станува збор за директен судир.

Влева страв во коски и кај најискусните возачи: Ова е најопасниот пат на светот, оправдано наречен “патот на смртта“ (ФОТО)

Ивана Ефремовски — Fri, 01 Feb 2019 15:02:46 +0000

Јунгас Роуд, односно "Death Road" го добил името по бројот на луѓе кои на него го изгубиле животот. Настанал откако парагвајските затвореници ископале пат во самата планина Кордиљера Ориентал, во текот на војната за Чако. Окружен со планини, патот се простира на 65 километри од Ла Паза до Короика, така спојувајќи ја провинцијата во срцето на Амазонија со главниот град. Од Ла Паза, патот на смртта се искачува до 4,650 метри пред од Ла Кумбре па почнува постепено да се спушта на 1.200 метри надморска висина во градот Короико. Уште од 50-тите овој пат е единственото нешто што ги спојува Ла Паза и регионот Јунгас. Верувале или не, не било воопшто необично да видите автобуси полни со луѓе или камиони полни со товар како минуваат и како се заобиколуваат на само три метри ширина и тоа навечер. Комбинацијата од една лента, карпи високи и до 900 метри, врнежливи услови, ограничена видливост, одрони и невнимание на возачите, резултирала со смрт на повеќе од 100 луѓе. Поради тоа не е необично што денес покрај овој пат насекаде има верски обележја и свеќи во сеќавање на загинатите. По речиси 20 години тешка работа, патот на смртта е модернизиран и има две ленти, асфалтиран е и има ограда. Уште во 2009-та година бил изграден и алтернативен пат кој го заменил, па сообраќајот се поместил од патот на смртта. И покрај тоа, Јунгас Роуд не покажува милост, бидејќи иако повеќе не ги зема животите на возачите, тој ги зема животите на туристите и велосипедистите. Повеќе од 22 велосипедисти ги загубиле своите животи тука од 199-ма година.

пат на смртта – Kurir.mk

Трагедија: Тргнале на одмор по „патот на смртта“ – три девојки починаа, една го загуби бебето

Влева страв во коски и кај најискусните возачи: Ова е најопасниот пат на светот, оправдано наречен “патот на смртта“ (ФОТО)