патека – Kurir.mk

ВИДЕО: Ужас на патеката, внукот на Михаел Шумахер заврши со скршен ’рбет по судир

Ивона Петрова — Thu, 13 Oct 2022 08:41:55 +0000

Внукот на легендата на Формула 1, Михаел Шумахер, доживеа повреда по тешка несреќата во Германија за време на автомобилска трка. Дејвид Шумахер се здоби со повреди по сударот со Томас Прејнинг за време на саботниот настан на ДТМ во Хокенхајмринг. Двата болида се бореа за позиција, но завршија во бариерите. Сите возачи кои учествуваа во несреќата биле однесени на медицински прегледи, а меѓу нив бил и 20 годишниот Дејвид кој е син на поранешниот возач на Формула 1, Ралф. Првичните резултати покажаа дека тој немал повреди. Сепак, понатамошните испитувања во неделата откриле дека лумбалниот пршлен во грбот му бил скршен. Ралф Шумахер за магазинот „Мотоспорт“ изјави дека кога синот се вратил дома се жалеле на болки во грбот. -Потоа решивме да одиме во болница во Салцбург за да направиме магнетна резонанца. Се утврди дека е скршен лумбален пршлен. Според лекарите ова значи пауза од околу шест недели за Дејвид, вели Ралф. Серијата ДТМ заврши викендот, што значи дека Шумахер нема да пропушти ниту една трка за време на неговата шестнеделна рехабилитација и нема потреба од операција.

Марко Колев ја најави изградбата на адреналинска патека за велосипедизам во Велес

Ристе Здравков — Sat, 06 Nov 2021 12:39:07 +0000

Во Градскиот парк во Велес започна да се гради полигон за велосипедисти, pump track, на местото на поранешното ракометно игралиште. Денеска ја посетив локацијата на која веќе започнаа градежните работи за изградба на патеката. Полигонот за велосипедисти ќе се простира на површина од 660 м². Љубителите на адреналинскиот велосипедизам ќе добијат интересно катче на кое ќе можат да ги усовршуваат своите вештини со управување на велосипед. За изградба на памп тракот од буџетот на Општина Велес се обезбедени 4.000.000 денари, се вели во Фејсбук статусот на градоначалникот на Велес, Марко Колев.

ВИДЕО: Ова е најдолгата и најбрзата улична трка во Ф1 – 27 кривини во шест километри

Ивана Ефремовски — Thu, 18 Mar 2021 19:30:07 +0000

Градската патека во Џеда (Саудиска Арабија) ќе биде најбрзата улична трка во Формула 1. Ова беше истакнато на презентацијата на ГП на Саудиска Арабија, кое ќе се одржи од 3 до 5 декември. Патеката е долга нешто повеќе од шест километри и ќе има 27 кривини. Болидите ќе можат да развиваат просечна брзина од 250 километри на час на оваа патека. Патеката е дизајнирана од Формула 1 и Херман Тикл. Ќе се вози под рефлектори и ќе биде втора улична трка во Формула 1 по Сингапур што се вози ноќе.