патенти – Kurir.mk

ЕП неделава ќе гласа за укинување на патентите за вакцини против Ковид-19

Ивона Петрова — Mon, 07 Jun 2021 06:32:34 +0000

Европскиот парламент неделава ќе гласа за предлогот за резолуција со која се повикува Светската трговска организација да ги отфрли патентите за вакцините против Ковид-19. Во дискусијата за тоа прашање во мај, ЕП беше едногласна во барањето за укинување на патентите, а во меѓувреме ЕК предложи мерки за проширување на производството на вакцини без да се отстрани обврската за сопствениците на интелектуална сопственост да добиваат релевантни приходи. ЕП ќе ги објави резултатите од гласањето в четврток. Европратениците утре ќе донесат одлука за воведување европски сертификати за вакцинирани, за оние кои прележале и за тестирани за Ковид-19. Сертификатите ќе стапат на сила на 1 јули. В среда, ЕП повторно ќе расправа за владеењето на правото во земјите на ЕУ и распределбата на средства од европскиот буџет. Европратениците очекуваа ЕК да предложи мерки до 1 јуни, но Европскиот суд на правдата се уште не донел одлука за тужбата на Полска и Унгарија против новото европско законодавство. Исто така в среда, ЕП ќе гласа за резолуција во врска со податоците за судирот на интереси на премиерот на Чешката Република Андреј Бабиш, со која се повикуваат фондовите на ЕУ за земјоделството да не паѓаат во рацете на неколку олигарси. Европратениците се очекува да ја повикаат ЕК да ги примени новите правила за законитост и буџетот во Прага. В четврток, ЕП ќе донесе резолуција во која ќе даде првична проценка на плановите за трошење на буџетот за економско закрепнување на земјите од ЕУ. Европратениците утре ќе разговараат, а в четврток ќе гласаат за резолуција за присилно слетување на авионот на Рајанер во Белорусија. Минатата недела Советот на ЕУ се придржуваше до одлуката на Европскиот совет со која се воведува забрана за употреба на европскиот воздушен простор од авиони што ги користат белоруски организации. Оваа недела, за првпат од март минатата година, ЕП ќе се состане во Стразбур. Само 1/3 од европратениците се очекува да патуваат, а останатите ќе присуствуваат на сесијата онлајн поради се уште строгите антиепидемиски мерки.

ЕК: Отворени сме за разговор за укинување на патентите за вакцини

Тале Кристо — Thu, 06 May 2021 12:17:46 +0000

Европската Комисија денеска порача дека Брисел не е затворен за диксусија за американскиот предлог за укинување на патентите за интелектуална сопственост за вакцините, но го смета само за едно од можните решенија, јави дописничката на МИА од Брисел. На редовниот брифинг за новинари во Брисел, портпаролката Дана Спинант рече дека Европската Комисија била запознаена претходно со иницијативата на американската администрација да се укинат патентите за вакцините против Ковид-19, но за сега во Брисел ставот не е усогласен и се изразува само подготвеност за дискусија. Претседателот на Европскиот Совет, Шарл Мишел, најави дека лидерите на ЕУ ќе разговараат на оваа тема деновиве. До сега ставот на ЕУ беше дека укинувањето на патентите не е решение и дека треба фокусот да биде на ефикасен и брз извоз на вакцини за да се постигне масовна вакцинација на глобалното население. Но, по предлогот на американскиот претседател Џо Бајден, станува јасно дека дискусијата ќе се отвори внатре во институциите на ЕУ, како и меѓу земјите членки на ЕУ. Франција веќе изрази подготвеност да се приклучи кон иницијативата. Портпаролката на ЕК неколку пати денеска повтори дека е важно да се зголеми извозот на вакцини и да се зајакне нивното производство. -Отворени сме за диксусија за други прагматични решенија и подготвени сме да процениме дали предлогот на САД може да помогне, до тогаш ги охрабруваме сите земји да дозволат брз извоз на вакцини, рече Спинант. Невладините и хуманитарните организации ја повикаа ЕУ да им се придружат на САД во оваа иницијатива, додека фармацевтската индустрија се противи на овој потег.

Шефот на СЗО ја поздрави одлуката на САД за суспензија на патентите за вакцини против коронавирус

Тале Кристо — Thu, 06 May 2021 07:46:56 +0000

Шефот на СЗО Тедрос Аданом Гебрејесус ја поздрави „историската одлука“ на САД да поддржат привремено укинување на патентите за вакцини против коронавирус. -Им честитам на САД за таа историска одлука во корист на правдата за вакцината, која фаворизира благосостојба за сите во ова клучно време. Ајде, одиме сите напред брзо, солидарно, градејќи се на генијалноста и посветеноста на научникот кој произвел спасоносни вакцини против короната”, твитна генералниот директор на Светската здравствена организација. Шефот на СЗО лобира со месеци, секогаш кога ќе се укаже можност, во корист на оваа мерка, предложена од СЗО во Индија и Јужна Африка. Поддршката на Белата куќа за привремено укинување на правата на интелектуална сопственост „ги рефлектира мудроста и моралното раководство на САД да ја поддржат правичноста на вакцината и да работат на ставање крај на оваа пандемија“, напиша Тедрос на Твитер.