патики – Kurir.mk

ФОТО: Љафтов подготвен за Европско, македонското знаме и стихови од химната на специјално дизајнираните патики

Ивона Петрова — Tue, 29 Aug 2023 06:40:39 +0000

Европското првенство во одбојка официјално започна вчера, а Македонија утре против Данска ќе го одигра својот прв натпревар на ова ЕП. Натпреварот ќе се одржи во СЦ „Борис Трајковски“ во Скопје, кој е кодомаќин на првенството. За нашите репрезентативци ова ќе биде настап на трето европско првенство, но прв во Македонија, на домашен терен пред македонска публика. Момците на Јошко Миленковски се подготвени и мотивирани за победи. Репрезентативецот Александар Љафтов се одлучи на ЕП да настапи со специјално дизајнирани патики. На нив се наоѓа знамето на Македонија, стихови од македонската химна, но и илустрација на Љафтов, неговата сопругата Ана и синот Алексеј кој носи дрес со број „8“.

ФОТО: Посебниот број на патиките на Ѓоковиќ го привлече вниманието на сите, крие моќна порака

Ивона Петрова — Mon, 03 Jul 2023 19:54:16 +0000

Новак Ѓоковиќ по започна својот пат по историска, осма титула на Вимблдон победувајќи го Педро Кацин со 3:0 (6:3, 6:3, 7:6). Српскиот тенисер на овој меч имаше посебен детаљ на патиките кој го привлече вниманието на сите. Имено, бројот 23 се најде на патиката на Ѓоковиќ. Овој број го означува бројот на Грен слем титули кои ги има освоено досега во кариерата, со што Ѓоковиќ порача дека е светски број 1 во тенисот.

Трикови за ЧИСТЕЊЕ: Со овие техники вашите БЕЛИ ПАТИКИ секогаш ќе изгледаат како нови!

Ристе Здравков — Sun, 30 Apr 2023 17:40:48 +0000

Овој период од годината не може да помине без уникатните бели патики Ова се совети за чистење кои ќе ви помогнат секогаш да изгледаат како нови. Совет број еден: Многу е важно за кој модел на патики станува збор, па ако зборуваме за култните старки (Convers), тогаш сѐ што треба да направиме е да нанесеме малку сапун на четката за заби и кружни движења да триеме додека не исчезне нечистотијата. Совет број два: Растворете сода бикарбона во млака вода и тријте ја со кружни движења, а потоа оставете ја содата да отстои најмалку десет минути, а потоа исплакнете. Совет број три: Ако имате кожени патики, најдобро би било млекото за тело да го користите и со четка или крпа. Никогаш не користете грубо сунѓерче кога станува збор за овој тип на патики. Колку и да се валкани патиките, избегнувајте да ги перете во машина за перење. Експертите велат дека ова е најголемата грешка што ја прават луѓето, бидејќи ѓонот лесно може да се откачи. Совет број четири: Направете паста за чистење од сода бикарбона, вода и оцет. Истурете во еднакви количини, но внимавајте да има доволно сода за да се згусне пастата. Користете стара четка за заби и исчистете со неа доколку е потребно. Кога ќе завршите, задолжително исплакнете со топла вода и оставете да се исуши.

Супер трикови за одржување на БЕЛИ ПАТИКИ: Само пребришете ги со ОВА и ќе бидат како нови

Ристе Здравков — Fri, 17 Mar 2023 08:35:51 +0000

Белите патики се најубави и најпрактични, одат со се и на секому изгледаат убаво, но тешки се кога е одржувањето во прашање. Морате редовно да се грижите за нив и да ги чистите, а тоа е она што често не оддалечува од нив. Научете неколку трикови за да ги задржите засекогаш бели. 1. Никогаш не ги ставајте во машина за перење Белите патики не смеете да ги перете во машина за перење бидејќи може неповратно да се оштетат. А важно е дека не смеете да ги сушите во машината за сушење бидејќи така може да им се промени обликот. 2. Средства за чистење од кујната Оцетот е совршен за отстранување на дамки од белите патики. Потопете крпа во оцет и нежно истријте ги патиките, ќе видите дека веднаш блескаат. Идеално решение е и сода бикарбоната во комбинација со вода и оцет. Направете паста од овие три состојки и исчистете ги белите патики со четка за заби. 3. Бел лак Со ова можете брзо да ги отстраните гребаниците и малите дамки предизвикани од носење, не е идеално решение, но е ефикасно. 4. Шампон Ова е совршено решение против мрсните дамки доколку случајно ви се појават. Земете стара четка за заби и со шампон истријте го местото каде што е мрсното место. Ќе видите дека вашите патики ќе го вратат стариот сјај. Едно од важните правила доколку носите бели патики е никогаш да не ги оставате на сонце и да не користите силни избелувачи на гумениот ѓон, бидејќи тоа може да го оштети.

Девојките полудуваат по овие патики – Карлеуша без да се двоуми искешира 1.409 евра, од моделот нема да ви биде добро (ФОТО)

Дарко Андоновски — Fri, 10 Mar 2023 19:04:41 +0000

Поп-ѕвездата Јелена Карлеуша секогаш носи тренди парчиња на облека и обувки, а многу од нив успеала да ги набави меѓу првите. Овојпат, ЈК дефинитивно не можела да оддолее на розовите „Balenciaga“ патики по кои мечтаат многу девојки, а чија цена се 1.409 евра. Јелена се пофалила на Инстаграм, па објавила неколку снимки и фотографии, а на последната објава напишала: „Гасерка!“. Во српскиот јазик зборот „Гасери“ го користат за луѓе кои носат брендирана облека и имаат многу пари, а нешто што е „фалц“ не доаѓа во обиѕир кога е во прашање нивниот стил. Кога истиот збор или значењето на овој збор би се превело на македонски, кај нас соодветен би бил зборот „покондирена“. Погледнете ги патиките со кои се испофали ЈК:

ФОТО: Дизајнирани патики за коњи, почетната цена е вртоглава

Ивона Петрова — Mon, 31 Oct 2022 08:27:49 +0000

Маркус Флојд, уметник од Кентаки (САД), работи на развој на патики за коњи, како дел од соработката со „Визитлекс“ – туристичка агенција од Лексингтон. „Обувките“ ќе бидат продадени на аукција за собирање средства за добротворни цели, на 12-ти ноември. – Нивната иницијатива е да се подигне свеста во целата „кантри-џез“ држава, т.е. Кентаки како целина, објасни Флојд за Си-ен-ен. Во иднина, тој планира да донира 10 отсто од приходите од продажбата на обувките на околните непрофитни организации. Почетната цена на патиките за коњи е 1.200 долари.

МИЕЊЕТО НА ПАТИКИТЕ НИКОГАШ НЕ БИЛО ПОЛЕСНО! Само следете ги овие чекори!

Ристе Здравков — Wed, 19 Oct 2022 07:06:36 +0000

Рачното перење патики може да потрае долго, па не е невообичаено домаќинките да ги перат патиките во машина за перење. Доколку одлучите да ги перете во машина, ве советуваме прво да ја отстраните нечистотијата со четка Најдобар начин да одлучите како да ги перете вашите патики е врз основа на материјалот од кој се направени. Кожните и патиките од превртена кожа никако не треба да се перат во машина, бидејќи постои голем ризик да се оштетат при перење. Од друга страна, лесно можете да ги перете платнените и памучните патики во машина. Што треба да направите? Најпрво задолжително извадете ги врвките од двете патики, а по потреба извадете ги и влошките. Врвките од чевлите можете да ги ставите во торбичка за перење нежна облека. Пред да ги ставите патиките во машината за перење, отстранете ја нечистотијата, калта, лисјата и се останато со четка за чевли. После тоа, ставете ги патиките во машината за перење така што ќе ги ставите во навлака за перница или торба за чувствителни алишта. Никогаш немојте да ги перете патиките сами во машина бидејќи ќе се удираат во барабанот, туку секогаш додавајте две или три крпи. Полиестерските кеси секогаш ќе ги штитат вашите патики, па можете да ги ставите во нив за да се погрижите да не се оштетат. Ќе спречите и врвките да се изгубат во машината. Исто така, обавезно перете ги патиките на ниска температура, се препорачува тоа да се прави на 30 степени. По миењето, не ставајте ги во машина за сушење или во близина на извор на топлина, бидејќи може да се оштети лепилото што ги држи.

ФОТО: Пендаровски доби уникатни патики рачно нацртани од дизајнерот Грабулоски

Ивона Петрова — Thu, 22 Sep 2022 08:35:04 +0000

Македонскиот претседател Стево Пендаровски доби пар рачно нацртани уникатни патики од дизајнерот Сатја Грабулоски. Патиките од марката „најки“ се специјално изработени за Пендаровски, а на нив се нацртани Македониумот и претседателскиот грб. – Специјалните патики се дел од изложбата „Зад Македониумот“ што се отвори вчера попладне во претседателската палата, а на која ќе може да се видат скици, цртежи, фотографии и макети од личната колекција на Јордан и Искра Грабулоски, автори на еден од најпознатите споменични обележја во земјава, Македониумот во Крушево, соопштија денеска од Кабинетот на претседателот на државата. Во обраќање на отворањето, претседателот Пендаровски посочил дека благодарение на семејството Грабулоски, на Лира Грабул и Сатја Грабулoски, може да се видат интимните и детаљни творечки процеси, повеќеслојните наративи, визии, дилеми и перспективи кои се одвивале при уметничкото и архитектонско осмислување на „Македониумот“. – Споменикот на Илинден во Крушево, познат како Македониум, е несомнено најкомплексното и би се осмелил да кажам, најрепрезентативното скулптурално-архитектонско дело кое е возвишен израз на нашата современа уметност, култура и архитектура, нагласил меѓу другото претседателот Пендаровски. Изложбата во Кабинетот на претседателот се организира по повод одбележувањето 31 година независност на Македонија и преку неа се претставуваат значајните дела од богатата современа македонска културно-историска ризница. Изложбата „Зад Македониумот“ ќе биде отворена до 30 септември, а посетителите ќе може да ја видат со претходно закажување за влез во претседателската вила, преку платформата Отворен кабинет.

Исперете ги патиките во машина за алишта без да се оштетат: Следете ги овие ПЕТ чекори и ќе бидат како нови!

Ристе Здравков — Wed, 20 Jul 2022 05:59:32 +0000

Пред миење, дефинитивно треба да го погледнете начинот на одржување и да ја изберете најнежната можна програма за перење. Потребно е добро да се заштитат за да не се оштетат при миењето. Инструкции: 1. Ноќта пред миење, во секоја патика истурете по три лажици сода бикарбона и оставете ја да отстои до утрото. Кога ќе станете, отстранете ја содата. 2. Извадете ги врвките од чевлите и ставете ги во навлака за перница или торба за перење за да не се заплеткаат. Ставете ги во машината. Отстранете што е можно повеќе кал и нечистотија од патиките, со помош на четка за чистење. 3. Следно, додајте ги вашите патики на машината заедно со неколку валкани пешкири. Најдобро е од 4 до 6 пешкири. Тие ќе создадат рамнотежа и ќе спречат патиките да удираат во машината. 4. Користете течен детергент (ако чевлите се чувствителни, истурете течен сапун) и вклучете ја машината за ладно перење. Во зависност од машината, програмата треба да трае од 30 до 40 минути. 5. Извадете ги патиките од машината за перење и оставете ги да се исушат. Никогаш не ги ставајте чевлите во машина за сушење, бидејќи температурата може да го оштети лепилото.

ФОТО: Посебна серија патики за љубителите на Порше, позната е и цената

Ивона Петрова — Sat, 11 Jun 2022 12:28:39 +0000

Порше и Пума претставуваат лимитирана серија со која оддаваат почит на еден посебен модел. Porsche 911 Carrera RS 2.7 е премиерно претставено пред половина век. Кога е претставен, овој автомобил беше најбрзото германско возило, но и едно од најбрзите во светот. Постигнуваше брзина од 245 км/ч. А сега патиките Puma x Porsche Suede RS 2.7 се оние кои ќе го одбележат големиот јубилеј. Ќе бидат произведени 500 пара од секој модел, односно боја, баш како што Порше произведе 500 примероци од автомобилите. Во продажба ќе има 10 бои кои се идентични на автомобилите. Осум бои ќе бидат достапни за целиот свет, додека портокаловата е резервирана на холандскиот пазар, а црните за јапонскиот. Цената е околу 120 евра.