патна исправа – Kurir.mk

Приведен албански државјанин, употребил туѓа патна исправа

Ивана Ефремовски — Fri, 04 Aug 2023 08:33:32 +0000

На 03.08.2023 во 16:30 часот, полициски службеници од Одделот за сузбивање на организиран и сериозен криминал го лишиле од слобода В.А.(36) од Република Албанија, затоа што кај него била пронајдена македонска патна исправа на друго лице македонски државјанин. Лицето било задржано во Полициската станица Кисела Вода и по целосно документирање на случајот против него ќе биде поднесена соодветна пријава.

Патните исправи со скратена постапка и за македонската дијаспора во Чикаго

Ивона Петрова — Wed, 22 Dec 2021 07:31:18 +0000

Во Генералниот конзулат на Македонија во Чикаго, САД непречено тече мобилното издавање на патните исправи за нашите граѓани. Од тамошниот генерален конзулат посочуваат дека досега од околу 160 лица се земени податоци за нови биометриски патни исправи, а 60 од нив веќе ги добиле. Ова претставува позитивно изненадување за нашата дијаспора во САД, за што се изјасни и нашиот генерален конзул во Чикаго, Петрит Муслиу, информираат од Министерството за надворешни работи. -Конзулатот во Чикаго опфаќа 22 федерални единици во САД, што укажува на многубројната дијаспора што живее на оваа територија. Со новата опрема што ја имаме, пасошите ќе се подготвуваат многу побрзо отколку во минатото и заинтересираните страни ќе бидат позадоволни од оваа услуга, изјави Муслиу. За леснотијата и ефикасноста на целиот процес се изјаснија и наши тамошни граѓани. „Само што дојдов да го обновам пасошот кој ми е истечен. Целиот процес беше многу добар и завршив работа во рок од 30 минути, искуството беше многу пријатно и ја ценам нивната помош.” „Постапката беше брза, за помалку од половина час, а за четири недели ќе имам нов пасош.” „Бев тука на време, веднаш ме примија и завршив работа за половина час, така што секој треба да дојде во конзулатот во Чикаго.”

Сакал да го помине граничниот премин „Табановце“ со пасош од својот брат – полицијата веднаш го уапсила

Дарко Андоновски — Thu, 04 Nov 2021 10:52:14 +0000

На 04.11.2021 во 03.30 часот на Граничниот премин Табановце, поради основано сомнение за сторено кривично дело „послуга со туѓа патна исправа“, бил приведен Е.Б.(23) од Република Албанија. При пасошка контрола тој приложил патна исправа на име на неговиот брат Е.Б.(18). Тој бил предаден на полициски службеници од СВР Куманово за понатамошна постапка.

За овие граѓани нема да важи продолжената важност на пасошот, тие мора да го променат документот

Ивона Петрова — Wed, 16 Jun 2021 11:08:37 +0000

Министерството за внатрешни работи денеска објави дека патните исправи на граѓани чиј рок на важење е истечен по 31 јули 2020 година, истите ќе може да ги користат до 31 декември оваа година, откако МВР го продолжи нивниот рок. Сепак, да нема забуни ваквата одлука не важи за оние граѓани кои во меѓувреме имаат промена на личните податоци, појаснуваат од МВР за Курир. На пример, по склучување на брак граѓаните се должни да ги променат сите лични документи во законски предвидениот рок од 30 дена. Новата одлука на МВР не ги ослободува граѓаните со променети податоци и за нив не важи продолжениот рок на важност. За потсетување, МВР денеска соопшти дека измената на Законот за патни исправи е направена со цел да им се излезе во пресрет на потребите на голем број наши граѓаните кои поради пандемијата, рестриктивните мерки, карантините и другите отежнати услови, во нашава земја, но и надвор од неа, во дијаспората, беа спречени навремено да ги продолжат своите документи.

Важно соопштение од МВР: Истечените пасоши ќе важат до крајот на 2021 година

Ивона Петрова — Wed, 16 Jun 2021 09:28:08 +0000

Министерството за внатрешни работи објави важно соопштение за граѓаните со кое ги информира дека истечените пасоши ќе важат до крајот на оваа година. МВР ги известува граѓаните дека согласно Законот за изменување и дополнување на Законот за патните исправи на државјаните на Република Северна Македонија објавен во „Службен весник на Република Северна Македонија“ бр. 122/2021 на 03.06.2021 кој стапи на сила на 11.06.2021, а ќе отпочне со примена од 01.07.2021, важноста на пасошот, дипломатскиот пасош и службениот пасош, чиј рок на важење е истечен, односно истекува по 31 јули 2020 година, се продолжува до 31 декември 2021 година. Имено, измената на Законот за патни исправи е направена со цел да им се излезе во пресрет на потребите на голем број наши граѓаните кои поради пандемијата, рестриктивните мерки, карантините и другите отежнати услови, во нашава земја, но и надвор од неа, во дијаспората, беа спречени навремено да ги продолжат своите документи.

Приведен државјанин на Албанија – фалификувл патна исправа

Магдалена Андонова — Sun, 21 Mar 2021 12:30:25 +0000

На граничниот премин Деве Баир вчера при пасошка контролла е констатирано дека државјанин на Република Албанија извршил хемиски и механички корекции на патната исправа, соопшти денеска МВР. – Вчера во 13:00 часот на Граничниот премин Деве Баир, при пасошка контрола било констатирано дека на една страна од патната испарава на А.Ц.(32) од Република Албанија биле извршени хемиски и механички корекции. Поради сомнение за извршено кривично дело „фалсификување патна исправа“, лицето било лишено од слобода и предадено на полициски службеници од Полициска станица Крива Паланка за понатамошна постапка, се наведува во соопштението на Министерството.

Турчин приведен на влез во Македонија

Ивана Ефремовски — Mon, 03 Jun 2019 14:08:38 +0000

На 02.06.2019 година во 11:45 часoт на Граничниот премин „Деве Баир“, на влез во Македонија, поради постоење основи на сомнение за сторено кривично дело “фалсификување на исправа“ (зелена карта) бил приведен A.O.(40) од Р.Турција кој поседувал бугарска патна исправа и управувал патничко моторно возило „Мазда“ со турски национални ознаки. Лицето е задржано во Полициската станица Крива Паланка за понатамошна постапка.