патни правци – Kurir.mk

Врнежи од снег на неколку патни правци низ државата – еве каде

Дарко Андоновски — Thu, 16 Mar 2023 17:26:50 +0000

Врнежи од снег со слаб интензитет вечерва има на Попова Шапка, во Маврово и на планинските превои Стража, Ѓавато, Плетвар и Пресека, но во моментов не претставуваат пречка за одвивање на сообраќајот, информираат од Авто мото сојузот на Македонија. Интензитетот на сообраќај надвор од градските средини е умерен, а на граничните премини од македонска страна нема подолги задржувања за влез и излез од државата.

Магла на неколку патни правци низ државата

Тале Кристо — Sat, 31 Dec 2022 08:36:57 +0000

Магла утринава има на неколку патни правци низ државата поради што е намалена видливоста, соопшти Авто мото сојузот на Македонија. Од 10 до 20 метри видливоста е намалена на патните правци Битола – Прилеп и Македонски Брод – Кичево, од 40 до 50 метри на патниот правец Скопје – Тетово, од 80 – 100 метри на патот Кочани – Виница и Кочани – Македонска Каменица, од 50 до 100 метри на патните правци Скопје – Велес и Велес – Скопје и од 100 до 150 метри на патниот правец Куманово – Скопје. Интензитетот на сообраќај на патните правци надвор од градските средини е зголемен, а на граничните премини од македонска страна, нема подолги задржувања за влез и излез од државата.

Магла на неколку патни правци, можна е појава на поситни одрони

Дарко Андоновски — Fri, 30 Dec 2022 11:34:03 +0000

Намалена видливост поради појава на магла од 100 – 150 метри денеска има на патниот правец Крива Паланка – граничен премин Деве Баир и до 100 метри на планинските превои Пресека и Буково, информира ЈП „Македонијапат“. Сообраќајот на државните патишта се одвива непречено, по претежно суви коловози. На одредени патни правци кои поминуват низ клисури и усеци можна е појава на поситни одрони. ЈП „Македонијапат“ апелира на внимателно возење и прилагодување на брзината кон условите на патот. Додаваат дека нивните дежурни екипи се постојано на терен и ги одржуваат сите патни правци проодни. Сите подетални информации учесниците во сообраќајот можат да ги добијат на дежурниот телефон 02 25 61 502.

Возете внимателно: Намалена видливост поради магла на ОВИЕ патни правци

Ивана Ефремовски — Thu, 22 Dec 2022 17:34:53 +0000

Намалена видливост поради појава на магла од 30 – 50 метри вечерва има на патниот правец Скопје – Желино – Тетово – Гостивар, до 100 метри на патот Македонски Брод – Кичево и од 50 до 100м. на патниот правец Неготино – Демир Капија, информира АМСМ. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Умерен сообраќај на патните правци

Ивана Ефремовски — Wed, 07 Sep 2022 17:35:41 +0000

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. Автомото сојузот на Македонија (АМСМ) информира дека сообраќајот на државните патишта се одвива непречено, по суви коловози. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. Патниот правец Охрид – Ресен, преку националниот парк Галичица е отворен за сообраќај до 1 октомври 2022 за возила со вкупна маса до 3,5 тони. (МИА)

Укината забраната за сообраќај на неколку патни правци

Тале Кристо — Sat, 11 Dec 2021 17:46:37 +0000

Укината е забраната за сообраќај на тешки моторни возила на патниот правец Битола – Ресен преку планинскиот премин Ѓавато, информираат од АМСМ. Отворен за сообраќај е и регионалниот пат Дебар-Маврово. Исто така, укината е забраната за патниот правец Струга – Ќафасан и сообраќајот е нормализиран. Во 15:25 е укината забраната за движење на тешки товарни возила на планинскиот премин Стража, а потоа е отворен за сообраќај патниот правец Кичево – Охрид, на планинскиот премин Пресека. Забраните беа воведени поради врнежи од снег на повеќе места низ земјава. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.

Можна појава на поситни одрони на одредени патни правци

Ивана Ефремовски — Sat, 20 Feb 2021 11:13:58 +0000

Сообраќајот на државните патишта се одвива непречено по наместа влажни коловози. Можна е појава на поситни одрони на одредени патни правци кои поминуваат низ клисури и усеци. ЈП Македонија пат апелира на внимателно возење и прилагодување на брзината спрема условите на патот. Дежурните екипи на ЈП Македонијапат се постојано на терен и ги одржуваат сите патни правци проодни.

Намалена видливост поради магла на неколку патни правци

Тале Кристо — Tue, 10 Dec 2019 18:08:05 +0000

Поради магла попладнево намалена видливост има на неколку патни правци. Според информациите од Авто мото сојузот на Македонија, на патниот правец Тетово- Попова Шапка видливоста е намалена од 10 до 20 метри, на Стража од 50 до 80 метри, а на Ѓавато, Плетвар и Пресека до 100 метри. На останатите патишта низ државата сообраќајот се одвива по наместа влажни коловози.

Сообраќајот на патиштата по суви коловози, еве каде има работи на патот

Катерина Бојаџиева — Thu, 20 Sep 2018 06:43:00 +0000

СОСТОЈБА: Сообраќајот на државните патишта се одвива по суви коловози. ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата. ВНИМАТЕЛНО: АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково. РАБОТИ НА ПАТ: Од среда 12.09.2018 во наредните 10 дена ЈП Македонијапат ќе изведува градежни работи (машинско асфалтирање,надоградба на постоечката подлога на коловозот) на регионалениот пат Р-1206 од с.Сарај до клучката кај с. Бојане. На местото на изведување на градежните работи ќе биде поставена соодветна сообраќајна сигнализација како и физичко обезбедување со знаменца, а сообраќајот ќе се одвива наизменично во двата правци. Илинден АД Струга известува дека од 25.08.2018 година, поради рехабилитација на битолската обиколница, на потегот од бензинската ЛукОил, на влез од Битола, до с. Крклино, сообраќајот ќе биде во прекин се до завршување на градежните работи. Истиот ќе се пренасочува преку градот Битола. Виадукт Трејд Дооел - Гостивар известува дека од понеделник, 20.08.2018 година, ќе се изведуваат градежни активности - Рехабилитација на обиколка на Скопје (клучка Стајковци - клучка Мирковци) возна и брза лента, во времетраење од шест месеци. Илинден АД Струга известува дека согласно Одобрението за времена измена на режим на сообраќај, на магистралниот пат А2, делница Кичево - Охрид (Мала Река – Славеј Планина) од 10.08.2018 воведе времена измена на сообраќајот, со девијации (преминување од една коловозна лента во друга) за што е поставена соодветна сообраќајна сигнализација. Измената ќе трае до завршување на градежните работи. Виадукт Трејд - Гостивар ќе изведуваат градежни активности за изградба на пешачка патека на потег Петровец - Р'жаничино, дел од регионален пат Р - 1102, Општина Петровец, Скопје во времетраење од деведесет дена почнувајќи од вторник (26.06.2018). Друштвото АСФАЛТ ДООЕЛ СКОПЈЕ известува дека поради изведување на градежни работи за изградба на електронски систем за наплата на наплатна станица Гевгелија во периодот од 21.06.2018 г. до 18.10.2018 г. на магистралниот пат А1, делница Демир Капија - Гевгелија, наплатна станица Гевгелија и обратно воведена е времена измена на режим на сообраќајот и поставена е соодветна сообраќајна сигнализација на оваа делница. Измената ќе трае до завршување на градежните работи и возачите се предупредуваат да пристапуваат внимателно. Oд 21.05.2018 година, започна изградбата на Експрес пат А4, Штип- Радовиш, на следниот потег: клучка Штип југ (Софилари)- Бучим (км 5+000 до км 28+560) согласно Договор бр. 001-ЕБРД/17. Ги молиме сите учесници во сообраќајот за внимателно движење на овој потег, прилагодување на брзината и почитување на поставената времена сообраќајна сигнализација поради започнувањето и преземањето на градежни активности. По изминување на зимската сезона за одржување продолжуваат градежните работи за рехабилитација на државниот пат А2 делница од Гостивар ( мост кај село Здуње ) до село Колари, како и санација на мостовите на истата делница во должина од 28,5 км. Истовремено се изведуваат градежни работи на санација на мостовите на истиот државен пат. Во моментот се изведуваат градежни работи на мост Атанасова Река во должина од 110 м1. Сообраќајот се одвива по една сообраќајна лента и истиот е регулиран со семафори. Вкупното времетраење на рехабилитацијата на сообраќајницата и мостовите е предвидено да трае 15 месеци односно завршувањето на градежните активности барем во овој момент е предвидено да завршат 2018 година во месец септември. ДГ Бетон АД Скопје известува дека од 21.02.2018 ќе се започне со градежни активности за Рехабилитација на државниот пат Р1102, делница од Петровец до Катланово, во делот од натпатникот Коњари кон Катланово (стариот пат). За таа потреба, ќе биде воведена времена измена на режимот на сообраќајот и поставена соодветна сообраќајна сигнализација на истата делница. ГП ИЛИНДЕН - Струга известува дека од 30.01.2018 год. на регионалниот патен правец Р - 1301 од Билјанини извори – населба Коњско ќе започне измената на режимот на сообраќај поради изведување на градежни работи на пат. На местата на градежните работи ќе биде поставена вертикална и хоризонтална сигнализација. Од 15.11.2017 година започнаа градежни активности за изградба на клучката Ванчо Прќе на експресен пат А3, делница од Пробиштип до с. Крупиште на регионалниот пат P1205. За таа потреба воведена е времена измена на режим на сообраќајот и поставена е соодветна сообраќајна сигнализација на оваа делница. Илинден АД Струга известува дека согласно Одобрението за времена измена на режим на сообраќај, на магистралниот пат А2, делница Кичево - Охрид (Пресека – Песочани) на две точки на овој потег, од 2+397км до 3+910км, и од 7+060 км до 11+498 км, од 20.09.2017 е воведена времена измена на сообраќајот со девијации (преминување од една коловозна лента во друга) за што е поставена соодветна сообраќајна сигнализација. Измената ќе трае до завршување на градежните работи. На патниот правец Демир Капија - Неготино , на делот од Неготино до м.в.Острово, сообраќајот се одвива по дел од новиот автопат во должина од 4 км. По овој дел сообраќајот пак се враќа на магистралниот пат Р103. Друштвото „Бетон АД Скопје“ извести дека од 20.10.2017 год. започнaa градежни активности - реконструкција и рехабилитација на државниот пат А2 делница Сарај – Групчин. За таа потреба, ќе биде воведена времена измена на режим на сообраќајот. На магистралниот пат А2 патен правец Кичево – Охрид (Пресека – Песочан ) од 3+300 км до 5+600 км од 21.12.2017 воведена е времена измена на сообраќај со девијации (преминување од една коловозна лента во друга) за што е поставена соодветна сообраќајна сигнализација. ВНИМАТЕЛНО: На патниот правец Р 1308 Макази - г.п. Маркова Нога поради свлечиште кај м.в. Долги Рид сообраќајот се одвива по една коловозна лента во должина од 150 метри. На самото место поставена е соодветна сообраќајна сигнализација.

Внимавајте: Магла и дожд на неколку патни правци

Тале Кристо — Wed, 17 Jan 2018 08:10:14 +0000

Намалена видливост од 100 до 150 метри поради магла има на патните правци Тетово, Гостивар, Сарамзалино, Велес, Неготино, Гевгелија, Крива Паланка и Страцин, а дожд врне во Кичево и Железнец. На останатите патни правци низ државата сообраќајот се одвива по наместа влажни коловози. На граничните премини нема подолги задржувања за влез и излез од државата