патнички авион – Kurir.mk

ВИДЕО: Патнички авион се урна во езеро, спасувачка операција во тек

Ивона Петрова — Sun, 06 Nov 2022 09:43:01 +0000

Авион на комерцијален лет на танзаниската компанија „Precision Air“ се урна во езерото Викторија во Танзанија. Од компанијата истакнуваат дека во тек е спасувачка акција. Портпаролот на авиокомпанијата за Си-Ен-Ен изјавил дека авионот се урнал во најфолемото африканско езеро во близина на аеродромот Букоба. Засега не е објавено колку патници имало во авионот. Претседателт на Танзанија повика на смиреност додека спасувачите се на лице место. -Со тага ја примив веста за падот на авионот. Упатувам сочувство со сите кои се погодени со овој инцидент. Да бидеме мирни додека спасувањето е во тек и да се молиме на Бог да ни помогне, напиша Самоа Сулуху.

Precision Air flight plunges into Lake Victoria when landing at Bukoba Airport in Tanzania, authorities say rescue operations underway
🎥: Courtesy pic.twitter.com/WJLYfGeVjw — Citizen TV Kenya (@citizentvkenya) November 6, 2022

Исчезна патнички авион со 22 луѓе во Непал

Тале Кристо — Sun, 29 May 2022 08:49:47 +0000

Катманду, 29 мај 2022 (МИА) – Авион на приватна компанија со 22 лица исчезна денеска во Непал, соопштија претставници на авиокомпанијата и владата. Малиот авион летал од туристичкиот град Похара, на околу 200 километри северозападно од главниот град Катманду, до Џомсам, на околу 80 километри северозападно. Официјален претставник на авиокомпанијата рече дека четворица патници се од Индија и дека има уште двајца странци чија националност се уште не е позната.

Украл патнички авион во Италија и поминал низ неколку зони на забранети летови, бил пресретнат од француски ловец

Ивона Петрова — Thu, 31 Mar 2022 08:48:42 +0000

Француски ловец „Мираж 2000“ пресретнал патнички авион украден во Италија околу 10:40 часот во средата наутро. Како што јавува Европа 1, пилотот на украдениот авион тврди дека е од словачка националност и дека за време на летот прелетал над Ница и Тулон. Поради инцидентот, привремено е затворен авиосообраќајот во тој дел на францускиот Медитеран. Станува збор за инцидент кој ги стави во „погон“ новите француски воздухопловни сили од воената база Оранж. Пилотите на воените авиони го принудиле патничкиот авион итно да слета на пистата на аеродромот Екс-Лес Милс. Пилотот го летал украдениот авион на мала височина и без план за летање и радио врска. Човекот не пружил отпор и ги послушал наредбите на француските војници. Пред да влезе во францускиот воздушен простор, авионот помина низ неколку зони на забранети летови – поморската база во Тулон, која е домашно пристаниште на француските подморници за нуклеарни напади и аеродромот во Ница – Азурниот брег. Затоа властите го затворија воздушниот простор над Ница на околу 30 минути.

Романски борбени авиони следеле патнички авион на лет од Москва кон Истанбул по дојава за бомба

Ивона Петрова — Wed, 23 Mar 2022 06:58:50 +0000

Романски борбени авиони следеле патнички авион на лет од Москва кон Истанбул во воздушниот простор на таа земја, откако била примена дојава за бомба во авионот, соопшти прес-службата на романското Министерство за одбрана. „Романските воздухопловни сили денеска извршија нова мисија во националниот воздушен простор за пресретнување и придружба на цивилен авион на ‘Туркиш ерлајнс’ што леташе од Москва до Истанбул. Пред тоа, од цивилната контрола на летање е добиена дојава дека во авионот е поставена бомба“, се вели во пораката објавена на Фејсбук страницата на романското Министерство за одбрана. Министерството појасни дека воените авиони го следеле цивилното летало во согласност со важечките закони и процедури додека авионот го напуштил воздушниот простор на Романија.

Се урна патнички авион близу Џакарта, најмалку 50 загинати

Тале Кристо — Sat, 09 Jan 2021 11:51:35 +0000

Повеќе од 50 патници загинаа во авионска несреќа близу Џакарта, јавија локалните медиуми. Авион на авиокомпанијата Сривиџава ер се урна неколку минути по полетувањето од аеродромот во Џакарта. Авионот се урнал од висина од околу три километри за помалку од една минута. Станува збор за авион Боинг 737-500, а властите најавија дополнителни информации за несреќата.

Патнички авион излета од писта на аеродромот во Истанбул

Тале Кристо — Tue, 07 Jan 2020 09:07:47 +0000

Патнички авион се излета од писта на аеродромот во Истанбул рано утрово, по што аеродромот беше привремено затворен. Боинг 737-800 на лет од Обединетите Арапски Емирати, во сопственост на нискобуџетската турска компанија „Пегаз“, излета од пистата додека слетуваше на истанбулскиот аеродром „Сабиха Гокчен“. Патниците беа евакуирани по итна постапка. Кабинетот на градоначалникот на Истанбул соопшти дека нема жртви или повредени и 164 патници се безбедни.

Копилот во патнички авион починал за време на лет

Дарко Андоновски — Sun, 24 Nov 2019 10:09:21 +0000

Патнички авион денеска принудно слета на аеродромот во Ростов на Дон, на југот од Русија, откако за време на летот му се слошило на копилотот, кој потоа и починал за време на слетувањето, информира регионалната итна служба. „Авионот полетал од московскиот аеродром Шереметјево, а околу 10 часот по локално време му се слошило на вториот пилот. Веднаш било побарано принудно слетување, а копилотот (49) починал во текот на слетувањето, наведе службата за руската агенција Тасс. Авионот на компанијата „Аерофлот“ летал од Москва за Анапа, а руските власти отворила истрага за инцидентот.