патнички воз – Kurir.mk

Патничкиот воз од Скопје до Битола патувал 10 часа

Ивона Петрова — Mon, 21 Nov 2022 10:20:30 +0000

Патничкиот воз кој од Скопје вчера попладне тргнал во 14.30 часот во Битола пристигна синоќа 30 минути по полноќ. Патувал цели 10 часа бидејќи бил запрен на железничката станица во Богомила. Како што информираа за МИА од велешката Железничка станица, причина била расипана локомотива на товарен воз во близина на село Слепче, поради што пругата била блокирана. Расипаната локомотива била повлечена од друга во 21.50 часот, кога и патничиот воз од Богомила продолжил кон Битола. Патниците од преполниот патнички воз со три вагони, вчера реагираа на социјалните мрежи поради долгото чекање на станицата во Богомила.

Патнички воз кој тргнал од Скопје за Кочани излетал од шини

Магдалена Андонова — Tue, 09 Feb 2021 12:24:46 +0000

Несреќата се случила околу 17.30 чaсот во делот на Овче Поле. Од Македонски железници АД транспорт потврдуваат дека воз излетал од шините и се работи на санирање на шетата. Поради излетувањето на патничкиот вагон, железничкиот сообраќај од и кон Кочани од вчера попладне е во прекин.

Патнички воз излета од шини и удри во метален столб

Магдалена Андонова — Thu, 23 Jul 2020 10:18:13 +0000

На 22.07.2020 околу 08.25 часот било пријавено дека на влез на Железничка станица „Јане Сандански“ во Скопје, патнички воз, кој сообраќал на релација Кочани-Скопје, со предните тркала од локомотивата излегол од шините, по што удрил во метален столб. Во незгодата нема повредени лица, а увид извршила увидна екипа од СВР Скопје.

Патнички воз удрил во стадо овци овци

Дарко Андоновски — Wed, 31 Jul 2019 13:12:17 +0000

Патничкиот воз кој сообраќал на релација Кичево–Скопје, вчера по тргнувањето од стојалиште „Сарај“ удрил во стадо овци, при што се усмртени осум овцеи, нема повредени лица. МВР денеска информира дека вчера во 07,15 часот било пријавено дека патничкиот воз кој сообраќал на релација Кичево–Скопје, управуван од машиновозачот Л.Р.(55) од Скопје, по тргнување на возот од стојалиште „Сарај“ во правец кон железничка станица „Ѓорче Петров“ на отворена пруга пред влезниот сигнал удрил во стадо овци. Биле усмртени осум овци, повредени лица и оштетување на возот нема.