патнички возила – Kurir.mk

МВР: 7 патнички возила вршеле меѓународен превоз на патници без соодветна документација, изречени соодветни санкции

Ивона Петрова — Fri, 30 Sep 2022 10:55:48 +0000

На 29.09.2022, од страна на полициски службеници од Полициската станица за Граничен премин Табановце било констатирано непочитување на законите кај седум патнички возила, кои вршеле меѓународен превоз на патници. -При контрола на седумте возила, сите скопски регистарски ознаки, управувани од Б.Т.(35), К.Ѓ.(65), А.Г.(59), И.В.(39), С.Д.(45), Љ.И.(55) и С.И.(52), сите од Скопје, било констатирано дека вршеле меѓународен превоз на патници без поседување на соодветна документација – лиценца за вршење меѓународен превоз на патници, информира МВР. Од страна на Државниот инспекторат за транспорт изречени се соодветни санкции за возачите и возилата.

Пет возила изгореа во пожар во Скопје

Ивана Ефремовски — Tue, 27 Sep 2022 20:53:04 +0000

На 27.09.2022 во 03:55 часот во СВР Скопје било пријавено дека настанал пожар на пет патнички возила, од кои четири паркирани на ул.„Гоце Стојчевски“ и едно паркирано на ул.„Лазо Москов“, и тоа „фолксваген голф“, „рено меган“, „рено твинго“, „ауди“, сите со скопски регистарски ознаки и патничко возило „мерцедес“ со англиска национална ознака. Пожарот бил изгаснат од екипа на Бригадата за противпожарна заштита Скопје, а повредени лица нема. Увид бил извршен.

Судир на две патнички возила кај Длабочица, сообраќајот на патот Куманово-Крива Паланка-Деве Баир во целосен прекин

Тале Кристо — Mon, 18 Jan 2021 21:21:29 +0000

Две патнички возила се судрија вечерва во атарот на селото Длабочица, кривопаланечко, поради што сообраќајот на патот Куманово – Крива Паланка- Деве Баир е целосно во прекин. Од Секторот за внатрешни работи Куманово информираат дека сообраќајната несреќа се случила околу 20:20 часот, а сообраќајот на магистралниот пат Куманово- Крива Паланка – Деве Баир е во прекин од 20:30 минути. Оттаму засега потврдија дека станува збор за две патнички возила, а увидот од страна на екипите на Министерството за внатрешни работи сѐуште трае. Детали за несреќата од МВР најавуваат по завршувањето на увидот.

Пронајдена дрога во Охрид при преглед на две различни патнички возила

Магдалена Андонова — Tue, 18 Aug 2020 14:04:59 +0000

На 18.08.2020 во 02.45 часот на ул.„Абас Емин“ во Охрид, при преглед во патничко возило „цитроен берлинго“, сопственост на А.Џ.(48) од Охрид, полициски службеници пронајдоа и одзедоа три ќеси со марихуана. Дополнително, во близина на неговиот дом на истата улица, информираа денеска од МВР, се пронајдени шише со течност и марихуана. А.Џ. е лишен од слобода и против него ќе биде поднесена соодветна пријава. Наредниот ден, на 17.08.2020 во 17.20 часот, на бул.„Железничка“ во Охрид, повторно при преглед на патничко возило, овој пат „ренџ ровер“, со скопски регистарски ознаки, управуван од З.П.(22) од Скопје, полициски службеници пронајдоа и одзедоа ќесе со марихуана. Возачот и сопатникот М.Р.(19) од Охрид се приведени во СВР Охрид и по целосно документирање на настанот, ќе биде поднесена соодветна пријава.